ح١١

"وأخرتها يا ضحى"

ضحى:الحب مالوش آخر ياحسن ..

حسن:بس انا متضايق عشانك،مش عارف اقدملك اى حاجة قصاد الى بتقدميهالى كل يوم

فكل لحظة

ضحى:ياحسن لو ينفع اخد من عمرى واديلك ومش عاوزه حاجة منك ،وبتمنى كل لحظة انت فيها تعبان ومتضايق ربنا ياخدها منك ويديهالى

حسن:وانا تعبت!انتى كل ده بتحسسينى بالعجز قدامك،آسف ياضحى مش قادر اكتر من كده

انتى تستاهلى تحبي وتتحبي وتعيشى مع حد احسن منى مليون مرة

يقدرك ويقدر حبك

ضحى:وانا قولتهالك قبل كده،مش هحب بعدك ياحسن

والله م هقدر

حسن:ضحى انتى بجد اصدق بنت شوفتها قابلتها،والوحيدة الى ادتنى ومستنتش مقابل

وكل حاجة حلوة منك حسيتها اقسملك محدش هيعوضنى زيها

بس انا كده بضيع وقتك اخره خروجاتنا وكلامنا سوا ايه؟

ولاحاجة

مفيش نهاية للطريق

وانا تعبان بسبب كده.. اسف بجد

اعتبرى من انهاردة انى مش فحياتك

وكيفى نفسك عالوضع ده

وحاولى. تلاقى شريك حياتك المناسب الى هيسعدك بجد

ضحى قفلت الفون والدموع غالبه كلامها،بس هى كانت عاملة حسابها من زمان عالنتيجة

دى بس الى مزعلها

انها جت اسرع مما توقعت

♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

جيلان بتلم هدومها وحاجاتها ،واستعدت للرحيل لبيت الزوجية السعيد

ماجى:يعنى خدتى قرارك خلاص وكأن مالكيش حد تسأليه تاخدى قرارك

جيلان:ماجى بليز سيبينى بقى لاول مرة افرح فحياتى

ماجى:تفرحى ايه ،جاية تقوليلنا كأنك بتبلغينا انا فرحى آخر الاسبوع وامتى وفين وعرفتى العريس منين

شئ مش يخصنا

جيلان:انا مش اتجوزت اول جوازه الى كانت ع مزاجكم وعشانكم ومش مهم انا

(مسكتها من دراعها بحب)ارجوكم سيبونى اعيش بقى

ده انا م صدقت

ماجى:انا لو عارفه انها جوازه كويسة يا جيلان!

انا خايفه عليكى

الحجات الخبط لزق دى بتبقى نهايتها صعبه

جيلان:متخافيش عليا اختك خلاص كبرت واتعلمت بما فيه الكفايه

(ابتسمت)قوليلى مبروك بقى

ماجى:(حضنتها) مبروك يا جيجي

♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

حسن فجلسة حبيبة ،وكاميرات المراقبة اتحطت مباشرة ع اوضه الدكتورة فايزة

حبيبة:مالك مبحلقلى كده ليه

حسن:من كلامك المرة الى فاتت بدأت امسك اطراف الخيط واعرف انتى مالك بالظبط

لكن مستغرب

حبيبة:مستغرب ايه

حسن:ازاى واحدة بالعناد ده كله وقوة الشخصية دى ،اقرب اتنين فحياتها يهزموها كده

وتستسلم

وتدفن نفسها هنا

لا وكمان تقتل اجمل معنى فالدنيا...حتة منها

حبيبة:اسمع ياحسن،اجابتى ع سؤالك المرة الى فاتت ليه عملت كده عشانك

ده عشان معرفش ازاى انت قدرت تخرج الى جوايا فلحظة غضب عرفت انك دكتور شاطر

واذكى من كل البقر الى هنا

وخلاص قررت احكيلك بس سيبنى انا لوحدى اعمل كده

حسن:ولحد م استناكى اكون تعبت يا حبيبة ، وبعدين اجى الجلسات اقعد اعمل ايه لحد م تحكى لوحدك

نلعب سيجا!

حبيبة: طب هقولك حاج بسيطة يمكن تشفى فضولك شوية ، اوجع شئ يمر بيه الواحد

الخيانة

وبالنسبة لى الوجع هو جوزى،ولما جيت هنا محدش فالدنيا يعرف وهو كمان

وطالما انا مش هشوفه تانى ..بقالى اكتر من ٧شهور

هنا

يبقى مش هقابل الوجع تانى فحياتى..متخافش انا بساعد نفسي بنفسي

اما بنسبة لقتل بنتى

فأنا حكمت عليها بالموت قبل م تتولد عشان متعرفش فيوم حاجة عن قذارة ابوها

وتقرر هى الانتحار

وفرت عليها سنين حيرة..ووفرت عليا اجدد وجع جديد ع قلبي وانا شايفه بنتى

الماضى الى مالهاش ذنب فيه كل يوم بيقتلها

وع فكرة السبب الاكبر انى اموتها، عشان اخر خيط يربطنى بالحيوان ده

اكون قطعته!

حسن:(هز راسه) حيرتينى ياحبيبة....

حبيبة:متخافش ياحسن هييجى يوم كل حد فينا يقول للتانى الى محدش عارفه

زى نظرة الحزن الى دايما فعيونك دى...متخبيهاش

اصلها باينة اوى ومكشوفه والخاجة الوحيدة الى مش بتدارى

كلام العين

عشان حقيقى

♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

دموع...وضلمة

وحزن فظييييع،ورجوع لوحدة من جديد وانتكاسه من بعد الشفا

كل ده بتعانيه ضحى من يوم مكالمتها مع حسن الاخيرة

حتى لما بقت تتصل بيه

وتبعت مسجات ،مبقاش يرد!

ولو جت العيادة بيضطر يعاملها معاملة فمنتهى الجفاء..ضحى ضحكت ع نفسها لما افتكرت انهم لما يسيبو بعض هتبقى عادى بالنسبة لها

مكانتش تعرف انها بتعود قلبها عليه بزياده لحد م ادمن وجوده. .وفجأة كل شئ بيروح من ايديها

والسعادة الى اتكلمت عنها انها هتكتفى بيها لو يدوب دقيقتين مع حسن، مبقتش حاسة انها تقدر تعيش المعنى ده

لانها وصلت مرحلة،بدل م تتشفى بيه

اذت نفسها بيه بزيادة

♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

"من كان لديه اى اعتراض ع هذة الزيجة..فليتكلم الآن

او ليصمت للأبد"

جيلان ووحيد بصو لبعض وهما فمنتهى السعادة ،وبعد م أعلن انهم زوجه وزوج قدام ربنا والناس

عليت الفرحة والزغاريد فالمكان

حسن:ههههه جوازة لاهى عالبال ولا الخاطر..تعرفى انى السبب فالجوازة دى

تقى:بس شكلهم قمامير اوى، انت محكتليش عن جيلان دى قبل كده

حسن:خلاص يا تقى مش لازم كل حاجة اديكى عنها تقرير عادى يعنى

تقى:لااااااااااااا بس هتحكيلى بعد الفرح، ماشى

حسن:لا قاعد ...خليكى هنا متتحركيش

راح حسن يهنى العرسان ...

حسن: جوازتكم دى عاملة زى الافلام،كأنكم متفقين سوا

ولا معندكمش وقت ههههههه

وحيد:ياعم شيزوفرينيا اعتق امى بقى،انهاردة فرحى مش لازم فلسفتك المعهودة

جيلان:انا معزتك عندى يا حسن زادت. عشان انت السبب انى اعرف وحيد

حسن:ومسيرك فيوم تندمى هههههههه اسيبكم بقى

تتغزلو فبعض براحتكم

كان اسعد يوم فحياة جيلان ، وكان ماشى تمان جدآ

لكن قلب مزاج حسن مسج من ضحى..حسسه بالذنب وتأنيب الضمير

فقرر يروح يحكى ولاول مرة لحد مش هيخطر ع بال حد !......

فالشارع

وعالرصيف بالتحديد،قاعد مربع حسن جمب جميلة وبيحكى معاها ،ومش عارف ليه اختارها بالذات

وياترى هتفيده بحاجة ولا لأ

جميلة: مدام بتحبك يبقى هتسعدك،خليك معاها وفرح قلبها

ده جبر الخواطر عالله

حسن:انا مش عايز اضحك عليها اكتر من كده ،بس رسالتها عذبتنى

جميلة:بص،انا معرفكش

بس انت طالب مشورتى ..ومجتش غير للغلبانة الى زيي الى لما تحتار تدلك

حسن:بتفاءل بيكى يا جميلة

جميلة:اسمع كلامى واسعدها ، يمكن السعلدة الى تدخلها ع قلبها ربنا يعيدها ع قلبك

فتفرحو انتو الاتنين

حسن:اسعدها ازاى بس ، اتجوزها يعنى

وهو بيتكلم عدى شاب بص واستغرب ع منظره ...واحد لابس لبس غالى وماركة وقاعد جمب شحاته بيحكو سوا ولا كأنهم فشارع

جميلة:سكتت ليه؟الناس بتبص عليك مش كده

حسن:سيبك منهم، انل بعتبر انى فالكون لوحدى اصلا

ها اعمل ايه

جميلة:انت عارف هتعمل ايه

حسن:مممممم

جميلة:بلاش تكسر قلب حبك، لاتعيش طول حياتك ملعون من ربنا والناس

حسن التفكير فرم دماغه طول الليل ولما وصل لحل مع ضحى يرضيها ويرضيه

بعتلها مسج

"استنينى فالشارع الى بتقعد ف جميلة الساعه ٥بكرة فيه مفجأة علشانك!"

