حتحور 𓉗𓏏𓎛𓅱𓂋

الهه الفرفشه والدلع " سيده السُكر والاغنيه والمر والهه السماء الشمسيه"

حارسه العالم السفلي والحياه بعد الموت

حوت حر حرب نبت واست 

"حتحور كبيره طيبه"

وأوقات شريره ومدمره 

انا واقعه في حب حتحور واللي ميعرفوش بعض الناس أن حتحور هي الهه الموسيقي والحنان والحب والخصوبه والرقص واحده من اكتر الالهه شعبيه في مصر القديمه 

اسمها يعني بيت حورس وكانت في مكانه مهمه كازوجه لحورس اله الصقر 

وفي نصوص الاهرام كان نطاق بيت حورس مكانا في السماء وكانت ممكن تجدد شباب الملك الميت واللي بيربط بين الالهه والتجديد والولاده الجديده بعد الموت ب اعتبارها اله عايش في السماء 

حتحور كانت مرتبطه ديما بنجم الصباح والمساء الزهره بالاضافه الي القرص الشمسي وكانت مرتبطه ارتباط وثيقا بالاله رع 

ومهمه جدا في الحياه الأخري وكمان كانت الهه الاحجار الكريمه والمعادن الثمينة وتم تصويرها في الفن المصري القديم كا امرأه عندها قرون ع رأسها وبينها قرص الشمس و كا امرأه برأس بقره وكان مركز عبادتها الرئيسي في معبد دندره

حتحور كان ليها جانب اسود كدا dark side بتظهر حتحور كمدمره وفي حكايه كدا أظهرت فيها قوتها المدمره وتحولها من الهه طيبه ل الهه شريره وفتاكه 

و الحكايه هي لما الإله رع حس أن البشر بيخنوه قرر أنه يعاقبهم كلهم ف عمل اجتماع لكل الالهه وكانت من ضمنهم حتحور وقالهم ام البشريه بتتامر ضدي طبعا تطوعت هي في شرب دماء البشر ومعاقبتهم والفتك بيهم لدرجه ان رع مكانش عارف يسيطر عليها 

رع قرر أنه خلاص كفايه كدا عقاب للبشر وانا هسامحهم خلاص وعشان يسيطر عليها صنع بيره ع شكل الدم كان خلطها بمعدن احمر عشان تدي شكل الدم ورمي البيره دي في الحقول والمياه عند الفجر عشان لما تيجي حتحور تشرب منها وتسكر وتهدي وتنام وترجع لطبيعتها الطيبه الهادئه وبيتهيألي كدا وتعزف مزيكا اروع من مقطوعه تارتيني devil Trill Sonata❤️