والنبى يا جماعه ومع احترامى لبوستات "البنت لازم تتدلع....لو عندك بنت دلعها واحضنها وشبعها حنان ...دلع دلع دلع....حب حب حب" ..معلش لو مفيهاش غلاسه متنساش انك بتربى بنى آدم...حلو طبعا ان ولادك يحسوا بالأمان و الحب بس دول حيطلعوا للدنيا لازم يبقوا فاهمين الصح من الغلط...و انت بتحب فى بنتك افتكر انها حتبقى فى يوم مسئوله عن بيت وعن نفسها...والدنيا مش بتدلع حد...ربى إنسان عاقل كامل قادر على إدارة شئونه وتحمل المسئوليه وله قيم ومبادىء ..وهى لوحدها حتفرز الصادق من الكذاب و مش حترمى نفسها فى أول صفيحة زباله و مش حيبقى مقياس تقييمها للناس
"بيشخلعنى..بيدلعنى...بيشخلعنى...بيدلعنى..ترترترا"..ولا يبقى غضبها عاصف وأهوج على أى حد يقف فى وش شلال أم الدلع اللى نازل على دماغها ويفكرها انها عليها واجبات زى ما لها حقوق...
هو شىء لطيف انك تشجع الأهل يظهروا حبهم ودعمهم لولادهم...لكن كبشر مش كحيوانات أليفه...الدلع الماسخ دا تدلدقه على قطة...لكن البنى
آدم بنحبه آه بس بنربيه..وكفايه والنبى كلام عننا ككائنات منفصلة عن السياق البشرى بقى...
2
-2