وبالفعل كانت مستنياه واول م لمحته،لهفة فرحتها م استنتش وجريت بأقصى سرعة زى بيبى بيجرى ع باباه الى غايب عنه

وحسن جاى عليها برضو

لكن هو خد باله من الى هى مخدتش بالها منه ... لورى كبير معدى بأقصى سرعته

ومن فرحة ضحى مشفتهوش

عدت قدامه، طااااح بيها فالسما

مشهد محزن اتوقف لثوانى معدودة كل حد موجود فالمكان كان واقف مذهول ...وتنزل ضحى ع جدور رقبتها بخبطة جامدة عالارض

وبركة دم حواليها

حسن كل ده مش مصدق!!

جرى بجنون عليها والناس اتلمت، والسواق هرب بسرعه

حسن:ضحى ....ضحى !!!!!(حاضنها وبيهزها)

ضحى:خلاص دى النهاية ياحسن (بتتكلم بصعوبة ودموعه ع وشها)،كنت مستعجل ليه

كنت سيبتنى اليومين دول فحضنك

بس انت ...انت مكنتش تعرف انى هروح

حسن: اهدى ومتتكلميش، انتى مش هتموتى ...اسعاااااااااف

الناس:طلبناها يااستاذ

ضحى: انا

انا اسعد واحدة فالدنيا دلوقتى ،عشان اخر لحظات فحياتى

شايفاك ملهوف عليا وبتعيط ع فراقى

ب...بحب..بحبك ياحسن

حسن:انا كنت عايز اقولك(بيمسح دموعه) مفجأتى ليكى انى

ضحى:متقولهاش....خلينى ففرحتى

بيك وبحبك ليا

مت ...متندمنيش

ع ايام عدت

سلام يا احلى حس ...حسن

وداعى ليك الاخير....متنس

متنساااش قبل نومك تف. تفكر فيا

عشان اجيلك فأحلامك.....

وعيونها غمضت ..للأبد والمفروض انه كان هيبقى يوم فرحتها

زى م كانت مفجأة حسن الغامضة ليها

اعتبرت هى لهفته ودموعه...هى مفجأتها الحقيقية

وماتت ضحى ومرسوم ع وشها اجمل ابتسامة،ابتسامة وداع دليل ع فرحة كانت مستنياها

جت ومشيت

للنهاية°°°°

♦♦♦♦♦

ح١٢

عنان

ومحمد

وسلمى ومعاهم تقى ..

كلهم متجمعين فشقه العيلة عند حسن ،بس فين حسن ؟

سلمى:ماليش دعوة، تجيبو حد يدور عليه

تنادو عليه بمنادى

تحضروا جن المهم نعرف حسن فين

عنان:يا سلمى هنعمل ايه اكتر من الى عملناه ،محمد مخلاش اى مكان الا ودور فيه

اصحابه ومعارفه

فأقسام بوليس ومستشفيات

تقى:والمصيبة ان عربيته اهيه مركونه تحت،يعنى حتى معرفناش نوصله عن طريق ارقامها

محمد:انا معرفش هو بيعمل كده ليه ،لو طقت فدماغه يسافر كان عالاقل بلغ سمر عشان العيادة

لكن ده حتى هى متعرفش هو فين

تقى:ولغت كل الجلسات..هتعمل ايه

سلمى:انتو مالكم بتتكلمو ببرود كده ، ده بقاله ٢٣ يوم غايب ومنعرفش عنه حاجه

اناخايفه يكون حصله حاجه

عنان:يا سلمى اهدى مش كده

سلمى:اهدى ايه ؟اكيد حصله حاجه

ده اكيد

انتو فاكرين الراجل الى ضربه بمطوة

اكيد حد عمله حاجة وراح فيها (بتعيط)ياحبيبى ياخويا

احمد:ياسلمى بشرى خير يا حبيبتى مش كده

تقى:(افتكرت حاجه)هو انتو دورتو فالنايت الى بيقعد فيه او سألتو حد عنه

محمد:نعم!!نايت

سلمى: (بتمسح دموعها)ايوة عندك حق ياتقى، لازم تروح تسأل فالنايت ده يامحمد

انا عارفه مكانه

هو خدنى فيه قبل كده

محمد:نايت ايه وبلاوى زرقه ايه ؟وصلت كمان للاماكن الى عليها غضب ربنا دى وادخلها برجليا

سلمى:(بعصبيه)وانا احنا قولنا اسهر فيها ،دور ع اخوك يا اخى

احمد:عيب ياسلمى متكلميش اخوكى كده

عنان:معلش يامحمد لازم تروح ..إسأل وبس

مش هنخسر حاجة يمكن يعرفو حاجة عنه بدل القلق ده

احمد:انا هاجى معاك يامحمد

تقى:لازم منسبش مكان الا وندور فيه ، دول ٢٣يوم وحسن اعداءه كتير

محمد:امرى لله، جه اليوم الى ادخل لاماكن مشبوهه وكل من تحت راس سى حسن

قولى العنوان ياست سلمى

♦♦♦♦♦♦♦♦♦♦♦♦♦♦♦♦♦♦♦♦♦♦

عروسة الهونى مون هى وعريسها طالعين من السينما

وهيمانين فالفيلم الرومانسى الى شافوه

وفالسعادة الى بيعيشوها سوا

جيلان:تعرف يا وحيد، دايما كنت بصدق كلمة الامان مش راجل

وبؤمن بيها جدا

بس دلوقتى صدقت ان مش اى راجل ..لازم يكون راجل امين يقدر يسعد حبيبته

زيك يا وحيد

وحيد: انا اهم حاجة عندى انك مبسوطة يا جولى

جيلان: قولى بقى اخبار ورق الهجرة ايه

وحيد: خلاص هانت قدمت اوراقنا سوا ،وقريب هتيجى خلاص مش فاضل كتير

ونعيش سوا احلى سنين عمرنا فبلد غير دى ياشيخه

جيلان:مش عارفه يا وحيد حاسه انه صعب اسيب مصر واهلى واصحابي والكنيسة الى اتربيت فيها

واروح مرة واحدة كده لبلد معرفهاش ومعرفش تقاليدها وهعرف اعيش واتكيف فيها ولا لأ

وحيد: يا جيلان حرام عليكى ، مصر وبتنجان ايه

شوفنا ايه فيهل غير قرف ...دى بلد بومة ياشيخه

فالحين بس نمجد فالحضارات واجدادنا الفراعنه واحفادهم بيشدو كولا تحت الكبارى وبيضربو ماكس

جيلان:ههههههههههههههه

وحيد:طب بذمتك لو خيرتك وقولتلك الجنسية المصرية ولا ايفون 6 ،هتختارى لون الجراب ايه ؟

جيلان:ههههههههههههههه هههههه انت فضيحه مش ممكن

وحيد: ياست فكك بلا مصر بلا الكونغو ،ده احنا هننطلق بس نهاجر بس

جيلان:عملتلى غسيل مخ انت وخلاص ماشيه وراك ومعمية

وحيد: وصدقينى هتكسبي، قوليلى صحيح

جيلان:نعم

وحيد:ابن جوزك الاولانى كده مع اهله خلاص واسقطى الوصية عنك وفلوسه طبعا

جيلان:اه ،مانا قولتلك

وحيد: مممم ياعينى عليكى يا جولى، الفلوس الى طلعتى بيها من الجوازة دى خدوهااهلك وسددو ديونهم

والباقى ابن جوزك

وطلعتى انتى ابيض

جيلان:لا ازاى، لأ طبعآ معايا مبلغ بتاعى لوحدى فالبنك بإسمى

وحيد:مبلغ كبير يعنى

جيلان:بتسأل ليه

وحيد: كنت عايز اجيب ٢ فول وحمص نأزأز فالشارع ،والسينما والغدوة خدوا كل الفكه

فبفكر نروح البنك تصرفى شيك ب ١٥جنيه نجيب الحجات دى ونيجى

جيلان:ههههههههههههههه وليه جاى ع نفسك كده

خد ٢٠جنيه بحالهم وهات وبلاش البنك

وحيد: ع رأيك ده التاكس الى هناخده من هنا لهناك هياخد خمسناية مقفوله

ع ايه

بناقص

خلى مشوار البنك لما نعوز نشترى آيس كريم ولا حاجة

جيلان: ههههه طب امشى يلا قدامى يامبذر

وحيد: ده انا فنجرى واعجبك

جيلان: باين ياخويا باين قدامى

♦♦♦♦♦♦♦♦♦♦♦♦♦♦♦♦♦♦♦♦♦♦

"الو.... لا يافندم مافيش جلسات الاسبوع ده كمان

الدكتور حسن لسه مرجعش من السفر"

سمر قفلت السكه وبالها مشغول ع حسن،ماهى عشرة عمر

واختفاؤه فجأة كده حاجة تقلق جدآ

ده غير ان المفروض انه كان ينقل العيادة لمقرها الجديد ،وكل ده اتعطل بغيابه المفاجئ ده

ومن باب الاطمئنان

بتتصل بسلمى اخته الى مسابتش شقته فترة غيابه كلها هى وجوزها ..

