صديق عزيز علق فى يوم على فيديو شهير لغسان كنفاني وهو بيتحاور مع مذيع اجنبى...وله جملة مشهورة لما سأله عن إمكانية الحوار مع الكيان الإسر*ائيلي ...غسان قاله بعد مناهدة طويلة "نتحاور مع من؟ حوار السكين مع الرقبة؟).. الصديق كان شايف دا موقف عنترى وغير عاقل ...

الحقيقة أنا اتعلمت مع الوقت محكمش على مواقف معينه بمقاييسى...لازم تقف فى مكان الآخر و ظروفه عشان تفهم أو تتفهم مواقفه حتى لو اختلفت معاها... القراءة لغسان كنفاني وأى كاتب حضر النكبة كفيله بجعلك تتفهم أشد المواقف تطرفا فى النقطة دى...

من خمسين سنة..كلفت إسرائيل نفسها و اتشالت واتحطت عشان تغتال روائى وكاتب..