كان فيه ديباجه البعض بيقولها الفتره اللي فاتت وطبعا منقوله من صفحات مشبوهه وهم مش واخدين بالهم او واخدين بالهم الله اعلم!
ان محمد صلاح مش بيبذل مجهود للمنتخب زي ما بيلعب في ليفربول علشان مصلحته في ليفبرول اكتر وانه خايف على نفسه يتصاب في المنتخب و و و و ....وكلام كتير نتيجته ان مالوش مصلحه اوي مع المنتخب وكده
يعني فين المنطق في الكلام ده.....ولو مشينا على دماغك اللي بتفكر بشكل " غير سوي" وافترضنا ان محمد صلاح بتاع مصلحته ....هو فيه لاعب في العالم مش من مصلحته ان يلعب في " كاس العالم مثلا؟؟؟
هو فيه لاعب في العالم مش من مصلحته ان منتخب بلده ياخد بطولات " دولية" تضاف لرصيده ويقدر يترشح لأفضل لاعب في العالم !!!
للاسف ان فيه بعض الناس طريقة تفكيرها بتفترض " سوء النيه " اولا ....وده مالوش علاقة بمحمد صلاح اطلاقا.....ده ليه علاقه " بطريقة تفكير الشخص نفسه ....وطريقته في تحليل الامور ....وطبعه كمان
طبيعي اننا نزعل ان اداء لاعب عالمي في مباراه دوليه مهمه و ماكنش اد المستوى المطلوب....ولكن معنى كده اننا نهدمه؟؟؟ نفترض فيه عدم وطنيته؟ نتهمه باتهامات خايبه حتى المفروض لا ترتقي لادني منطقيه لو كلفنا خاطرنا وفكرنا شويه
في الاخر " كل يرى بعين طبعه " فاهفضل اقول رؤيتك للشيء بتكشف اللي جواك مش اكتر :)
Mohamed Salah
2
-2
