احتفال الكواكب برمضان

ع سبيل اكتمال احتفال الكواكب معانا برمضان ..

الزهرة كوكب الحب والعاطفية والمال وكوكب السعد الاصغر بتنتقل النهاردة لبيت شرفها في برج الحوت لمدة 25 يوم 

الزهرة بتحكم الجمال و المال و الحب وانتقالها لبيت شرفها مع اتصالات ايجابية مع المشتري واورانوس بيخليه موسم اعترافات عاطفية مفاجئة وللبعض اموال او عودة حقوق مالية او الحصول ع مكافئات وهدايا بشكل غير متوقع وهو موسم مناسب لعمليات التجميل تحديدا لحد يوم 20 مارس 

المختلف المرة دي واللي هتلاقوا عليه خلاف كبير بين الفلكيين هيكون اقتران الزهرة بزحل في الحوت اللي في انقسام حواليه هل هو سلبي او ايجابي والحقيقة انا برجح انه اقتران ايجابي لان الزهرة وزحل مش اعداء والزهرة في بيت شرفها هتدي صفاتها لزحل طيب بعيد عن الكلام المعقد ده ده تاثيره ايه

مبدئيا ده اكتر موسم انتوا ممكن تقابلوا فيه شخص تربطكم بيه علاقة روحية ..الشخص اللي ممكن يغير من روحكم ومساركم في الحياة ومهما افترقتوا هيكون في تاثير للشخص ده عليكم وبيزيد التواصل الروحي بين الناس يعني تحلم بحد تصحي تلاقي منه رسالة او تفكر في شخص تلاقيه بيكلمك تفكر في طبق محشي وانت في الشغل تروح تلاقيه في البيت 😁

بما اننا بنقرب من موسم الخسوف يوم 25 مارس الفترة دي واللي بدات عند البعض من اول مارس هتكون فترة انفصالات عاطفية للعلاقات المزيفة برضه وانكشاف خيانات بطرق غريبة او مصادفة ممكن عن طريق حلم ممكن عن طريق اي شئ روحي زي مثلا اوراد تكشفهم😁 المهم انه موسم قوي لانهاء العلاقات المزيفة واللي مبنية ع مصالح يعني من الاخر هتلاقوا ناس بتختفي فجاة ومن غير مناسبة وده غالبا لان مصلحتهم خلصت معاكم وده اكبر موسم لكشف الكدب لانه بيكشف تمسك الناس بعهودها وكلامها واتفاقتها سواء في الامور المالية او العلاقات الشخصية وبكده يكون موسم انهاء اي شئ مزيف وموسم اكتشاف معادن الناس الحقيقية وظهور علاقات حقيقية وللبعض ده موسم ارتباطات رسمية وطلب خطبة او زواج لحد 20 مارس او اول ابريل 

ده

ربما خروج مساجين او عودة غائبين بعد انقطاع اخبارهم وربما نسمع عن عودة مشاهير منفصلين لبعضهم او عودة شراكات عمل