سديم الشعلة

يمكن لو رفعت راسك بليل في سما صافية في بقعة ما على الأرض، تشوف النجوم مرصوصة كأنها جزء من ستارة أنيقة ولو معاك تليسكوب ممكن تشوف كمان حاجة تانية (سديم الشعلة) (Flame Nebula ) والمعروف برده بإسم جي سي 2024 وهو غمامة ضخمة جدًا بتسكن حزام الجبار بالقرب من النجم الجبار. المسافة ما بين السديم والأرض حوالي 1500 سنة ضوئية. السديم عالم بحاله جواه نجوم كتير متألقة وفي غيمة مظلمة قرب السديم عبارة عن غبار بينبأ بولادة نجوم جديدة بعد ما تتكاثف الغيوم الجزيئية وتاخد شكل كروي والكوره العظيمة دي تفضل تنكمش وحرارتها ترتفع وبعدات تتحول الذرات لأيونات وإلكترونات وتدخل في مرحلة البلازما والحرارة تعلى وتعلى وعنصر الهيدروجين المتأين يتفاعل ويكون الهيليوم وبكده يحضل الإندماج النووي وطاقة كبيرة بتصدر ونشوف النجم يضيء وبكده يكون إتولد ونقول له حمد الله على السلامة وأهلًا بيك في الكون وليك مستقبل مشرق ومضيء مش ليك بس لكواكب وعيون وعوالم كتير. حد يسلفني تليسكوب حلو كده من بتوع ناسا؟ :D