سلمى:لأ يا سمر لسه معرفناش عنه حاجه ، اكيد هبلغك لو عرفنا حاجه

ربنا يخليكى

سلام

تقى:كفاية عياط ياسلمى ،ربنا العالم حاسة ان يتيمة من غيره

بس ماسكه نفسي عشانك

سلمى:حسن لو كان جراتله حاجه انا ممكن اموت فيها، اصل انتى متعرفيش هو ايه بالنسبة ليا

ع اد ماهو طايش وهوائى

ومجنون

بس هو كل الحجات الحلوة الى تتقال عالاخ، الجدعنه والطيبة

كفاية شيلته ليا طول السنين دى زىم اكون بنته بعد موت بابا وماما

اه يتهيأ للناس انه بعيد عننا ..وفعالم لوحده

بس هو معانا برضو

انتى عارفه...من يوم جوازى ،وكل يوم الصبح يخبط عالباب بتاع الورد جايبلى بوكيه توليب

ويقولى من حسن

عشان انا بحبه وهوعارف ده

وعالكارت كلمتين حلوين وان لو هو بعيد بيحاول ع اد م يقدر يبقى جنبنا

اكلة السمك والجمبرى وفواكة البحر الى بموت فيها ، لازم كل اسبوع تيجى دليفرى لحد بيتى

لان هو عارف انى بحبها

وممكن انسى نفسي ومش أكلها بالكام شهر

لكن هو مينساش

حتى شقتى...كل حته فيها هو الى جايبها ودافع فلوسها

محمد جايبلى حجات بسيطة،بس الله يعينه ماهو برضو موظف وعنده بيت

مقدرش متأثرش بغيابه ياتقى..مقدرش

وسلمى بتعيط فحضن تقى الباب اتفتح !

♦♦♦♦♦♦♦♦♦♦♦♦♦♦♦♦♦♦♦♦♦♦

حقنه ٢سم بتتضرب فوريد حبيبة فالمستشفى

حبيبة:وهو لسه مجاش برضو حسن ؟

الممرضة:لا لسه، والدكتورة فايزة سألت فكل حته وبرضو مافيش أثر

حبيبة: يعنى ايه ،مات ده ولا ايه

الممرضة: بعد الشر يا مدام حبيبة ،ده الدكتور حسن ده سكره

ان شاء الله هييجى بالسلامة قريب

تلاقيه مسافر حته ومقالش هو بيعمل كده ع طول

حبيبة:اصل هقولك ع حاجة بس متلكيش وترغى فيها مع حد

الممرصة:اتفضلى

حبيبة: مش عارفه ليه مش مرتاحه لغيبته دى ،حاسه انه مش راجع

ولو مرجعش وجابولى وائل تانى

هفتح دماغه ان شاء الله المرة الجاية

الممرضة:لا ان شاء الله راجع ،ربنا يجيب العواقب سليمة يارب

♦♦♦♦♦♦♦♦♦♦♦♦♦♦♦♦♦♦♦♦♦♦

"حسن!!"

بتجرى سلمى وتقى فنفس واحد عليه وكل واحدة بتحضنه من ناحية ،لكن هو مكانش فيه اى حيل يحضن حد

راجع شعره ودقنه من طولهم مخبيين وشه

وجسمه مهدود وهدومه مش نضيفه وشكله مرعب!

تقى:ايه ده انت حصلك ايه

سلمى:اقعد ياحبيبى خد نفسك ، سلامتك

حسن:(بيشاور لتقى) مايه ياتقى ربنا يخليكى

تقى:حاضر

سلمى:مالك بس ايه الى مبهدلك كده، وكنت فين ده كله

حرام عليك انا كنت هموت

حسن:هقولكم كل حاجة بس اخد نفسي الاول

شرب المية ، وخد نفسه وابتدى يحكى ......

♦♦♦♦♦♦♦♦♦♦♦♦♦♦♦♦♦♦♦♦♦♦

"بعد موت ضحى قدام عنيا وع ايدى، معرفش عملت كده ازاى

سيبتها مكانها عالارض وهربت بعربيتى اضرب البلد من الشرق للغرب لا أنا عارف اروح فين ولا عند مين

ولا اعمل ايه

ومعرفش هل فيه حد شال ضحى واهلها عرفو ولا لأ، كل الى عارفو انى جيبت العربية تحت البيت

وفضلت ماشى وانا معرفش انا فين

ورجلى فضلت واخدانى والدموع مغرقه وشى ، مفوقتش غير ع ادان بصوت عالى

مكنتش عارف ده ادان ايه

ولا الساعة كام دلوقتى

ولا انافين

دخلت الجامع ...اتوضيت وصليت ومسكت المصحف بكيت

شايفها قدام عنيا

شايفها وهى بتروح من بين ايديا

شايف قسوتى عليها ومكنتش عارف انهم اخر ايام عمرها

مبقتش بعمل حاجة غير انى اصلى واقرا قرآن لروحها كل يوم وكل دقيقة

عالأقل ابعتلها حاجة تسعدها زى م ورتنى السعادة فالدنيا ومردتش ليها اى حاجة

بقيت عالحال دى من غير اكل ولا شرب ، ومش عارف الايام من بعضها

ولا شوفت الشمس بعينى

اعرف الوقت بالصلاة،الصبح

الضهر

وكده

لحد م فيوم فاتح المصحف وبقرأ ... جت قوة شكلهم غريب مرة واحدة ووقفو ع باب الجامع بعتو عساكرهم خدت بعض الناس الى كانت فالجامع

وكنت انا منهم

اشتبهو فيا اكون ضمن خليه او جماعه، عشان دقنى كانت طويلة

وكنت موجود فالجامع بقالى فترة متواصله

وواضح انهم كانو بيراقبونا

اتضربت واتهانت واتذليت ،واتعذبت بالكهربا

بس انا مكنتش حاسس بأى حاجة من دى غير انى طول الوقت شايف صورة ضحى قدامى

ضحكتها

ونظرة عيونها

لما كنت باخدها فحضنى واحس بفرحه نبض قلبها

كنت يائس من كل حاجة ،سألونى كتير ومكنتش بنطق

كانو بيزودو التعذيب

لحد اول امبارح ،خدونى لظابط كده وقالى بإستهزاء

لما انت صاحب كوباية وعشيرتك رقاصات وبنات واطية مقولتش ليه من الاول

بدل دور المشيخه الى انت عامله علينا ده

برضو مردتش، رمولى حاجتى ورمونى برة المكان الى كنت فيه، فضلت ماشى لحد م حد بعربية ملاكى معرفوش وقفلى فالطريق شكلى صعبت عليه

وصلنى للبيت

واول م وصلت لاقيت سلمى اختى وتقى ، وهما الى اقنعونى ارجع لحياتى وشغلى من تانى

وابتدوايرجعونى لحياتى من تانى عشان اقدر اكمل بإقناعى ان الحى ابقى من الميت

وسمعت كلامهم

واول مكان روحته بعد م رجعت هو هنا ...

حبيبة:وايه المفجأة الى كنت عاملها لضحى

حسن:كنت هخليها تعمللى ديكور عيادتى الجديدة ، كنت رايح اخدها لعيادتى اول واحدة تتفرج عليها

وبكدة نكون دايما سوا

واصحاب

ومبعدتش عنها

بس هى كانت فاكرة انى هعرض عليها الجواز قالتها قبل م تموت

وده الى عذبنى اكتر

بس انا كان لازم افهم..جميلة مكانتش هناك اليوم ده

يعنى حظى مش انهاردة

حبيبة: جميلة مين ؟

حسن:دى بنت شحاته بتفائل بيها

حبيبة:بتتفائل وبس،مش حاجه كده ولا كده

حسن:،لو اى حاجة كنت قولت ، انا ياما عرفت بنات فكل مرةبيتعلقو بيا

بس انا مبقدرش اكمل

انا مينفعش اتجوز

مينفعش

حبيبة:يعنى انتى فكل مرة تعرف واحدة وتحببها فيك وتقولها بحبك وبعدين تزهق تقومو تسيبو بعض

حسن:بس انا مبقولش بحبك لحد

حبيبة: اومال تسمى الى بيحصل ده ايه فكل مرة، لو متعرفوش احب انا اعرفهولك

ده اسمة كسره قلب

دى قلوب مش اطباق نيش امك هى

حسن كان متأثر كلمة حبيبة فوقته شوية خلته يبتسم

حسن:نيش امى !انتى بتجيبى القباحة دى منين

وبعدين ازاى تضحكى عليا وبدل م انتى الى تحكى انا الى بحكى

هو مين فينا دكتور التانى

حبيبة: انت هتكابر كمان انك تعبان وعايز تخفف عن نفسك وتفضفض

وبعدين. انت هتعرف سرى وانا كمان لازم اعرف اسرارك

المعاملة هات وخد

حسن: (ابتسم ابتسامة صفرا ورجع سرح)

حبيبة:اقرالها الفاتحه اطلب لها الرحمه ، وبعد كده متقربش حد منك انت عارف ان نهايته مش معاك

حسن:حاولت والله

حبيبة: خلاص الى حصل حصل وده قدرها

حسن:(عيونه مدمعه)بس مكنتش عارف انها هتموت ،لو بإيدى اعيد كل الى فات واتجوزها فالفترة الى فاضله فحياتها دى

بس محدش يعرف الى جاى ايه غير ربنا

لو كنت اعرف مكنتش ضيعتها من ايدى ،اصل مينفعش اضيع حد حبنى الحب ده كله وبغبائى فرطت فيه

والله م كنت اعرف ..(خبى وشه زى الاطفال وهو بيبكى)

حبيبة قامت بحنان لا إرادى وضمته لصدرها وهى بتبكى معاه..وكل حد منهم بيبكى ع حاجة راحت منه من غير قصد

♦♦♦

ح١٣

♦♦♦♦♦♦♦♦♦♦♦♦♦♦♦♦♦♦♦♦♦♦♦

من صوت التيليفزيون مكانتش عارفه تسمع الفون وهو بيرن،صحيت مرة واحدة

وانتبهت لصوت الفون

شافت الاسم! وكانت مخنوقه ترد

بس مضطرة

تقى:ألو بابا ازيك

الاب: هاللو تقى ، كل ده اتصل يابنت ومش تردى

قلقتينى بجد

How do you do

تقى:fine

Baby thank you

الاب:اومال مامى فين ؟

تقى :(ارتبكت) مامى ...مامى خرجت

الاب:امممم.Greet

تقى:غريبة بابى من يوم انفصالكم مش اتكلمتو سوا ،ازاى عايز تكلمها ناو

الاب:لالالا كنت حابب اتطمن انك مش لوحدك، مدام صممتى انك ترجعى تعيشى فمصر ع طول

تقى:اوك

الاب:اوك تقى

I've to go now to my work

By

مكالمة خالية من اى مشاعر حنينة، حتى لو من باب الاطمئنان

بعد فترة كبيرة يدوب كلمتين،حجات بطلت تأثر فتقى لأنها اتأذت بما فيه الكفاية

منهم

لدرجه انهم دمروها فاللى فات...والى جاى

♦♦♦♦♦♦♦♦♦♦♦♦♦♦♦♦♦♦♦♦♦♦♦

"امشى... خطوتين كمان

اوعى تفتحى "

جيلان:(مغمضه عنيها) هتودينى فين يا وحيد

وحيد:متخافيش يعنى هوقعك فترعة مثلا، كملى كمان

هانت

جيلان:انا مش شايفه حاجه

وحيد:متقلقيش انا ساندك ، ها خلاص قربنا

جيلان:ها افتح

وحيد:اه فتحى خلاص

جيلان فتحت عيونها لاقت نفسها فمكان كبير فيه بالونات قلوب منفوخه هيليوم

وعليها حروف اسمها ..وزينة وشموع

جيلان:(بفرحه استغراب) ايه ده !

