Rubues Hagrid ????

كل شخصيات هارى بوتر فيها خير وشر..إلا هاجريد..الوحيد الطيب جدا جدا جدا و بدون أى تردد...

هاجريد الجميل..نموذج لفاقد الشىء ورغم كدا أكثر شخص بيقدر يعطيه..

من أم عملاقه وأب بشرى..بيتولد هاجريد الجميل..وهو عنده خمس سنين كان بيقعد أبوه على دراعه..أمه بتهجره...بس مش بيكرهها..و بيحب أخوه العملاق Grawb ..اخوه غير الشقيق من أمه اللى هجرته..بيحبه ويحتضنه ويداريه فى الغابة ويراعيه..

طفل زى هاجريد أكيد اتعرض لتنمر كتير فى حياته..وقمة الأذى لما بينسب له فتح غرفة الأسرار فى الرواية التانيه و بيترتب عليها تجريده من عصاه السحريه ومنعه من ممارسة السحر ....و بفضل "دمبلدور"...بيفضل هاجريد حارس أراضى هوجوارتس..و لاحقا مدرس مادة "المخلوقات السحرية"..

هاجريد ..المخلص الشجاع .. الوحيد اللى "دمبلدور" استئمنه على "هارى" وهو طفل... الذى لا يقبل كلمة واحدة في حق بروفيسور دمبلدور..حتى وإن اضطر لرمى تعويذة "نمو الذيل" على "دادلى" ابن خاله هارى ردا على إساءة ابوه لاسم بروفيسور دمبلدور..رغم منعه من ممارسة السحر..وهو ما قد يعرضه لعقوبة... الوحيد اللى دمبلدور بعته لبنك السحرة Gringotts لإحضار "حجر الفيلسوف" ..هل شجاعته وإخلاصه جعلوا منه شخص متحذلق بقى ؟ ابدا..

كوخه كان مكان للراحة والضحك والأمان في هوجوارتس..مين ساند هيرميونى لما شتموها ب"صاحبه الدم الموحل" غيره؟ مين وقف جنب رون وهارى فى كل بلاويهم؟حتى قرب النهاية..مين لحد آخر لحظه حمل جثة هارى المفترض موته رجعها هوجوارتس بعد معركة هارى و فولديمورت؟ هاجريد الجميل..

هاجريد كان بيشوف الحلو جوه كل المخلوقات..صديق عناكب الغابة السحرية العملاقة..دول مش بياكلوا هارى وأصحابه إكراما لهاجريد!..التنين الصغنن اللى اتبناه يحرق دقنه بالنار يضحك..كل الوحوش بالنسبة لنا..كائنات محبوبه وفيها جزء طيب بالنسبه له...المهم تعاملها كما يليق بها زى "باكبيك" أو تحبها و تعزف لها موسيقى زى الكلب ثلاثى الرؤوس الحارس لحجر الفيلسوف...

ودا اكتر شىء اتحرم منه..السحرة شايفينه نص وحش عملاق..بينما هو أطيب المخلوقات..

هاجريد فضل طفل...غلطاته غلطات أطفال..بيقع بلسانه عادى ويقول أسرار خطيرة من غير خمر ومن غير تعذيب...متسامح حتى النهاية..طيب حتى وهو مظلوم...

هوجوارتس لا يمكن تكون هوجوارتس من غير هاجريد..

انا زعلانه يا جماعه ????