#القمر في #العقرب لا يصلح لبداية اي شئ جديد ..مناسب للتامل لانك تكمل اللي بتعمله لكن مينفعش تبدا فيه شئ جديد ولا يصلح لاي اجراء جراحي ولا حتي مشوار دكتور الاسنان  

وقت مناسب جدا للتشافي من مشاكلكم النفسية خاصة ان عقد الطفولة وتجاربكم القديمة تحسوا انها كلها خرجت من تحت الارض تطلعلكم لسانها كلها فجاة بس زي ماقلتلكم دي فرصة كبيرة تخلصوا منها علشان توصلوا لنسختكم الاقوي

من وقت #اكتمال_القمر دايما بتظهر حقايق كانت مخفية عنك..العلاقات العابرة بتنتهي ..اي شئ بداته وتعبت عليه في بداية الشهر الهجري بتلاقي مردود منه دلوقت وده اللي بيخليها احيانا ايام تقيلة ع البعض

 

لسه #الطاقة تقيلة شوية لخبطة الاحلام والارق والتقلب المزاجي والاحساس بالكسل والرغبة في الانعزال وتقليب ذكريات الماضي مكملة معانا شوية النهاردة

#القمر عامل تثليث مع #المشتري و #نبتون طاقة روحانية قوية جداااااا ممكن يجي ع بالكم ناس فجأة ..تكلم حد تلاقيه يقولك انا كنت بفكر فيك او هكلمك..تفكر في حاجة تلاقيها قصادك..قوة جذب سحرية وتخاطر عالي جدا استغلوه بشكل ايجابي  في تخيل احلامكم بتتحقق واحذروا تماما اي تخيل لاي فكرة او سيناريو سلبي واللي في ناس بعيد عنهم تخيلوا انهم بيكلموكم او بتصالحوهم "جربوا مش هتحسروا حاجة" :) 

#القمر في معارضة #اورانوس و #عطارد وارد جدا يحصل اعطال في الاجهزة الكهربائية والالكترونية اوالانترنت...الزاوية دي بتنشط فيها حوادث الكهربا و #حوادث الطرق 

وارد برضه حدوث انفصالات عاطفية  بدون سبب او مبرر او اسباب غير حقيقة

يوم مش مناسب تعبروا عن مشاعركم لحد عن طريق رسايل الشات او مكالمات الفون وارد متعبروش صح اوي  و راجعوا ايملاتكم ورسايلكم  كويس قبل ماتبعتوها علشان #الاخطاء_لاملائية او التعبيرات الغلط واردة 

 

عندكم رغبة في التمرد ولو بمجرد التفكير ع اي وضع سلبي في حياتكم او انكم تغيروا حياتكم بأي شكل

#القمر النهاردة تربيع زحل بنحس اننا مقيدين وعندنا مشاعر وكلام كتير عايزين ننفجر بيه في وش اي حد الزاوية دي هتحسسنا بضغط نفسي شوية وبتزود رغبتنا في العزلة  واحيانا انكم تبكوا من غير سبب لاننا بنحس اننا مش عارفين نعمل اللي عايزينه او ان رغباتنا بتقابل حيطة سد ..وارد ظهور مشاكل صحية مفاجئة تحديدا في #المعدة

#القمر معارضة راهو  واورانوس في #الثور وده عادة بيكون له اثر ع الاحداث العالمية و الاقتصادية بشكل سلبي وربما احداث عنف 

وزي كل نشرة دي طاقة عامة تأثر ع الجميع بشكل متفاوت وملهاش اي علاقة ببرجك

#نشرة_اخبار_الكواكب