خدها قاعده✋

 اراء الناس السلبيه فيك او احكامهم عليك ...تخصهم هم ....ماتخصكش انت :) 

رؤية الناس عموما واراءها ووجهات نظرها نابعه من نفسيتها وطباعها والبيئه اللي عايشه فيها وطريقة تربيتها وعقدها النفسيه المخفيه والظاهره.....و ادراكها وافكارها ومشاعرها وسرعة ردود افعالها وقدرتها على التمييز ...وليله كبيره اوي سعادتك :)

فا رأيه او وجهة نظره بتتبلور نتيجة عوامل كتير اوي مستحيل تقدر تتحكم فيها 

- ووارد اراء الناس فيك السلبيه نتيجة مزاياك مش عيوبك اصلا وده بنسبة كبيره 

- ووارد يكون ناس مابتحبش الاحسن منها فبتسقط ده في صورة اراء سلبيه عنك 

**ووارد حاجات كتير اوي

فا اهم حاجه اولا تكون عارف نفسك كويس ...بتحاسبها كويس....بتعرف تكون صادق مع نفسك....دايما بتطور من نفسك وبتسعى ورا اهدافك بطريقتك الخاصه اللي هي نسخه اصليه مش صوره من حد

وقتها سيب اللي يتكلم يتكلم .....في الاخر راي الناس فيك مشكلتهم هم مش مشكلتك انت :)

 " كل يرى بعين طبعه "** :)