#القمر في #الثور بيحب الانتخة شوية والكسل والدلع وبيفتح نفسنا للاكل والشرا والاتنين بيزعلوا والله لكن النهاردة الطاقة غلسة شوية لان #القمر تربيع #زحل ورغم ان بداية الشهر الهجري بتصلح لبداية اي شئ جديد لكن منصحش بده النهاردة  بس هيخفف من الزاوية الكئيبة دي اللي بتقلب ذكرياتنا وتحطنا في مود كئيب دخول #عطارد الجوزاء اللي هيخليكم متركزوش ع موضوع واحد كتير ويقلب مودكم من سخن لبارد زي السخان البايظ

 

النهاردة  زي ماقلنا #عطارد الكوكب المسؤول عن تفكيرنا وتواصلنا وتنقلاتنا دخل برج الجوزاء بيته اللي بيحكمه هو وبرج العذراء يعني بيرجع لنا رغبتنا في التواصل والكلام..بينشط فيه السفر بين المحافظات او المدن..بيزيد رغبتنا في اننا نعرف او نقرا حاجات جديدة بس بنظام الاوبن بوفيه مبنستقرش ع حاجة بنتنقل من حاجة لحاجة بسرعة وبتزيد فيه العلاقات الطياري "اخد بالك انت ياكابتن وياانسة" وبينشط فيه  اليحد ما حركة البيع والشرا

 

بتزيد برضه جو الاشاعات والنميمة والرغي بالساعات في الشات والتليفون بعد حالة من الركود طول الشهر اللي فات بس احذروا تماما محادثتكم وصوركم الشخصية لان عطارد هيتراجع من اول 10 مايو لحد 3 يونيو ودي بتعمل مشاكل كتير هنسيبها لوقتها

المهم ان لحد 10 مايو ده احسن وقت تشتروا فيه #موبيلات جديدة او #عربيات وتسافروا وتصالحوا فيه اخواتكم اللي زعلانين معاهم وهينشط عموما التواصل بينكم

النهاردة كمان بدا #بلوتو تراجعه السنوي اللي هيستمر6 شهور وتراجع بلوتو واحد من اهم الاحداث الفلكية وعلشان كده هكتبلكم عنه في بوست لوحده

بعد انتهاء تربيع #عطارد وزحل الزاوية التقيلة اللي كانت مستمرة من نص #رمضان وزودت الاكتئاب و حوادث الطرق واعطال الموبيلات وبطئ النت الامور هتبدا تضبط ده غير مشاكل صحية كتير اللي كانت خاصة بدور البرد والتهاب الحلق ووجع العضم هتتحسن  تدريجيا من النهاردة ان شاء الله

يوم يصلح لقص الشعر والعناية بيه

لا يصلح لاي اجراء جراحي او للحجامة

وزي كل نشرة دي طاقة عامة بتأثر ع الكل بشكل متفاوت ملهاش علاقة ببرجك

#نشرة_اخبار_الكواكب