الأسباب النفسية لانتشار الصور الفرعونية 

أعتقد إن فيه عمق نفسي عظيم في مسألة الصور الفرعونية دي 

يعني رغم إنه ترند وفيه ناس كتير مبتحبش تجاري تريندات الفيسبوك لكن أغلب اللي عندي تجاوبوا بكل أريحية معاه

أظن إن المسألة فيها تحقيق لاحتياجات أساسية عند كل إنسان

فيها حب فطري وانتماء عميق من المصري لبلده ولتاريخه.. والانتماء حاجة من الحاجات الأساسية للإنسان .. ودا اصل نشأة المجتمعات واستقرارها واستمرارها

وفيها كمان تسديد لجزئية المباهاة بالقيمة والتميز الفريد اللي فيه مظاهر عظمة وقوة.. والإنسان مفطور على السعي للأمان ودا بيتحقق بالتماهي مع جماعته القوية وحمايتها والتباهي بجوانب قوتها وإنه يبروز الجوانب دي بكل الطرق..  

دا غير طبعا إن التصميمات جميلة الشكل فبتحقق الميزة اللي بتخلي ناس كتير تستخدم الفلاتر والتعديلات.. بتحقق صورة ذات حلوة حتى لو شكلية متعدلة 

الفكرة كمان إن البرنامج عملنا كلنا ملوك وملكات ودا عز الطلب يعني.. دا تقدير وقيمة ذات رهيبة بكل سهولة 

أنا بقترح نخلي أول نوفمبر إجازة سنوية بقى 

ونوحد الزي يا ناس 

إيه المانع إن الإنسان ينزل الشارع باللبس الفرعوني الجميل 

شياكة وحشمة وأبهة