القمر في #برج #الحمل الطاقة بتكون مندفعة وعندنا رغبة نعمل حاجات كتير ونبدا امور كتير ودماغنا تبقي شبه الخلاط من كتر الافكار اللي بتجيلنا لدرجة اننا مش هنقدر نركز او ننفذ حاجة منها وده بسبب وجود عطارد في القوس.
الطاقة الفترة دي ولحد اسبوع كمان فيها حدة وتوتر وده طبيعي جدا مع وجود اغلب الكواكب في مواجهة المريخ
بيزيد العصبية والاندفاع والقرارت المتهورة فتجنبوا اي قرار او حتي مواجهة او جدال لنص ديسمبر لحد مايخرج عطارد والزهرة من #القوس
مش مناسب الفترة دي قص الشعر ولا اي عملية تجميلية ولو بسيطة
مش مناسب لشراء اي شئ غالي او لشرا موبايل او عربية ..استنوا لحد دخول عطارد #الجدي هيكون افضل بكتير
اكتر شئ هتلاحظوا الفترة دي واللي بدات فعليا من اسبوعين هي سهولة كشف الكدب وان الناس بتكدب بغباء واضح وانعدام تركيز في كل الامور
رغم ان الفترة دي هتحسوا برغبة كبيرة في الاكل لكن هتحسوا برضه ان عندكم نشاط اكتر تقدروا تستغلوه تلعبوا رياضة او تروحوا جيم لكن الدايت مش هيبقي افضل وقت ليه
المشتري مقترن بنبتون ركزوا مع احلامكم والاشارات اللي بتجيلكم بالصدفة وكتير هيجيلهم اخبار عن ناس ظلمتهم وهيحسوا انها اشارة ليهم او ان حقهم رجعلهم
فترة كتير بيتعرضوا فيها لحوادث او مشاكل وبينجوا منها في اخر لحظة بشكل غير طبيعي وهيحسوا انها حماية ربانية وده بسبب تسديس المشتري للمشتري وبلوتو برضه بتجيب مكافات حلوة ع امور اشتغلتوا عليها السنة اللي فاتت واول السنة ونسيتوها او مخدتوش نتيجتها في وقتها
المشتري قران نبتون وده مستمر لنهاية الشهر ع اد ماهي زاوية حلوة وسعيدة لكنها للاسف بتزود حالات الانتحار تحديدا بالادوية او المواد السامة وادمان #المخدرات وبنسمع عن حوادث بسببها وبرضه بتزود استخدامنا للادوية فياريت تخلوا بالكم من ده خاصة ان قرح المعدة هتكون نشطة جدا
النهاردة ولحد بكرة مش افضل وقت لجراحات ولا خلع الاسنان وبيزيد الصداع واللي عندهم ضغط عالي يخلوا بالهم لان رغبتهم في الاكل المالح بتزيد
2
-2
