بعض انواع الدراما سواء افلام او مسلسلات للاسف رسخوا فكرة ان مثلا فلان " فاسد - معدم - مجرم - مالوش لزمه الخ" فنستحل دمه وعادي انه يتقتل!!
الفكره ديه خطيرة فوق ما تتخيل .....لانه بيقنعك ان فلان يستحق الموت بشكل ما.....
فانت مش بتشوف ان اللي قتله عمل حاجة غلط .....بالعكس ممكن جوه عقلك تقول " يستاهل"
وديه فكرة خطر على العقول... الا اللي عقله واعي لفكرة ان مهما حصل القتل مفسده في الارض ومش من حقك تزهق روح بني ادم مهما كانت مبرراتك .....
الافلام زي تراب الماس ..... او فيلم موسى......ومسلسل زي حبيشه اللي قتل ابوه علشان شخص ظالم .....حتى مسلسل سكويد جيم الكوري اللي انا شخصيا مبهوره بيه....برده طلعلك شوية معدومين ومجرمين عليهم ديون مستحيل يسددوها فعلية القوم استحلوا دمهم في لعبه للتسلية وخلوهم يجوا برجليهم وبارادتهم واغروهم بالمال....واعمال تانيه كتير ماشيه على نفس النهج!
الافكار ديه بتلبس الحق بالباطل.....و سهل جدا يتمرر على عقل اللي بيتفرج ان القتل ليه مبرر ....وممكن يكون مبرر خير للبشريه وكده.لزوم الاقناع بفكرة باطله....وده دس سم في العسل وبمنتهى السهولة!
اللي عقله واعي ممكن يتفرج على الحاجات ديه بغرض التسلية وهو من جواه عارف ان ديه فكرة غلط ولبس حق بباطل......ولكن الاغلبيه العظمى عقلهم غير واعي تماما وديه مشكله......وضعاف النفوس اكيد هيتأثروابيها!
يا جماعه ما تستهونوش بالحاجات ديه لان الافكار شيء خطير جدا وهي اول الخيط و بداية الفعل....خلوا بالكم من عقولكم واعرفوا ايه الصح وايه الغلط .وباقول لنفسي معاكم...خليك واعي لكل فكره بتدخل دماغك لمصلحتكم والله ومصلحة اللي حواليكم......
ويا ريت القائمين على الدراما يوضحوا ويبينوا ايه الحق وايه الباطل بشكل يهذب النفوس لان ديه مسؤولية خطيرة جدا
2
-2