وحيد:واضح ان حضرتك ياهانم ناسية ان انهاردة عيد ميلادى

جيلان:عيد ميلادك بجد

وحيد: اها

جيلان:اوبس!سورى بجد مكنتش اعرف ،كل سنة وانت طيب

وحيد: وانتى طيبة ياجولى

جيلان: بس ازاى عيد ميلادك وعامل احتفال لنفسك، انت كده بتحرجنى

وحيد: بالعكس..احنا واحد

وانا عارف انك مالكيش فموضوع اعياد الميلاد والكلام الفاضى ده

حتى عيد ميلادك مش بتفتكريه

جيلان:بس البالونات عليها حرفى؟

وحيد: ارجع تانى واقولك انا وانتى واااااحد

ويلا بينا

ارجع تانى واقولك ..انزل بقى يا احمد

اطلع بقى يا احمد

جيلان:ههههههههههههههه

وحيد: ايوة انا عايز الضحكة دى ،ودلوقتى اقعدى هنا

وغمضى عنيكى تانى

جيلان:تانى! انت متأكد انه عيد ميلادك انت مش انا

وحيد: اييييوة غمضى عنيكى بقى

جيلان غمضت ،وحيد مسك ايديها ولبسها خاتم سوليتير

فتحت عيونها

جيلان،:ايه ده يا وحيد ؟! ليه ده

وحيد: ،انتى ناسية انى مجبتش ليكى شبكة، وبعدين انا كنت مستنى لما ابيع الشقه بتاعت امى

وجبتلك الشبكة..كده كده مكنتش عايز حاجة تفضل ليا هنا تربطنى بالبلد دى

جيلان: يعنى بعت الحاجة الوحيدة الى ملكك عشانى

وحيد: اصلا دى شبكتك ولازم تاخديها، وبعدين كل الدنيا فداكى ياجولى

جيلان:(ابتسمت)ميرسى اوى يا وحيد ، بجد ميرسى

وحيد: انسي اى حاجة عدت..معايا هتشوفى الى عمرك ما شوفتيه

جيلان:انا متأكدة

وحيد: يلا بقى ناكل بسرعة لانى محضرلك بروجرام هاااايل

جيلان:(بلهفه)ايه البروجرام ؟

وحيد: ايه البروجرام ؟

جيلان:انا الى بسألك

وحيد: لا مانا مش عارف

جيلان:مش عارف!اومال مين الى يعرف

وحيد: معرفش تعالى بعد الاكل ندور ع حد عارف ونسأله

جيلان:ههههههههههههههه يخربيتك انت بلوة

وحيد: هههههههههه

♦♦♦♦♦♦♦♦♦♦♦♦♦♦♦♦♦♦♦♦♦♦♦

وقررت حبيبة تتكلم اخيرآ

بس كانت مستعدة للجلسة بشكل غير المتعود عليه حسن فكل مرة ، كانت مهتمة بمظهرها

وبأبسط تفاصيل فيها

ولما دخل حسن لقاها اجمل واروع من كل مرة بيشوفها فيها

حسن:(بإبتسامة) صباح الخير

حبيبة: صباح النور ، تعالى يا حسن

حسن:ايه الجمال ده كله ، كأنى بشوفك لاول مرة

حبيبة: وانت كمان بدأت ترجع زى الاول ،بس قولى جمال من انهى ناحية بقى

حسن: من كل النواحى ..يعنى وشك منور وزى القمر

واول مرة اشوف الفستان ده عليكى

تسريحه شعرك مختلفه

حتى ضحكتك انهاردة صافية

حبيبة: اصل قررت

حسن: قررتى ايه

حبيبة: انك تعرف كل حاجة انهاردة.. وتخلص الحكاية

حسن:طب كويس

حبيبة: تحب نبتدى منين

حسن: من الى انتى عايزة تبتدى بيه ، اهم حاجة ان ضحكة عيونك دى متفارقش وشك طول م انتى بتتكلمى

حبيبة: (ابتسمت) متخافش هتفضل ،لانى انا ال قررت اضحك انهاردة

وابتسم

واحكى

بص بقى ومن الاول

حسن: معاكى

♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

"ايوة مين ؟"

تقى كانت رايحه تفتح باب الشقه وبتتمنى مش تكون مامتها، لان محدش بيخبط ع بابها غير هى وحسن والبواب

وحسن فشغله حاليآ

والبواب اخد طلباتها وجابها وخلاص

بتفتح وايديها ع قلبها ،لقت فوشها سلمى

تقى:سلمى (فرحانه بتضحك)

سلمى:انا جاية مخصوص ليكى انتى مش لحسن

تقى: ياسلام ايه المفجأت الحلوة دى ،تعالى ادخلى

سلمى:شكلك كنتى نايمة

تقى:لا عادى قدامى النهار كله وبعدين هو كام مرة هتجيلى سلمى يعنى

سلمى :حبيبة قلبي يا توتا،بصى بقى من غير لف ولا دوران

انا جاية فموضوع

So special

تقى:وااااااو ياترى ايه هو يالوما ، تعالى نكمل فالمطبخ هعمل نسكافيه

سلمى:عريس!

تقى،:(سابت الكاتل من ايدها) عريس ؟؟!

♦♦♦♦♦♦♦♦♦♦♦♦♦♦♦♦♦♦♦♦

حبيبة: عارف احلى شعور تحسه البنت فحياتها، هى انها تحس بالرغبة فيها

من اى حد يشوفها

وانا كنت البنت دى

مكنتش اقدر اروح حته غير لما اتعاكس، ولازم حد و٢ يتعرفو عليا ويتصاحبو عليا

حسن بيدون فالنوت بوك بتاعته ومركز معاها

حبيبة: بابا غنى اوى ،وماما كمان

يعنى بمعنى اصح اتولدت فبوقى معلقه دهب

كل حاجة عيزاها عملتها ،كل مكان تسمع عنه ولا لأ انا روحته

حسن:مالكيش اخوات

حبيبة: (سرحت)كان ف، بس مات فحادثه الله يرحمه

حسن:تمام

حبيبة: لحد م فيوم كنت فاكره انه يوم حظى وسعادتى، مكنتش اعرف انى ببدء مشوار تعاستى بأول خطوة جاية

♦♦♦♦♦♦♦♦♦♦♦♦♦♦♦♦♦♦♦♦

تقى :(بإرتباك) انا مبفكرش فجواز خالص يا سلمى

سلمى:ليه يا تقى انتى مش صغيرة

تقى:ومش كبيرة برضو ، وبعدين انا لسه ٢٢سنة يعنى لا روحت ولا جيت

سلمى:يابنتى مفيش مشكلة ،اتعرفو ع بعض

فترة خطوبة

وهكذا

ويمكن يكون هو ده شريك حياتك

تقى:يابنتى هو انا حسن هتتدورى عليا عايزة تجوزينى انا كمان

حسن: سيبك من حسن دلوقت ، فكرى فكلامى وبعدين انت لسه معرفتيش حاجه عن العريس الى انا جايباه

تقى:ومش عايزة اعرف

حسن:ولو قولتلك يا متسرعه ياغبية انه كابتن طيار واخو احمد جوزى وزى القمر نسخه من الواد ده اسمه ايه السورى الممثل

باسل الخياط

تقى:لا باسل ولا غيره مش عااااايزة !

♦♦♦♦♦♦♦♦♦♦♦♦♦♦♦♦♦♦♦♦

"كان ابن السفرجى بتاعنا ، اول مرة شوفته فحفلة عيد ميلادى كان بيساعد باباه"

حسن:وبعدين كملى

حبيبة: معرفش برغم انى صاحبت شباب كتير ، بس ده خطفنى من اول لحظة ليه

كان فيه ايه زيادة مش عارفه

رغم ان مفيش فيه اى حاجة ملفته ..غير انه الوحيد الى منتبهش ليا ولجمالى وانبهر بيه زى كل الناس

وكان بيعاملنى عادى ...الانسة حبيبة وبس

حسن:عشان كده حبيتيه ، لانه الوحيد الى كسر غرورك

ومهتمش بأى تفصيله فيكى تشد زى الباقيين

حبيبة: وده الى شدنى ليه، مين ده عشان ميهتمش بالبرنسس حبيبة!

انت مجرد سفرجى ابن سفرجى

حسن: تمام

حبيبة: ودخلت خناقه مع نفسى، ازاى هو يعجبنى وانا معجبوش!

