ساعات بنقول على الناس المختلفين اللى بيفكروا برا الصندوق وبيتدينوا برا الصندوق وبيتعاملوا برا الصندوق إنهم ناس ( فريدة ) وبتقود القطعان وبتأثر فى اللى حواليها !
وساعات تانية بنقول عليهم ناس غرررريبة ومش مريحة ومش مفهومة والتعامل معاهم صعب !
طب إيه ؟
الموضوع ده فيه شقين؛ الأولانى إننا مفهمناش الناس المختلفين دول ومعرفناش نستفيد من إختلافهم، والتانى إنهم هما نفسهم غلطوا لما خرجوا برا الصندوق فى كل المواقف ومع كل الناس !
هما لو بيتعاملوا مع ناس بتفهم وبتقدر وبتحس وبتشوف الفروق الفردية وبتحترمها؛ يبينوا الاختلاف ده واللى حواليهم هيعززوه ويطلعوا من بعض بأحلى شغل، لكن لو بيتعاملوا مع ناس لا مؤاخذة عمياء القلب والبصر والبصيرة؛ يبقى الاختلاف اللى عندهم هيتشاف غرابة وهيتم معاملتهم بتهميش لأنهم مش مفهومين ده إذا ماتقالش عليهم مجانين !
يبقى المفروض المختلفين دول يتعاملوا مع كل واحد على قد عقله وعلى قد عبطه وعلى قد غباءه !
يعنى لازم يعرفوا إنهم فى كثير من الأحيان لازم يتعاملوا بأفكار من جوا الصندوق ومن قلب الصندوق بل ومن قاع الصندوق، لأن فيه ناس مبتفهمش غير اللى جوا الصندوق.
2
-2
