نعزى أنفسنا فى كارثة موت أهلنا و اخواتنا ومواطنينا .. ربنا يربط على قلوب الأمهات ويرحم الضحايا و يصبرنا كلنا على مصابنا الأليم..

مازالت فكره "وزير كذا يعزى البابا فى وفاة الضحايا الأقباط" دى من أغبى واخبث الجمل والمفاهيم على الإطلاق...تكريس لفكرة أن المسيحى القبطى هو تبع "الناس اللى هناك دول" مش تبعنا...ميخصش الوزير دا "اللى تبع حكومة جمهورية مصر العربية" ولا يخص مجلس النواب دا..هو يخص البابا ...لما يموت نعزى البابا...

اسمها "تتقبل مصر شعبا وقيادة العزاء في مصرع مواطنيها " عشان الاغراب يعزونا...عشان احنا كلنا أصحاب العزا..