بدأت اشاغل فيه

واحاول اوقعه

كنت الاول براهن نفسي ان مفيش شاب يقدر يشوفنى ويقاوم

واتحول الموضوع لجد.. انا حبيته فعلا

وهو كمان

وصلنا لدرجه الجنون ببعض

حسن: وفيه حد كان عارف بالعلاقه دى من اهلك

حبيبة: لأ ،بس ماماحست وبعدها بابا

حاولو يبعدونا عن بعض كتيىر..وكالعادة فيلم رد قلبي بيعيد نفسه على ابن الجناينى وانجى

بس ع صورة احدث

بابا يطرد باباه ويحاول يطارد مجدى فشغله

حسن:وطبعا حبيبة العندية مش عايزة حد ابدآ يعاندها او يوقف قصادها

حبيبة: بالظبط، بابا كل م كان يعند معايا كنت بمسك فيه اكتر

لحد م قررت نتجوز

شرعى

حسن: بس اكيد اهلك مرضيوش

حبيبة: انا مستنتش اهلى يعرفو عشان يرضو اصلا

بابا كان مأمن مستقبلى كويس

وكان شركة من شركاته كاتبها بإسمى ، ومكتب عربيات

ومليون ونص فالبنك

كل ده بتاعى لوحدى

اتجوزنا شرعى وعند مأذون واشتريت فيلا بفلوسى وبطلت بقى حياة الاستهتار والدلع

بقيت اروح شركتى اديرها وخدت مجدى معايا وعلمته الشغل

ومسكته مكتب العربيات كمان

حسن:واهلك؟!

حبيبة: (سرحت بحزن)المتوقع انهم هيتبرو منى بعد عملتى السودة دى

وانا مكانش عندى حاجه مهمة غير مجدى

وعزة!

حسن:مين عزة ؟!

حبيبة: صاحبتى الانتيم ، معرفش ليه دونا عن كل صحباتى كانت اقربهم

يمكن عشان برضو من طبقه مجدى

ع اد حالها ومكسورة ،بتكافح عشان توصل

وعرفتها فشركة بابا كانت فالحسابات لفتنى خفه دمها

كنت بخلى بابا يرقيها وكنت باخدها معايا فكل حته

وخلتها تلبس وتاكل وتشرب الى عمرها ماشافته

حسن:ليه هى بالذات الى كانت انتمتك،ليه مش واحدة من مستواكى

ونفس السؤال ليه مجدى ابن السفرجى يبقى جوزك

ليه مش شاب ابن عيلة وحسب زيك

حبيبة: (بصة تحدى)انا بحب اشوف نعمتى ع غيرى، واخليه طول الوقت محتاجنى وميقدرش يستغنى عنى

حسن:يبقى انتى السبب فالى عملوه معاكى يا حبيبة

حبيبة:لأ مش السبب لما انضفهم واعليهم ، المفروض ان طول العمر يفضلو يبوسو رجلى

مش يخنونى

حسن:لازم اواجهك بأنك مريضه بداء العظمة من قبل م هما يأذوكى عشان كده اختارتى ناس غلط

كنتى فاكرة انك تقدرى بفلوسك تتحكمى فيهم

لكن الى معملتيش حسابه انك عمرك م هتتحكمى فمشاعرهم..وده اكيد الى حصل

ماهو اصل لا يمكن واحد هيخون مراته مع صاحبتها الا لو كان بيحبها !

حبيبة: بيحبها منين وهو الى طار من الفرحه لما عرف انى حامل ، وحتى دى مهنتوش عليها

وقتلتها قبل م يشوفها

♦♦♦♦♦♦♦♦♦♦♦♦♦♦♦♦♦♦♦♦

سلمى:يابنتى انتى منشفه دماغك ليه ، انتى مرتبطة بحد

قولى انا اختك يا تقى

تقى:والله مافى حد ولا سبت ،انا لوحدى مش حابه الارتباط

سلمى :(طب انا هقوم افتح الباب ورجعالك ده اكيد الدليفرى

تقى:انتى طالبة حاجة ولا ايه

سلمى :اه سوشى ..نتغدى سوا

فتحت سلمى واخدت الاوردر ...

سلمى:يلا بقى اطباقك وحجاتك وتعالى

جابت تقى الحجات وجت

سلمى:(بتاكل) ممممم بعشق التشاينيز فود ،م انتى عارفه انى من انصار اللحوم البيضه

تقى:اه طبعا عارفه

سلمى :م تاكلى ! ولا مكسوفه

تقى:لا عادى بس مش جعانه

سلمى :يابنتى كلى وانتى بقيتى وشك مصفر وحالتك ربنا العالم بيها

تقى:لا كلى انتى بالهنا والشفا..انا النسكافيه سد نفسى

وهى بتتكلم مسكت بطنها وحريت عالحمام

سلمى :تقى !بت ياتقى

فيه ايه

وقفت واستنتها ....

سلمى:مالك، انتى لسه تعب المعدة ده عندك

تقى:ايوة

سلمى:يخرب عقلك ده زيادة عن ٣شهور بتشتكى منه

اكشفى يابنتى

تقى:تفتكرى كل الوقت ده مكشفتش يعنى

سلمى:وقالك ايه

تقى:قالى عندى التهابات وبكتيريا فمعدتى من الاكل المصرى هنا والدليفريهات ، عشان خدت عالاكل برة

سلمى:ممممم الف سلامة عليك ياجميل..اقعدى واستريحى

صحيح

انا معايا صورة للعريس غالموبايل هوريهالك

تقى:يوووووه برضو!

♦♦♦♦♦♦♦♦♦♦♦♦♦♦♦♦♦♦♦♦

حسن: انتى مش بس مغرورة ، وانانية

حتى حق الحياة حرمتى بنتك منه

حبيبة: عشان هو ميستحقش يفرح ، انا يوم م عرفت انها بنت

جريت وروحت الفيلا وعملتها مفجأة لانه كان فاكر انى فالشركة

دخلت اوضتنا لقيته...هو وهى سوا

انت فاهم

الكلاااااااب

حسن:وشافك!

حبيبة: لأ وداريت كتير لحد يوم عيد ميلادى ، روحت للدكتور وقررت انزلها

ومشيت

بعدت

اختفيت

سافرت فترة كبيرة وبعدها قريت اعلان عن المستشفى دى عالنت

كنت وصلت لمرحلة عالية من الانهيار

كل حاجة خسرتها مرة واحدة

جيت هنا برجلى وقولت عيشة المجانين احسن بكتير من عيشة العاقلين الى بينهشو فبعض برة

حسن: الجلسة خلصت يا حبيبة ، وخلص الكلام

المرة الجاية هنبتدى العلاج الصح

بإنتصار مش بإنكسار!

♦♦♦♦♦♦♦♦♦♦♦♦♦♦♦♦♦♦♦♦

"اوك تمام ، الله يبارك فيك

اوك هجيلك فالميعاد "

حسن قاعد جمب جميلة كالمعتاد .. عالرصيف

حسن:مش بقولك انتى تميمة الحظ بتاعتى ، عربية كنت مراهن عليها حد انى هشتريها واجدد عربيتى

وكان ف رجل اعمال تقيل مخلص فيها ..بس انا فآخر لحظة خدتها من بوقه هههه

جميلة:(بهدوء) هو انت معاك عربية؟!

حسن:اه

جميلة ابتسمت ابتسامة رضا وساكته

حسن:معلش هتقل عليكى فقعدتى انهاردة ، هفضل وياكى لحد م تروحى

جميلة:وايه السبب

حسن:انا عايز كده ...بقالى كتير مشوفتكيش

من قبل الى حصل

جميلة :بس قعدتك جمبي تجيبلك كلام من الناس ، وشكلك كده انك ابن ناس اوى

حسن:كلنا ولاد ناس وكلنا واحد محدش احسن من حد

جميلة : ممكن اعرف عايز منى ايه طيب ، واحد زيك عايز من واحدة زيي ايه

حسن:والله مش عارف ، حابب بس اكون معاكى

برتاح

تضايقك راحتى

جميلة:براحتك

الوقت اتأخر وجميلة قامت من مكانها بمساعدة حسن

جميلة: شكرآ كتر خيرك ...عن اذنك بقى هروح

حسن:ممكن اروحك ؟

جميلة :لا ميستاهلش المشوار ..عن الذنك

حسن:هتروحى لوحدك ازاى

جميلة: بيك من غيرك طول عمرى بروح وحدى

حسن: طيب معلش انا هروحك انهاردة وارجوكى توافقى

جميلة مرضيتش تركب عربية حسن ، وخدوها مشى لهناك

عشه صفيح عالنيل... منطقه المسطحات

متسقفه بخشب قديم

وعيال صغيرة مستنيه جميلة برة

اخو جميلة:انتى جيتى .اتأخرتى كده ليه

جميلة:معلش كنت بجيب لكم اكل

اختها:مين عمو الراجل الحلو الى معاكى ده ياجميلة

حميلة:ده عمو حسن ..كان بيوصلنى وماشى ع طول

حسن وقف ساكت ...متنح للعشه الى هى واخواتها عايشين فيها

وحالتهم عاملة ازاى

سلم عليهم وخدوه جوه قعد

اخت جميلة:انت هتيجى كل يوم ياعمو

حسن:مش عارف يا حبيبتى

اخوها:مينفعش ييجى كل يوم مجيته تجيب الكلام

هو انا مش راجل ولا ايه

حسن:(ابتسم لكلام اخوها برغم سنه الصغير ) لا عندك حق

جميلة:تحب تتعشى معانا ولا اكلنا ممكن ميعجبكش

حسن:بالعكس انا عايز اكل من الى هتاكلوه جدآ

أكل حسن عشا بسيط ... رغم بساطته وبساطة المكان الا انهم كانو بيضحكو ومبسوطين

مش شايلين للدنيا هم وسايبينها عالله

حتى انه يشترى لهم حاجة ،جميلة مرضيتش من عزة نفسها

هى بتشحت اه وبتقعد اليوم كله من غير اكل ولا شرب عشان اخواتها تصرف عليهم

لكن مبتحبش احساس العطف

المفروض ان حسن وهو مروح هيكون ماشى آسف ع حالهم ، بس هو حاسس ان الوقت الى قضاه معاهم فعشتهم البسيطة

قدام التليفزيون الابيض واسود واكلة الفول والبتنجان المقلى

كان من احلى الاوقات فحياته

♦♦♦♦♦♦♦♦♦♦♦♦♦♦♦♦♦♦♦♦

وتانى يوم....

