عادة كلمة الحق مش بتبان مادياً ومبتقدرش تعبر عن نفسها !
وممكن بمنتهى السهولة حد يخبيها أو يتغافل عنها ! 😔
تسمع عن كلمة الحق ؟
الراجل الحقانى ؟
الست الحقانية ؟
اللى بيقولوا الحق وبيعبروا عنه بالكلام لأن الصح أو الصواب أو المنطق أو اللى احنا بنسميه الحق مبيتكلمش ومبيباتش فى أغلب الأحيان إن لم يكن مبيبانش لحد خالص !
طب تخيل كدا لو كلمة الحق دى بتقول نفسها وبتعبر عن نفسها وبتبان رغم العمى اللى بيصيب معظمنا فى أغلب المواقف ؟
تخيل الحق ده بيطلع كدا فى مواقف الظلم بنفسه يقول اللى الناس بتنكره أو مش شايفاه أو عاملة نفسها مش شايفاه !
تخيل لو الحق ده بيبان فى الوقت المناسب بشكله الجميل جداً وقوته المفرطة اللى محدش آدمى يقدر عليها ويخبر عن نفسه ويقول إن فلان ظالم وفلان مظلوم.
إن فلان واخد حق فلان ولازم يعمل كذا علشان يرجع الحقوق اللى عنده !
أو يخبر عن نفسه بس حتى لو محلش الموقف، على الأقل يبان ميبقاش مستتر ومستخبى وبمنتهى السهولة الناس تطبقه وتحطه فى درج أو فى صندوق زبالة أو فى أى ركن أو تدعى إنه مش مفهوم أو مش واضح فتنكره تماما وبالتالى يفصّلوا الباطل على مزاجهم وبالمواصفات اللى تريحهم ويسموه الحق !
تخيل لو الحق ده بيعرف اللى محتاج له واللى حقه ضايع فيروح له ويأكد له إنه صح ولازم ياخد حقه وميصدقش الباطل اللى بيتصدر له من اللى حواليه على إنه الحق بناء على مصلحتهم ؟
عارف لفظ الحق ده جاى منين ؟
من إسم الله الحق ! ❤️
إسم الله الحق يعنى الثابت وجوده، الأكيد وجوده، الدائم وجوده !
يعنى مافيش شك ولا اختلاف عليه !
تخيل لو كلمة الحق كان لها مواصفات مشابهة !
تخيل لو كانت ثابتة وأكيدة ودائمة !
يعنى محدش يقدر يشكك فيها أو يحتار فيها أو يعمل نفسه محتار فيها !
بس ربنا مش بيريد لها إنها تبان !
دكتور مصطفى محمود سمعته مرة بيحلل الفكرة دى من وجهة نظره وغالباً هو ده التحليل الصحيح فعلاً !
كان بيقول ؛ عارف ليه ربنا سايب الشر يحصل والظلم يحصل ويزيد ويكبر مع إنه يقدر يوقفه ؟
لأنه هيحاسبنا كلنا على أفعالنا وعلشان هيحاسبنا لازم يسيبلنا حرية كاملة فى الاختيار بين الخير والشر لو مسابلناش الاختيار، هيحاسبنا ازاى على حاجات أجبرنا عليها ؟
علشان كدا لازم يسيب الشر والظلم طلقاء وبكدا اللى هيعملهم بحريته هيتحاسب عليهم !
من الحاجات اللى باحبها فى فكرة الحق إنه حااااااد وقااااطع؛ يكون أو لا يكون !
يا إما يكون حق يا إما يقلب باطل !
فكرة الحق باحب فيها إنها كدا بردو يا إما تبان وتبقى واضحة يا إما تبقى باطل حتى لو عبرت عن نص الحق أو جزء منه أو كلمة الحق اللى بتتقال علشان وراها هدف تانى غير إظهار الحق فى الموقف الحالى !
ونفس الفكرة هى اللى بتخلينى أعشقققق سيدنا عمر؛ أنا فعلاً باحبه بشكل غريب جداً، لأنه معروف بعدله وإحقاقه للحق وإنه كان لا يتقاعس مطلقاً عن إتباع الحق كمنهج فى حياته وفى الخلافة. ❤️
مكانش عنده فيه أى تهاون ! ❤️
تخيل لو المظلوم مبذلش أى مجهود فى إنه يلاقى حد يسنده ويقف جنبه ويجيب له حقه لو مش قادر يجيبه، ويفضل يتحايل على ده ويتحايل على ده عشان يقفوا معاه ويساعدوه وميقفوش ولا يساعدوه فى الآخر بردو. 😂
ويقفوا يتفرجوا عليه وهو بيتظلم ويتسلوا !
تخيلت ؟
تخيل كمان، تخيل أوى !
تخيل علشان الكلام ده خيال وعمره ما هيحصل، فعلى الأقل تخيله !
أمل عبد المجيد عبد المجيد عبد الحميد زيادة 
كريمان محمد عبد السلام عفيفي 
محمد حماده رزق السيد الشافعي 
د. راقية جلال محمد الدويك 
آمال محمد صالح احمد 
احمد محمد عبد الوهاب كريدي 
ياسر محمود سلمي 
هاله اسماعيل عبد العظيم يوسف 
سحر حسب الله عبد الجبوري 
د. سمر ابراهيم ابراهيم السيد 
د. نهله عبد الحكم احمد عبد الباقي 
زينب حمدي 
د. عبد الوهاب المتولي بدر 
د. محمد عبد الوهاب المتولي بدر 
حنان صلاح الدين محمد أبو العنين 
د. نهى فؤاد محمد رشاد 
د. شيماء أحمد عمارة 
م. اشرف عبد الصبور الكرم 
1
-1
