من اكتر من عشرييين سنة..مكنش حيلتنا غير دواء واحد لحالات أورام الجهاز الهضمي...الفلورويوراسيل.. فضلنا نزود عليه مضاد ديدان شويه و مشتقات فوليك أسيد شويه على أمل نحسن من نتايجه..نديه بسرعه أو نديه ببطء...نكويه بالطول وبالعرض على أمل اى حاجه..
النهارده ومع انتهاء مؤتمر الجمعية الأوروبية لعلاج الأورام الخاص بأورام الجهاز الهضمي...عدد رهيب من الأدوية ذات فعالية... بروتوكولات راحت عليها و بروتوكولات جايه..مناعى و موجه وقصص كتير...
وكما يقال دائما..العلم بيحل مشكله ويخلق عشرة.. بعد ما كان محيلتناش غير دوا واحد بقى عندنا مشكله "ايه افضل علاج لكل مريض على حدة" ...حتى المرضى مبقاش علاج واحد ينفع الكل زى زمااان.. الموضوع خد منحنيات مرعبة من التعقيد...
وبقى عندنا أسئلة اكتر من الأول..
وده جزء من جمال العلم و بهاءه و أكبر ضمان لاستمراريته...
واحنا ربنا يعيننا بقى في ملاحقة اللى بيحصل..
2
-2
