حرفة التسويق للنفس

فيه ناس بتعرف تسوق لنفسها كويس ..بمعنى انها بتعرف تعمل حواليها هاله معينه ...هاله دينية....هاله وطنيه....هاله مثالية....الخ 

على اد ما الموضوع ده حرفه مش كل الناس تعرف تعملها 

بس موضوع خطير جدا....لانه زي عملية النصب كده....لما يكون التسويق الشخصي مش في محله او مليان كدب او تمثيل ..

و هنا التسويق بالشكل ده كارثه على اصحاب العقول الضعيفة ....وللاسف دول كتير !

الشخص اللي بيعرف يسوق نفسه بيعرف يخلق متابعين ليه ....جيش بشري في مجاله ....ولو نيته او اهدافه او افعاله مش تمام....جيش العقول الضعيفة بيعرفوا ازاي ينجحوه ويخلوه يحقق اللي عايزه بكل اريحية :)  

والنتيجة نجاح اهداف شخص مفسد في الارض لانه عرف ازاي يسوق لنفسه بحرفنه عن طريق جيش العقول الضعيفه ! 

الموضوع ده موجود كتير على السوشيال ميديا.....وبجد حاجة تحزن لما تلاقي حاجة مش مظبوطه وباينه وواضحه جدا للاعمى....والاقي ناس ماشيين في صفهم وبيشجعوهم ويقفوا وراهم ويصقفولهم كمان :)  

ماهو لو بطلنا نسقف لاهل الباطل....الباطل هينتهي :) 

بس ازاي....ماينفعش ...لان صوت المنافقين اعلى من الصادقين :)