قصة مسلسل سيد الناس جديده جدا..عن شخص حباله الصوتية ربنا مديها الصحة بيجعر فى وشنا لسبب غير معلوم...عنده أسباب ما لحالة من الغضب المستمر مدخله حواجبه في بعض مع تقتيبه ١١١ ...بيعامل كل اللى حواليه بشكل دونى ومسىء و بينكل بيهم ... وعلى رأسهم طبعا سيدات عائلته ما عدا مامته عشان رضاكى يا أمى حكمة ميكروباصيه عتيقة... قصاد هذا التنكيل والإساءة وعدم القدرة على التنفس و التفكير والهمس للذات بغير أذنه ...بيحبوه ويعشقوه و يدوبوا في دباديبه ... نظرا لأن هو اللي حاميهم وقانيهم من وحوش الحارة...و أحد العقوبات الكلاسيكية لمن يعصى قوانينه هو رفع الحماية وإلقاء العاصى للكلاب تربيه ...و أكيد طبعا حيرجع لسيد الناس وهو متربى بعد ما نهشوه الديابه ....
و حيخوض معارك لا تسألنى عن أخلاقياتها ضد ناس لا يعلو هو شخصيا عنهم أخلاقيا وكلهم وارد نفس البكابورت...لكنه بجعيره وتكشيرته و جبروته يؤسس نفسه ذكر القبيلة للمرة العشرين بعد الألف بعد ما يسحق أعداءه ويقبل أهل بيته يديه في نشوة...
و نرسخ بقى الذكورية السامة و المفاهيم الضحلة المنحطة عن العلاقات الأسرية والاجتماعية وحقوق أفراد الأسرة والمجتمع على بعض...عشان كلهم فدا طرف البالطو الكرينج اللى هو لابسه...
بس يا سيدي..
2
-2
