ما طول عمرنا أسمهم عناصر ومحدش زعل!! العنصر راح العنصر جه عادى!! كل بيانات الأحداث اللى عدت علينا كان نفس الصيغة..اشتبكوا مع عناصر من الصاعقة..أسفر عن استشهاد عناصر من قوات الجيش...
بتزعلك عناصر ؟ نسميهم ايه ؟ اقولك انت بتسميهم ايه؟ عد معايا: أعوان الطاغوت..جند فرعون...من والاهم...لولاكم ما ظلموا...
زعلان عليهم؟ هو مش حضرتك برده لما كنت باقولك فى مظاهراتك حرام عليك العساكر الغلابة تقولى نغمة العساكر الغلابة دى لإحباط الثورة! يا واد دا احنا عواجيز زى بعض انت فاكرني مواليد ألفينات!
اقولك انا ايه اللي مزعلك ....انك ماسك طبلة وطار بقالك سنين عن صفقة القرن و جيش فرعون و بلابلا بلا..ولما ولادنا أشتبكوا و ضربوا نار واتعاملوا بكفاءة وفعالية ومحدش قرب من الحدود...لفيت حوالين نفسك مش عارف تعمل ايه لحد ما لقطت كلمة وعملت بيها فرح...
ورايح جاى تقول دول الشهداء اللى بجد عشان انت مش معترف اصلا بشهداء السنين اللى فاتت..عناصر فيهم موجعتكش عشان اللى قاتلهم كان أصحابك...
اقولك انا ايه اللي مزعلنى؟ لا مش موقفك...موقف المتحدث العسكري و صمت المؤسسة العسكرية التام ...كأننا متعملناش من السنين اللى فاتت و لا اتعلمنا بأصعب الطرق واسوأها أن البيانات لازم تكون حاسمة وواضحة وسريعه و تحلق على الخوازيق قبل ما تحصل ولو حصلت تلحقها....مش لازم تستنى نتائج التحقيقات وتسيب الزيطة... بطء شديد ومعيب و غياب رواية رسمية...لا الوم العديد من الناس على زعلها لأن حضرتك ساكت وسايبنا نلم أخبارنا من السوشيال ميديا..
يا محسن بيه... مينفعش كده حتى لو حتطلق اسمائهم على كبارى كمان شهر...
(شكرا الصديقة دعاء عبد السلام على تجميعه البيانات الحلوة دى..مفياش حيل أدور واجمع وهى قامت بالمهمة كتر خيرها)
2
-2
