يبدا كوكب #زحل تراجعه السنوي من 6 يونيو وهيستمر لحد 23 اكتوبر وده تراجع بيحصل سنويا مفيش اي جديد ...زحل هيتراجع داخل برج الدلو اللي هو بيحكمه واللي موجود في من مارس 2020 ومكمل فيه لحد 23 مارس 2023
تأثير التراجع او وجوده في الدلو بيأثر ع كل الابراج لاني زي ماقلت قبل كده ال12 برج موجودين في خريطة ميلاد كل واحد منكم ولو عايز تأثيره فين لازم تعرف مكان او ترتيب #بيت #الدلو في خريطتك
نرجع لتاثير #تراجع_زحل اللي زي ماقلت هيأثر ع الكل لكن بدرجات متفاوتة ولكن هيكون تأثيره اقوي ع طوالع# الدلو و #الاسد و #الجدي و#الثور و #العقرب
يعني ايه بقي تراجع زحل ؟ زحل كوكب الدروس الشديدة في حياتنا وتراجعه جزء من رسالته الكارمية اللي هي مبدا الثواب والعقاب فبمنتهي البساطة فترة التراجع هي فترة رد الجزاء اللي عمل خير ال6 شهور اللي فاتوا هيرجعله ..اللي عمل شر هيدفع الفاتورة اللي اجتهد وتعب في مشروع او شغل هيتكافئ.. طبعا ده بشكل متفاوت وحسب خريطة كل شخص لكنها فترة تسديد الحسابات فاللي اتظلم ميخافش واللي ظلم او غلط او اكل حق حد او غلط او خالف اي امر قانوني هو اللي لازم يقلق لانه من حيث لايدري هيلاقي اللي رماه ورا ضهره ونساه جاي يقف في وشه ويطالبه بالحساب ولو محصلش ميفرحش ..ده بيتحوشله موجة كارمية هتشيله من ع الارض
طول فترة التراجع لا ينصح ببداية اي مشروع تجاري جديد..مش وقت مناسب ابدا لاي قروض..فترة لاستكمال الامور فقط ..مش وقت مناسب لشرا عقارات او اراضي..اغبي وقت ممكن تخالف فيه القانون ولو مخالفة سير او تعمل مشكلة مع كبار السن تعرفهم او متعرفهمش
وقت مهم لتسديد ديونكم لان هتظهر المطالبات بيها...الصدقات هي الامر الوحيد اللي بيخفف من الكارما ويفضل يوم السبت ولكبار السن لان زحل يحكمهم..اللي مزعل حد يصالحه..واحذروا الكلمة لان زحل هيبدا تراجعه في تربيع نحيس مع عطارد وده هيخلي الكلمة السيئة كارمتها قوية ومضاعفة ..
#الصحفيين والاعلاميين والكتاب اول اسبوعين من التراجع يخلوا بالهم ربما تظهر امور تخص البعض منهم ..مشاكل ..خبايا..يتعرضوا لمشاكل مع السلطة ..وربما مشاكل صحية لكبار السن منهم
ربما يحصل فترة تقييد للسفر والتنقل واجراءات السفر للخارج للبعض
ربما يرجع موجة من كورونا او فيرس جديد خاص بالجهاز التنفسي او الجلد
اهم درس في التراجع ان كل #كارما بتسددها هتفرق في امورك الجاية لان الكارما او الذنوب الصغيرة والكبيرة قادرة تعطل جانب من حياتك لفترة طويلة من غير ماتحس ولا تفهم فدي فترة مهمة تراجعوا نفسكم وتفهموا الدرس الجاي من غير برطمة زحل بيكره الضعف والكبر فطول مانت بتعيط او عامل نفسك ضحية هيرجعلك تاني :)
#نشرة_اخبار_الكواكب
2
-2
