اقتران #القمر  باورانوس في برج #الثور  هيخلي دماغنا شغالة كويس اوي وممكن تتفاجؤوا بافكاركم ودماغكم تنور كده بافكار وتعليقات مبتكرة وذكية 

الزاوية دي قوية جدا ممكن تخلي فلاش باك يرجعلكم تفتكروا حاجات ناسيينها تلاقوا حاجات ضايعة منكم ..فلوس هتيجي لناس منكم من غير مناسبة... مفاجئات غير متوقعة.. حدس قوي 

الشمس مقترنة بعطارد ومع تأثير القمر الجديد يصلح للبدايات الجديدة.. مناسب تعبروا عن نفسكم بالكتابة كويس.. مناسب جدا للكتاب والصحفيين يبدعوا ويطلعوا بأفكار جديدة..

وقت مناسب لتصليح اعطال العربيات والموبيلات

  وقت مناسب  لبيع وشرا العقارات 

ممكن يكون الام العظام زايدة شوية تحديدا الرقبة والاكتاف

مش مناسب لأي عمليات جراحية

 

#الشمس بقي غير انها مقترنة بعطارد كوكب التفكير والتواصل مقترنة بكويكب #كيرون اللي بتسميه في الفلك الجراح العظيم.. ليه بقي لانه بيعبر في الخريطة الفلكية عن عقدنا النفسية الدفينة واللي لو عرفناها وعالجناها حياتنا ونفسيتنا هتتغير لنسخة افضل... طيب الاقتران ده مفيد ازاي لينا

ناس كتير هيحصلها تقليب في ذكريات الطفولة تحديدا وفجأة هيسترجعوا ذكري حزينة ويقفوا قصادها كتير وممكن تفسر لهم سبب مشكلة او عقدة بيعانوا منها.. الاقتران ده بيساعد جدا ع التشافي بالكتابة.. يعني جربوا اكتبوا في ورقة انكم تعافيتوا او تخلصتوا من حاجة عايزين تغيروها في نفسكم.... او تفضفضوا مع نفسكم بالكتابة هتتفاجؤوا بالنتيجة والله.. 

 

وزي كل بوست دي طاقة عامة بتأثر ع الكل بشكل متفاوت حسب مواقع الكواكب في خريطتك الفلكية 

 

#نشرة_اخبار_الكواكب