عايزة اقولكم عن طريقة معروفة ومجربة بغض النظر عن المسميات تساعدك علي تحقيق الاهداف و الامنيات

اتعودوا تكتبوا امنياتكم ..احلامكم كبيرة او صغيرة ع الورق بالقلم كل يوم الصبح او قبل ماتناموا واكتبوها بصيغة الحاضر مش الماضي ولا المستقبل ولا التمني يعني مثلا لو واحد بيحلم يشتري عربية يكتب ..

"انا اشتريت عربية موديل كذا ولونها كذا ويفضل يوصف فيها كأنه شايفها وراكبها فعلا"

ليه بقي ؟

لان عقلك الباطن لو فضل يتعامل مع حلم او هدف معين بصيغة "انا نفسي يبقي عندي عربية انا عايز يبقي عندي عربية انا هكون مبسوط ان عندي عربية" هيحول ده لطاقة احتياج طاقة حرمان ودي طاقة سلبية بتبعد عنك احلامك لكن لو مليت نفسك باحساس السعادة والرضا وانت بتكتب امنيتك كل يوم وتحس بالسعادة وانت بتتخيلها كأنها واقع "هتتفاجئ انك بتبتسم من نفسك وانت بتكتب حلمك فده هيتحول لطاقة ايجابية متفائلة جدا هتاثر ع عقلك الواعي وتحركك لهدفك وتسهل طريقك ليه ..

ده مش علم غربي ولا قانون دنيوي ده قانون ووعد سماوي "انا عند ظن عبدي بي" واول من وضع اسس علم الجذب سيدنا علي لما قال"كل متوقع ات" الطريقة دي بس زي تمرين عملي كده تنشط بيه عقلك وطاقتك وتحسن احساس رضاك عن نفسك مش اكتر ..

جربوا مش هتخسروا حاجة ????