الحب اللي في بيت أحمد وصافي 

في حب بيت أحمد غانم ومراته وبناته ومامته 

أحمد غانم الشاب الجميل اللي هو جوز صافي أختي الصغيرة.. الولد والبنت اللي جوزناهم من ست سنين وكانوا زي الحلم اللي بيتحقق واحنا مش مصدقين.. هما الصغيرين آه بس بيتهم دايما مفتوح لي وعمران بالحب والذوق والكرم والجمال.. أكتر بيت بحب أدخله وبرتاح للقعاد فيه.. بيوحشني البيت وأصحابه والوقت اللي بقضيه فيه بيرد لي كتير من أي حاجة حلوة ناقصاني.. بنات صافي وأحمد اللي هما سبب سعادتي الأولى في الحياة.. اللي كتير قوي بيكونوا السبب الوحيد إني أنزل من بيتي مخصوص بس عشان أشوفهم.. وطنط عزة مامت أحمد.. ست الكل الغالية الحلوة اللي بتعلمني أعمل الحلويات والمخبوزات ولما تيأس مني تعمل هي وتهاديني بأحلى مينين وعيش وبسكوت.. اللي دايما مهتمة بيا وبتسأل عليا ووجودها بيطمني على صافي أختي.. 

في حب بيت أحمد غانم وصافي جلال 

بيتي الاحتياطي وعيالي اللي مخلفتهمش ونقطة النور الحلوة وسط دنيا متعبة وصعبة وزحمة ومبقاش فيها حب إلا قليل.. 

الحب اللي في بيت أحمد وصافي