نوفيلا

❣السلطان وحريمه ❣

(تابعه لرواية شيزوفرينيا باحداثها وابطالها)

❣❣❣❣❣❣

أهدى لى سوار من الفضه وورده ،وتقديرآ يكفى قلبي

وسأظل احبك ألف عام ..

       /نور إسماعيل

¤¤¤¤¤¤¤¤¤¤¤¤¤¤¤

بيدور مفتاح العربيه وطالع بيها ،معلى كالعاده صوته ف mb3

عشان يبدء يومه بصوت معشوقه صابر الرباعى 

وبيردد وراه وهو بيسوق وبياكل بسكوت !

حسن:اتحدى العالم كله وانا ...وياااك 

(بياكل وبيسوق) وبقول للدنيا بحالها ...ممممم

*فونه ييرن لاقاها تقى*

حسن(فتح وفودنه سماعه البلوتوث) صباح الخير ي مز

تقى:حسن بتستهبل ياحسن ،نازل من غير فطار 

حسن:انا قولت لو استنيت خناقاتكم مين تفطرنى هموت نشفان وهترفد

من المستشفى

تقى:م انت عارف ضحى بتغيظنى وبتعند فيا والست جميله هانم

تفرسنى من تحت لتحت

حسن:وانا وفرت عليكى الفرسه ياقلبي وادينى بفطر بسكويت اولكر

وقربت اوصل

تقى:يعنى هتسيبنا نطق ياحسن!!

حسن:مش احسن من انى انا اطق يانورعين حسن ...يلا باى عشان وصلت

نزل وهو مبتسم كالعاده ، طاقه حياه بتتوزع ع كل الى يشوفه

دخل المصحه 

لقى دربكه وناس من الى شغالين رايحين وجايين

وقف مستغرب

حسن :فيه ايه ؟ 

ممرضه:مريضك يا دكتور بتاع غرفه113 انتحر !

حسن: نعم !

ماهو ده مش رقم اوضه تحطوه فيها...هو مكتئب خلقه

ماشى بسرعه ورايح ناحيته وقفته دكتورة فايزة

فايزة(بعصبيه)ماهو مش معقول ياحسن فتقريرك عن المريض

متقولش انه فمرحله خطر كده من اكتئابه

حسن:(بخضه) يا دكتورة هو فعلا كان بدا يتحسن

فايزة:بيضحك عليك يا دكتور ...ذكائك وخبرتك خانوك 

واضح ان الشو الى اتعمل حواليك فالفترة الاخيره

خلاك تاخد مقلب فنفسك جامد اوى

حسن:دكتورة فايزة انا بشوف شغلى بمنتهى الامانه وعمرى م قصرت

ولا شو ولاغيره هيخلونى اتكبر ع اداء واجبي ك دكتور صحة نفسيه

فايزة: للاسف ياحسن انا مش عارفه اتصرف معاك ازاى دلوقت

حسن:المهم هو اتلحق طيب ؟(بقلق)

فايزة:هيتلحق ازاى اذا كان شانق روحه بالملايه فالسقف متعلق

ماهو لو حضرتك كنت كتبت فتقريره انه فمرحله خطر

كنا خلينا فاوضته كاميرا عالاقل 

حسن:انا قايل من فتره فاخر اجتماع ان المصحه كلها لازم تكون كاميرات

فايزة:كل الى اقدر اقوله انك موقوف ومتحول للتحقيق 

سابته ومشيت ، دخل غرفه الولد الى انتحر بعد طبعا م جت الاسعاف شالته

والبوليس بيحقق

وقف ومسك ورقه كان كاتبها 

المنتحر قبل انتحاره ...فتحها لقى مكتوب فيها

" مفيش امل فاى حاجه تخلينى اعيش واكمل يادكتور حسن

بكرة مش احسن من انهاردة ولا حاجه

بكرة اوحش واسوء وهيودينا للهلاك "

حط الورقه تانى مكانها وهو جواه زعلان عليه اوى ،وخرج من الاوضه..

#لنوراسماعيل

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

"اظن مبسوطه كده صح؟"

ضحى (بتبص ل تقى برخامه) ع فكره انتى لو تبطلى حركات الطفوله دى 

وتكبرى شويه انتى قربتى تبقى ام

تقى: مين الى بيصغر عقله ياهانم انتى ..احنا مش متفقين ان انا الى هفطره انهارده

ضحى: ولاقيت حاجه حلوة عالنت حبيت اعملهاله انهارده ع فطاره

ايه هو جوزك لوحدك

تقى(بعصبيه)اعمليها فيومك

جميله معديه جمبهم بالراحه وطالعه ع شقتها .وبتحسس عشان

تعرف المكان صح ،حركتها تقيله

وبتكلمهم..

جميله: حسن مش عامل جداول لا مين تاكله ولا مين 

يكون فشقتها انهارده وطول ماهو عامل كده انتو هتفضلوا تتناقروا

واصلا فالاخر حسن بيعمل الى عاوزه

ضحى(باصه لجميله) ع فكره انتى وهى ...مهما حاولتوا تحسسونى

ان بيحب كل واحده منكم اكتر ودى بتفهمه اكتر ودى بيحبها اكتر

هقولكم بقا الى يشلكم

ان ضحى بالنسبة لحسن الهوا الى بيتنفسه

وميقدرش يعيش من غيره 

جميله(ع عتبه الباب وابتسمت بسخريه وثقه) كلنا بنكمله حاجه

الشاطر الى متسبش مكانها لغيرها...لا قديمه ولا جديده

*سابتهم وطلعت*

ضحى :ايه ده قصدها ايه (بغيظ)

تقى (بتريقه)ابقى اساليها 

سابتها كمان تقى وطلعت ...

