الحلقه الثالثه عشر

صوت ضحكات عاليه ،،فرحه غير عادية

شوية اتقلبت الضحكة لصويت
صرخه عاليه

صوت مخيف ...يليه انفجار يدوى فالمكان كله!!

تقوم مفزوعه ..

ام ماليكا : خديجة !!!

اتعدلت من عالسرير وهى بتاخد نفسها بالعافيه ورا بعض متلاحق ، شافتها قدامها كل الى حصل لخديجة مع انه اتحكالها
بس عمره م راح من بالها حتى لو فات عالحكاية سنين ، دى حتة منها وراحت فعز شبابها ..

صوت فزعها صحى معاوية من نومه ،حتى لو كان فالاوضه جمبها
فلو فاته صوتها وهى بتتخض ...عياطها كان مسموع

معاوية جاى من اوضته بسرعه ملهوف

معاوية: ايه يا امى ؟ مالك

بتعيط الام

معاوية: وحدى الله مالك بس

الام: شوفت اختك ...شوفت خديجة وهى بتموت
شوفت كل حاجه قدامى كانى كنت موجودة

معاوية حضن امه واتأثر لكلامها ولسيرة اخته الى اتوفت صغيرة

معاوية: امى لما تشوفى حاجه زى كده،قومى اتوضى وصلى وادعيلها واطلب لها الرحمه
متعيطيش عشان متتعذبش
فقبرها

الام معيطه برضو وهزت رأسها وسندتها على صدر معاوية ابنها كانها فاقدة امان وتعبانه ومش حمل
اى حاجه تتقال ...

#لنورإسماعيل

• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'*•.¸¸.¸.•'´
" الاطباء لا ينصحون بالتعامل مع البنى ادمين ..!"

كتبت ماليكا الجمله فوق ورقه فاضية قدامها وهى قاعدة ع مكتبها فشغلها ، وشخبطت حواليها دايرة

جاية زميلتها وبصت بتكتب ايه وضحكت

زميلتها: الاطباء لاينصحون بالتعامل مع البنى ادمين ! ايه ده يعنى ايه

ماليكا: اصل البنى ادمين بقو خطر اوى ، وكل م نبعد عنهم
كل م نبقى اصحاء اكتر

زميلتها استغربت كلامها وقعدت ع مكتبها ساكته،شوية وفتحت معاها كلام تانى

زميلتها: احلى حاجه ان يوم السبت الجاى اجازة رسمى ، هناخده بعد الجمعه
ياااه يومين راحه ياسلام

ماليكا بصتلها وابتسمت ابتسامه جانبيه كده

زميلتها: انا قولت لابو العيال ،انت تاخد ولادك وتروح على امك
انا عاوزة اليومين دول افصل كده
عاوزاهم راحه من كله

ماليكا: وحياتك الى بابو العيال والعيال مش مرتاحه ،ولا الى من غير مرتاحه

زميلتها: ده دوشه وزهق ياشيخه ،قوليلى هتعملى ايه فاليومين دول

ماليكا ( بخنقه) عندى حملة بحث جديدة ( ميلت تكمل كلامها لها باهتمام) اصل انا
اتعينت فالمباحث خلاص وبقى ليا بوزيشن مهم كمان

زميلتها: ايه يا ماليكا انهاردة مالك ؟ شغاله تقولى كلام مش مفهوم

ماليكا: لا واتعينت غصب عنى ،عشان اريح الى ظلمته( عيونها اتملت دموع)
طب هى مجاتش قالتلى كده ليه
مجاتليش تقولى زيهم ليه
يمكن هى الوحيدة الى مكنتش هخاف منها ،وكنت هبقى مبسوطه لمااشوفها
ولو خدتلها حقها هفرح انها ارتاحت مع ان هتحرمنى رؤيتها ( دمعت)

زميلتها شكت ف اسلوب كلامها انه غريب ،قامت من مكانها وعملت نفسها رايحة الحمام..

خلص يومها ومروحه وبتتكلم فون مع دينا فالطريق..

ماليكا : قلقت كذا مرة بليل ،مانا خلاص بطلت انام زى الناس

دينا: ايه بس الى قلقك

ماليكا: حلمت بالمرحومة ميرفت فاكراها

دينا: الى روحتى عشانها اسيوط ؟

ماليكا: اه هى ...حلمت انها بتضحك وبتبوسنى وبتخرج من باب اوضتى
قومت مخضوضه افتكرتها قاعدة معايا فالاوضه

صحيت ملاقتش حاجه ...بصيت على كل ركن فالاوضة
مفيش حد

بستهدى بالله وهنام ، وخلاص نمت
احلم بسى الاستاذ جمال ، بيقولى اصحى بصى قدامك

اقوم مفزوعه
الاقى مكتوب عالمرايا بالروج عنوان فالمطرية !

قولت حلو كملت ،وادى يومين الاجازة هيروحوا فمجايب حق جمال

دينا ساكته

ماليكا: ساكته ليه ؟

دينا : ماليكا ...انا هنزلك اقعد معاكى يوم

ماليكا ( بفرحه ) بجد !! امتى

دينا : بكرة الصبح جايالك ،معنديش بكرة محكمة وبعدها يومين اجازة

ماليكا : مستنياكى اوى ياحبيبتى تنورينى ...

#لنورإسماعيل

• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'*•.¸¸.¸.•'´

ماليكا جاية من المطبخ عاملة اكل وجاية لدينا فالاوضة قاعدة عندها

ماليكا: انا مبسوطه اوى اوى وبتمنى اليوم ده ميعديش

دينا ابتسمت وبتبص حواليها طول الوقت

ماليكا: متقلقيش بيظهروا ليا انا بس ،حتى يونس لما جبته يشوف زمان ميرفت
ماشفهاش ( ضحكت)

دينا: ماليكا انتى رجعتى تاخدى البرشام !

ماليكا: ( مستغربه) لا بطلته والله ،بقيت اتقبل الواقع زى م هو
بالبرشام من غيره هو مقرف وزفت

دينا بصالها بتساؤلات كتير فعنيها

ماليكا: انتى فاكرة انى بتخيل مثلا او باخد البرشام وبهلوس وان كل الى بحكيه
ليكى ده مش بيحصل !

دينا: ماليكا مش معقول ابدا الى بتقوليه ده ،كل م تمشى تلاقى روح وتكلمك
وتحكى وياكى مش منطقى يعنى

ماليكا: انا مش كدابه!! وهكدب ليه
غاوية اعمل افلام عليكى يعنى

دينا حست ان ماليكا بدأت تنهار اول م اتهمتها بكده فقالت تهدى الموقف

دينا: ياحبيبتي انا بتكلم بالعقل ،مافيش اى حاجه اسمها كده
انا مش بكدبك
ممكن تكونى خدتى البرشام بتاعك وو

ماليكا( قاطعتها) وبهلوس ! تعالى

اخدتها من ايدها ورتها الكتابه عالمراية بالروج

ماليكا: ايه ده؟

دينا: ممكن تكونى انتى كتبتيها بلا وعى

ماليكا حاسة ان دينا بتتهمها بالجنون والهلوسه

ماليكا: انتى ازاى بتكدبينى وانتى عارفه كل حاجه عنى وبقولك اول باول

دينا: انا مش بكدبك انا عاوزة افهم ،انا معاشراكى من سنين
مرة واحدة ظهور عفاريت يكلموكى عاوزين حقهم ،كانوا فين من قبل

ماليكا: يونس قالى ان دى حاجه اسمها الحاسة السادسة
وان مش كل الناس بتبقى عندهم
وانا فعلا شوفت تيته وحضنتها وسلمت عليا وكانت ماتت فالوقت ده فبيتها

وبشوف خديجة من يوم م ماتت مفارقتنيش

دينا: جدتك ممكن تكونى حلمتى بيها ،قدرتك فالحدس عاليه
وخديجة دى توأمتك لازم عقلك يرفض موتها وفقدانها

ماليكا: انا زيك استغربت الارواح دى يونس قالى انى متصله روحى بروحهم وعايشة
بين عالمين
بس فى جديد خلاهم يبقوا معايا كده

دينا شكلها مش مصدق وكشرت وبصت للارض

ماليكا: اوك ...انا بهلوس زى م بتقولى
انا هستأذنك تيجى معايا اليومين الحايين دول مشوار
للعنوان ده( بتشاور عالمرايه) لو طلعت بهلوس
ودينى بايدك لمصحه نفسيه !!

دينا سكتت واقتنعت بالاتفاق الى عملته ماليكا معاها عشان تتاكد

ماليكا:انا دلوقت فهمت انك جيتى عشان تتاكدى من خيالاتى وانه مش حقيقي
بس انا هثبتلك انه حقيقي يا دينا
وزى م بيقولوا
الميه...تكدب الغطاس!

#لنورإسماعيل
ا• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'*•.¸¸.¸.•'´

"جنانك ده فيوم هيوصلك لنتيجة زى الزفت "

خديجة : الله فيه ايه ياست ماما ! كانت مسابقه وكان لازم اكسبهم كلهم

الام:تقومى تعومى لحد العمق جوه وانتى عندك مشاكل فالقلب ،ماليكا تناديلك وانتى ولا
هنا

خديجة: ماليكا دى مش توأمتى ! بس مش زيي اطلاقا
خوافه وعبيطه
دى بتعوم احسن منى ومرضيتش تيجى معانا ،كانت ممكن تغلبنى

الام: بقولك ايه بطلى وخفى جنان ، مينفعش كده بتقلقينى عليكى
انا كل مرة بتطلعوا مصيف بتخلينى احط ايدى ع قلبي كده

خديجة: ياست ماما اصلا الى مكتوب فعمرى هعيشه لاخر يوم
بطلت جنان ولا لا
المكتوبلى هشوفه بالحرف
خدت بالى بقى ولا مخدتش

الام: ايه واخداها عافيه يعنى !
يابنتى انا بخاف عليكم انا مطلعتش غير بيكم من الدنيا

خديجة: يا ماما يا حبيبة قلبي احنا زى الجن متقلقيش
طب اقولك ع سر
حتى لو بطلت جنان وحافظت ع روحى خالص وربنا كاتبلى اموت والعه
هولع وانا واقفه كدهون ( بتضحك)

الام( ضربتها فدماغها) روحى...روحى مش عاوزة ادعى عليكى
والتانيه حسابها معايا
انتى تعملى المصيبه وهى ماشية فديلك

خديجة: اه والله غريبة مع ان هى اكبر بخمس دقايق لكن تقولى ايه

الام: روحت الكشف بتاعك ولا ده كمان نسيتيه؟!

