انا هكتب رواية أسميها "الخروج من ترسا"
وترسا دا أهم وأكبر شارع في منطقة الهرم، ومنه بيتفرع كل مسار ممكن تكون هتتحرك فيه في المنطقة كلها، لأني اكتشفت ان لو انت من سكان الهرم وعايز تروح أي مكان فالخطوة الأولى لازم تكون إزاي تخرج من ترسا ودا أمر ميفهمش عظمته وفظاعته إلا سكان الهرم العظماء.
أنا دلوقتي خارجة من الهرم للمهندسين، برج الأطباء تحديدا، أعمل أشعة رنين على مخي المفشفش دا عشان نشوف ماله بقى، هما ٣ أشعات مش واحدة بس هيتعملوا في نفس الجلسة بإذن الله.. من ييجي شهر روحت مركز في الهرم أعمل الأشعة دي وطلع الجهاز القديم المرعب وجالي ذعر وقعدت اعيط وسببت المكان ومشيت، وبعدها حجزت مرتين من مكانين تانيين ومروحتش.. حاجة عرة جدا ان الواحد يجيله فوبيا وهو في السن دا والله!
المهم ادعولي الجهاز يكون مناسب واعمل الأشعة وتطلع كويسة عشان نفضل قاعدين سوا كدا نكتب ونتكلم ونتونس ببعض..
واكتب الرواية على رواقة بقى
الخروج من ترسا.. والعودة إلى ترسا برضو مجبورة الخاطر يا رب
2
-2
