انت عارف يعنى ايه انسان مره واحده يتحول من مواطن عادى لشخص عالق فى وسط ضرب نار بين تيران طايحه تضرب عشوائي ؟ عارف يعني ايه انسان يفقد الباب والحيطان معناهم ويبقى مكشوف حتى فى قلب بيته؟ عارف يعني ايه يبقى الشارع بتاعه وحبايبه وأصحابه مصادر قلق مش مصادر أمان وحماية ؟
عارف يعني ايه يقف وسط بيته مطلوب يجمع تفاصيل حياته فى شنطه سفر..كبرت أو صغرت هى شنطه...حيلم عيشته كلها فيها ويجرى فى بلاد الله لحد ما يلاقى مكان يؤيه...و حيرضى بشغل أقل من مؤهلاته و أجر أقل من المتعارف عليه وعيشه فيها الحد الأدنى من الضروريات...ولو مرض تبقى مأساة ...ولو ورقه ضاع هو كمان ضاع...
مادمت مش عارف يبقى بلاش تنظير على خلق الله..و مش وقت لت وعجن ولا وقت تلبيس عمه الافروسينتريك للاجئين السودانيين..
دا وقت تصرف انسانى وإنقاذ أولا...ودا المعتاد مننا..
و أحب أقول للاخوه اللى عندهم تصور أن الافارقة حيحتلوا مصر بنظام التسلل والسيطرة من الداخل و حصان طروادة و شقلب وأقلب....
يعنى انت متخيل مصر اد ايه عشان اى كان عدد مجموعة من البشر يقدر يعمل فيها كدا؟ دا لو حبوا يسيطروا على شارع فيصل لوحده مش حيعرفوا...
أهلا بالأشقاء السودانيين.. ربنا يآمن روعاتكم..ويحفظ أرواحكم...
2
-2