خديجة( عوجت بوقها) اه حاضر هروح عشان يزودلى يومين زيادة فوق
عمرى

الام:انتى هتفضلى تاعبه قلبي لامتى

خديجة( ميلت ع ودن مامتها وقالت بهدوء) ماما انا هموت كده فسنى ده
مش عشان ربنا ادانى سره حاشالله
عشان انا حاسه ده
يبثى اضيع ليه حياتى بين مستشفى ودكاترة وصح وغلط
( باستها ومشيت)

كل الحوار ده دار قدام مامت ماليكا وهى بتبص فالبوم صور لخديجة
قدامها ودموعها مش مبطله

جه معاوية من شغله وهى ولاحست ولا اى حاجه حتى لما نده عليها مسمعتش
كانت جوه الصور

دخل لاقى منظرها ده صعبت عليه ،قعد جمبها عالسرير
وباس دماغها

معاوية: ايه يا ام معاوية ؟! مش ناوية تغدينا او تعيشنا الى ييجى منك حلو
ولاهنقعد كده قدام الصور

الام( بتمسح عيونها) معلش محضرتش حاجه ،عندك جبنه وبيض فالتلاجه

معاوية: لا وعلى ايه
انا هقوم زى الشاطر اطلب كريب شيكولاته يسد معايا عشان انام
اطلبلك حاجه ؟

الام: لا انا هنام

معاوية: طيب متناميش معيطه ( بيمسح بايديه دموعها) افتكرى ان اخر دقيقه فحياتها
كانت بتضحك
خديجة أن شاء الله مرتاحه ياامى

الام ( بتبص للسما) يارب

#لنورإسماعيل
ا• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'*•.¸¸.¸.•'´

ماليكا : السلام عليكم

ست كبيرة فالسن : وعليكم السلام

ماليكا: كنت بسال عن بيت ابو جمال

الست معرفتش : ابوجمال مين

دينا بصت لماليكا

ماليكا: مش عارفه غير ان اسمه ابوحمال ، عنده جمال كده فسن اعدادى
وكام عيل اصغر منه

الست: المنطقه هنا مليانه يابنتى

دينا: طيب شكرا

مشيوا شوية وراحو لاقرب سوبر ماركت يجيبوا ازازة ميه
تعبوا من اللف والتدوير

وماليكا انتهزت الموقف تسال

ماليكا: بقولك يابشمهندس ،مفيش حد فالشارع ده اسمه ابوجمال

الراجل بيفتكر

ماليكا: تحس انه سمح كده وبيلبس جلاليب ، و عنده كام طفل كده اصغر من جمال
تقريبا مراته ماتت او اتطلقت واتجوز وو..

الراجل( افتكر ) اه ابو حمال ،الى ابنه جمال متغيب وتايه ؟

ماليكا بصت لدينا

دينا: هو ابنه جمال تايه مش ميت ؟

الراجل: لاياست فالك برة ، تايه بقاله ست شهور وابوه دايخ عليه
هو ده الى بتقصديه

ماليكا قلبها اتعصر لانها عارفه انه مات ،وعندها بنت يعنى حاسة بمشاعر الابوه

دينا: دلنا على شقته بالظبط لو سمحت

راحو عالعنوان ...وقابلتهم مرات ابو جمال شكلها حزين كده ومكشره

مرات الاب: ايوة

دينا: احنا عاوزين نقابل ابو جمال

مرات الاب: ابو جمال مش موجود ( بتبص لهم من فوق لتحت تفحصهم لبسهم شيك
وحلوين)

ماليكا: طيب هييجى امتى

مرات الاب: معرفش مالوش مواعيد ،انتو مين وعاوزينه ليه

ماليكا: احنا نبقى...
دينا( قاطعتها) طيب ممكن ندخل جوة نستناه، لو مفيش مانع
عاوزينه فموضوع مهم

مرات الاب مرتاحتش ليهم

دينا: ولاحضرتك بخيله ! اعتبرينا ضيوفكم يعنى احنا مش من المنطقه

مرات الاب: اتفضلوا يا انسات

دخلوا وقعدوا ،عالحيط صورة جمال وهو صغير
وصور لاخواته
وصورة زفاف لمرات الاب وباباه ...

ماليكا بصت على صورة جمال وغمزت ل دينا عليها ان هو ده

جابت مشروبات وشربوها ، ساعة واتنين
لا ماليكا ودينا بيتكلموا
ولا الست بطلت بص عليهم من ساعة م دخلوا

الا شوية واتحط المفتاح فالباب ودخل ابوجمال
راجل تحس ان كسره الحزن ،ماشى موطى راسه للارض

ابو جمال: السلام عليكم ..عندنا ضيوف ولا ايه ياحُسنيه

مرات الاب: اه ومستنينك من ساعتين

ابو جمال: يا اهلا وسهلا

دينا: احنا اسفين يابو جمال ،انت لا تعرفنا ولا شوفتنا
بس احنا جايين لك فموضوع مهم

ابو جمال : خير يا ابلوات !

ماليكا: بخصوص جمال ابنك !

الراجل ابتسم والست بصالهم وكشرت بزيادة

ابوجمال: خير لاقيتوه ؟! لاقيتوه فين وهو فين

ماليكا مقدرتش ترد صعب عليها الراجل ،دينا تولت المهمة

دينا: احنا ملاقيناهوش يا عم ابو جمال
احنا بس عندنا معلومات ان فيه ناس خاطفينه ...والناس دى قريبه من هنا

قالت كلمتها دينا وهى باصه لمرات الاب ،هى ارتبكت ودخلت المطبخ

ابو جمال( بخضه) مخطوف! كنت حاسس انه اتخطف
بقالى شهور بدور عليه
من ساعة م نزل يلعب فالشارع مرجعش

طيب يا ابله ...الى خاطفينه عاوزين ايه وانا رقبتى تسد
بس يرجع ( ابتدا يبكى)
ماليكا: ( حاولت تتماسك) احنا هنحاول ياحج
وان شاء الله نجمعلك حل
بس انت اتماسك عن كده احنا خلاص لاقينا طرف الخيط

ابو جمال: طيب يا انسة قولولى اى معلومه ،هو انتو ليه مش عايزين تريحونى

ماليكا: لو كنا مش عاوزين نريحك مكناش جينا انهاردة
ليك

مرات الاب واقفه ورا الباب المطبخ وبتسمع ...

#لنورإسماعيل
ا• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'*•.¸¸.¸.•'´

فمكتب المحامى الى بيشتغل عنده عمر ،كانو بيهنوا المحامى
وبيهنوا عمر الى كاتب المرافعه كلها
وكمان عشان المكفأه الى خدها ...

زميل: مبروك ياعمر انت دماغ يا واد والله

عمر: يبارك فيك ،مش هابقى مخ ورجل

بيضحكوا

منة : مبروك ياعمر ، على فكرة انا عازماك بالمناسبة دى

عمر ( اتاخد) طيب خليها مرة تانيه

منة: لاهى المرة دى ،ده انت كاتب مرافعه تهز جبل
لازم احتفل بيك

عمر: طيب عازمه بقية الزملا

منة: لا هو انا وارثه ، انت وبس ياعم

عمر: طيب اوك

منة: يلا بينا ،بتحب السمك ؟

عمر: طيب م تطلبيه هنا

منة: اساسا انهاردة اجازة احنا جينا نهنى الاستاذ ونمشى يلا بقى

عمر مكانش عاوز يروح ،لكن محبش يكسفها
راح وياها وقعدوا ع تربيزة
طلبت اكله سمك مفتخره
ومستنين الاوردر يجهز

منه( مبتسمه) طول عمرى بقول عليك محامى شاطر
من ساعة م جيت فرابعه اتدرب ولاقيتك جاى قبلى بسنتين
حتى الاستاذ لما بيفخم فيك فقضيه عننا بقول حقه بصراحه

عمر: من ذوقك يامنه تسلمى

منة بصاله بحب فظيع

منة : عارف ياعمر ، من اول يوم عيونى وقعت فيها عليك
وانا معجبه بيك
باخلاقك العاليه وثقتك بنفسك
بقول لنفسي مفيش حد عالفرازة كده

عمر( بسخريه ) عالفرازة ايه ونسيتى بصمتى ( بيشاور على رجله)

منة: بالعكس انت كويس اوى واحسن من اى حد
هو ينفع اسالك

عمر: على ايه

منة: عن ماليكا ...
بتعتبرها ايه دلوقتى
يعنى لما بتشوفها بتحسها انهى احساس

عمر( اتنهد) هو انا مش قولتلك انى موضوع ماليكا مش قابل له نقاش مع حد

منة: معلش السؤال ده بس،ريحنى

عمر: لو شوفتها بحس اول احساس قلبي حسه
وبرجع افكر نفسي هى بقت لى ايه خلاص
فبضطر اقبلها بصورتها الجديدة ،الى ارغمت عليها
غصب عنى

منة( مبتسمه) يعنى بطلت تفكر فيها ك حبيبه؟!

عمر( بحزن) اُجبرت انى ابطل افكر فيها ك حبيبه ،ولازم اتقبل ده

منة: وهو فى احتمال انك ترتبط من جديد؟

عمر: اكيد فيوم هرتبط مش هبقى راهب يعنى

منة فرحت اوى وفرحتها بانت على وشها

الاكل نزل ،نزلوه الويترز ومشيوا

منة: حاسة ان من فرحتى هاكل الاكل ده كله ( فرحانه)

عمر ابتسم ع كلامها وبدأ ياكل ....

#لنورإسماعيل
ا• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'*•.¸¸.¸.•'´

خلصوا كلام دينا وماليكا مع ابو جمال ، ونزلوا من عنده
شاكين فحاجه معينه وبيحكوا سوا عنها ، طلعوا برةالشارع بشوية
وبرة المنطقه ورايحين ياخدوا تاكس

طلع عليهم اتنين حطوا مناديل على مناخيرهم فيها مخدر
شموها وفقدوا وعيهم فالحال وهما بيحاولو يصوتوا ويتخلصوا منهم ..

خدوهم الاتنين وركبوا بيهم عربيه وطلعت فلمح البصر ....،،

الحلقه الرابعه عشر

شكر خاص لصاحب قصة جمال لسماحه انى اكتب القصة فروايتى ...
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´

بتفتح عيونها بالراحه بتفوق من المخدر الى شمته ، لاقت نفسها مربوطه بايديها من ورا
زيها زى دينا جمبها الى فاقت قبلها بدقيقتين وبيبصوا عالمكان حواليهم ...

اوضة شكلها غريب كده ،فيها ازايز ميه وسرير قديم ومش مفروش
وزبالة كتير عالارض

ورق كتير وورق لاكياس شيبيسي وعلب كارتون فاضيه ..

دينا( باشمئزاز من الى هما فيه) ايه القرف ده ! ايه المكان ده

ماليكا (بتبص حواليها) : هو حصل ايه

دينا: لا متسأليش حصل ايه ,اسالى هيحصل ايه
دول اكيد الى خطفوا الولد

ماليكا: عشان تصدقينى بعد كده ومتحسبنيش بهلوس
اديكى معايا اهو فكل حاجه

دينا: خلاص يا ماليكا مش وقت كلام دلوقت ،المهم هنطلع ازاى من الى احنا فيه ده

سمعوا صوت رجلين برة اوضتهم وزى صوت همس

دينا( شاورت براسها لماليكا) ششش..اسمعى كده

من برة الاوضه

مرات ابو جمال: هما جوه؟

عشيقها: اه ...انجزى عاوزانا نعمل فيهم ايه
نخلص عليهم ونرمى جتتهم فالصحراوى

مرات الاب،: استنى بس ،بالهداوة

عشيقها: هداوة ايه ،انتى بتقولى عارفين كل حاجه

مرات الاب: استنى احنا خلصنا من مصيبة هتوقعنا فالتانيه
وبالجوز كمان

عشيقها: طب بقولك ايه ياسونه ،م تيجى وانتى مِحلوة انهاردة كده
ومقلوظة
هو البئف فين

مرات الاب( ضربته على ايده) اصبر هو ده وقته اما نخلص من التوريطه الى طلعت
على فجأة دى

دخلت الاوضة شافتهم مربوطين وباصين لها

ماليكا: هو كان باين عليكى انك انتى الى عملتى كده فجمال ،منك لله ياشيخه

مرات الاب: تعرفوا ايه عن جمال ؟ وجايين لابو جمال ليه

دينا( بقرف وثقه رغم الى هى فيه) مش شغلك ! لو بجد مش عاوزة يحصل مشاكل
تمشينا من هنا وبهدوء

مرات الاب: والنبي ايه ، زغزغنى يا واد عشان عاوزة اضحك ( بتمثل ضحكة مصطنعه)
هيهيهيهي
امشيكم عشان تطلعوا تقولوا لابوجمال الى تعرفوه وكمان الى عرفتوه دلوقت!