ضحى:هما عاوزين يشلونى ،كل واحده فاكره نفسها هتكسبه عنى

لكن ده بعدكم (خبطت بايدها ع مسند الكرسي)ده انا عملت فيها مجنونه

عشان يحبنى 

هما فاكرين ايه ...هاه !

#نوراسماعيل

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

بسبب توقفه عن العمل مؤقتا فالمصحه، خرج منها عادى مش فدماغه

حاجه مش متضايق ولا حاطط فدماغه

بالنسبه له هتعدى زى كل حاجه جت وعدت 

بيعمل بمقوله ومصدقها ...«كُل مُر سيمُر»

لقى نفسه بيدور العربيه ، وفباله اول حالة يفشل فمعالجتها

والفشل الذريع انها زادت سوء...وانتحرت!

ماشى وسايق وسرحان ،مننكرش ان الموضوع واخد جزء من اهتمامه

وحيز تفكيره 

هل بجد زى م قالت دكتورة فايزة شهرته ونحاحاته فالفترة الاخيره

خلته واثق من نفسه لدرجه الفشل .

وقف فالاشاره واتملكه التفكير ...فتحت الاشاره وهو مش واخد باله

العربيه الى وراه والى وراه شغالين كلكس كلكس وهو ولادارى

شوز حريمى بكعب،نطلع لفوق نلاقى بنوته

جسمها ينفع لبلارينات باليه من تناسق قوامه 

لابسه دريس قصير، شعرها طويل وبصراحه مش باين هويته

ان كان شعرها ولا اكستنشن!

المهم ان كلها ع بعضها شعر وجسم وعيون متناسقه

وكانها مرسومه رسم  ..نزلت من عربيتها ،متجهه لعربيته

وخبطت ع الازاز ...حسن انتبه!

البنت:لو سمحت اتحرك عاوزين نطلع 

حسن: تطلعوا فين (برخامه)

البنت:عاوزين نطلع من الاشارة فتحت وانت معطلنا 

حسن بصلها من الشباك وجابها من تحت لفوق بازدراء

حسن: وعالصبح كده ده لبس واحده متعطله عن حاجه مهمه!

ايه سيادتك ماسكه قلم فصفحه المراة

ولا مبعوثه من اليونيسيف

البنت:وانت مالك !انجز واتحرك بعربيتك 

واقف كل ده ليه وبتحكى كمان

حسن(بتريقه) معلش بقا دماغى شردت عنى ورجعتها

كانت فمشوار عند واحد ميت 

البنت(بقلة صبر) انا صحيت وشوفت مين عالصبح.عشان

اقابل كميه السماجه دى 

حسن:لا ولسه فيه كمان تاخدى حبه

*كلاكسات كتير ناس وراهم بعربياتهم*

البنت: (بقرف)ياعم اتحرك وخلصنى انت رغاى كده ليه

*قرب عسكرى المرور ع عربيه حسن *

العسكرى: فيه حاجه ؟

حسن:لا 

العسكرى:طب اتحرك معطل الطريق 

حسن :حاضر اهو

مشيت البنت ورجعت لعربيتها ، وحسن طالع بعربيته وبيبرطم

حسن:واذ فجأة كله بقا متعطل ويلا يلا يلا ع اساس هيلحقوا اهم مافحياتهم

وهما كلهم عبارة عن نخبه من المواكيس

(بيضحك مع نفسه) والمتحدثه الرسميه الى جايه تتكلم شبه باربى عروسه العيال بتاعت زمان

ده لو جاتلى زمان 

يااااه ...كنت عرفتها قيمة فستانها الى لابساه ده (بيضحك مع نفسه اوى)

ياااه عالواحد وهو ماشى جمب الحيط وهو مقتنع !

#نوراسماعيل

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

قعد يلفلف كتير ولقى نفسه جعان ، دخل اول مطعم فوشه

وقعد ع تربيزة حب مكانها 

وطلب الاوردر بتاعه ، وقعد يقلب ففونه

لقى ضحى بعتاله مسج واتس

ضحى: حسن عاوز تاكل ايه طيب عالغدا؟

حسن:متعمليش حسابى هاكل برة ياضحى

ضحى : ليه ! مش جاى طيب عالغدا

ولا هتاكل عند واحده منهم 

حسن: (ايموجى بيضحك) والله انا مش جاى عندكم اساسا

وبعدين بطلوا مناقره وارحمونى 

شقه كبيرة لينا كلنا عملتو مشاكل ،بعت كل الشقق وجبت فيلا اكبر من قصر الجمهورى مش راحمنى برضو

اعمل ايه ..اطير!

ضحى:ياحسن هما الى بيغيظونى 

حسن: ضحى حبيبتى ،انا عندى مشكله فشغلى كبيرة

مش وقت مناقشات وخناقات كل يوم دى

ضحى:ماشى ي حسن متشكره ،سلام

وفتح مسج من سمر سكرتيره عيادته 

سمر:لو هتقدر تيجى بدرى ي دكتور ماشى ،حالاتنا انهارده كتير

حسن بيكتب لها

حسن: ماشى ياسمر

وهو قاعد مستنى الاكل ،قابله حد من صحابه كان اتصاحب عليه 

مرة فمره فنايت من النايتات الى كان بيروحها

الشاب:حسن !ايه الصدف الحلوة دى 

حسن (مش فاكره اوى لتعدد علاقاته) ازيك عامل ايه (مبتسم)

الشاب:انا مبقتش اشوفك خالص ، روحت فين وقولت عدولى

حسن :فالدنيا ...

الشاب: وبطلت تيجى ليه

حسن:اجى فين

الشاب:(بيضحك وبيضربه ع صدره) النايت كلوب !

