جايين الفتره ديه ويقولوا 

..يعني هو حالنا دلوقتى كويس...فرقنا ايه عن ايام الاخوان؟ 

الأسعار غليت ومش عارفين نعيش!

المشاريع المعلموله مالهاش لزمه!

المفروض يبتدي بملفات كذا....او المفروض يعمل كذا قبل كذا!

ده غير الاشاعات اللي مالهاش اول من اخر سواء كان عن سد  النهضه!....او اي ملفات تانيه خارجيه!!

 

بغض النظر ان الاسئلة والكلام ده لانه تدليس بيّن.....وبغض النظر انك مش جوه المطبخ اصلا وماعندكش 1% من المعلومه فأكيد انت لا تملك القرار...وبغض النظر ان ادام عينك العالم كله بيعاني وويمكن اكتر منك !

 

فاكيد اي كلام هيوصل لجدال عقيم مالوش لزمه...... اللي عايز يشوف بعين حق هيعرف يشوف صح......ودول للاسف  ربنا عامي قلبهم قبل عنيهم.....

 

فخلينا في النقطه المهمه:

 

*الاعتراض على وجود جماعة الاخوان في الحكم  كان من حيث " المبدأ"  مش علشان اي حاجه اقتصاديه ولا بنزين ولا عيش ولا اللي معترضين عليهم كان فارق معاهم الكلام ده اصلا

احنا ماكوناش مستنيين نشوف خيبتهم في ادارة البلاد علشان نبتدي نعترض عليهم :) ...

 

*اللي معترض على الاخوان كان بسبب انهم جماعه تاريخها اسود ودموى وبنيت على باطل فاكيد نتيجة افعالها واسلوبها هيكون باطل زيها ...مش فاهمه كنت مستني خير يجي منهم ازاي؟ 

 

*المعترضين على الاخوان كانو فاهمين كويس اوي وقاريين دماغهم واهدافهم وعايزين يوصلو لايه !

 

*المعترضين على الاخوان كانوا شايفين البلاد اللي حكموها الاخوان وقدرو يوصلو لمعلومات " حقيقية" عن حال البلاد بعد كده واتدمرو من الداخل حرفيا ازاي وهويتهم اتمحت تماما!

 

*الناس اللي فاكراهم بتوع دين....جماعه فرقوا دينهم وكانو شيعا...مستني منهم ايه؟ ده لو انت فاهم في دينك اصلاكويس :)

 

*المشكله في رأيي في الجهل وسهولة غسل الدماغ عند البعض او اللي فارق معاهم مصلحتهم الشخصيه فقط ...مش مصلحة البلد

 

*مع ان بالمنطق اللي بلده ضاعت ....هيلاقي مصلحته الشخصيه ازاي فيها ؟؟؟ 

فالاساس هو سلامة البلد اولا ....ده لو بيفكر صح

 

*البلد ربنا حفظها علشان الطيبين اللي فيها وعلشان فيها جيش مخلص قدر يحمينا من مصير ربنا وحده اعلم كان ممكن نوصل لايه

 

اه الاسعار غاليه حاليا  وناس كتير مزنوقه ماديا وكلنا متأثرين بشكل ما.....

ولكن قول الحمد لله ان بلدنا بخير ولازم تحط ادام عينك دايما سلامة البلد اولا قبل اي شيء

 

والحال الصعب مش عليك انت لوحدك ده على الجميع والعالم كله.....وانت مش بمعزل عن العالم.....لعلمك بس انت كبلد اخف اثار عن دول تانيه كتير تصنيفها متقدمه....وبرده هيتم تخفيف الاثار ديه علينا  واحده واحده باذن الله

ولكن هافضل اكررها.....لو ماعندكش بلد...مش هايكون عندك رفاهية الاعترض اصلا....

حط ده في بالك

والمجد للثابتين من البداية واللي ربنا منور بصيرتهم قبل بصرهم.....ربنا يثبتكم والله ....البلد ديه محفوظه بسبب اللي زيكم <3

#الاختيار٣

#اتعلم_تشوف_الكويس_علشان_تقدر_توزن_الامور_صح