ماليكا( بصالها بقرف) راجل بتخونيه اتجوزتيه ليه ؟ وموتتى ابنه ليه

دينا: متساليش ياماليكا ،الناس دى لاعندهم قلب ولاضمير
وبعدين واضح انهم قتلوه عشان شافهم ولا حاجه

مرات الاب اتغاضت وضغطت ع شفايفها من كلامهم

دينا: انتو قتلتوا الواد وتجارته باعضائه ! على فكرة هى سبوبة صح الصح
مش بس خلصتوا منه
لا واستفدتوا
والراجل ياعينى لاحول له ولاقوة
قتلتى ابنه وبيعتيه حتت
وبتخونيه
وبتاكلى وتشربي فخيره
منتهى الجبروت

مرات الاب( ضربت دينا بالقلم) انتى هتحاسبينى ! تطلعى ايه انتى ولا انتى( بتشاور على ماليكا)
انا غلطانه قلبي رأف بيكم ومكنتش هخليهم يخلصوا عليكم
انا هخليهم يقطعوكم ويرموكم لكلاب السكك

خرجت من الاوضة وهى كلها غيظ منهم ودمها بيغلى ...

مرات الاب: موتوهم وولعوا فجتتهم

عشيقها ورجالته : تمام

دينا وماليكا سامعين جوه وبصوا لبعض وبصوا للسما برجاء...

#لنوراسماعيل

•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´

على سرير صغير ...
فى اوضة صغيرة ، كانوا فى احضان بعض ..

ووقت عدى
وقام يونس من السرير ،بيلبس هدومه

واسراء قايمه وراه تكمل بقية لبسها ...

اسراء ( بتبوسه فخده ) كان يوم حلو انهاردة

يونس ابتسم وكمل لبسه

اسراء: بتبقى فالموضوع ده غير خالص لما نبقى فشغل

يونس: لا مانا فالشدة شديد وفالقوة قوى ،اوى اوى

اسراء( بتضحك) انا مبهرجش!

يونس: عارفه يابت يا اسراء !
انتى شخص مُحير جدا

اسراء: ليه ياسى الاستاذ يونس

يونس: عادى بالنسبة لك ورقه العرفى الى كتبناها
والهبل ده
ومش راضية فعلا انى اتجوزك ،انا عمرى م شوفت كده

اسراء جت وقعدت جمبه وهو بيلبس الشوز

اسراء: بص ياعم، العرفى ده عشان نحلل اى حاجه
عواطفنا تقول عليها
وعشان محسش انه حرام

يونس( بسخريه) بتنيمى ضميرك يعنى ؟

اسراء: لا مش بنيمه ،بس انا محبش اعمل حاجه زى دى
من غير م تكون حلال

يونس: ياصلاة النبي ! طب م احنا بنسرق
ده اسمه ايه ياست الشيخه

اسراء: انا بتكلم فموضوع تانى يايونس ...عشان يعنى لو اتجوزت
مبقاش كنت بخون جوزى
اسمى كنت متجوزة

يونس: ( بيبص لها باستغراب)بس انتى صاغ سليم وانتى عارفه ده
احنا بنستهبل بس مفيش اكتر من كده
متجيش فيوم يحصلك حاجه وتلبسيها فيا

اسراء( ضربته ع دراعه) ليه يا حمار مقضياها
لاطبعا مش هقول كده

يونس: طب وليه وجع القلب ،م تعالى اتقدملك ونتجوز

اسراء بصاله بغتاته

يونس: ياناااس! انا لو شهدت فرخه معدية عليكى هتطلعك مجنونة
اقولها ياست فرخه
احكمى
واحد بيحب واحدة
وعارف انها حراميه
ومقضياها معاه ( ضربته اسراء فصدره عالكلمه دى)
وعارف عيوبها وراضى
وعاوز يتجوزها فالنور
وهى بتحب الضلمه

يرضيكى ياست فرخه ؟!

اسراء( بتضحك اوى) اه يرضيها ،انا متجوزش حرامى
بيسرق فرحته من الناس
هيسرقلى انا ايه
واطلع ولادى ايه

يونس: ياسلام عليكى يامضيفة الطيران ! ماهو ما جمع الا ما وفق
الحال من بعضه
ثم تعالى هنا
انا مقطوع ومحدش بيسالنى بتلبس وبتجيب منين
طب وانتى

اسراء: طب مانا بقول من شغل المبيعات الى بعمله عالنت ياحمار

يونس: حمار تانى ( قام شالها وشعلقها لفوق بايده)

اسراء: بطل هزار ونزلنى خلينى اروح

يونس بينزلها وهى وهو بيضحكوا

يونس: م تتجوزينى يابنت الناس ،ونبطل الى بنعمله ده
ونعيش بالحلال

اسراء: لو عيشنا بالحلال ،هنموت فقرا يايونس

لف ايده ع وسطها وقرب لوشها

يونس: طب عاوز اقولك على معلومه انتى مش عارفاها
الى بيستحلى الحرام
مش بيعرف يحس بطعم الحلال ف اى حاجه

اسراء:بس انا هقدر
( باسته فشفايفه)
بااااى

____

سرحانه اسراء وبتفتكر وساكته عند شباك اوضتها ،وكان جوزها برة
بيزعق
ودخل الاوضة عليها مرة واحدة

جوزها: طبعا واقفه وسرحانه وانا مش مهم
فين هدومى الى جت من المكوة

اسراء: انت عامل الازعرينا دى كلها ليه ؟ شوفهم هنا ولا هنا

جوزها: طبعا ياهانم هو انتى فضيالى

اسراء: فيه ايه ،هو احنا كل مرة هتطلب منى حقك واتعذر
تقوم متنكد وتنكد عليا

جوزها: انتى على طول عندك عذر ،مرة الواد
مرة البيت
مرة مصدعه
مرة تعبانه
مش فاهم اتجوزتك ليه
وبتسرحى ليه كتير ،اكون مش عاجب ياست هانم

اسراء: انا هخرج اشوف هدومك فين

سابته وخرجت من الاوضة ،وهو بصلها من فوق لتحت وخرج وراها ..

•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´

مرت على دينا وماليكا كام ساعة
بعد م امرت مرات ابو جمال بقتلهم ..

ماليكا: تفتكرى هيموتونا امتى ؟
دينا: اكيد مش دلوقت ولا هنا،هما مستنين
الشوارع تفضى عشان يعرفوا يطلعوا بينا

قامت بتحاول تبص من الشباك العالى ،وقفت
عالسرير وبتحاول مش واصله اوى برضو ..

ماليكا: هتعملى ايه

دينا : هقولك ...الشباك ده مفتوح مش عليه حديد
ولا حاجه

حاولى تفكى رباط ايدى برجلك

حاولوا الاتنين وبمعاناه مش عارفين ، وقفت دينا
ضهرها ل السرير القديم
تحاول تشبك الحبل اوله فحاجه وتجرها يمكن يتقطع

ماليكا بتراقبها ، وعايزة كمان هى تعمل حاجه ومش عارفه
بتبص حواليها
عنيها جت ع مشرط قديم كده فالأرض ومصدى

ماليكا: دينا !

شاورت لها عالمشرط بعنيها

حاولت تلف بضهرها وتتناوله بايديها ، بصعوبه
فظيعه وبمساعده ماليكا بتحاول تمسكه
ليها ب رجلها

عرفت تمسكه
حاولت تقطع العقدة،وتحاول مفيش

دينا لاقت ازازة من الازايز ، عرفت تدخلها مابين
الحبل وبين ايديها

وخلت ماليكا تمسك المشرط بين صوابع رجلها الكبار
وتحاول تقطع بكل قوتها وعشان متخافش الازازة
بتحجب ايد دينا ..

وبعد محاولات نجحت واتفك حبل ايد دينا
وبسرعه فكت ل ماليكا !

#لنورإسماعيل

•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´

"يا اهلا وسهلا يا استاذ عصام"

ام عصام: تسلم ( قاعدة مش طايقه نفسها
وبتبص لعصام )

ام رشا: تعالى ياهنا سلمى عليا

هنا قاعدة ومش راضيه تقوم تسلم على حد

اخت رشا: ايه الفستان الحلو ده ؟ تديهولى

هنا: لا انا بحب الفستان ده ،هديكى واحد تانى

ابو رشا: منور ياعصام

دخلت رشا بالصنيه وعامله فيها عروسة وقعدت
مكسوفه

ام عصام: م تتكلم ،اخلص عاوزة اروح
هو احنا هنبات هنا

عصام ( بصلها بتكشير عشان بتحرجه)

ام عصام: م جت السنيورة اهيه ،اتكلم وخلصنا
دول لسه هيرحبوا وينوروا( مصمصت شفايفها)

عصام مخنوق من مامته ،بص لبابا رشا وحاول يبتسم
عشان يبتدى يتكلم

عصام: انا ياعمى جاى انهاردة اطلب ايد رشا للجواز

ابو رشا بيبص لرشا

رشا: وانا موافقه يابابا

ام رشا: ( بصوت واطى) هو بيتكلم مع ابوكى
يبقى تسكتى

عصام: قولت ايه حضرتك

ابو رشا: طبعا ياعصام يابنى مخبيش عليك
انا عارف ظروفك وانك مطلق ومعاك بنت
اهيه بسم الله ماشاء الله
وكمان كنت متجوز صاحبتها ( بيبص لرشا)
وانت بصراحه لاغبار عليك

ام عصام: طبعا لاغبار عليه ،انا ميتعيبش زى الفل
وهى البنات لاقيه جواز
حتى لو كان مطلق ومعاه بنت
برضو زينه الرجاله

ام رشا: واحنا مقولناش حاجه ياست ام عصام
هو بس ابورشا بيتكلم على ان رشا لسه بنت بنوت

ام عصام: والنبي ياختى البنات بقو اكتر من الهم
عالقلب
يعنى هى بقت تفرق البنت من المطلقه ولا الارمله
اهم كلهم قاعدين

ابو رشا اتخنق من طريقه كلام ام عصام
وبص لرشا بلوم انها السبب

اخت رشا: ياجماعة مالكم ساكتين ليه
ده حتى احنا فمناسبه حلوة

ام عصام: لما تكمل المناسبة بقى ،قولى يارب

ابو رشا : بص ياعصام يابنى
انا مش موافق

عصام( اتحرج) مش موافق على ايه بالظبط؟

ابو رشا: على جوازك من بنتى ✋

#لنورإسماعيل
•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´

دينا وماليكا والمأزق الى هما فيه..

بعد م فكت دينا الحبل الى رابط ايدها وايد
ماليكا
حاولت بشق الانفس
تخرج من الشباك وقدرت ،جسمها رفيع وخفيف
وساعدها

حاولت تمشى بحرص فالشارع ، واول م خرجت منه
بصت ع اى يافطه مكتوب عليها اسمه
وعرفته
وعلمته كمان تيجيله تانى ازاى ،والبيت الى سابت فيه
ماليكا للاسف لان جسمها مكانش هيساعدها
تخرج من الشباك زيها ..
بس وعدتها انها جايلها بالحل ومش هتسيبها

خرجت على برة وسألت على اقرب قسم او مركز
شرطة للمنطقه

تعبت لحد م وصلت لان ممعهاش ولا مليم وهربت
كده واصلا حاجاتهم هما خدوها

وصلت وعملت بلاغ ،والحمدلله فى قوة اتحركت معاها
للمكان
بس بعد م خدت ساعات على بال م كل ده حصل

طبعا وهى حاطه ايدها على قلبها يكونوا رجعوا
وعملوا لماليكا حاجه وحشة ويفضل ذنبها
فرقبتها طول العمر ...