حسن:ااااه ههههههه ياعم كانت ايام

الشاب:لا رجعها بقا ،انت صوتك كان بيعدل الدماغ

وسهراتك ميتشبعش منها

حسن :يخربيتك دعوة الفساد الى بتتحرك ع رجلين دى

(بيضحك) لا ياعم 

انا كده تمام

*الاكل جه وبينزل لحسن*

الشاب:طيب هسيبك تتغدى وهنتقابل تانى ،هستناك ع فكره مسيرك

ترجع 

هو فيه احلى من شويتين الهلس عشان الدنيا تمشى

ضحكوا سوا وسلموا ع بعض ومشى صاحبه وقعد حسن ياكل

وبعد م خلص ..كان فباله يغير الاستيت عالواتس

بتاعته

فتح وكتب 

« بالنسبه لى رشه الملح بتخلينى استطعم حياتى

وبنسي دايما ان الملح سم ابيض !»

#نوراسماعيل

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

وفالعيادة ...

خرجت حاله ...والدور جه ع حاله وراها دخلت واتقفل الباب..

حسن كان بيغير الاغنيه ومهدى صوتها ،بيبص ناحية الحالة الى داخله

كانت بنوتة فعمر ال 14او15سنه

ولابسه نضارة نظر ،شايله شنطه شولدر بس حاضناها لقدام

مش شايلاها ع ضهرها

شعرها ناعم ومنسدل ع وشها ،وعامله بالباقى ديل حصان

قعدت وهى شغاله تبل فشفايفها علامه عن توترها الى حسن لاحظه من اول وهله..

حسن(بابتسامه خفيفه) متوتره ليه ؟

البنوته(بابتسامه احراج رفعت خصله شعرها) لا بس انا يعنى مكنتش عاوزة اجى

حسن:ليه،هو فيه حد فالبيت غصب انك تيجى عكس ارادتك مثلا

البنوته: لا ..(بتنحنح كتير فكلامها ومرتبكه)احم 

انا جيت بارادتى لما تابعت صفحة حضرتك عالفيس

وانا كنت عاوزة اجى اصلا بس مستغربه يعنى ..

حسن:مستغربه الموقف مش كده ؟

البنوته : اه (ابتسامه حياء فالارض)

حسن:اسمك ايه 

البنوته:مريم

حسن: اسم جميل ،عارفه انا واحد من الناس الى لما بسمع اسم مريم

بحس ان صاحبته دى بنوته زى القمر

مستحيل اتنين يختلفوا ع جمالها 

مريم ضحكت بخفه من الكسوف

مريم:هو انت ممكن تقول انى صغيره وكده ، وازاى يكون عندى مشاكل نفسيه

وممكن تكون تافهه

حسن:لالالا...بصى يا مريم 

من واحنا فبطن امهاتنا ،بتتكون مشاكلنا النفسيه

من قبل مجى الدنيا اصلا 

شوفتى من امتى...بتتكون وبتتنقل من بيئه امهاتنا الحوامل فينا

ومن نفسياتهم وسلوكياتهم

ولما بنتولد وبنكبر...بنكتسب مشكلات غيرها

بنتغلب عليها او بتتمكن مننا الله اعلم بقا

بس محدش فالدنيا مهما كان سنه ..قلبه وروحه وجعوه ،وكان الوجع تافه!

مريم(ابتسمت) طيب انا هحكيلك تعبي ..مستعد تسمعنى ؟

هو حكاياتى طويله شويه

حسن:انا هنا عشانك ...فاهمه يعنى ايه

يعنى انا هنا عشان انتى ترتاحى 

يلا انا سامعك

مريم:ابتديلك من الاول

حسن:من الى انتى عاوزاه ..

*مريم بدات تحكى حكايتها ،،.وبرة عند سمر وبقية المرضى*

واحده من المرضى :دكتور حسن ده بقاله فتره ؟

سمر:افندم!

الست: اقصد يعنى من زمان بيشتغل ودايما عيادته زحمه كده

سمر:وحضرتك من الضرايب ولا ايه

الست(بتضحك)لا والله مجرد سؤال بنجرى الوقت

سمر: اه من زمان ربنا يبارك فرزقه وفوقته الى بيديه لكل حاله عنده

وصيته ذايع

انتى طبعا شوفتى المنتحر الى لحقه من فوق برج القاهرة

الحادثه الى من فترة دى

الست:اه طبعا ...مانا عرفته من هنا 

وشوفت لقاءه كمان فالتليفزيون ...صحيح متجوز تلاته !

سمر:هو قال ايه فالبرنامج؟

الست:قال انه متجوز 3 

سمر:خلاص يبقى متجوز 3

الست:ليه هو انتى مش عارفه

سمر:انا معرفش غير الى دكتور حسن عاوز يقوله حضرتك

الست ضحكت 

...نرجع لعند حسن وحالته

حسن بيناول مريم منديل ...

