اصل سهل اوي يفتري على الحيوانات الضعيفة علشان يقتلهم او ينادي بحاجة زي كده لانه " مش بيحب "تواجدهم"  او يمكن فاكر انه لازم يعيش في الكون لوحده :) 

 

اللي مايكونش فارق معاه اذية مخلوقات ربنا ....اكيد نفسه مش سوية وقلبه مليان مشاكل وهيشوفه في حياته وفي مماته لان ربنا مابيرضاش بالقسوة والاجرام ده 

للعلم بس:

*كتر الحيوانات في مكان مش مبرر لاذيتها

*الفوبيا اللي عندك مش مبرر لاذيتها

*هوهوة الكلاب ومواء القطط مش مبرر لاذيتها

 

مافيش مبرر لاذية الحيوان غير ان قلبك مليان امراض وفطرتك مش سليمة! 

 

انا عن نفسي عمري ما اثق في بني ادام بيلمح حتى باذيتهم وباتخلص من معرفته تماما ومش ندمانه على ده!  

 

الحيوانات اللي ربنا خالقاها والضاله منهم بالمناسبة اللي في الشارع في ذمتنا....وهنتسأل عليهم...وربنا مابيسيبش حق مظلوم  ....

 

مش قادر حتى تسيبهم في حالهم ؟؟...يبقى انت عندك مشكلة وكبيره كمان ! 

 

**البوست ده مش علشان اقنع حد بالكلام ده....لانه مش هيفرق معايا..ولان الحجج المحفوظه انا عارفه انها جاهزه وانا مابابحبش جدال في بديهيات :) ...

والاهم.ان عندي قناعة اني مش هاقدر اقولك تكون سليم القلب....ديه حاجة لازم انت اللي تجتهد فيها :)