امال اغانى ميكروباصات غدر الصحاب وبوستات آخر السنة حيث نكتشف أن الحياة غابة واحنا غلابه يابا؟ ايه فشنك؟!
خطورة الأفكار من نوعية (محدش بيفتكر الحلو لحد..و الحياة علمتنى أن مفيش أصحاب ولا احباب ولا قرايب...وانا من النهارده حأعيش لنفسى واحضن نفسى و أضمد جراحى وحيدا) بتخلق مجموعات من الضباع البشرية...كائنات غير قادرة على تلقى الحب من الآخرين ولا بتصدق أى لفته جميله من أى شخص عشان (كوول السوحاب خاينين) كما أكد لنا سائق الميكروباص وأدمن صفحة أقوال خالد النبوى وشيرين رضا...
كائنات غير قادرة على تلقى الحب هى كائنات غير قادرة على منحه أيضا..عشان محدش بيطمر فيه و محدش حيفتكر فقررت أعامل الناس بالمثل..و مش حأعامل الناس بالحسنى عشان حسنى دى جوز خالتك يا روح خالتك...
فى الحقيقة ربنا وهبنى عدد كبير من "الفيرمينو" (لاعب ليفربول الانجليزي و المحب لمحمد صلاح ) فى حياتى...من كترهم مش عارفه أشكرهم واحد واحد وواحدة واحدة عشان منساش حد...
و بطلوا يا جماعه بطر على نعمة ربنا..الأهل والصحاب والعائلة نعم كبيرة جدا...و بتزول فى لحظة..فبطلوا حزق أن كله ملوش لازمه عشان النعمة لما حتزول من وشكوا حتزعلوا أوى ...
و ابقوا خلوا سواق الميكروباص ينفعكوا..
2
-2
