المريخ كوكب نحيس

#القمر دخل #برج _الجوزاء ولمدة يومين ونص وبعدها بساعات #المريخ هيخرج اخيرا من بيت نحسه في #الثور وهيدخل لبرج #الجوزاء اللي هيفضل فيه لحد مارس 2023 هيبدا بحركته المتقدمة عادي ومن #اكتوبر هيبدا التراجع

مبدئيا لازم تفهموا ان المريخ كوكب نحيس بس مش معني كده ان دخوله اي #برج ميجيبش الا المشاكل هو دلوقت هيدخل الجوزاء المثلثة الهوائية وبما ان المريخ نار والجوزاء هوا فهما الي حد ما اصحاب وافضل بكتير من المريخ في #الثور اللي جاب لنا عنف وحرايق وكسل واضح وضعف في طاقتنا ع مدي ال40 يوم اللي فاتوا

تاثير دخول المريخ للجوزاء طبعا هيبقي ع كل #الابراج مش الجوزائيين بس 

هتنشط حركة السفر والتنقلات والخروجات بشكل واضح بعد كسل وملل لفترة طويلة

بيزيد التواصل و الكلام والرغي وبتكون فترة شهرة مفاجئة للبعض من خلال مواقع التواصل الاجتماعي او وسايل الاعلام لكن في نفس الوقت فترة اشاعات ونميمة وانكشاف اسرار وفضايح مش هتبطل لحد السنة الجاية والتريندات اغلبها هتكون عن ناس بيشتغلوا في مجالات لها علاقة بالتعليم او التدريس او الاعلام

بتكون فترة مناسبة نتعلم امور جديدة بس بلاش تتعلموا سواقة 

بتزيد حوادث التحرش الجنسي وبتكون القصص الاكتر عن اطفال او مراهقين للاسف تحديدا في فترة التراجع 

بنخلي بالنا جدا طول فترة وجود المريخ في #الجوزاء من حوادث الالات الحادة وتحديدا الاطراف يعني الايدين والرجلين ومش وقت مناسب لاي اجراء جراحي يخصهم طول فترة تراجعه اللي هتبدا 31 اكتوبر لحد السنة الجاية..

بيزيد المشادات الكلامية واللفظية بشكل واضح وبتكون فترة رفع قضايا لغرض الشهرة او سب وقذف كتير والمحامين هينبسطوا وبرضه فترة بلاغات زي الفل لمباحث الانترنت فعلي السادة المتحرشين انهم يلموا نفسهم علشان السكرين شوت مش هيرحم حد

بتزيد الحوادث بسبب السرعة والسباقات فياريت نخلي بالنا ع المراهقين تحديدا

دايما بنخلي بالنا ان تراجع اي كوكب بيكون كارمي والمريخ دروسه بايخة ولمدة شهرين هيكون جو التريندات وفضايح السوشيال ميديا قوي جدا فحاولوا تتجنبوا تقعوا في الكارما دي وتهيصوا مع التريندات لان المريخ لما هيتراجع هيرجع للكل بدروس بايخة فاللي هتقوله ع غيرك هيكونلك نصيب منه

الحاجة التاني المهمة اسراركم في الفترة دي عادة مش بتكون في امان معرضة للكشف فركزوا انتوا بتفضفضوا لمين ومتبعتوش اي محتوي او كلام تندموا عليه بعدين

خلال الساعات الجاية اللي بينتقل فيها المريخ من المثلثة الترابية لللمثلثة الهوائية بتزيد شوية الحوادث ربما نسمع عن حريق او حادث طرق او حادث يخص طيارات

طبيعي الكلام عن المريخ يبقي كله تحذيرات لانه زي ماقلتلكم مش كوكب سعيد لكن يظل في اتصالات تانية تخفف من ده  

#نشرة_اخبار_الكواكب