حسن:حاولى طيب تمنعى عياطك ودموعك 

مريم:اصل بيصعب عليا نفسي اوى ...محدش بيحبنى 

لا فالييت ولا المدرسه ولا النادى

معنديش انتيم زى كل البنات ولا شله

وفالبيت شايفين اى حاجه بعملها عادى ...بابا وماما مشغولين طول الوقت

كان نفسي اكون من اهتماماتهم انا واخويا

بذاكر كويس جدا عشان كل مرة اجيب مجموع يفرحوا بيا ويعرفوا انى بعمل حاجه

بيقابلو ده برد فعل عادى ...زىه زى م اكون سقطت مثلا او جبت درجات عاديه

وفالمدرسه

بشترك فكل نشاط عشان يبقالى صحاب ، محدش بيصاحبنى برضو

بيقولوا عليا ام نضاره المعقده

مش عارفه اعمل ايه اخلى اى حد فالدنيا يحبنى ويهتم بيا،مع انى بحاول

اقلدهم فتصرفاتهم واعمل معاهم حجات تحببهم فيا

اجيب هدايا واروح معاهم اماكن بيروحوها

برضو ليهم اسرارهم وبيبقوا قاعدين يوشوشو بعض بعيد عنى

(بتعيط وبتمسح دموعها)

حسن:مريم ...صدقينى انتى مش محتجانى 

نهائى

انتى قويه وصح ...هما الى مش فاهمينك 

هما الى مش عارفين قيمه مريم مابينهم

مامتك وباباكى ..بكره وبعده هيهتموا بوجودك وبالى بتعمليه

لما تستمرى فاجتهادك ومذاكرتك وتدخلى كليه وتبقى بنوته ناجحه يتشرفوا بيها

وصحابك هيتهافتوا ع صحوبيتك ليهم هما وغيرهم كتير جايين

كل مرحله بتعديها بالناس الى فيها يامريم

هيجروا هما ع صحوبيتك لما برضو تثبتى نفسك فشئ

هما مش محتجاهم ع اد م انتى محتاجه نفسك اكتر

انتى فاهمانى ؟

مريم بتهز راسها بالايجاب

حسن: مش عاوز العياط ولا الحزن ولا التكشيرة

اضحكى 

مريم بتبصله بعيون مكسوره

حسن:للعلم ده امر ...اضحكى !

مريم ابتسمت 

حسن: ‏،

من الظلم ان الناس تتحرم من الابتسامه الحلوة دى ع فكره !

وياستى نيابه عن كل الى عرفوكِ ومقدروش انتى مين 

انا بحبك

مريم ابتسمت اوى 

حسن: ميعادنا الجلسه الجايه ...

مريم قامت وهى مبسوطه وخرجت ،،ودقايق ودخلت الحاله الى وراها ..

#نوراسماعيل

¤¤¤¤¤¤¤¤¤¤¤¤¤¤¤¤¤¤¤

فمدخل البيت الى اشتراه حسن فكومباوند

عباره عن فيلا من دورين وكذا غرفه ...فيه قاعده 

كبيرة فالمدخل زى متسع ارضى صغير

منظمتها الحلوات التلاته

عباره عن كام كنبه كده مريحين ، وتربيزه 

وزرع كتير مزروع بواسطه اخوات جميله لان واضح كده انهم بيحبوا زرع النباتات والورد

بيقعدوا كلهم فيها يوميا مع حسن ،وع حسب مزاج حسن

ومفيش اعتراض

هو يقرر هيبات فاوضة انهى واحده،وسبحان الله ماشيه بالعدل لوحدها

ولما بيحس انه بدا يميل 

بيظبط نفسه بسرعه ع اد م يقدر

وبالنسبه للاكل سابهم يتفقوا سوا عليه،اهم شئ انه يلاقى كل احتياجاته جاهزه..

بعد ماباعوا هو واخواته شقه والدهم وأخد نصيبه فيها

اخد مبلغ كمان من البنك وباع الشقه الى كانوا متجمعين فيها

للاول واشترا البيت عشان يسيعهم خصوصا ان جميله ع وش ولاده

وتقى كمان حامل،ده غير اخوات جميله كمان..،

وهما قاعدين كان بيحكيلهم الى حصل فالمصحه وانه موقوف عن العمل مؤقتا

ومتحول للتحقيق..

جميله:(بهدوئها المعتاد وماسكه كف ايده) يعنى هترجع تشتغل عادى زى م كنت ؟

حسن (بيطبطب ع كف ايدها) اه يا حبيبتى هرجع بس لازم تحقيق انا الى كنت مسؤل عن حالته

الله يسامحه

تقى:طب هوه مات إزاي  ياحسن ؟! 

- كان قاعد مستني الغد الأفضل وقع عليه الواقع المتهالك عمله نزيف داخلي في الـ positive energy جاب أجله ياروحى????

ضحى: لاحول ولاقوة الا بالله عالبؤس ...طب هو واحد مكتئب انت ذنبك ايه؟

حسن:ذنبي ان المغفور له بدل م اخفف اكتئابه وصلته للانتحار

ضحى:ويعنى انت كنت ماسكله الملايه ...مات وجابلك انت الكافيه

تقى :الشغولانه بتاعتك ياسنسن مليانه ضغوط نفسيه الله يكون فعونك(بتناوله عنب فبوقه)

حسن:ادعيلى ياروح سنسن اطلع من بينهم بعقلى

جميله(بتطبطب ع ضهره) ربنا يحميك لينا من كل شر

حسن:ويخليكم ليا يارب 

قام ودخل جوة للحمام الى فالارضى،اتسحبت ودخلت وراه ضحى

تقى:شوف اتسحبت وراه زى الديب السحراوى ازاى !

جميله:(بابتسامه رضا)سيبيها تدخل وراه ،مش هتاخد منه حته ياتقى

عند حسن طالع وضحى مستنياه

حسن:فيه حاجه يا دودو؟

ضحى(مسكته من ياقه هدومه) انت بقالك كام يوم يابتبات عند جميله

ياعند تقى

وانا سايباك براحتك (بتحسس ع صدره)بذمتك

مش وحشتك!

حسن(مبتسم ولف ايده ع وسطها) ع فكره انا كنت هبات وياكى انهاردة وبكره كمان بس انتى مصبرتيش

ضحى(بفرحه)بجد!

حسن:شويه كده لما يطلعوا ع اوضهم ، روحى اوضتك واتظبطى واستنينى

وانا هظبط حاجه كده

ولما اخلص هرنلك تطلعيلى

ضحى:اطلع فين؟

حسن:فاخر دور فوق خالص ...