ف آخر مراحل تجهيز العيادة الجديدة ، وفظبط ديكوراتها

كان حسن بيعلق البورتريه الى رسمته ضحى

سمر:الله يا دكتور حسن، حلو اوى البورتريه ده

ده كأن الرسام شافف صورة ليك ...حضرتك بالملى

حسن:عارفه مين الى راسمه

سمر:لأ

حسن:حاولى تقرى التوقيع

سمر:مش باين الخط ملعبك

حسن:فاكرة ضحى الى جت تتعالج من فترة

سمر:اه البنت العصبيه دى فاكراها

حسن:اهى هى الى رسمتهولى هدية ..الله يرحمها

سمر:الله يرحمها!!هى ماتت

انتحرت ولا ايه، هى كان باين عليها بنت موت

مش كده يا كتور

حسن:(اتضايق) فصلتينى ،اطلعى برة ياسمر انتى لسه هتهرى معايا

شوفى الناس برة

سمر :يادكتور مفيش جلسات تانى، انا يدوب هقفل

حسن:اوك وانا هلم حاجتى وماشى

طلعت سمر ودقايق ودخل حد بدفعه قوية

سمر:يافندم مش كده بقول لحضرتك احجزى معاد الاول والدكتور خلاص هيمشى

....:ليه كده ياحسن ، عايز منى ايه يا حسن

مش كفاياك تدميىر فيا بقى !!

لف حسن من قدام مكتبه بهدوء اول م سمع صوتها وبيكدب نفسه ، واول م شافها هيستريا ضحك بصوت عالى متواصل

خلتها هى وسمر يتفاجئو من رد الفعل

حسن:انتى جيتى !انا كنت مستنيكى من زمان

(قرب منها ومسك وشها بايديه الاتنين بغلاسه)

وحشتييييينى!!!

ح١٤

ليه كده ياحسن ، عايز منى ايه يا حسن

مش كفاياك تدميىر فيا بقى !!

لف حسن من قدام مكتبه بهدوء اول م سمع صوتها وبيكدب نفسه ، واول م شافها هيستريا ضحك بصوت عالى متواصل

خلتها هى وسمر يتفاجئو من رد الفعل

حسن:انتى جيتى !انا كنت مستنيكى من زمان

وحشتييييينى!!! (وجه كلامه لسمر)

خلاص روحى انتى ياسمر اذا كنتى هتروحى

سمر:(واقفه مستغرباه)اوك يا دكتور

خرجت سمر وفضلت البنت المجهولة واقفه مكانها بتبصله ...

حسن:(بيحضر مشروب) مش كفايه تدمير ياحسن ، هو مين فينا الى دمر التانى ؟

"انت ايه! هو بالعافيه يا اخى "

حسن: عافيه ايه، هو انا غصبتك ع حاجة لاسمح الله

"سيبنى فحالى ،كل حاجة فحياتى واقفلى فيها

خطوبه

جواز

حتى الشغل !

عايز منى ايه بقى "

حسن:وانا هعوز منك ايه ،وبعدين انا موقفتش قدامك فحاجه

دى قدريات(بيديها المشروب)

"(رمت المشروب عالارض) قدريات ايه!!!

كل مرة بتكملى حاجه انت بتهدهالى ،وانا عارفه انك انت الى وراها"

حسن(مسكها من دقنها بقوة وعصبيه)ليه م انتى عملتى نفسك من بنها وكأنك متعرفنيش

لا وايه داخله نفس النايت الى بسهر فيه انتى وعريسك

بيتهيألى ان مش ذنبي الى حصل، انتى الى حظك وحش

"انت كتبتله ايه خليته طلقنى فساعتها؟قولى جنسك ايه شيطان

بتعرف توصلى ازاى فكل مرة

حرام عليك بقى كفاية"

حسن: اى حاجة بتعمليها او بتنوى عليها بتوصلنى فالثانية (ضحكة خبث) بس بصراحة الجوازة الاخيرة دى كانت مفجأة بس وقعتى فطريقى برضو ههههه مش بقولك حظك نحس

"ممكن تسيبنى فحالى،ارجوك

انت بتعمل كده ليه ..كل ده عشان"

حسن:(قاطعها وكتم بوقها بايده) ششششش صوتك مزعج!

لو فاكرة انى بنتقم انتى بالنسبه لى دبانة اقتلها برشه مبيد

انا بعمل كده عشان مترتاحيش يوم زى م انتى من يوميها مش مخليانى مرتاحه

"انتهينا بقى، وكل واحد ليه طريقه

انت متنفعش تبقى دكتور نفسي..اذا كنت انت كلك امراض نفسيه وعقد

روح منك لله

حسن: متدعيش بقلب اوى ياطاهرة

" طب ممكن لو سمحت يا دكتور يامحترم تسيبنى فحالى اشتغل ولا اتقندل وانسانى بقى"

حسن: ههههههه تؤ!

"انت مش هتسكت غير لما اموت"

حسن:بعد الشر عنك يا روحى(ببرود)

"انا ممكن اعملك مصيبه هنا واتهمك تهمة تنطس فيها سنتين،ابعد عنى"

حسن:ايه هتتهمينى بانى اغتصبتك مثلاههههههه

"ايوة . هوديك فداهية ياحسن

متضحكش

حسن: هههههه مش بقولك غبية، المغتصب ده بيخطف ويجرى مش بيدقق

لكن انا لو سألونى هوصفك ياروحى حته حته

ساعتها هتبقى فضيحه مين فينا ؟؟!

" انا بكرهك...يارب تموت(بتعيط)انا مستغربه انت ازاى مموتش لحد دلوقتى

وريحتنى منك"

حسن:عشان اقرفك فعيشتك (كتف ايديها بايد وزقها قدامه)ودلوقتى غورى فداهية

ماشوفش وشك ابدآ

واوعدك مش هسيبك لحد م روح حد فينا تطلع

انتى فاهمة.

.زقها عالسلم وقفل باب العيادة وسابها واقعه عالارض بتعيط

♦♦♦♦♦♦♦♦♦♦♦♦♦♦♦♦

طلع يتمشى بعربيته وهو محروق دمه ، عدى عالمكان الى بتقعد فيه جميله

مش لاقاها قاعدة

ضحك ضحكة سخرية لان اتأكد ان انهاردة مش يوم حظه

طلع عالنايت ...سهر كعادته

ومشى والشمس بتطلع وهو بيتسنكح مع بنت ليل ومروح معاها ،،،

اما بقى حبيبة كان الشوق واخد حيز جامد فقلبها..لحسن!

بقت بتفكر فيه وبتستناه كل يوم الصبح يخبط ويقولها صباح الخير، كام يوم عدوا من غير م ييجى

ولا يجدد جلسه من اخر جلسه اعترفتله فيها بكل حاجة.. عناد ومكابرة حبيبة

خلاها تحاول انها تقابل دكتورة فايزة وتقلبها عليه عشان ييجى

بالعافيه

وتشوفه...وياخسارة محاولتها باءت بالفشل !!

♦♦♦♦♦♦♦♦♦♦♦♦♦♦♦♦

حسن فأوضته ..سرحان وساكت مش بيعمل حاجه، بعد مكالمة دكتورة فايزة وامتناعه انه يحضر جلسه حبيبة

لأسباب مرضيه..مش موجوده

مننكرش ان زيارة البنت المجهولة دى برغم انه كان متماسك وبارد معاها، الا انها هزته بعض الشئ

ودى الحاجه الى خلته يفضل فشقته ميطلعش بالكام يوم ، ولا يقابل حد

بيحدد الحنين فيه اتجدد

ولا اتهز من مواجهتهم لبعض

ولامجرد هزة خفيفه جت وليها اعراضها الجانبيه وهتعدى، بعد تفكير قرر يقوم ياخد دوش ويحلق دقنه

ويلبس يروح لجليسة روحه وتميمة حظه، جميلة!

♦♦♦♦♦♦♦♦♦♦♦♦♦♦♦♦

وحيييييد يا وحيييييد ، انت فين "

وحيد: انا هنا فالمطبخ يا جولى تعالى

جيلان :الله الله عالريحه، تسلم ايدك مقدما

جوزى طباخ شاطر

وحيد: اهو بنحاول نعمل الحاجه الى بنحبها

جيلان:مالك يا وحيد مبوز ومكشر كده ليه اول مرة اشوفك كده

وحيد:(بيحاول يخبى)لا ابدا مفيش

جيلان: لافى حاجه انت غير عادتك

وحيد:يعنى مينفعش اكشر شوية زى كل الناس، لازم اضحك واهزر طول الوقت

ساب المطبخ وطلع عالاوضه طلعت وراه مستغربه طريقه كلامه معاها

جيلان:مالك بس فهمنى

وحيد: مصممة تعرفى يعنى

جيلان:ايوة ودلوقتى حالا

وحيد: اوك مدام انتى الى عايزة كده ، انا مش قولتلك من يومين

ان الهجرة خلاص جت

جيلان:اه

وحيد: شوفتينى فرحت ازاى ،ماهو اصل انا لازم فرحتى متكملش

جيلان:اتكلم ع طول متقلقنيش

وحيد:الهجرة وقفت

جيلان:ليه

وحيد: ابدآ، عايزين ورق يثبت ان عندى رصيد هناك فالبنك فالبلد الى انا رايحها

وانا طبعا محلتيش ولا مليم

وخلاص خلصت ...مش بقولك بلد بنت....