#لنورإسماعيل
•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
عمر : بابا ..

الاب: ادخل ياعمر ياحبيبي تعالى

عمر: كنت عاوز ادردش وياك شوية

الاب قفل المصحف وبص لعمر مبتسم ..

الاب: ياريت ياحبيبي ،لحسن انا بقيت بقعد معاك
وبشوفك قليل اوى اليومين دول

عمر: اسف يابابا لو مقصر فحقك ،غصب عنى الشغل

دخلت ايمان جايبه كوباية ينسون كان طالبها جدها،حطتها
وقعدت تلقائي فحضن خالها وهو بيتكلم

الاب: لايابنى الله يكون فعونك انا مقدر ،ربنا يوفقك ياحبيبي

عمر: انا بس كنت عاوز اخد رأيك لحاجه ، انتو بقالكم سنين
بتحاولوا معايا اخطب
وبترشحولى كذاعروسة

وانا ي مش بوافق ، يا بييجى الرفض من عندهم لو اتقدمت( ضحك
بسخريه)
الاب: يابنى ده رزق ،ووقت م رزقك ييجى هتاخده

عمر: طيب هو فيه زميلة ليا فالمكتب ، كويسة وبنت حلال
قابله بعيوبى ووضعى كده
وبحس انها ...معجبه بيا فكتير من كلامها

اتنفضت ايمان من حضنه وبصتله باستغراب وهو استغربها

عمر: مالك يابت

ايمان: عاوز تتجوز ؟

عمر: اه

الاب: والله يابنى مدام انت مستريح ،صلى استخارة ونروح نخطبهالك
ومالو
الف مبروك ياحبيبي

باسه عمر وابتسم

عمر: طيب ياحبيبي هسيبك تشرب الينسون بتاعك
تصبح ع خير

قام وقامت وراه ايمان منفعله

ايمان: عاوز تتجوز وتنسى ايزيس!

عمر وقف فالمشى وكان قلبه وقفت دقاته معاه

عمر : ايمان ! مالكيش دعوة

كمل على اوضته

ايمان: ماليش دعوة ازاى ! احنا اصحاب من زمان
وبنحكى لبعض كل حاجه
انت مش خالى الى بحبه بس ،انت اخويا وصاحبي
انا هزعل لما تعمل كده

عمر: يابنتى يعنى متحوزش ،ميبقاش ليا فيوم بيت؟

ايمان: لا يبقى ليك ياخالو ،بس قلبك فين
هتبقى كده حياه من غير روح ولامشاعر
ايه الكلام الفاكس ده
هو مسلسل هتمثلوه ع بعض

عمر: بنت! اتكلمى ب ادب

ايمان ( بتشده من ايده) تعالى ياخالو ، بص
( بتفتح دولابه)
البوكس الى فيه ازايز برفان قديمه بتاعت ايزيس ،والى بتشترى
زيه كل فنرة وتحطه بين هدومك عشان تشم ريحيتها

وده ( بتشاور عالدولاب) فستانها وجواباتها
وهنا( شاورت على قلبه) وهنا هى قاعدة ومش بتمشى

عمر: انتى جايبه الكلام الى اكبر من سنك ده منين ؟ انتى صغيرة ومتفهميش
حاجه

ايمان:لا انا مش صغيرة
واحنا مبقيناش صغيرين
متقوليش انتى مش فاهمة حاجه ، لا انا فاهمة كل حاجه
احنا بنحس وعندنا قلب
انا فمرحلة مراهقه اه ،مشاعرى لسه خضرا وعارفه بقولك ايه
عارفه يعنى ايه احساس وحب ،ياخالو
ياخالو لما تخلص من كل ذكرياتها وكل حاجه فحياتك هى ليها جزء
فيه ابقى اتجوز
انت كده هتظلم البنت العروسة دى وهتظلم نفسك
كل مرة كانت ماما او تيتة بيقولوا لك على عروسة كنت بفرح انك
هتفشكل الموضوع
انت مش حاسس بولا واحدة منهم ،حتى زميلتك

عمر: طيب يافليسوفه ياصغيرة ، بما انك اكتر واحدة بتفهمى فالكون
متعرفيش ان خلاص كده طنط ايزيس مينفعش انا وهى نكون لبعض
تانى

ايمان: عارفه !

عمر: وانا عاوز يبقالى حياه

ايمان: لما تعرف تحب ياخالو من جديد ،لما تعرف تنساها
صدقنى والله محدش هيخسر قدك

تعالى كده

اخدته تانى من ايده لاوضتها ،فتحت كشكول مكتوب عليه ايزيس

عمر: ايه ده

ايمان: انا كل م اخد بريك من المذاكرة ،احفز نفسي انى هكتب شوية فحكايتكم
كل كلمة بتقولها وانت بتحكيلى
والمواقف الى انا شوفتها وعرفتها
وحتى الى مش بتحكيه وانا بحسه، مكتوب هنا

عمر بيقلب فالكشكول وبيقرا ،فعلا كاتبه حجات كتير على شكل حكاية وقصة
وحوار

ايمان: انا لما اخلص ثانوية عامه ،هخلى مستر العربي يصححهولى
لغويا واطلب من بابا فلوس واطبعه
كل الناس لازم تعرف يعنى ايه حب

عمر عينه جت على كام سطر هى كاتباهم باسلوب منمق وحلو

العاشق:فى كُل مره الدنيا بتسود فى وشى بجيلك ، بجيلك وانا عارف انك هتلونيها ، و هشيلى الغيوم وهتزرعى الورد و الأمل هيبقى فيا من تانى

ايزيس :لكن انا مبعرفش اهون واطبطب عليك بكلامى ! بحس انا عبيطة وبعطل فالحجات دى

العاشق:وحياه اللى زرع حبك فيا ان عيونك بتحضنى وكلامك بيطبطب على قلبى ولمسه إيدك كأنها العصايه السحريه اللى بلمسة بتحول من التعب لراحه ????!

عمر ابتسم لما قرا الكلام وافتكر الموقف ،واد ايه ايمان فاكرة كل حاجه بالحرف كده !

عمر( ملتفت ليها مبتسم) وايه الى خلاكى تعملى الموضوع ده وتكتبي حكايتنا؟

ايمان: عشان قصتكم ياخالو عمرها م هتتكرر تانى ،وعشان مفيش اتنين زيكم
تانى ????

قالتها بحزن ، طبطب على شعرها ومشى عشان كلامها فعلا صح
صراع بين قلبه وعقله والقسمه له هو فالنص
عاوز يتجوز ويكون له بيت واولاد ،بس من غير قلب
يتجوز بالعقل
عشان مينفعش غير كده ،وقلبه لسه مع واحدة بيحاول بكل الطرق انه يقنعه انها
متنفعش تانى حبيبته
وقلبه مش فاهم ...!!

#لنورإسماعيل

•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
البوكس بسرينته المعهودة ،كان بيزف المجرمين الحيوانات الى معندهمش قلب
ولامشاعر
الى خطفوا جمال وموتوه وقطعوا جسمه وباعو اعضائة ،الى حرقوا قلب ابوه عليه الى فاكره لسه تايه

وكأن براكش جنت على نفسها

بالحركة الى عملتها مرات ابو جمال دى ، فضحت نفسها انها خاينه كمان وهى وعشيقها اتفقوا على قتل جمال ...

لان من الواضح ان كلام دينا كان صح
وانهم اتقفشوا من جمال فمرة فشقتها فغياب باباه وعشان كده فكروا فقتله واستغلال جثته كمان
!

اتقبض على الى كانوا محتجزين ماليكا ودينا ،وكانت مفجأة طبعا ان فى واحدة منهم
هربت وبلغت
وان مخهم مفتح كده

والرجاله الى اتقبض عليها قالوا على عشيق الست حُسنيه ان هو السبب
ولما جابوا عشيق الست حُسنيه
دلهم على رئيسة العصابه وصاحبه الافكار كلها ،عشيقه

خبط وترزيع عالباب والمنطقه مقلوبه ، فتح ابوجمال
مش مصدق فيه ايه ،دخلوا سحبوها على طول وطبعا هى بدموع كدابه بتتوسل انها معملتش
حاجه وانها متعرفش فيه ايه

ولما راح معاهم ابوجمال يستفهم ايه الموضوع
عرف كل حاجه ،صدمته ان ابنه اتقتل وجثته اتقطعت واتباعت اعضاءه
وان الفلوس الى فيوم لاقاها تحت السرير دى مش بتاعت اخومراته الى جاى من الخليج ولاحاجه
هى تمن جثة ابنه!

كان ده كله اقوة من انه يعرف انه بيتخان منها وان لها عشيق ، طلب يعرف مكان لبنه
رفضت
بس مع اول قلم معتبر من العسكرى ،قال عشيقها ع مكان دفنه جثته فيه
وباقى الفلوس فين وباعو لمين!!

رجع حق جمال اسرع من اى حد يتوقع ، بفضل الله وبمساعدة كبيرة من دينا
مش فاضل غير ان ابوه ياخد جثته ويكرمها بدفنها دفن شرعى بمقابر اهله ....

دينا وماليكا سابوا الراجل فى حالة لايرثى لها ،رجال الشرطة تعهدوا يوصلوهم للمكان
الى عايزينه
وهما مأمنينهم ...

لكن اخدوا بالهم من حاجه مهمة ،فى ظل تعب دينا فالنط من الشباك والهرب
والمشى مسافه طويله
رجلها اتجرحت جرح عميق اوى ،ومكنتش حاسة على اد م هى كانت مهتمه انها تنقذ ماليكا
وتسلم المجرمين دول

اخدوا بالهم ان جرح رجلها متلوث اوى ،اخدوها بالبوكس لحد مستشفى استثمارى يتعملها
اللازم
لانها بتنزف جامد

رجل دينا تم الكشف عليها وبيتم تنضيف الجرح وكمان اخدت مضادات عشان ميحصلش لها
مضاعفات من الجرح

ماليكا: سلامتك يا دودو ( ماسكه ايدها)

دينا: انا كان همى ارجعلك لحسن يعملوا فيكى حاجه ، لوكا
متزعليش منى

ماليكا: مش زعلانه ،انتى اختى وصاحبتى ( حضنوا بعض اوى)

انا هخرج اشوف اى عصير ولا كيك شيكولاته تعوضى الدم ده
ماشى

دينا: متتعبيش نفسك تعالى بس

ماليكا: وانتى لما اتجرحتى وانتى مش حاسه عشان تنقذينى متعبتيش نفسك

بصوا لبعض بصة حب وامتنان ، خرجت ماليكا من الاوضة
ندهت دينا عليها تانى

دينا: بقولك ايه هاتى اكل ،فى فلوس فشنطتى

ماليكا بتكلمها وهى راجعه بضهرها ووشها ليه عشان تمشى

ماليكا: بس يابت بطلى عبط مانا معايا هجيبلك واجى ،عاوزة اجيب...

مكملتش الكلام خبطت فدكتور معدى وانتبهت

ماليكا: اسفه!

الدكتور( بلهفه ومفجأة) خديجة !!

ماليكا: محمد !!!

الحلقه الخامسه عشر

.¸.•'´¯'*•.¸¸.¸.•'´
دينا: بقولك ايه هاتى اكل ،فى فلوس فشنطتى

ماليكا بتكلمها وهى راجعه بضهرها ووشها ليه عشان تمشى

ماليكا: بس يابت بطلى عبط مانا معايا هجيبلك واجى ،عاوزة اجيب...

مكملتش الكلام خبطت فدكتور معدى وانتبهت

ماليكا: اسفه!