ضحى: بس ده فاضى ومفيش نور ومننا للسما

حسن:مالكيش دعوة بقا (غمزلها)انتى تعملى الى بقولك عليه وبس

ضحى: من عنيا ياروح قلبي من جوه

القاعده والسهره ...خلصت 

وطالعين للنوم ،ومن غير اسئله منهم محدش 

بيستفسر هو هيبات عند مين عارفين انه بمزاجه.. 

حسن طلع وظبط فرش محترم ، وطبق فاكهه ومشروبات غازيه

وجاب اباجورتين من تحت بينونورا بطاقه البطاريات 

وظبط فونه ع بلاى ليست حلوة 

ورن لضحى ...وطلعت زى القمر ولابسه روبها 

بصت عالى عمله وضحكت اوى

حسن:طبعا مش هتتفاجئى

ضحى: ومن امتى اتفاجئت بجنانك ياحسن

حسن:هنقعد هنا للصبح ...نتكلم...نضحك...نلعب(غمزها بجنبها)

ضحى:طب وافرض حد طلع !

حسن:هقولهم انك مراتى 

ضحى:هههههههههههه..وحشتنى ى حسن

حسن(مسك كفوفها وباسهم) انا بقا انتى موحشتنيش..عارفه ليه

ضحى:ياخبر ابيض ليه

حسن: عشان يدوب اغمض عيونى اشوفك

ضحى:يا سلام ياخويا...انا اكتر ولا جميله وتقى

حسن:بصى كده(شاور بايدها ع قلبه) انتو التلاته قاعدين هنا

وانتو التلاته كل واحده فيكم ليها مكانها ومرتاحه

ان حسن بيحبها وبيموت فيها حتى لو فيه غيرها 

عارفه هى محتله انهى حته فحسن

ضحى:وانا بقا محتله انهى حته (بدلع)

حسن مسكها من ايدها وقعدها، وحط فبوقها حته تفاحه مقطعها

وبسرعه قبل م تمضغها ،هجم ع شفايفها وكانه بياكلهم بطعم التفاحه

واول م عمل كده ضحى استسلمت 

وبدات تميل عالارض وتقع فاحضانه...كانت ايديه بتقوم بواجبها ان تحررها من اى قيد

او حائل ع جسمها..وهما فاستمتاع لذيذ مجنون

منهم للسما ♥

¤¤¤¤¤¤¤¤¤¤¤¤¤¤¤¤¤¤¤

نوفيلا

❣السلطان وحريمه ❣

(تابعه لرواية شيزوفرينيا باحداثها وابطالها)

❣❣❣❣❣❣❣❣❣❣❣❣❣❣

فصل (2

مع صوت شقشقه العصافير ،وخطوط نور الشمس الى ابتدت تسخن 

هما الاتنين

حسن وضحى نايمين مقتولين فسابع نومه 

فحضن بعض ...النور والزقزقه ازعجتهم.

ضحى:حسن (بتقوم بالراحه عشان رجلها) حسن

حبيبي

قوم ننزل تحت

حسن (نايم اوى) لا هكمل هنا مش قادر اقوم

ضحى: قوم ياحبيبي الشمس هتسخن دلوقت وانت عريان كده

قوم

حسن(بيشدها عليه)ماتفكك من الشمس وتعالى

ضحى: (بتضحك بدلع)ياعم قوم بقا بطل كسل 

بتحاول تفوقه ونجحت ...الانتين نازلين من فوق حاضنين بعض

وبيضحكوا

وتقى بالصدفه كانت فالتويلت الرئيسي وراحعه اوضتها شافتهم!

جت جرى عليهم ،ضحى لمحتها زودت فالضحك 

عشان تغيظها

تقى:حسن انتو كنتو فوق بتعملوا ايه ؟ 

ضحى(برخامه)وانتى مالك (ضحكه صفرا)

حسن(باس تقى ع خدها)ياصباح الفل الاول يا تك

تقى(متغاظه)ثوانى بس ...عالصبح بتعملوا ايه فوق ولا طلعتوا امتى

حسن:ايه يابييي بس متعصب ليه (لتقى)كنا فوق عادى 

تقى(غيرانه اوى )من امتى ياحسن

ضحى(حاضنه حسن من رقبته ) من بليل خدنا ليله فوق جنان فجنان

ومش عاوزة اقولك حصل ايه كمان (غمزتلها)بس اكيد

انتى كبرتى وعارفه يعنى

راجل ومراته الى بيحبها وبيعشقها منهم للقمر هيعملوا ايه

تقى: كده ي حسن !

حسن سابهم ودخل اوضة ضحى ينام فسلام نفسي ...وسابهم يكملوا

ع بعض

ضحى:ايه كده ياحسن ...تعالى هنا 

من حقى وجوزى ولا انتى فاكرة ان مفيش عالحجر غيرك 

انتى وست هانم الى جوه دى.

تقى :انتى الى تفوقى وتفهمى انه اتجوزك انتى وجميله لظروف

لكن اتجوزنى انا لان قلبه معايا

وروحه فيا

ضحى:قصدك اتجوزنا شفقه ولا ايه ،خدى بالك من كلامك

ده انتى حتى الاخيرة

*جوة عند حسن*

حاطط المخده ع ودانه ،عشان ميسمعش صوتهم العالى

من يوم م جمعهم مبطلوش خناق ...

