عندى اعتراف..
أنا بأتجنب أقرا كتابات محمد ابو الغيط ربنا يتولاه عن مرضه...
برغم أن دى حياتى كل يوم من ١٧ سنة ونص..نفس المشاهد والشكاوى والتدخلات الطبيه العنيفة/التلطيفيه...لكن أنا مش قادره أقراها..ومش قادرة مقراهاش...
قد يكون ميكانيزم للتعايش مخى اخترعها للفصل بين يومى فى الشغل و يومى فى البيت....كتاباته جابت الشغل في البيت....قد يكون الجانب من حياة المرضى للى مش عايزه أشوفه عشان احافظ على مهنيتى وآخد قرارات فى مصلحة المريض مش عشان عواطفى وعواطف المحيطين بيه ..يمكن.
جايز يكون نوع من compassion fatigue ..إجهاد تعاطفى...من كتر اللى شفته مش عارفه اتعاطف مع مين ولا مين ولا مين .... بالنسبه لي دى مش كتابات إبداعية...دى أيام وسنين مرت على بشر كتير بشكل لا يعلمه إلا الله...كل كلمة بيقولها انا عارفاها كويس..بأشوفها واسمعها وأشم ريحتها كمان .... استحضار كل دى بيدخلنى فى دوائر من التجاهل الواعى والغير واعى عشان اقدر اكمل...واحمى نفسى وذهنى من الخلل..
اتمنى أن ربنا يهون وقع الباقى عليه وعلى أهله وأحبابه كلهم..
2
-2
