الناس حافظه ان القطط يا اما غداره يا اما خاينه...يااما بتاكل وتنكر....و كلام كتير محفوظ بسبب موروثات غلط ...ظلمت جدا القطط....واول حاجه ﻻزم تتقارن بالكلب!

مبدئيا ماينفعش تقارن قطه بكلب ...الاتنين مختلفين كليا في كل حاجه! وكل كائن ليه خصائصه المختلفه!

*انا بربي قطط اكتر من 30 سنه وحافظاهم اكتر من اي حاجه......القطط في حياتي مش شيء عابر او فتره وخﻻص....ﻻ ....دول جزء كبير جدا من حياتي!

1- اوﻻ القطط مش غداره......القطط جبانه جدا....وحاسة السمع والاحساس عموما عالي جدا ....فهي مش بتغدر هيه بتبقى خايفه ان اللي ادامها يعمل حركة غدر ..بتسبق بخطوه في حالة خوفها!

* فيه ناس بتقول ده القطه عضتنى وانا باحطلها الاكل.....لما حد بيقول كده باعرف ان القطه متربيه غلط....القطط ليهم طريقة تربيه......ماينفعش تهزر معاها بغدر انك تضربها فجأه او تقرصها او تخوفها علشان شكلها بيبقى حلو وهيه خايفه!

فلو القط على حسب قولك غدرت يبقى ياما خايفه علشان في شارع او انت ربيتها غلط بدون وعي!

2- القطط بتاكل وتلزق مش بتاكل وتنكر.....كل ما حتاكل القطه حترتبط بيك اكتر حتى لو قطة عماره ....انا قطط العماره عندي بيجولي على الباب ولما باحطلهم اكل مابيرضوش ياكلو اﻻ لما امشي ..ﻻنهم اخدو خﻻص اني باكلهم.. فابيبقو مشغولين في التمسيح فيا من حبهم

* وده ينفي تماما مقولة ان القطط بترتبط بالمكان مش الاشخاص!

* القطط مش خاينه.......طريقة الاتسان معاها هيه اللي غلط ومافيش غدار اكتر من البنى ادم اللي بيضربهم ويهشهم بعنف او يهزر معاها بطريقه غلط علشان يفرح وهو بيشوفها خايفه...ايوا ده بيحصل!

* القطط بتنسي....ربنا خالقها كده لحساسيتها العاليه....وده علشان تقدر تتعايش وتقدر تواصل حياتها ووظيفتها اللي ربنا خالقها ليه

**القطط مش شكل حلو وبس.....القطط ليهم طريقة تربيه ومهم تعرفها لو عايز تربيها....وبﻻش احكام غلط...ﻻن في الغالب الاحكام ديه هيه طريقتك الغلط معاها

* القطط من احن واجمل الكائنات :)