ماسكه فينا مش فاهم ع ايه

قام واتعصب وغير هدومه

جيلان:انت هتنزل

وحيد: لو قعدت ممكن نشد سوا عشان انا مخنوق دلوقتى،شوية وآجى

جيلان سكتت وسابته ينزل ، وبدأت ايام الزوجية فالعكننه

من بعد شهر العسل ...

♦♦♦♦♦♦♦♦♦♦♦♦♦♦♦♦

حسن...جازف وراح المكان الى عايشه فيه جميله

هى واخواتها

لما ملاقهاش موجودة فمكانها كذا يوم ورا بعض

جميلة:مكانش لازم تتعب نفسك

حسن:معرفش ايه الى خلانى اقلق عليكو ،والى حسبته لاقيته

وطلع فعلا فيه معاكم مشكله

جميلة:ولا مشكله ولا حاجه ، ربناالى كاتبه هنشوفه

حسن:بس مينفعش ياجميلة نسلم كده وخلاص، اه كل حاجة عالله

بس لازم نخاف ع روحنا ونعمل حسابنا

افرض اخوكى كان مات دلوقت كنتى هتعملى ايه

جميلة:وهو الحمدلله قدر يهرب منهم وانا نبهت عليهم محدش يخرج تانى

حسن:انا مش فاهم ايه برود الاعصاب ده، انتو لازم تسيبو المكان الغير امين ده

وتعيشو فمكان احسن

جميلة: هنعمل ايه يعنى ، رب هنا رب هناك

وقولت لحضرتك الى مكتوب هنشوفه حتى لو روحنا اخر الدنيا

حسن:ماهو مينفعش كده انتو لازملكم مكان وحد يحميكم...جميله بصى ف شقه فاضيه قصاد شقتى

ايه رأيك أجرها ليكم وتيجو تعيشو فيها واهو تبقو قصاد عينى

وفحته امان ومش مقطوعه زى دى لوحدكم

جميلة:(بهدوء)قصاد ايه يا استاذ حسن؟انا مش بقبل شفقه من حد هتصرف علينا انت!

انا بانيه العشه دى وبصرف ع اخواتى من تعبي طول النهار ومدة ايدى

هو ده الى اقدر اعمله عشان ياكلو ويعيشو بالحلال

مقدرش اعمل غير كده ، لا انا بشوف اشتغل فحته

ولا اتعلمت

ومقدرش امشى فالحرام وابيع نفسي

اعمل ايه

حسن:يعنى بترفضى مساعدتى ليكم ، انتى مسمياها ليه شفقه

جميلة:عشان هى شفقه..نورت يا استاذ حسن

معلش لو طولت اكتر من كده

الناس هتتكلم

قام حسن يمشى مش زعلان من جميلة، زعلان عليها ومش عارف يعمل ايه يرضيها

ويلحقها هى واخواتها من الى هى فيه

♦♦♦♦♦♦♦♦♦♦♦♦♦♦♦♦

خبطتين تلاته ع باب شقه حسن، فيوم اجازته من المستشفى والعيادة

بيفتح وهو نايم خالص

تقى:الاستاذ الدكتور الهراب الى مش بيسأل فحد ، اولا انت فين

ثانيآ زعلانة منك بقالنا كتير مقعدناش نرغى عالسلم عشان حضرتك مشغول

ثالثآ صالحنى بسرعه ويلا البس ويلا نخرج سوا وهاتلى شيكولا وغزل نبات

وبطاطا

حسن وقف ابتسملها وشدها من التى شيرت بتاعها جرها وراه وقعدعا عالكرسى

حسن:اترزعى هنا لحد م اخد دوش والبس ونخرج

تقى:لا وانا اترزع ليه انا هطلع اتظبط وانزلك هوا ...

فربع ساعه جهزوا ونزلو فعلا سوا. .وفالطريق حكى حسن كل مافات تقى من احداث

طبعآ بعد الزن والالحاح

وفوسط الكلام لفت نظرها حكاية اخو جميله

وفالكافيه...وهى بتاكل غزل بنات

تقى:يانها ابيض!يسرقو كليته

حسن:شوفتى !ياعينى عشان مالهمش حد ينهشو فلحمهم عادى

تقى:انت لازم تعمل عشانهم حاجه يا حسن

حسن:حاولت ودماغها حجر ، حساسه جدآ ومش موافقه بأى حل

تقى:يالهوى ده احنا بقينا فغابه ياساتر

حسن:الدنيا بقت زفت اوى.ماهى اسمها دنيا من الدونية حاجه زبالة اوى

تقى:بس عارف...تقريبآ حكايةبيع الاعضاء دى بقت موضه، الى بيبيع عين من عنيه

او كليه

حتى القلب كمان بقى يتباع ، بس الى بيبيع قلبه ده بيعمل ايه بعد كده؟

حسن:مبيعرفش يحب تانى

تقى:ههههههههههههههه

انا بتكلم جد

حسن:وهو فى حد بيبع قلبه ياهبله انتى، اسمها بيتسرق قلبه ف اول كام ساعه من وفاته

لانه بيبقى مات اصلا

تقى:ياحراااام

حسن:ايه صعب عليكى ياختى

تقى:مووووووت

حسن:طب كلى ويلا بينا

تقى :ليه

حسن:هنروح حته تانيه زهقت من هنا

تقى:ههههههه هوائى اوى يالهوى

حسن:هوائى!انا غلطان انى بفسحك خليكى لوحدك

(ساب الحساب جوه الشيك ومشى)

تقى(قامت جرى) يالهوى !!!....حسن يا حسن !!!

♦♦♦♦♦♦♦♦♦♦♦♦♦♦♦♦

وعالسلم بعد الخروجه الجميله . 

حسن: فضحتينا فالمطعم ، كل شويه فيه لمون

عايزة لمون

وشغاله فاللمون اكل ولا كأنه تفاح

تقى:هههه انا بحب آكل اللمون فيها ايه وبعدين نفسى كانت عايزة تاكل حاجه حامضه

فيها ايه دى

حسن:نفسك دى غريبه ...يلا اطلعى

اوعى الكلب يعضك

تقى:لا متخافش..تصبح ع خير يا سونه (بوسه فالهوا)

طلعة تقى وبيفتح الباب جاتله مسج ع فونه من رقم مش عارفه

بيفتحها وهو واقف ....

"الحب نهايته الفراق...والحياة نهايتها الموت

يبقى الحب هو الحياه...والفراق هو الموت...كده المعادلة صح"

ح١٥

"معرفش ليه اول مرة توصلنى مسج وتعملى وش فدماغى كده "

جميلة:هو انت بيوصلك كلام كتير زى كده

حسن: لو بيوصلنى ع طول مكنتش بالحيرة دى دلوقتى ، انا شاكك فحاجه بس مستحيله

جميلة:ايه هى

حسن:(سرحان بيفكر)لايمكن اصلا

جميلة:طيب اتصل بيه

حسن:اتصلت مقفول والرقم مش ظاهر اسم صاحبه فالترو كولر ومعرفش ايه ده

جميلة: الى عايزك هيكلمك تانى وتالت مش مرة ...متستعجلش

حسن: عمرى م اديت اهتمام لأى جديد طرأ فحياتى ،غير اليومين دول

وبرضو معرفش ليه

جميلة: العجلة من الشيطان ، عارف لو شيلت من دماغك اى حاجة بتفكر فيها هتجيلك

هى كده الدنيا

حسن:انا هسيبك دلوقت ، رايح المستشفى عايزة حاجة

جميلة:شكرا

حسن: تعرفى تاخدى بالك من نفسك

جميلة: حتى لو اخدت بالى من نفسي كويس جدآ، وربنا عايز يحصللى حاجه

هتحصل

قوم انت اتكل عالله

يمكن كلام جميلة شديد وقاسى لكنه صح وع يقين بربنا اوى،وفكل وقت بتقوله لحسن لازم يحترمه

ومن العقل للجنان

وع حبيبة

واول م وصل ودخل

حبيبة: (جرى عالباب)انت كنت فين المدة دى كلها ؟؟!

حسن: (مستغرب) عادى كنت تعبان شوية

حبيبة: مينفعش تتعب وتسيبنى كده، مينفعش تغيب عن جلساتى اصلا

حسن: ليه

حبيبة: عشان دى مسؤليتك يا دكتور

حسن: والله الى تقدر تحاسبنى فالموضوع ده هو الدكتورة فايزة مش انتى

حبيبة: (ارتبكت)بس. بس انا ليا علاج ولازم تكمله ومتغبش ولا مرة

حسن: يااااااه ! دلوقتى يعنى عايزة تتعالجى وتطلعى من الاوضه الضلمة الى سجنتى نفسك فيها

حبيبة: اه عايزة ...عايزه جدآ

حسن: اصرارك غريب ...بس حلو وخطوة هايلة لينا فجلساتنا

يلا نبتدى بقى

عايز سوا دلوقت وواحدة واحدة فالورقه دى تكتبيلى عيوب حبيبة ومميزات حبيبة

من وجهة نظرك انتى

وهاتى الورقه لما تخلصى

♦♦♦♦♦♦♦♦♦♦♦♦♦♦♦♦♦♦

شنطة فلوس كبيرة !