مبطلوش حو حاد وتوتر فالمكان ،افتكر ضيق المكان هو الى عامل توتر

كده

خد مكان اكبر ،برضو مهديوش

حسن الى طول عمره مشلش هم بكره ولا جاى ايه

حتى هم نفسه عمره م شاله

فجاة بقا صاحب امبراطوريه كبيرة ع اد م يقدر لازم يعدل مابينهم

وبيحاول حتى لو القلب بيميل

بيحاول حتى لو سعات راحته بتطلب واحده منهم

خلوه يفكر غصب عنه فهم متعودش عليه ...ويبدء يتخنق من الجو ده 

مجنون،كائن بوهيمى يفعل مايحلو له

لكن مش كل افعالنا مش هنتحاسب عليها ولاندفع لها تمن طبعا!!

#لنوراسماعيل

¤¤¤¤¤¤¤¤¤¤¤¤¤¤¤¤¤¤¤

"انتى جايه تعلمينى شغل ؟"

حبيبة :انا بحط النقط عالحروف ،ماله حسن بالى اتكل ده

بتوقفوه ليه وبتبهدلوه ليه

انا اكبر مثال كنت داخله هنا مناخوليا خالص

والحلوف وائل معرفش يقدمنى خطوة ،بالعكس كان بيساعدنى

اقتله فيوم من الايام

وحسن الى طلعنى من تانى ...بتجازوه ع ايه

دكتورة فايزة(مديرة المصحه) لوجودك فمكتبي هحترم حوارك للاخر

بس برضو ملكيش اى حق فالى بتتكلمى فيه

حبيبه:انتو لو جازيتو حسن انا هشهد وياه انه بيشتغل كويس جدا

وانكم مصحه معاقه وكل الى فيها مجانين

*حسن دخل جرى اوضه دكتورة فايزة من غير استئذان اول 

م سمع من بره صوت حبيبه العالى*

حسن:بتهببي ايه الله يخرب عقلك

حبيبه:اسكت ياحسن ، انا اول م عرفت انك واقع فالمشكله دى

قولت لازم اطلعك

هما فاكرين ايه

دول يحمدوا ربنا انك لسه شغال وياهم ....ده بسببك نجمهم

سطع

هى دى مصحه كان فيها حد ...اتنين عيانين وشماعه!

فايزة: لو سمحت يا دكتور حسن ، اتفضل اتصرف مع حالاتك السابقه

الى جايين يتهجموا علينا ويعرفونا شغلنا

حسن:حبيبه اطلعى برة دلوقت ،انتى عرفتى منين بس

حبيبة:عرفت من مكان م عرفت...بيستعبطوا

سيبلهم المصحه دى وانا من بكره هعملك مستشفى اكب. منها بتاعتك

لوحدك وهما الخسرانين

حسن: يابنت اللذين انتى كده بتاذينى فشغلى ،تروحى الكافيتيريا ونتكلم

ممكن !

حبيبه(لفايزة)ع فكرة انا هخرج علشانه ومستعده ابعتلكم مجنونة

هنا تجننكم وتعملكم مسرحيه من العته المنغولى

وتصورلكم قتله مش قتيل واحد

فايزة(بعصبيه)ده تهديد يادكتور حسن فمكتبي انا مسمحش 

بيه!

حسن(بيصوت بطريقه تضحك)ياختاااااااى اخرجى يخربيتك ،انا جايلك

روحى اطلبي اى سم وانا جايلك

حبيبة(بصوت واطى وبتضربه فدراعه)ماشى ياحسن ماشى

اخلص عشان ورايا حجات سايباها وجتلك يااستاذ

*خرجت حبيبه*

فايزة:ايه التهريج الى بيحصل ده يا دكتور!

