بص يا ابو العلا

- أصل بص يا ابو العلا..احنا بنقول نظريات و عليها مجموعه أدله وقرائن..و بعدين نعمل عليها نقد بقى..أنا سميت الموضوع دا falcification ..لو النظرية صمدت أمام النقد وقدرت ترد على معظم الاسئله الموجهة نبدا نتبناها جزئيا مع اعترافنا بأوجه القصور فيها...و نحاول تلاقى إجابات للى النظرية مجاوبتوش..فنطلع بنظرية تانيه بقى وكدا...

- هو مش بس كدا يا ابو العلا ...العلم سواء تطبيقى أو انسانى..بيمشى بتراكمات كدا و مجموعة مصطلحات علماء فترة ما يتعاملوا معاها على أنها حقائق.. بعدين تفضل المعرفة تتراكم بقى لحد ما تبدأ تكون كتلة حرجة وتوصل لنقطة رفض السائد كحقائق وتبنى حقائق جديدة من المجتمع العلمى...و سميتها paradigm shift ..اللى هو زى الموجه كدا تكبر تكبر تكبر وهووب تتشقلب .. وبعدين موجة تانيه تبدأ تتكون وهوب هوب..تتشقلب...

- الفكرة ان زى ما توماس بيقولك كدا..اللى حنقبله النهارده أنه صح بكره ممكن يطلع غلط..يعنى انا بأقولك مثلا كل البجع أبيض ومفيش بجعة سودا..دا بناء على البجع اللى شفته فى حياتى..وارد يكون فى بجعه سوده مشفتهاش..تيجى بقى أنا أقدر أقول إن واحد مشافش بجعة سودا وبيقول أن البجع أبيض بس أنه غلط؟ لا مقدرش....لانه حكم فى حدود معرفته وملاحظاته...

- و المقبول دلوقتى لو اتغير مش معناه أنه كان غلط .. ما هو العلم والفلسفة وكله كله طبقات و revolutions بتسلم بعضها..يعنى النسبية تسلم الرايه للكوانتم وحييجى حد يستلم منهم وكده..

- احنا عارفين انك غلبان يا ابو العلا..و أسامة أنور عكاشة هو اللي قالك تحزق اوى..واحنا بنعرفك بس غلطك.

- و متاخدش حاجه على صدرك كدا يا ابو العلا ....مش لازم تولع فى نسق معرفى لو نسق معرفى تانى طلع مناسب عنه...

- هو اسامه انور عكاشه قاله انت دون خيوته وهو طاح..

-قاله أنه دون خيوته دى مانشا؟ اتاريه هابله ومسكوها طبلة..سرفانتس عارف بالكلام ده ؟

(كارل بوبر و توماس كون بيحاولوا يفهموا أبو العلا البشري غلطه بس..عشان المشرحة مش ناقصه قتلا)..