الدكتور( بلهفه ومفجأة) خديجة !!

ماليكا: محمد !!!

سكتوا لثوان وهما باصين لبعض ،ميل محمد فالارض من لبخته وكسفته ورحع بص تانى قدامه

محمد: احم...ماليكا ، ف اول م شوفتك افتكرت ...

ماليكا( قاطعته) ولايهمك ،انت بتشتغل هنا

محمد: اه بقالى فترة كبيرة،انتى جاية هنا ليه؟

ماليكا: لا صاحبتى بس رجلها اتفتحت وكنا بنخيطها وبنطهر جرحها
وانا جيت وياها

محمد: طب مينفعش اشوفك بعد كل المدة دى وم اقومش معاكى بالواجب

ماليكا: خليها مرة تانيه يامحمد ربنا يخليك

محمد: لا طبعا ازاى ،انا بقالى فترة معرفش اى حاجه عنكم

ماليكا:طيب انا هشترى حجات من برة وارجعلك

محمد: تعالى بس قوليلى عاوزة ايه وانا هخلى حد يجيب

•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
ازازة عصير بيطلعها من التلاجه وبيحطها قدام ماليكا ،بعد م فعلا خلى حد يشترى اكل
لدينا ويوديه
قالتلها انها مش هتتاخر عليها وهتبقى تحكيلها ...

محمد: عاملة ايه ياماليكا ،ومعاوية وطنط

ماليكا : ياسيدى ،كويسين وعايشين
وانت ايه اخبارك( لاحظت دبله فايده الشمال)

محمد اخد باله وبص عالدبله ، ووجه برواز فيه صورة بيبي ع مكتبه

محمد : انا اتجوزت وعندى ادهم

ماليكا( بابتسامه عادية) ماشاء الله ربنا يخلى

محمد: اوعى تفتكرى انى م صدقت واتجوزت وانى عايش حياتى

ماليكا: ولو حتى ،ده حقك
انت مش هتقعد على ذكراها طول العمر ،خديجة خلاص ماتت

محمد سكت وبص للارض بحزن ورجع بص لماليكا

محمد: على فكرة ،مفيش شهر بيعدى من غير م تزور خديجه واحكى وياها
زى زمان
ولما بكون مهموم وتعبان
بروحلها واشكيلها زى م تكون لسه عايشه
وبسمعها وهى بترد نفس ردودها
ياعم كبر
انت هتعيش دور الدكتور ولا ايه
هو احنا هنعيش حياتنا فنكد ،اضحك
خديجة لسه عايشة ياماليكا ...بالنسبة لى عايشة

ماليكا سرحت وسكتت بعد م عيونها اتملوا دموع

محمد: بس انا ملاحظ ان وشك تعبان وشكلك مهموم، انا اه مشوفتكيش من كتير
بس عارفك

ماليكا: متدقش يامحمد ،موت خديجة حاجه من الحجات الى عملتلى وجع
بصداع فحياتى
وجع عرف يكسرنى ويبدلنى وينهى كل الحجات الحلوة معاه

رجعوا لسكوتهم ...

محمد : خديجة مكانتش شخص عادى لينا كلنا عشان نعرف نعدى حياتنا بعدها بسهوله
خديجة الشخص الى توقف عليه وبسببه كل حاجه
ضحكتها
تفاؤلها رغم كل الظروف
الجدعنه
المرح
حنيتها
الجنان
العمر فيه كام سنة تقدرى فيهم تجمعى شخص زيها !

ماليكا( بحزن) بس انت لازم تنساها، عندك زوجه وولد
فكر فيهم وانساها
حاول
حاول كتير عشان متتعبش زيي

محمد: هو انا لو نسيت كل حاجه كانت بينى وبين خديجه
الى عمره م هيتنسي اخر يوم لينا سوا

اخر يوم
واخر ساعة
واخر دقيقه كانت معايا
هعرف ازاى امحى الصورة دى بالذات من دماغى

الكلام كان صعب عالاتنين خصوصا بعد تقليب الذكريات ، صورة خديجة الى مش بتفارق
لا هى عايشة
او مش معاهم...
الفقدان شئ صعب جدا ،والاصعب النسيان ..

#لنورإسماعيل

•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
"يلا عادى مش حكاية !"

ماليكا: فيه ايه بقى يايونس ...الله

يونس: ياست هو انتى حد كلمك

ماليكا: م انت زعلان اهو

يونس: بقالك كام يوم ولاحس ولاخبر ، ومشيتى وسافرتى وحصل
كل ده
وانا فالبلالا
طب قوليلى

ماليكا: اخد الاذن يا يونس مثلا

يونس: لا مش اذن ،بس احنا شركا فالهم الليلى
والحزن الاسود على دماغنا ودماغ الى خلفونا
وانا عارف انك متمرمطه فحوارات اشباحك دول
وشكلك غلبان وعلى ادك

ماليكا: ده خوف ياسى يونس نسميه ( بصتله فعيونه باستخفاف)

لكن يونس مستخفش بنظرتها وفضل مركز فعيونها ببصة عملت عندها
رد فعل غريب
وحسستها احساس غريب ،احساس كان اندفن ومات من سنين

يونس: ( هز راسه وهو لسه مركز ) اه خوف ،بقيت بعتبر ان مهم
اتطمن عليكى
ومعنديش مبرر للشعور ده بصراحه

بصتهم هما الاتنين للشارع وهما واقفين ساندين عالسور ، كانت هروب
لاجابات مش عارفينها

ماليكا : تعالى هنا ، زمان لما سالتك توبت من النشل والسرقه
قولتلى توبت توبة غصب عنى

يونس: اه طبعا ، حررتى روحين لحد دلوقتى وقلبنا جمد
وبقيتى مفتش كرومبو العفاريت
ومبسوطه ومنشكحه
وشغل عصابات وبوليس ومغامرات
زى الفل
وجايالى فايقه ورايقه وفرفوشة فنفسك ، ف يلا ايه
يلا نفرفش على عمنا الغلبان يونس

ماليكا بتضحك عليه

يونس: ايوة يا ستى ، بتسالى على ايه

ماليكا: سالت والله ،جت التوبة ازاى غصب عنك

يونس: ممم ،هو انا منوتش التوبة
هى جت وحدها

فلاااااش باااااك

اسراء: اشيك وارقى محل فالمنطقه ،ملابس براندات
انا روحت اشتريت من هناك كذا مرة
الفلوس زى الرز وسايبنها كده
فوقت نص اليوم من الضهر للعصر
بتتسلم الشيفت ،وبيبقى فيه بنتين
بنت بتخرج تجيب اكل
وبنت محافظة على صلاتها فبتصلى

الوقت ده الدنيا فاضية خالص ،نقدر نقشط الدنيا ونخرج
ومفيش سيكيورتى عالباب
اشطا!

يونس( غمزلها) اشطا

جه ميعاد الى اتفقوا عليه ،دخلت اسراء وعملت نفسها بتتفرج
وخرجت بنت منهم تجيب الاكل

والتانيه بتتوضى وهتنوى الصلاه، و اول م نوت
عطلت اسراء الكاميرات بطريقه اعلمتها يوتيوب ورنت ليونس

جه بسرعه اخدوا الفلوس

وهما خارجين ، يونس جت عينه عالبنت الى وقفت لثوان وهى بتصلى
عيونها جت عليهم وعرفت انهم بيسرقوا
بس برغم كده مطلعتش من صلاتها ولابان على وشها حاجه

وهى عارفه انها فيها مصيبه ليها ،بس فضلت مع ربنا للاخر تقيم فرضة وطاعته

يونس بص للبنت واسراء شغاله تشده وبعد معاناه زقته وهو متسمر قدامها
وخرجوا

خدوها هروب وجرى وركبوا تاكس واختفوا ،كل ده ويونس صورة
البنت فعيوونه وساكت ومصدوم

وصلوا للشقة الى قاعد فيها يونس

بتطلع اسراء الفلوس مبلغ كبييير ومحترم شكله ،فرحانه هى اوى
ويونس متاخد لسه

اسراء: لا المرة دى الخميرة معدية ،يا افكارك يا بت ياسوسو

يونس برضو مسهم

اسراء: ايه ياعم ! مالك
ساكت ليه
تعالى عد

يونس: عدى انتى

قام يشرب ووقف عند التلاجه ،فاكر نظرة البنت لثانيه وهما بيسرقوا
وكملت صلاة تانى وكأن مفيش حاجه

اسراء بتناديه ياخد نصيبه ..وراحلها

______

يونس: على فكرة البنت دى فيها شبه منك

ماليكا ( ابتسمت) لابجد

يونس: شبه كبييير اوى والله كمان ،فاكرة انى قولتلك انا عارفك من فترة
بس حاسس فيه وقت واقع منى فحياتك
وبجمعه

ماليكا: طب كمل ،برضو مفهمتش توبتك جت ازاى
انت شوفت البنت دى وهى بتصلى حركت جواك ضميرك يعنى

يونس( صفر صفارة حلوة يعنى اكتر من كده) الحوار اكبر من كده

ماليكا: لا متقولش ...دماغى زقزقت على حجات كده

يونس( بيضحك) اهى هى الحجات دى

ماليكا: يخربيت كده ، هما دول الرجاله البصبصه والعيون الزايغه فطبعهم

يونس: بيقولك جربي تتصلي بأي رقم ولد
ولما يرد ويقولك مين قوليلوا
ايه ده انت مسحت رقمي
هيقعد يحلفلك 100 مرة ان الارقام كلها اتمسحت

ماليكا بتضحك جامد

ماليكا: بس برضو مفهمتش جت التوبة الى غصب عنك دى ازاى

يونس: هييجى وقت واحكيلك كل حاجه

ماليكا: لا والله ،بقى كده

يونس: عالعموم انا احسن منك ،انا بحكى على طول مش بنقط بالنقطه

ماليكا: اخص على كده،انا بحكى بالنقطه
ده انا بقولك كل حاجه

يونس: انا مش قصدى الحالى ،قصدى الى فات

ماليكا( بحزن) الى فات راح خلاص يايونس
بالحلو
والمُر

#لنورإسماعيل

•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
منة : يخربيت ده يوم مقرف ،روحى يامنه
تعالى يامنه
منه زهقت
منه عاوزة تطفش

زميل: اشتغلى وانتى ساكته ،عاملة زيطه ليه

منة: اسكت انت محدش كلمك

زميله: معلش يامنون ،كلنا مضغوط علينا والله

منة: لا بس انا اوفر اوفر

عمر سامعها وبيشتغل وساكت ، بيخلص شغل معين
وبعد فترة من الوقت وهو بيشتغل اكتشف ان فى ملف مش عنده

فسأل عليه

زميل: هشوفه استنى

زميلة: لا مش عندى

منة: استنى ياعمر الملف ده عندى ( قالتها بابتسامه)

زملائها بصوا لبعض وضحكوا

منه: اهو خدتهولك على فلاشه ،اتفضل

واقفه بتدى الفلاشة ل عمر ،الخاتم كانت لابساه مقلوب
باين دبله

عمر: ايه ده انتى اتخطبتى !

منة( بصت لايدها) هاه ! اتخطبت ايه
ده الخاتم
( عدلته وهى مبتسمه) انا مش مرتبطه ياعمر

عمر بادلها الابتسامه واخد الفلاشة وهى لسه واقفه

عمر: فيه حاجه يامنه ؟

منة( لسه مبتسمه) لا ،بس هو
هو انت سالت ليه اذا كنت مرتبطه يعنى او اتخطبت ؟

عمر( اوحرج عشان مش وحدهم) يعنى استغربت انك اتخطبتى ومقولتيش

منة ( بنظرة حب) لا انا مش هتخطب غير للى قلبي عاوزه ياعمر !
ولو مجاش مش هتخطب لحد

عمر اتكسف جدا من تلميحاتها ،وفنفس الوقت حس بانبساط
ان رغم اى حاجه فيه حد بيشتريه شريك له .

