سنه أولي مامي .. 

حاسه اني بعيش اكتر من حياه حياتي وانا بنت صغيره بضفاير وحياتي وانا مراهقه بعمر ال 15 وحياتي وانا شابه واخيرا حياتي وانا متزوجه وحامل »

اول ماعرفت مصدقتش احساس مختلط بالحب والفرحه والخوف من المسؤوليه احساس ممزوج بالحب الغير مشروط مع خوف بيمغص عليك فرحتك مش عارف هعمل ايه واتصرف ازاي مع كائن بيتكون جوايا كائن بيتخلق واحده واحده وبكل هدوء بيبتكون اعضائه وعيونه وقلبه وبياخد مني ومن لحمي ودمي حته مني اه فعلا دا حته مني ..

مع اول التلات شهور تعب غير طبيعي واكتئاب حمل بس فيه فرحه جوا في قلبي مع كل تعب ووجع بقدر امي وبحس اني عاوزه اجري عليها وابوس أيدها واخدها في حضني معقول انا كنت كدا في بطن أمي كأين بيتكون واحده واحده وهي كانت بتتابع دا بكل حب ..

بعد الثلاث شهور بتدخل في نص الحمل وثقله وتغير كل ملامحي والكلف اللي مالي جوارحي بس انا قلبي فرحان 

بعدها ف الشهور الاخيره ثقل غير طبيعي وارتجاع مرئ وورم في الرجلين بس هانت ياروحي وهشوفك مامي بتحبك حب غير مشروط رغم كل التعب اللي شايفاه من تكوينك جواها 

واول م اتولدت خادتك بين دفء أحضانها ووقعت في حبك من اول نظره ..