نصيحتي لكتاب قصص الرعب

بما إن لون الرعب كتير ، وقصص الهلع في كل حته، سواء يوتيوب أو كتب ، شايفه إن الكاتب لو جت في دماغه فكرة لقصة قد تتصنف رعب او لأ (ممكن تبقى suspense مثلاً) ميحطش في دماغه وهو بيكتب انه لازم يرعب الناس ويسببلهم هلع ويخلي الادرينالين يجري فيهم زي الصرصار ابو هيبة من شبشب طاير، بلاش يحط نفسه تحت الضغط ده لأنه ببساطة ممكن يفشل يرعبهم، المفروض يركز في الحبكة والتفاصيل وصناعة المحتوى المحترم (ومش لازم تكون في رسالة عظيمة القصة الحلوة المتناسقة الممتعة في حد ذاتها رسالة) وفي الآخر يبقى نجح أنه يمتعهم بقصته وخلاهم يندمجوا في الشخصيات وأهم حاجة يخرجوا من التجربة حاسين أنها مختلفة، سمعوا أو قروا حدوتة جديدة او حدوتة قديمة بس اتحكت بشكل جديد، ويقولوا الكاتب ده مجتهد ومش عايز يكروت اي أحداث ملزقة في بعض (اشي جن عاشق على مقبرة فرعونية على مراية مسحورة) وبيحترم المتلقي وهمه يمتعه بحدوتة حلوة بجد..