قدام وحيد ...حطتهاله جيلان وفتحتها وبيبص بذهول

وحيد:دول بتوع مين

جيلان:فلوسي انا

وحيد: وسحبتيهم ليه ، جايباهم نعدها سوا

جيلان:تؤ ، جيبتها عشانك

بكرة الصبح تطلع عالبنك وتحول الفلوس دى بإسمك ع اقرب بنك تعرفه فالمكان الى هننزل فيه فكندا

عشان الهجرة تجيلك

وحيد: مينفعش يا جيلان دى فلوسك

جيلان:انت مش قولت زمان اننا واحد ، بتعمل فرق ليه دلوقت

وبعدين الفلوس دى مش عشانك لوحدك

عشانى انا وانت

مش هنسافر سوا

وحيد: بسهولة جدآ سحبتيهم وبتديهملى ياجيلان

جيلان: بص ، انا جازفت بجوازة ندمانه عليها عشان اهلى واستغلو كل حاجة واستفادو منى وبزيادة

اشمعنا الشخص الوحيد الى مش طمعان فيا وبيحبنى بجد

فإيدى ان احقق حلمه ومحققوش

وحيد: مش عارف اقولك ايه ، عايز اشكرك

وابوسك

واتنطط وياكى

جيلان ...انتى احلى حاجة حصلت فحياتى

جيلان:(مبتسمة) ربنا يخليك ليا يا وحيد

♦♦♦♦♦♦♦♦♦♦♦♦♦♦♦♦♦♦

كابوس مزعج تانى !

قامت منه بتصرخ تقى ، عياط مستمر واحساس بالخنقه مكتفها

قامت من مكانها تشرب

او تعمل اى حاجة وهى خايفه ومتوترة ، بصت للساعه لاقتها لسه بدرى

حست انها لوحدها وعايزة تتونس بحد

بتتصل بحسن ...كان الفون مقفول فاصل شحن!

عند تقى بتسمع المسج المسجلة السخيفه "الهاتف الذى طلبته ربما يكون مغلقآ" بتتخنق وترمى الموبايل

وعالناحية التانية

نلاقى فنفس الدقيقة حسن بيرمى سلسلة المفاتيح من ايدة جمبه وهو بيتكلم مع جميلة فعشتها البسيطة

حسن: يعنى ايه افهم بقى ، انتى مش هتسيبى المكان الزفت ده غير لما حد منكم يموت

اخو جميلة:(ببراءة اطفال بيتكلم) والله ياعمو حسن ضربو بعض بالطلقات والراجل مخه طار وانا واختى شوفناه مش صح

اخت جميلة:ايوة صح ومات ونزل دم كتير اوى ودخلنا جوه خايفين استنينا جميلة

حسن:انتى عارفه ان ممكن رصاصه طايشه من الرصاص كانت موتت حد من اخواتك

هتعملى ايه ساعتها

جميلة:يا دكتور ، احنا هنا من زمان والخناقات دى كل يوم

ومحدش بيتغير

وكل يوم يموت ٢و٣من الناس الى فالعشش الى جمبنا من خناقهم سوا

ربنا الحافظ

حسن:كفاية سلبيه تعبتينى يا شيخه ، يخربيت دماغك الناشفه

انتى اخواتك هيحصل لكم حاجة فيوم من الايام وبتقوليلى مش عارف ايه

ياشيخه كفايه

جميلة(بعصبيه)حضرتك عايز ايه ؟اقولك يلا بينا خدنا المكان الى انت هتسكنه لينا ده

واصرف علينا انت وكأننا من بقية عيلتك

انا عمرى م اقبل بكده ، ولو بقبل اننا نبقى عاله ع حد عمرى م كنت مديت ايدى للناس

متتعبش نفسك يا دكتور

حسن:انتى غبية لو كنتى شايفه ان ده عطف، انا خايف عليكم

جميلة:توشكر كتر خيرك

حسن: انا آسف مش قصدى بس لازم فيه حاجة اعملها عشانكم ماهو انا مش هسيبكم كده

جميلة: يادكتور كتر الف خيرك ، احنا مش عايزينك تتعب نفسك

عايشين من قبلك لوحدنا من سنين

اعتبر نفسك مشوفتناش قبل كده ومحصلتش المعرفه دى

وخليك فشغلك وحياتك واحنا لينا رب

وهما بيتكلمو ... جت اختها بهدوء حمب حسن وسألت بعفوية

اخت جميلة:انت بقيت تيجى كتير ياعمو عندنا ، هو انت هتتجوز جميلة ؟؟

حسن ركز فجملة البنت الصغيرة وسرح ثوان باصص للأرض وبص لجميلة بشجاعه ومن غير تردد

حسن:توافقى نتجوز !

♦♦♦♦♦♦♦♦♦♦♦♦♦♦♦♦♦♦

حبيبة قاعدة ع سريرها بتلعب فشعرها بتفتكر كام كلمة من كلمات حسن لما كان ف اخر جلسه معاها

من غير م يقصد مسك ايدها وهو بيتكلم

"انتى عارفه الورقه دى معناها ايه ؟

انتى من اقوى البنات الى قابلتها فحياتى ..مينفعش تتهزمى

مينفعش تحسى بالخوف ومش هقبل تانى اشوفك خايفه

من انهاردة هنبص فكل لحظة ع مميزات حبيبة الى مكتوبين بخط ايدك

هنركز فيهم وننميهم

والعيوب هنمحيها سوا،مع بعض هنقدر نطلع حبيبة احسن من دى بكتير

واقوى كمان ...صدقينى وثقى فيا "

لاقت نفسها مبتسمة وماسكة المرايا بتاعتها وبتكتب بالروج

"قدام عيونك لاقتنى ..بقول ياريتنى

افضل معاک????"

♦♦♦♦♦♦♦♦♦♦♦♦♦♦♦♦♦♦

"انتى ليه مردتيش ع عمو حسن يا جميلة ؟"

جميلة:محدش له دعوة ، ويلا عشان تنامو

اخوها:انتى عارفه عمو حسن ده حلو اوى وبيلبس هدوم نضيفه ومش متوسخه

وريحته حلوة

اختها:انت بتقولها ليه

اخوها: عشان تشوفه زيينا ياحماره

اختها:اه ، ايوة يا جميلة ده جميل خالص

اتجوزيه عشان خاطرى خليه ياخدنا يفسحنا فعربيته الحلوة دى

اخوها:عارفه اول امبارح الواد الى جنبنا كان ماسك ايس كريم ابوعصاية بياكله

عارفه لو اتجوزتى عمو حسن هيجيبهولنا كل يوم

اختها:هيييييييه(بتسقف)

جميلة:طب كفاية كلام فموضوع عمو حسن ده ونامو يلا

نامو اخواتها مكانهم جمبها عالارض ع حته المفرش البسيط المفروش ، اما هى فضلت صاحيه

بيتكرروا برضو اخر كلمتين قالهم قبل م يمشى

جميلة:حتى الجوازبقى عطف

حسن:ليه متسميهوش مثلا حاجة ابسط من الكلمة دى ، انتو محتاجين امان وامن وسند لانكم وحدكم

وانا مبقتش اعرف استغنى عن وجودكم كلكم فحياتى

مش هكدب عليكى ..اه هو انقاذ موقف

وشركة بينا انا وانتى كل حد مننا هيستفاد من وجود التانى بحاجه

وبعدين انا عمرى فحياتى م حاولت اجى ناحية الخطوة دى

بس معاكى خدتها من غير تردد

ها قولتى ايه ؟؟!"

.......

مهما كانت بتبان جامدة وراجل ...بس جواها بنت ضعيفه بتفرح بأقل حاجه

حتى لو احساس ان حد خايف عليها وعايزها جمبه..

♦♦♦♦♦♦♦♦♦♦♦♦♦♦♦♦♦♦

وبليل...

كان عالانترنت بيتصفح كذا حاجه لشغله ، وابحاث وكتب

وفوسط انهماكه

كان ف اعلان عاليوتيوب مكتوب شوف الفيديو الاكثر مشاهدة فمصر

الفضول خلاه يسيب الى فايده ويدخل عاللينك

مع ان حسن مش من عادته ان فى حاجه تشده كده بسرعه

دخل ومع اول دقايق فيه حسن صرخ!!!

حط ايده ع بوقه من هول الخضه ....فيه ايه الفيديو ده

فدقيقة ونص

كان طالع برة شقته وبيخبط بكل عزمه ع شقه تقى كأن انهاردة يوم القيامة

فتحت

مكانش ف اى فرصه للكلام

حسن مكانش فوعيه نهائى لأنه لو كان فوعيه كان اخد باله انه ضربها كذا بوكس فسنانها

وشدها من شعرها وزقها عالارض

مع ترديد كلمة واحدة منه

"ايه الى انا شوفته ده ...انطقى

ايه ده"

لحد م فقدت الوعى تقى !

يمكن الصدمة فوقته ، بترنينج البيت وبين ايديه اخدها

ع تحت

فالعربية

ع اول مستشفى ....دخلت الطوارئ

وبعد ربع ساعه من الكشف وقلق حسن برة

طلع الدكتور

الدكتور:(بقرف)انت جوزها

حسن:ها!

الدكتور:انت الى ضربتها كده

حسن: لأ...انا...هى فيها ايه يا دكتور

الدكتور:ابدآ كدمات ادت لكسور فالفك العلوى ، وعندها كسر مضاعف فالجمجمة من قدام

نتيجة خبطات متكرره،ده غير الجزع الشديد الى حصل فرجلها

هينكتب اقرار دلوقتى انك انت الى عملت كده لان الشرطة ع وصول

(مشى خطوتين وحسن سرحان فاللى اتقال منه ورجع تانى الدكتور)

الدكتور :اه ع فكرة البيبى كويس ، سبحان الله برغم كل الى حصل للام

حظك حلو

ابنك تمام متقلقش

مشى الدكتور وحسن ببطئ شديد بينزل عالارض مع دموعه الى ع وشه من صدمته فتقى !

الى رباها ..بنته،الى اتولدت ع ايده

وعلمها المشى والاكل والكلام

الى لسه شايفها طفله

كل الى حصل ف آخر كام ساعه الليلادى مع حسن ،يخليه ميقدرش ينساه طول عمره