•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
"يعنى انا لا بعرف اتكلم ولا ليا ففتح المواضيع ولاحتى بطبيعتى بهرى وخلاص
فلما اجى افتح معاكى كلام اعرفى انى عاوز اتكلم معاكى جدا ياكرتونه الغباء ..!"

ماليكا( بخضه) كرتونه الغباء دى لمين يانشال افندى

يونس: ليكى ،بقالها ساعتين باصة للموبايل وسيبانى ساكت
اتكلمى احكى معايا

ماليكا: لا انت خدت عليا اوى ،والله ابلغ عنك

يونس: بلغيهم وييجوا ميلاقوش حاجه ويفتكروا انك مجنونة

ماليكا: ليه هتروح فين

يونس: حهرب

ماليكا: على فين؟

يونس: فروحك ....❤

ماليكا بصتله بعد م اتهزت لثانيه بسبب كلمته ومبينتش

ماليكا: روح شوف حاجه تعملها يلا

يونس: على فكرة انتى بتخومى والمصحف ، اناقولتلك على حجات كتير
ومش سهل حرامى يقول انه حرامى لحد
وانتى مش عاوزة تنطقى
طب جاية من القاهرة ليه
وسيبتى اهلك ليه
وسيبتى عمر ليه
وانفصلتى عن جوزك ايشمعنا

ماليكا: يووووه يادينى عالدوشة الى انت عاملها يايونس
رغاى بشكل
انا هدخل انام
قعدت قدامك اكتر من التليفزيون

يونس: مانا بسلى اكتر منه ،بت يا ماليكا
طب ياايزيس
طب ياكليوباترا

ماليكا سايباه وداخله جو شقتها

يونس: طب تصبحى ع خير حتى !
( ابتسم)
ماشى
•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´

ام عصام: يعنى هو انا هفضل اكل واشرب واقعد وحدى كل يوم كده
وشى للحيط زى القرود

عصام( نايم عالسرير وباصص للسقف) عايزة ايه يا امى

الام: تعالى نتكلم ولاناخد بحس بعض ،قاعد معايا زى قيلتك

عصام: ماليش نفس

الام:كل ده عشان اهل المزغودة رشا رفضوك ، م ستين الف داهيه
دى حتى بعرقوب وطويله عليك يا واد
والنبي وقدمها ناشف زى صاحبتها

عصام: م خلاص ياامى بقى ،سيبينى وحدى

الام: ياواد سيبنى اختارلك انا ،طب والله لاتتفرج ع نقاوة امك وتدعيلى

عصام: اعملى الى عاوزاه

سابها وخرج ع برة،جت هنا تجرى عليهم

هنا: انا زهقت،انا على طول قاعدة وحدى
وانتى مش بتنزلينى الشارع ياتيته
عاوزة العب مع حد

الام: م تلعبي يابت لعبك تسد الاوضة جوه

هنا: عاوزة حد يلعب معايا( ابتدت تعيط)
طنط دينا كانت بتيجى تلعب معايا

الام: اهو هتجبلى سيرة طنط عقربه صاحبه امها تانى
والصغط يعلى عليا
روحى ياهنا من وشى عشان مضربكيش

هنا( بعصبيه) انا مش بحبك اوف

جريت على اوضتها

الام( بتبرطم) مش بحبك!

طالع عصام من الحمام بعد م سمع الحوار كله

الام: تعالى هنا ،شايف الخلفه الحلوة الى تجيب العار
بتقولى البت اوف ومش بحبك ياتيته
شايف
لسه مطلعتش من البيضة وبتتنفخ بنت السفاحه

عصام: هى عايزة حد يلعب وياها ،هتصل بدينا تيجى تخرجها يوم

الام: بقولك ايه ،هتجيب البت المحامية العقربة هنا
هطردها

عصام ( بنفاذ صبر) اعملك ايه ياامى ،اعملك ايه طيب
اولع فيا وفالبت يمكن تستريحى

الام: ياخويا ياريت ،اصحى ملاقيش فوشى شكلك
ولاشكلها
مركبنى الغم والهم طول عمرى
اولعوا بعيد عنى ...بس يكش م يتهمونى فيكم

عصام نتر هدومه بخنقه

عصام: اووووف يارب!

الام: اوف انت كمان ! ماهو قلة الادب بقت وراثه
جاتك داء الفكر منك ليها

#لنورإسماعيل

•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
قبل النوم ، ماليكا دخلت خدت دوش ...
خلصته وطلعت ،دخلت عالمطبخ تحضر اى عشا خفيف ليها عشان تاكل
وتنام

واقفه وشعرها مبلول وبيسقط ميه

وبتعمل سندوتشين ،وفنجان شاى بلبن
وهى واقفه ،حست بايدين بتحضنها من دراعاتها ....لفت مرة واحدة
من الخضة ملاقتش حد!

بصت فكل نواحى المطبخ ، وخدت نفس عميق وخرجته
ورجعت تانى للى كانت بتعمله

خلصت تحضير ،واخدتهم على صنيه
قعدت ع سريرها تاكل وهى فاتحه فونها على صور هنا بنتها
حاجه تفرحها قبل م تنام ...

بتتفرج وبتقلب وهى بتاكل ،وهى رافعه الفون حست بخيال
فشاشة الفون
ركزت وبصت وراها مفيش حاجه ...!

ماليكا حست من كتر الى شافته الفترة الى فاتت بقت اعصابها خفيفه
من كل حاجه

اتعشت ،وبتلم شعرها بتتأهب للنوم

دخلت سريرها واتغطت ،ولسه هتنام
الغطا اتسحب بشويش من عليها بالراحه عالارض ، قامت تشده
وكان فى حد ماسكه

وبعدين حست بايدين بتحسس على رجليها من تحت لفوق

بتلم رجلها وصرخت اوى ،ظهر فوشها وشه وهيئته كلها
مرة واحدة

ماليكا : يخربيتك ،انت!

الحلقه السادسه عشر

.¸.•'´¯'*•.¸¸.¸.•'´
دخلت سريرها واتغطت ،ولسه هتنام
الغطا اتسحب بشويش من عليها بالراحه عالارض ، قامت تشده
وكان فى حد ماسكه

وبعدين حست بايدين بتحسس على رجليها من تحت لفوق

بتلم رجلها وصرخت اوى ،ظهر فوشها وشه وهيئته كلها
مرة واحدة

ماليكا : يخربيتك ،انت!
امشى غور جتلى منين انت نطتلى منين

قامت ماليكا تبص اذا كان فى شباك مفتوح او حاجه عشان يدخل لها القط الاسود ده!

ملاقتش ،جابت مكنسة وقالت تمشيه وتطلعه

ماليكا: بس ...بس

القط مش موجود ! بصت فالاوضة كلها يكون استخبي فحته مش قاعد
بتدور تطفى النور لاقته فوشها !

حماها عبدالصبور

ماليكا( بخضة وصوت عالى ) بسم الله الرحمن الرحيم!!!

حماها واقف لها مبتسم وبيضحك ضحكته الخبيثة اياها

ماليكا: هو الدور عليك ؟ جايلى اخد حقك
انت حقك اتاخد خلاص

عبدالصبور: لا لسه متاخدش ..لسه

ماليكا: انت عاوز ايه ؟ يعدمونى يعنى
هترتاح كده
اتسجنت ٣سنين
واتطردت من بيتى
واتطلقت واتحرمت من بنتى
عاوز حقك يرجعلك ازاى تانى قولى ( بانهيار) الله يخربيوتكم ويخرب اليوم
الى شوفتك وشوفتكم فيه

قعدت ع سريرها تعيط ، وبترفع عينها ملاقتوش

ماليكا: لا انا هموت نفسي كده ،انت اخر واحد اساعدك روحك تتحرر
انابكرهك اصلا
لو لسه روحك موجودة وانا مش شايفاها
انا مش هساعدك
سامعنى
مش هساعدك

#لنورإسماعيل

´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´

"ايه ده ؟ "

منة بابتسامه عريضة باصه لعمر

منة : دى اكله شوفتها عالنت حلوة اوى ،مكرونة سباجتى بقطع السوسيس والبشاميل
قولت احسن من كل مرة نشترى الغدا وكده ( بتضحك)

عمر : طب وعملتى حسابهم ( بيبص حواليه فالمكتب)

منة: لا طبعا م ياكلوا الى ياكلوه هو انا خلفتهم ونسيتهم

عمر بيضحك

عمر: احقيقة يامنه حوار المكرونة ده فكرنى بموقف له معايا ذكرى الحقيقه

منة كانت مبتسمه وبدأت تختفى الابتسامه تدريجيا

عمر ( لاحظ وبدا يفتح الاكل) بس مفيش مانع ان المكرونة دى يبقالها تأثير اقوى من الذكرى
الى فاتت

منة رجعت لابتسامتها

منة: ثوانى هطلب حاجه ساقعه

عمر : لا استنى خليه دى بقى عليا

وهو بيقولها كده ، مسك ايدها
مش جو استهبال هو كان قاصد انه يمنعها تقوم
بس الحركة دوبت منه اوووى ،لذلك هو خد باله وشال ايده بسرعة

عمر: مقصدتش انا اسف

منة : لا م انا مش زعلانه

عمر : طب خليكى انا هجيب مشروب وجاى

قام عمر يجيب ومنة متابعاه بالنظر وهتاكله بعنيها ،فرحانه انه بقى ياخد ويدى وياها
مش زى الاول كلمتين وبس
وفحدود الشغل
هى محاولاتها معاه مبطلتش من يوم م قلبها دق بحبه
لكن هو كان ممتلك عقله الى فات وذكرياته ...

يمكن فى حاجه فوقت عمر على انه لازم يعيش ،وان بكل الطرق لازم يحط ماليكا فوضعها
الصح بالنسبة له

جه وجاب المشروبات ،بدأو ياكلوا
والكلام والدردشة كانت حلاوتها مغطيه عالاكل

منة: عجبك

عمر: تسلم ايدك ،محامية شاطرة وست بيت

منة( بكسوف) على قدى هههههه

عمر: لا فعلا رائع

منة: عمر هو ينفع اسألك ...

عمر ( قاطعها) ،قوليلى يامنه
ينفع اسالك مرة سؤال من نفسي

منة ضحكت

منة: بتردها يعنى ؟ قول

عمر : لابجد والله مش بردها ، ينفع

منة: اه

عمر: انتى فمرة قولتيلى انك مش حابة ترتبطى اى ارتباط والسلام
مش كده

منة : اه

عمر: معنى ذلك ان عندك مواصفات لشريك حياتك المناسب

منة: طبعا ...( سهمت فيه وفملامحه وهى بتكلمه وبترد على سؤاله) بص من خلال
تجارب الى حواليا
عرفت انى لازم اتجوز واحد انا مقتنعه بيه ( اتنهدت) وبحبه!

