متحوشوش الكلمة الحلوة ولا الشكر ولا الامتنان..متحوشوش الاعترافات والاعتذارات اللي تريح ضميركم او تغير مصيركم او قصتكم...الحياة قصيرة اوي والدنيا بقت صعبة وتقيلة ومعندناش قشة نتعلق بيها غير بعض ..خفوا الكلام البايخ...خفوا الاشارات المبهمة والرسايل الملتوية ام وشين ..والتلقيح ع بعض.. ..خفوا قناعات التحضر والتعقل الوهمية وخليكم عفويين اكتر ..سامحوا واغفروا ..ولما تفرحوا افرحوا اوي زي العيال واتنططوا ولما تحزنوا ازعلوا وعيطوا ودبدبوا في الارض ..اطلبوا المساندة والمساعدة ..اطلبوا الاهتمام "بيطلب ع فكرة" خليكوا اقويا بنفسكم واللي حواليكم واتخلصوا من البارديين  والمملين والجبناء والمتفلسفيين والمتفزلكين  ..الناس اللي راكناكم ع الرف وقت مايحتاجوكم...استغنوا بنفس القوة اللي بتتمسكوا بيها وحبوا نفسكم بنفس قدر حبكم لغيركم ودوروا ع اللي شبهكم مش ع اللي يعجبوكم...دوروا ع الحقيقين اللي شبه روحكم مش ع المزيفيين اللي شبه الاقنعة اللي مفروضة عليكم تلبسوها