هو من الواضح ان الهدف هو تركيع مصر باي طريقة....اي مصيبة على الكوكب لازم هيحطوا مصر في جملة مفيده 

اسماعيل هنيه اتقتل في ايران بفضيحة .....ما تلاقيش حد من اللي مسميين نفسهم معارضه ... جايب سيرة ايران ولا حد بيتهمها بحاجه....وللعلم ولا حد يقدر يتكلم نص كلمة عنهم.....اسيادهم وكده.....ولكن بقدرة قادر لازم تلاقي اسم مصر مزقوق في اي اتهام مالوش معنى

من شوية لسه قارية خبر عجيب الصراحة وماتفهمش ايه اللي فتح الموضوع ده دلوقتى.....واشنطن بوست بتقول ان فيه تقرير سري....واخد بالك من سري ده.. ان مصر دعمت ترامب في حملته الانتخابيه سنة 2016 ب 10 مليون دولار....طيب فين الدليل ....اي مستند ....اي حاجه بس علشان نصدق وكده ....مافيش اي دليل 

للعلم والمفروض ان واشنطن بوست نفسها تكون عارفه ان القانون الامريكي بيحظر على اي مرشح انه يمول حملته باموال اجنبيه ...والمفروض ان كل مرشح بيقول مصادر التمويل ايه والكلام ده معلن مش سر

وبتتعمل تحقيقات في مصادر اموال المرشحين ومافيش اي اثبات ان فيه شخصية مصرية ساعدت ترامب او مولت حملته السابقة باي صوره...واتقفل الموضوع من وقتها وخلاص....

ترامب عموما بيتهاجم من الصحافة الامريكية ...ولكن ليه اقحام اسم مصر في حاجه زي كده؟؟ واشمعنى تفتح الموضوع ده دلوقتى من تاني في حاجه انتهت ...ومافيش اي دليل على الاتهامات المرسلة ديه 

لو عندها ادله ياريت تظهرها....اهو علشان المصداقية حتى.... :)

للاسف مصر بتتهاجم على اي حاجه بتحصل في الكوكب ....وده دليل ان صعبان على العالم ان مصر تفضل واقفه على رجلها في وسط خراب على كل حدودها.....الآله الاعلامية العالمية والسوشيال ميديا بلجانها ضد مصر وعرفوا يبرمجوا عقول كتير....وناس ابتدت تصدق بسبب ضيق الحال بيهم داخليا وديه مشكلة كبيرة....

ربنا ينور بصيرة الجميع و يحفظ مصر من اعدائها واللي بيساعدوهم