عمر( ركز) ايشمعنا

منة: عشان مهما حصل بينا ،هيشفع حبه فقلبي واقتناعى بيه
هيفضل حاجه بينا مينفعش يحسها مع غيرى
مينفعش يحسنى مراته والسلام ولا ام العيال

يحسنى حبيبته قبل اى حاجه
لما يشوفنى حبيبته ،عمره محيهون عليه زعلى
مش هيطيق يبعد عنى
مش هيفكر يتجوز عليا ويجرحنى

هيعف نفسه عشانى ،لانه مش بيشوف غيرى

عمر عجبه كلامها اوى وهو مركز معاها

عمر: عجبنى مصطلح يعف نفسه ده
منة اتكسفت وميلت فالاكل

عمر : تخيلى ، ان فى ناس بتتجوز عشان مثلا كل الى فسنهم اتجوزوا وهو لسه
او مثلا شاف دى مناسبة ف ليه لا
او مثلا عشان يغيظ واحدة
او يلبي طلب اهله

وللاسف انا الاخيرة دى انا كنت بعملها ،بس خلاص فوقت

منة: كنت بتتقدم لبنات يعنى بناء لرغبة اهلك ؟

عمر: اه

منة: وايه الى فوقك

عمر: ايمان بنت اختى ،صديقتى الى ربتها على ايدى
قالتلى متبنيش بيت غير لما تحب من جديد
عشان متمثلوش على بعض انت وعروستك وتظلموا بعض !
عندها ١٦ سنة
وصحتنى انا الى اكبر منها شوفى ب اد ايه

منة ( ابتسمت) هى مش تربيتك،لازم تطلع مخها مفتح ودماغها شغاله
ثم ان الجيل ده بيفهموا كل حاجه
مش زينا خالص

عمر : عندك حق سابقين سنهم

منة: انا مش مصدقه ان انا وانت بنحكى وبناكل وبنتكلم ف اى حاجه غير الشغل

عمر : وانا مش مصدق ان فيه اكل بالطعامه دى

منة: ده عشان انت بس بتاكله

عمر ابتسم على كلامها ،خلصوا اكل وقاموا يغسلوا ايديهم
كانوا جم بقية زملائهم من غداهم

عمر( بصوت واطى لمنه) الاكل كان جميل ، بس ابقى قللى البهارات
شوية

منة( بلهفة) من عنيا بس لو هتاكل معايا تانى

عمر: قللى بهارات ونشوف

منة ابتسمت اوى بفرحه وراحت لمكتبها وقعدت ،بصت ناحية عمر
هو ابتسملها وشاورلها تشتغل بقى !

هى استجابت وبدات تشتغل ،مع ان قلبها كان بيعارضها تركز
من سرعة دقاته
ولهفته
والاحساس الجديد الى بدأ عمر يديهولها من مجرد كام كلمة ...!

#بقلم_نورإسماعيل

´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´

الى شافته ماليكا ،اتحكى لدينا
ودينا استغربت جدا ان حماها ظهرلها ومقالش غير كلمتين
وانه عاوز حقه رغم انه اتجاب له واتسجنت

دينا: يمكن روحه انتقاميه اكتر من انك تتسجنى

ماليكا: ده روحه بنت لذينه ،اتمهدلى بمجيته قطه سودة تسرعك والله

دينا بتضحك

ماليكا: بتضحكى! انا عاوزة اعرف ليه ربنا خصنى بالهبة دى
انا تعبت
و الانسان ده بالذات مش هساعده

دينا: ايه هتموتيله نفسك مثلا

ماليكا: موته لما تاخدهم كلهم ،دينا انا هقفل عشان اتخنقت من السيرة
والله بفكر انتحر

دينا: طيب بس اهدى وانا هكلمك تانى

قفلوا ودخلت الفراندا ،يمكن تناقر فيونس وتفش شوية من غلبها

لما دخلت وملاقتوش اتضايقت اكتر
وكانت عاوزة تكسر اى حاجه قدامها

شوية وطلع ووقف بس مرماش عليها السلام زى م بيعمل

ماليكا: ايه ده مفيش مساء الخير؟

يونس: مساء الخير

ماليكا: وبتقولها بزعل ليه هو انا قتلت لك حد

يونس: لا ياستى انتى بتساعدى المقتولين بس

ماليكا: والنبي م تجيبلى سيرة المقتولين لحسن انا داخله على ايام سودة شكلى

يونس: مالك يا كرومبو المقاتيل

ماليكا: هتتريق مش هقول

يونس: ياسلام عالقمصه! انتى هتعملى زى العيال ولا ايه

ماليكا: معلش يايونس انا بجد مخنوقه وركبانى العفاريت

يونس: ههههههه لا العفاريت دى مش جديدة

ماليكا: هتستخف تانى

يونس: طب خلاص مش هتكلم بس مالك

ماليكا: عارف شوفت مين ؟

يونس( بشغف) ايه روح جديدة

ماليكا: حمايا !

يونس: ومالو هو ده مات مقتول ؟

ماليكا( بتلقائية) مانا الى قتلته ياعم انت

يونس( بخضه) انت الى ايه؟!
انت ايه ياقمر سمعينى

ماليكا ( بتلقائية متناهيه) انا الى قتلته ايه

يونس: بترد وكانها بتقولى انا الى سلفته مثلا
انتى قتلتى ميييين( قال بصرخه تضحك)

ماليكا: انت مبتفهمش ؟ انا قتلت حمايا

يونس: لالالا تعالى اوقفى هنا
تعالى اوقفى قدامى هنا وايدك فجنبك

انتى بتقتلى ياكميله ؟ بتعرفى تقتلى
انتى كبيرك تقطعى فرخه تسلوقيها

ماليكا: ايوة قتلت مالك فيه ايه

يونس: ماليكا بتتكلمى جد مش بهزار

ماليكا:حهزر اقولك قتلت ؟

يونس سكت واتخنق وبص للشارع وبان على وشه علامات الضيق

ماليكا: ايه غيرت فكرتك عنى ولابتفكر ف ايه

يونس( بذهول) انتى تقتلى !!
لامستحيل
اكيد انتى مقتلتهوش

ماليكا: لا قتلته يا يونس، واتقبض عليا
واتحكم عليا بالاعدام
وقعدت سنة فالسجن منتظرة تنفيذ الحكم
لحد م دينا ربنا يجازيها خير جابتلى ثغرة
وطلعتنى منها واتحك عليها بتلات سنين
قضيت سنه وخدت سنتين

يونس بيسمعها ومش مصدق

ماليكا: انا عارفه ان الى بتسمعه يخليك تستغرب ،بس اصل انا ليا دوافع فقتله
هو الى خلانى اعمل كده

يونس: مش فكرة مستغرب ،روحك دى متعملش كده ( بيشاور عليها)

ماليكا: قصدك ايه

يونس: انا من اول يوم شوفتك فيه قريت روحك كانى عارفك وقربت منك
وحفظتك
كانى كلت وشربت معاكى وبينا عهد
وكانى عارفك بتفكرى ف ايه من قبل م تنطقى
كل ده حصللى من اول م عنيا وقعت عليكى

انتى روحك متأذيش حد ،انتى اضعف من كده واحن

الروح الى بتقتل بتبقى مستبيعه بتبقى ميته من جواها
بتبقى شيطان فصورة انسان ( دور وشه بعيد بحزن)

ماليكا: مالك ؟ طب انت بتدافع عنى دلوقت
وفنفس الوقت زعلان
مش فاهماك

يونس( حاول يتناسى) مش مهم احكيلى حكايتك
ازاى قتلتيه وازاى اتسجنتى
انتى كل مرة بنقعد ونتكلم سوا بقولك ان جواكى حجات مخبياها وبرضو ساكته

ماليكا: واضح ان آن الاوان تتقال يا يونس
هبتديلك الموضوع من اوله

فلااااااش باااااك

عصام: انتى ليه مش مصدقه انى بجد اتعلقت بيكى وبحبك
ونفسي جدا نتجوز

ماليكا: عصام! انا مكنتش هخبي عليك حقيقتى
بس انت خلاص شوفتها فنايت كلوب سهرانه وبشرب

عصام: طب م انا كنت هناك برضوسهران ،اينعم ده اول نايت ادخله
واول مرة اروح الحتت دى

بس يعنى زمايلى اقترحوا نفرفش شوية ونغير جو

ماليكا: انت روحت وقعدت عادى ،لكن انا روحت كتير وشربت ورقصت

عصام: يعنى انتى واخدة على كده قصدك؟

ماليكا: عمرى م تخيلت انى ادخل المكان ده اصلا ولو حتى بالفكرة
انا بس بمر بضغوط وظروف مخليانى عاوزة اغيب
واسيب العالم بتاعى

عصام: وفيه ايه عالمك تهربي منه ،قصة الحب الفاشله الى قولتيلى عليها

ماليكا( بضحكة سخرية) ياريتها فاشله ،كان هيبقى فيه عذر
وبعدين هى مش قصة حب بس
انا كنت متجوزة

عصام ( وشه اتغير) بس انتى مقولتليش كده

ماليكا: وادينى قولتلك،عشان كده بقى بقولك ابعد عنى

عصام: مش هبعد يا ماليكا ، انا حبيتك
صدقينى

ماليكا: ياعصام ده شعور عادى لواحد عنده فراغ عاطفى وكمان
بيحكى ليل نهار شات مع واحدة بيسيبوا بعض عالنوم

لازم تتعلق بيا وتفتكره حب

عصام: ليه عيل مراهق انا معرفش ايه الفرق بين الحب والتعلق

ماليكا: مش قصدى ، انا بس مش عاوزاك تتورط فحاجه وتورطنى وياك
انا مش مستعدة

عصام: انا متاكد من نفسي انى بحبك ،وانى هقدر انسيكى الى فات
واخليكى تحبينى

ماليكا: الى فات لو كانت قصتى بس كانت تهون ،انا نصى راح منى وبدور عليه

عصام( بخيبه امل) للدرجة دى كنتى بتحبيه

ماليكا: عارف ، خديجة اختى ماتت وكل حاجه نقصت حته من بعدها
وعمر انا وهو انفصلنا ،وكأن بقى الدنيا بتطلعلى لسانها وبتقولى
ورينى لو قامتلك قومه تانى !

عصام: انا فهمت من بروفايلك ان اختك توأمتك موتها كان صعب ،وكمان جبت
الوول عندك من الاول من كام سنه وشوفت صوركم سوا
وشوفت كلامكم لبعض ومقدر ده اوى ومقدر حزنك

ماليكا: لامتعرفش ! ومتعرفش حاسة ايه انا
ولا ان بيتى اتأسس حته حته وخلاص هبقى عروسة
اتطلق!
عشان حاجه لا انا ولاهو لينا ذنب فيها

عصام: يعنى انتو سيبتوا بعض وانتو لسه بتحبوا بعض؟

ماليكا: عشان كده بقولك سيبنى فحالى الله يخليك ( بتعيط)
انا مش لسه بحبه
انا سايبه قلبي عنده هناك
انا معنديش حاجه اديهالك صدقنى

عصام: وانا مش هسيبك يا ماليكا ،حتى بعد كل الى عرفته
وبعد الى سمعته
هتجوزك
وده قرارى ومش هرجع فيه ابدا

ماليكا: يبقى بتحلم ياعصام

عصام: هتشوفى وبكرة الايام تثبتلك

_______

يونس: يعنى جوزك كان بيحبك

ماليكا: عصام كان بيحبنى جدا ، جدا
وده بان ليا بعدين كمان
من حجات كتير

يونس: طب كملى ،وبعدها حصل ايه

ماليكا بتبصله بابتسامته جانبيه

يونس: لا ماهو انا مش هسيبك ، لازم اعرف الدنيا مشيت ازاى لحد
م وصلنا للقتل

ماليكا: حاضر يايونس ...