حسن:انا اسف ...اعتبرى كل الى حصل من شويه مجرد حوار فارغ

عالتلفزيون

فايزة:طبعا هعتبره كده ،واضح ان حبيبه دى مبقتش كويسه

لسه بجنانها زى ماهى

حسن: بتاسف مرة كمان

فايزة:انا اتكلمت فالتحقيق بتاعك ان الورقه الى سابها المنتحر

فصالحك بانك كنت بتحفزه ع انه يطلع من الى هو فيه

وكمان كام نقطه فتقاريرك الى فاتت عنه 

استندت ليهم ويارب يساعدوك

حسن(وشه ابتسم) دكتورة فايزة ...بجد متشكر

فايزة:حسن انا مينفعش اخسرك ...رغم استهتارك وعدم انضباطك

ورغم اننا بنعالج مشاكل وحالات ونوقع قدرا فمشاكل اكبر

بوقوع فغرامك معظم الستات الى بتعالجهم 

*حسن كتم ضحكته*

فايزة:لكن عالصعيد المهنى انت دكتور ممتاز ، اكفئ واحد فالمصحه هنا

وعالصعيد الشخصى فانت شخصيه مينفعش خسارتها

وبحس انك ابنى وان لازم اساعدك

حسن: دكتورة فايزة انا رغم كل العروض انى ممكن اشتغل فمستشفيات تانيه

لكن بفضل معاكى هنا 

هنا مكانى زى السمك بالظبط والميه

*فايزة ابتسمت*

حسن:هقوم بعد اذنك اشوف المجنونه الى فالكافيتريا

دى لاتكون اكلت حد

فايزة:روح شوفها ...ربنا معاك

*راح لحبيبه*

حسن:ايه ي حبيبه ، مش سجدنا شكر لربنا 

انك خفيتى وبقيتى زى البنى ادمين الطبيعين

مالك فيه ايه

حبيبه:عاوزنى اشوفك بتغرق ياحسن وممدش ايدى

اطلعك

حسن:ايه الجو ده ،انتى واقعه منين

ياستى لاهغرق ولا نيله

انا ليه فجاه حاسس انك امى 

عادى مشكله وهتعدى او متعديش ...مش اخر الدنيا

جايه تهددى الدكتورة فايزة فمكتبها يامناخوليا ؟

حبيبه:الى ييجى ناحيتك اكله بسنانى

حسن:تدوم الجدعنه ياحبعمرى ..بس متقلقيش انا عندى سنان والله

حبيبة:يعنى عاوزنى ميكونش ليا علاقه بيك تانى ياحسن

حسن:يابت انتى بتفهمى من ودانك ؟بقولك يعنى متقلقيش مش عاوزك تتورطى معايا فحاجه

حبيبه(بتسبل فعيونها) خايف عليا يابوعلى؟

حسن:الهوفا اشتغلت(اتنحنح) بقولك ايه انا متجوز تلاته كرهونى

فال تاء المربوطة

حبيبه(ضربته ع كف ايده) احسن ...كنت قدامك روحت اتجوزتلى

نخبه من المع بنات مصر وسيبتنى 

حسن: نخبه من المع بنات مصر ! قومى ياحبيبه روحى ولا شوفى

كنتى رايحه فين 

حبيبه:حاضر يابو على ...بس بص مش عاوزاك تتعصب هاه

حسن:لا مانا مبتعصبش

حبيبه:اه ياخويا حافظ ع كليتى الى فيك ...دى عهده

حسن:اشق جمبي وتاخديها...يلا من هنا 

حبيبه ضحكت وشاورتله باى ومشيت ..

¤¤¤¤¤¤¤¤¤¤¤¤¤¤¤

بتناول اخت جميله (ايمان) الملح ل جميله وهى بتطبخ ،واقفه 

بتدوق الاكل بهدوء وبتحط رشه الملح 

وبعدين بتحسس تتناول بقيه البهارات تحطها

جميله:روحى ذاكرى ي ايمان ...انا هكمل وحدى خلاص

اختها(ايمان) متاكده طيب

جميله:اه 

خرجت ايمان ،ودخلت تقى المطبخ 

تقى :مروحتيش دار التحفيظ انهارده...لاحظت ان حسن مخدكيش وياه

جميله :معرفش تعبانه من امبارح والتعب بيزيد(بتمشى ايدها ع بطنها)

تقى(بتبص عليها) انتى حاسبه انتى دخلتى فالتاسع بقالك اد ايه

جميله:فاضل 5ايام ويخلص 

تقى:وحسن عارف ؟

جميله :محبتش اشغله ،الله يكون فعونه 

كفايه الى عنده فالشغل 

هيبقى همى كمان

تقى:بس ده ميعاد ولادتك لازم يعرف امتى وانك تعبانه

جميله(بهدوء)الله يكون فعونه

تقى(مبتسمه) بتعملى ايه اكل

جميله(بابتسامه) معرفش خطر ع بالى اعمل صوانى انهارده

عملت صنينه كوسه باللحمه

ومكرونه بالبشاميل

وجلاش بالجبن

ايه رءيكم

تقى:انتى فظيعه فالمطبخ وهتقلبظينا كلنا 

جميله: لا كلى ...انتى حامل برضو

تقى :ربنا يقومنا بالسلامه يارب ...انا جاى ع بالى

ليزى كيك ايه رائيك

للحلو

جميله:اعملى الى عاوزاه ...حسن بيحب الحلويات من ايدك

تقى(ابتسمت) ربنا يخليكى يا جميله 

ضحى دخلت عليهم وهما بيتكلموا بصفا نفسي كده

ضحى: خلاص واحده طبخت والتانيه عملت الحلو

وانا اعمل ايه بقا

تقى(بغتاته) روحى المرسم بتاعك يامسكرة ياعسوله

ارسمى وشخبطلنا كام شخبوطه كده اهو حاجه تلهيكى

ضحى: (كتفت ايديها فبعض ع صدرها)عالاقل عندى شغله ومشغله

مش قاعده زى خبيتها

تقى:يا ماما سنسنتى عارف انى مبحبش الشغل

وهو كمان دايما يقولى يا توتا ياقلبي ياعقلى ياروحى 

متتعبيش نفسك

كفايه انك هتجيبلى ولى العهد (بتشاور ع بطنها)

ضحى(اتغاظت اوى) ياسلام وجميله ايه نسيتيها طلعتيها

من حسابك

مش هتحيبله نونو هى كمان

حميله:(شغاله المطبخ ومدياهم ضهرها) سيبو جميله فحالها بس

تقى:جميله هتجبله بنوته ،لكن انا هجبله حسن صغير

فهمتى يا امورة؟

ضحى(عوجت شفايفها) انتى تعليم وعيشه ايه الى عيشتيهم فامريكا وانتى راجعيه

كده ودماغك متخلفه

تقى:(بعصبيه)بقولك ايه حطى لسانك فبوقك ومتغلطيش

جميله(خارجه من بينهم)يووووه الى نبات ونصحى فيه

ضحى:اسمعى يا تقى هانم ،وانتى ياست جميله

سنسن حبيب قلبي قضى معايا امبارح ليله ولا الف ليله وليله

ولو فاكرين بالاكل والحلو الى بتعملوه واحده فيكم هتخطفه

انهارده

ده بعدكم

هو قالى ان كمان بتاعى ..يعنى تخطيطاتكم ع فشوش

جميله(بتدور ناحيه صوتها ) محدش بيخطط ياضحى

الى عاوزه حسن بيعمله

وكلنا هنا ع مزاجه ...ع مزاجه اتجوزنا احنا التلاته

وع مزاجه جمعنا مع بعض

وعمر م فيه واحده فينا غصبته يعمل حاجه 

بلاش منه الكلام ده ...اعقلوا بقا

هتطفشوه مننا بعمايلكم دى

تقى:سنسن مستحيل يطفش منى(بتبص لضحى وبتغيظها)

سنسن مقالش بحبك لحد قبلى ولابعدى

ضحى(عملت نفسها بتسقف بتتريق عليها) براااافو نوزع بونبونى

مبروك ياقطه

والشاطر الى يضحك بقا

جميله:عارفين ....لو اتجوز الرابعه

ولا طلقنا كلنا هيبقى عنده حق...والله م هزعل منه

تقى بصت لجميله ولضحى وسابتهم ودخلت المطبخ تكمل الحلو بتاعها

وضحى طلعت برة تشغل روحها فلوحه بداتها فالجنينه

وسابو جميله فالهول بتعانى الالامها ومش مبينه ..

