تجنبوا السفر ..توقيع اي عقد ..اجراء اي جراحة... امر مهم من 31 يوليو ل2 اغسطس الكلام للجميع بس بشكل خاص ابراج #الثور و #الاسد و #الدلو و #العقرب
الفترة دي اصعب فترة هتعدي في السنة مش لازم يحصل فيها حاجة لكن اي قرار او اجراء هتاخده في الوقت ده هيترتب عليه امور كتير في الشهور اللي بعده فترة شديدة النحوسة المريخ متصل باورانوس كوكب المفاجات الغير متوقعة وراهو في تربيع مع زحل
الزاوية دي محصلتش من سنين طويلة وتاثيرها هيكون ع اللي بيمثله برج الثور في خريطتك الفلكية لازم امر يتغير في دلالة البيت ده .. الاقتران بدأ يتشكل بالفعل لكن ذروته هتكون 1 و2 اغسطس وعلشان كده حاسين بعصبية زايدة وتوتر وقلق والبعض عندهم كوابيس وبيهربوا بالنوم الكتير
الزاوية دي هتأثر ع الاوضاع العامة بشكل واضح وممكن يمتد اثرها او نشوفه في اغسطس ولحد اخر السنة بيزيد نشاط الزلازل وربما يحصل توترات مسلحة في بعض الدول ..حرايق كبيرة ..في مشكلة تخص الغذاء لان الثور بيمثل امننا الغذائي فربما يحصل نقص اغذية في احد الدول او تزيد اساعار سلع بشكل مفاجئ برضه بيت الثور مرتبط بالعملة والنفط والدهب فمؤكد هنشوف اما صعود مفاجئ او هبوط غير متوقع ..حدث ربما يخص الانترنت او الكهربا ومؤكد هنسمع عن خروج شركات كبيرة من السوق ومشاكل تخص رجال اعمال كبار
انا مش بخوفكم انا بحذركم علشان تخلوا بالكم من دلوقت تجنبوا الاستفزاز والمواجهات المباشرة والنار والالات الحادة واقروا سورة الغاشية وسورة النور و "اللهم اجعل مااخافه واحذره بردا وسلاما علي كما جعلته النار بردا وسلاما علي ابراهيم" باستمرار يوميا من النهاردة ولحد اخر اغسطس بنية انكم تحصنوا نفسكم ضد اي طاقة سلبية حواليكم
من فضلكم محدش يحط خريطته لاني مش هجاوب ع اي سؤال يخص الخريطة مش علشان حاجة غير اني امنع عنكم اي توقع سلبي تجاه امر معين في حياتكم فاعتبروه تحذير وتنبيه عام ومش معني كده ان الكل هيحصله مشاكل بالعكس ناس هتكون بداية تغير كبير جدا وغير متوقع في حياتها فنتخيل كلنا اننا هنكون اصحاب التغيير الافضل 
2
-2