فلااااااش بااااك

عصام: صحيتى ؟

ماليكا( بتقوم من سريرها) اه لسه بفتح عينى على صوت رنتك

عصام: باين من صوتك ،على فكرة صوتك حلو وانتى صاحية من نومك

ماليكا ابتسمت

عصام: اهو انا كده يومى بدأ

ماليكا: انت فالشغل

عصام: من بدررى ،خلاص هنمشى
مين قدك بتصحى براحتك

ماليكا : قروا بقى ، مش عارفه صوتى هيتعدل امتى

عصام: ده بس من اثر الشرب ،انتى بطلتى تروحى خلاص

ماليكا: اه وندمت انى كنت بروح ،معرفش ليه كنت بعمل كده

عصام: معلش هى كانت فترة صعبة عليكى انا عارف وحاسس بيكى
المهم نبص لبكرة

ماليكا: بكرة التلات ههههههه

عصام: وبتهزرى كمان ،لا احنا صاحيين رايقين

ماليكا: هنقر تانى هههههه ،انا هقوم اشوف ماما وكده
ولما افضى هكلمك

عصام: تمام مستنيكى

وبليل كانوا بيتكلموا ماسنجر فيس بوك ،فعملها كوبي من بوست
ان اى حد وقع فغلط كبير
يسال نفسه وقع فيه
وليه نفسه كانت ضعيفه انه يعمل كده
لو حس بالندم ،لازم يبطل يعمل الغلط ده
ولازم يرجع لربنا ثم لنفسه
ويحاول يشغل وقته باقصى م يمكن
عشان لايرجع للغلط ،ولايفتكر السبب الى وقعه فالغلط

ماليكا( اتنهدت وكتبت) حلو اوى البوست ده ،تحس انه جاى بالظبط

عصام: انا بس عاوزك متشوفيش نفسك وحشه
انتى كويسة
هو بس صديقه سوء ،على مرحلة انتى كنتى متدمرة فيها نفسيا
عملوا فيكى كده
صدقينى انا مش شايفك وحشة خالص
حتى لو كنت اول مرة اشوفك فيها ،كانت فنايت

ماليكا: عارف ...عمر لما سألته بتحبنى ليه
مع انى مش جميلة واو
ولا بنوتة محصلتش
انا عادية جدا
رد وقالى انا بحب روحك ،وروحك عمرها م تتغير هتفضل بحلاوتها كده

لاحظت انه قرا الكلام وسكت ومردش

ماليكا: عصام انت معايا ولا النت فصل

عصام: لا معاكى

ماليكا: اومال ساكت ليه ،قريت ومردتش

عصام: عشان طول الوقت بتجيبي سيرة عمر
وبالشكل ده عمرك م هتنسيه

ماليكا: الى بينا اكبر من انى انساه فيوم وليله ياعصام
ثم ان انا بقولك كده عشان اسألك
انت اتعرفت عليا من موقع سمعته وحشه
وشوفتنى اول مرة فنايت
ومع ذلك مصمم عليا ،ليه
انا مش اخر بنت فالدنيا

عصام: والله كل الى اعرفه انى بحبك ،وعاوزك تكونى حلالى وفبيت واحد
والموقع والنايت والكلام ده
انا حاسس انه ممسوح من ذاكرتي
وانى عرفتك من الفيس عادى

ماليكا قرت الكلام وممكن نقول انه اسعدها شوية واداها ثقه فروحها

عصام: كلنا بنغلط يا ماليكا،وكلنا لازم نسامح

____

يونس: حلوة اوى كلمة عصام ،كلنا بنغلط وكلنا لازم نسامح
عنده حق

انا دلوقت بس صدقت ان عصام كان بيحبك

ماليكا: ليه بتقول كده

يونس: اصل يعنى كنتى خارباها فسح وسهر وشرب
وبرضو بيحبك وايه كمان جواز كده
على طول
يعنى قابلك على اى وضع
محدش يعمل كده غير لو كان بيحب

ماليكا: فليسوف زمانك،يعنى مثقف مرة تقولى قريت كتاب مش عارف اسمه ايه
بالانجلش

يونس( بيضحك)
The six sence
هنعلمكم لحد امتى ههههه

ماليكا: ايوة هو ده ،ودلوقتى بيحللى فمشاعر عصام الى فاتت عليها سنين
عبقرى
انت مكانش لازم تطلع نشال
انت تطلع طيار

يونس: والله كنت هقدم بس استخسرت نفسي فيهم
هيبقى فالسما قمرين مثلا

ماليكا: يلاهوى على كمية التواضع

يونس( بيضحك) لا انا بتكلم جد ، انا حسيت بعصام
جدا
عشان انا يمكن اتعرضت لنفس ظرفك ده
انتى شربتى وسهرتى وكانت حاجه سواد ماشاء الله
واناكنت حرامى
ومع ذلك ، حصل معايا نفس التسامح

ماليكا: انت هتستنى انها تسامحك م انتو نشالين زى بعض

يونس: انتى قصدك على مين

ماليكا: على اسراء

يونس: اسرلء مين وكفته رز مين ،انا بتكلم عن جنة ❤

ماليكا لاحظت انه قال الاسم وسرح وهو مبسوط

ماليكا: جنة مين يانمس !

يونس،: جنة الى تشبهلك ياماليكا ...

فلااااااش بااااك

يونس: لو سمحت كان فيه بنتين هنا بيشتغلوا شيفت مسائى
هما فين؟

بنوتة بتشتغل: اتطردوا عشان سرقوا المحل

يونس كشر لانه كان عارف

يونس: سرقوه ! طب وراحو فين

بنوتة : معرفش

يونس: طيب هى واحدة كانت بتلبس اليونيفروم بس ببنطلون
والتانيه كانت لابسه بتاع فضفاض كده ( بيشاور ع نفسه) مغطى جسمها

البنت: خمار ،اه هما

يونس: اااه اسمها ايه ام خمار دى

البنت: اسمها جنة

يونس حس براحة وهو بيسمع الاسم

يونس: تعرفى عنوانها ؟

البنت: لا بس هو اكيد متسجل عالجهاز بتاع الادارة

يونس: ينفع تشوفيهولى

البنت: لاصعب

طلع ١٠٠ جنيه يونس وادهالها ،زاپد شياكه لبسه والمتوسيكل الشيك المركون برة
الى نازل منه
خلوا البت تنبهر

البنت ( مبتسمه) طيب هحاول ،تعالى بكرة زى دلوقت هكون جبته

راح واخد عنوان جنة الى مراحتش من باله من يومها
ولاسابت عقله
ولاصورتها سابت عيونه
زائد عذاب ضميره ان اكيد لزقت فالبنتين لان الكاميرات يومها اتعطلت

المهم
راح يونس لهناك ،وسأل فالشارع كله لحد م عرف عنوان الشقه
بس قبل الشقة
وقع فطريقه ...باباها !

راجل: ابو جنة وعبدالرحمن دايما بينام هنا فالمسجد ،هو اصلا
الى بينضفه وبيفتحه ويقفله
دى شغلته
بيصلى وينام فيه ويروح بليل،بس اليومين فيه موضوع كبير شاغل باله

اهو الى هناك اهو

بتسال ليه يااستاذ؟

يونس: مفيش بس مبعوتله امانه عن طريقى

يونس قلع شوزته ،وبص على هيبة الجامع
جسمه اتنفض نفضه خوف لانه اقل من انه يدخل مكان بالروحانيه والسكينه دى
زائد انه بيت الله وهو مذنب ذنوب لاتعد

دخل وقعد جمب ابو جنه

كان الراجل قاعد سرحان فملكوت الله وباين عليه الهم ، لما جه يونس اتعدل

يونس: ازيك ياراجل ياطيب
ابو جنة: اهلا يابنى ،انت تعرفنى

يونس: لابصراحه بس لمحتك شايل الهم كده ،مالك سيبها عالله

ابو جنة: ونعم بالله
كله عالله يابنى

يونس: ما ضاقت الا لما فرجت ،كله بيتحل صدقنى

ابو جنة : يارب يابنى يارب

يونس: طيب م تحكيلى انا زى ابنك ،مالك فضفض عن قلبك

ابو جنة: هقولك ايه يابنى
البت الكبيرة كانت بتشتغل فمحل كبير وبتساعدنى
الله يصلح حالها وبستر عرضها

وكان ماشى الحال يابنى وبنحمد ربنا على نعمته

يونس: تمام

ابو جنة: وبعدين فيوم جم حرامية سرقوا المحل ،وولاد الشياطين الله لايسامحهم
عطلوا الكاميرات الى ممكن يعرفوهم بيها اصحاب المكان
وخدوا الفلوس ومشيوا

وشيلوها لبنتى ولزميلتها يدفعوا اد الى اتسرق
يا يتسجنوا لان مفيش قدامهم غيرهم

وبنتى والله م عملت كده،انا ولادى ميمدوش ايدهم عالحرام لو هيموتوا من الجوع
انا ربتهم عالقناعه وعلى طريق الله
ربتهم ان القليل بحلال الله فيه بركة عن كتير بالحرام يزول ويجيب تهلكه وراه يابنى
لاهى ولازميلتها يعملوا كده،دى كانت بتصلى وقتها حتى
مبتسيبش فرض

يونس: مصدقك ياحج ، متزعلش نفسك
والله هتفرج صدقنى

ابو جنة : البت هتتحبس ، ودى مش وش بهدلة
منهم لله الى كانوا السبب
منهم لله
انا دورت على خلق الله استلف منهم ،ومش هكمل ابدا حق المبلغ المطلوب
ودول مدينا مهلة
حسبي الله ونعم الوكيل

يونس بيسمع وقلبه بيتقطع على الى حصل ، وعلى ان ناس مالهمش ذنب
هيدفعوا التمن

معرفش يعمل اى حاجه غير انه طمن باباها ان الحق هيبان وان بنته هتطلع منها

الادان اذن وكان قايم ماشى يونس

ابو جنة: مش هتتوضى وتيجى تصلى يابنى

يونس اتهز كده ،هو عمره م صلى ولاركعها
بص حواليه

ابو جنة: ايه يابنى مالك

يونس: اصل ورايا معاد ياحج و...

ابو جنة: المعاد الى انت بتجرى عليه ده ،ربنا ممكن ميوفقكش فيه
عشان انت مبتروحش لربنا فمواعيده
يلا ياشيخ
روح اتوضى وتعالى خد ثواب الجماعه

رجلينه بتخطى برعشه مع راحه، حتى الوضوء ناسى ترتيبه الصح
بص عاللى حواليه وقلدهم

بس كأنه كان بيغسل روحه من جوه مش وضوء عادى

راح معاهم ووقف فالصف ، وصلى لاول مرة فحياته !

بعدها خرج وهو حاسس ان روحه بتطير من خفتها والراحه الى حاسس بيها

خرج من الشارع وهو بيمشى موتوسيكله قدامه
وفونه رن
بيطلعه من جيبه بالصدفه ،جاية جنة وكعادتها ماشية على استحياء باصة للارض
جايبه طلبات البيت وراجعه
واتخبط دراعه فيها!

يونس( بيلف ولسه ماشفهاش) اسف،!

جنة : ولايهمك (وهى باصة للارض

يونس فضل مركز معاها وهى كملت طريقها ،كان كيس اللبن الى جايباه وقع عالارض واتفتح
ولما شالته مخدتش بالها من خجلها تمشى ع طول
هو خد باله

يونس: حاسبي اللبن اتفتح

جنة( خدت بالها واتخضت) يانهار ابيض!

يونس: انا هشتريلك غيره

جنة الدقيقه دى بس شافته وركزت فيونس، وحست انها شافته قبل كده
بس مش عارفه

يونس ركز فعيونها وهى بصاله بتفتكر

جنة: لا متشكرة ،هشترى انا غيره

يونس: بس انا الى وقعتهولك

جنة: مبنقبلش عوض يا استاذ

واتقدمت بخطاويها قدامه ووقف هو كلمتها شقت صدره نصين
وخلته ينزف من غير م تحس!