#احساس الخمول والكسل والتأخير وعدم التركيز والتشويش مكملة معانا 

 

خلي بالكم ع فلوسكم علشان وارد يضيع منكم فلوس او تنسوا مكانها  

 

اقتران #القمر بزحل طاقة تقيلة ع المشاعر بتحسسنا بجدية في تعاملاتنا وتصرفاتنا ورغم ده هي طاقة مفيدة جدا لحسم الامور اللي كنا بنتدلع نحسمها بسبب مشاعرنا وعواطفنا 

رغم وجود #القمر في #الدلو لكن هنميل النهاردة للعزلة اكتر وعدم التواصل الا للضرورة وهنحس بعدم رغبة في الكلام كتير 

وارد رجوع اصحاب من الماضي او عتاب برضه مع الاصدقاء لامور قديمة 

 

بيكتر الجدال والانتقادات وميل واضح للدخول في مناقشات  جدلية حاولوا تتجنبوه لان غالبا هيكون الردود غبية والرؤية مشوشة  والجدال للجدال فتضييع وقت ع الفاضي 

وارد حدوث مشاكل بسبب سوء الفهم او الكدب او الاشاعات فخلوا بالكم

راجعوا كل معاملتكم المادية وفواتيركم اكتر من مرة الاغلاط واردة جدا في الحسابات

خلي بالكم ع صوركم و حساباتكم الشخصية محادثتكم مع الاخرين والرسايل الخاصة تجنبوا تبعتوا حاجة لحد تندموا عليها

بيزيد الانفصالات العاطفية او الابتعاد المفاجئ الفترة دي "والنيعمة انتوا اللي كسبانين"

ناس بتفكر تسيب شغلها او ناس تانية بتتعرض للفصل بشكل مفاجئ "طولوا بالكم"

خلي بالكم وانتوا سايقين الزوايا دي دليل كثرة حوادث و انا حذرت منها كتير الاسبوع اللي فات ومستمرة لاخر الشهر 

رغم الطاقة التقيلة دي لكن اقتران #الزهرة و #المشتري و #نبتون في #الحوت يظل طاقة روحانية قوية جدا فاهربوا من #الطاقة التقيلة دي بالدعاء و القران وكل الكلام المقدس في كتبكم وعقيدكم خاصة مع وجود زاوية سعيدة بين #القمر وكايرون هتسهل امور التشافي النفسي والروحي من جراح و الالام الماضي

وزي كل نشرة دي طاقة عامة بتاثر ع الكل بشكل متفاوت ايا كان برجك

#نشرة_اخبار_الكواكب

#قمر847