نفسي اقول كلمه واجري على الله
اي شخص بيقدم محتوى على الفيسبوك او اليوتيوب ياريت يتحرى الدقه في المعلومه........يتحرى الدقة في المصدر اللي بينقل منه....يتحرى الدقة ان لو فيه معلومات متناقضه...يقول المعلومتين كنوع من الشفافية
ولو فيه اكتر من مصدر.....ياريت يقرا المصادر كلها وهتتكشف حقايق ادامه ويقدر يتبين "الحقيقة" من "الكدب" .....بس لازم يدور من كذا مصدر ....والكتب اهم من المواقع " في الغالب" مش دايما !
بلاش الفيوز والتفاعل يزغلل العيون وينسى الرساله الاهم وهي نقل المعلومه !
حقك تجيب فيوز وتفاعل وتجيب فلوس كمان....
حقك تماما ومش عيب بالمناسبه ....بس لازم يكون الاهم هي " الرساله"
انا اتفاجئت من كم معلومات مغلوطه لناس مشهورين " بدون اسماء" . " استسهلوا" في نقل المعلومه من افلام ومسلسلات اغلبها حبكات دراميه لزوم الساسبنس ...ونقلوها " بالمسطره لانهم استعجلوا علشان يصوروا فيديو بسرعه ....وعرفت ده لما دورت وقريت من كذا مصدر....اتصدمت من بعض الناس الصراحة
والف شكر لكل انسان بيقدم محتوى " متعوب عليه" وعنده هدف