المهم في #الكسوف ده انه بعده ب24 ساعة هيبدا كوكب #بلوتو كوكب الهدم والبناء" حركته الرجعية في الجدي وطاقة تراجع #الكوكب ده تحديدا شبيه بطاقة الكسوف واللي بيكون سبب ان امور كتير من اللي احنا بنرفض نواجهها او نرميها ورا ضهرنا او بنخاف نواجهها تطلع كده من تحت التراب وده درس رباني ان الامور اللي بتخاف من مواجهتها هي الامور اللي لو واجهتها هتتحول لنسخة افضل واقوي ولان ربنا اعلم بضعف عباده بيحطلهم دروس قوية تعدل مسارهم

اثر #الكسوف بيبدا قبله باسبوع لاسبوعين وبيظهر تاثيره في خلال 6 شهور من الكسوف وده سبب حالة الاجهاد والصداع والمود السئ وتاثيره عليك بيكون بالبيت اللي هيقع فيه الكسوف والكسوف في #برج_الثور يعني لو مش عارف خريطتك الفلكية صعب احددلك التغيير فين او الدرس او اثره السلبي هيكون فين يعني لو انت طالع #قوس التاثير هيكون عندك في البيت السادس بيت الصحة والعمل اليومي..لو طالع #ثور هيبقي التاثير في شكلك قصاد الناس والطريقة اللي بتحاول تظهر بيها وهكذا..فلو انت عارف خريطتك الفلكية هتبص ع مكان برج الثور وتخلي بالك وتتفهم الدرس اللي جايلك..لو مش عارف وذاكرتك كويسة ارجع بالذاكرة لابريل 2014 وافتكر اهم حدث حصلك بعد التاريخ ده لان اخر كسوف في #الثور كان بالتاريخ ده وعادة بيتكرر نفس التاثير مش نفس الحدث ..اكتر المتاثرين بالكسوف هيكونوا #برج_الاسد و #العقرب و #الدلو و #الثور كلا حسب خريطته 

يوم الكسوف بنتعامل معاه زي خلو المسار لايصلح لبداية اي شئ جديد او مهم 

#الكسوف و #الخسوف مرتبطين بالنيرين #الشمس و #القمر اهم كوكبين بياثروا ع حياتنا وعلشان كده مجرد متابعة الكسوف واثره ع حياتك الفترة الجاية كفيل يخليك تصدق ان الفلك اعمق واقدم علم بشري 

#نشرة_اخبار_الكواكب

#قمر847