للعلم فقط....كلمة تنمية بشرية ديه كلمة اخترعناها كده للتريقة والهزار...لكن مافيش حاجه اسمها تنمية بشرية....فيه حاجه اسمها " موارد بشرية" وده موضوع تاني خالص 

انما الصح اسمه علم "التنمية الذاتية"... ...ده علم مهم وليه رواد وعلماء عالميين ...ولما قريت كتير لرواد " عالميين " ليهم اسمهم....انا عن نفسي استفدت جدا في تغيير حاجات كتير في نفسي وحياتي وخلاني افهم كمان معاني كتير في القرآن الكريم لان مافيش تعارض خالص بالعكس ......ده ربنا قايلنا الكلام ده بس احنا بنردد من غير ما نفهم او نطبقه في حياتنا! 

ولكن في مصر والشرق الاوسط....للاسف بهدلوا العلم ....بهدلوه حرفيا وبقى سبوبه واكل عيش...الا ما رحم ربي.....واللي قرأ للناس الفاهمه اللي فعلا عندهم من التجارب والعلم هيفهم قصدي كويس :) 

تغيير نفسك وافكارك وبالتبعية حياتك....مش الشيء السهل...ولكن مش مستحيل....ومحتاج مجهود ومخ منفتح ووعي ...وجرأه كمان.... وربنا سبحانه وتعالى قبل الكل ادانا مفتاح تغيير حياتنا وقالها في ايه من ضمن الايات العظيمة 

إِنَّ اللَّـهَ لا يُغَيِّرُ ما بِقَومٍ حَتّى يُغَيِّروا ما بِأَنفُسِهِم"

اهو علم كامل من التنمية الذاتيه في ايه واحده :) 

الخلاصة اعرف انت بتسمع لمين وبتسلم دماغك لمين ؟ وباختصار عايز تنفع نفسك اسمع الرأي من معلمينه مش من شوية هواه ...بينقلوا من غير ما يفهموا او عندهم اهداف تانيه لمصلحتهم وانت اللي هتضر في الاخر :)