¤¤¤¤¤¤¤¤¤¤¤¤¤¤¤

"معرفش ايشمعنا انا بالذات الى بيحصل معايا كده

يمكن مثلا كله بيحصله كده بس انا فاكره نفسي لوحدى؟

انا حبيت مرة واتنين واختارت مرة واتنين ...وفالاتنين طلعوا غلط

لا...

الاولى بس الى كان اختيارى غلط ،لما وقعت فحب ابن خالتى

وشوهنى بحبه وبطريقته معايا

ولما عرفت اطلع نفسى منه ...جالى الى عرف يطلعنى من سابع

ارض لسابع سما

وعيشت احلى سنين عمرى معاه ...بس مرة واحده قالى مش هقدر

اكمل

انا اسف!

طيب الغلط فيا ولافيهم يا دكتور حسن ؟

حسن:فاطمة ...انتى ليه عاوزة ترهقى نفسك

ليه عاوزة العذاب يابنتى

ليكى اد ايه بتجيلى ومش عايزة تطلعى من حالتك دى

فاطمة: عشان انا خلاص اقتنعت ان العيب سببه انا ،يادكتور

قولى ليه ابن خالتى كان بيخوننى وانا معاه ومقصرتش

ليه كان بيعرف عليا بنات ولما كنت بعرف كان يبجح فيا

كانه حقه وانا منطقش

طب انا غلطت ف ايه ؟

والتانى ...كنا بجد اسعد اتنين

كان خلاص قال لكل الدنيا ع علاقتنا ...قال لمامته وباباه

كنا بنتعامل فالنور

مشوفتش غير كل سعاده وياه

هو الى جه وعرض عليا حبه...هو الى كان بيحبنى بينه وبين نفسه

ولما صرحلى قالى هخليكى تحبينى

ليه دلوقت سابنى فنص الطريق،، طب اعمل انا ايه دلوقت

حسن:ع فكره يافاطمه...بكره مش نهاية العالم

بكره مش يوم موتنا

لسه العمر قصادنا بحاله...هنقع ونقوم ونقع ونعافر

وتنفضى نفسك وتكملى ..

الاتنين دول مش نهاية الرجاله

فاطمه:وانا همشى اجرب فيهم يا دكتور حسن

واتسمى ايه بعد كده؟

هبص لنفسي ازاى

حسن:انا مقولتش كده ع فكره ...ولاقولت اهلكى طاقه قلبك كل شويه مع حد وقصه جديده

بقولك ادى لنفسك فرصه تعيشي

انتى يافاطمه شخص جعان حب ...جعان اهتمام

لما مش بتلاقيهم بتحسى ان بطاريتك فضيت

معدتك خاليه وعاوزة وجبه تملاها

اوعى الاحساس ده يسوقك لطريق يتعسك

قولى لنفسك انك بنت زى الفل ، وتستاهلى تتحبي

وتحبي وتعيشى مع الراجل الصح 

(بيكتب فالروشته) هنقلل من اخر دوا كتبته جرعه

وقبل م تنامى هتاخدى ده كمان

وعاوز الجلسه الجايه تبهرينى بشئ عملته فاطمه لما اسمعه اطير من الفرحه

اشوفك الجلسه الجايه

اخدت الروشته فاطمه وخرجت ، سمر دخلت تقوله ان وراها مريم

لقى فونه بيرن

قال لسمر تستنى لحد م يخلص مكالمه..

حسن: الو

صاحبه:شيزوفرينيا الى فالبلالا ،فينك يابنى 

حسن:فالعياده اكيد مش عند امك

صاحبه: لسانك عاوز قطعه يا دكتور المجانين ،المهم انجز

طبعا انت ناسى انهارده ايه

حسن:انهارده ايه 

صاحبه:العب باليه ههههههههه

حسن:كلمه كمان وهتسمع صفاره انى قفلت 

صاحبه:فرح باسم رفعت ياعمنا يخربيتك زهايمرك

حسن:الله يخربيوتكم مش تدونى خلفيه

صاحبه:خلفيه دى تبقى خالتك ياض، قولنالك خمستلاف مرة

وهو بعتلك واتس ولاعشرين مرة

انجز اقلب عيانينك...عاوزينك فحوار قبل الفرح معاه

حسن:ههههاى لا النمرة غلط ياعماد ، بطلنا

صاحبه:لايموت الزمار يا معلم،وبعدين ده باسم صاحبك

شقك

معقول هتسيب شقك ومتعملش وياه الواجب

حسن:واجب حساب ولاجغرافيا يا حيوان ههههههه

يخربيتكم عالى عاوزين تعملوه فيا

صاحبه:وهو انت فاكر فرح واحد من فرقتنا الهومام 

وصاحب عمرنا نسيبه كده قبل م نديله الدرس

ع ايد الدكتور شيزوفرينيا...ده انت البروفيسور 

حسن(بيضحك) اااااه ...ماشى ياكلاب

اسبقونى ع شقه خيب الرجا باسم

وغنوله كان بدرى عليك بدرى لحد م اجيلكم ياشويه

فاسدين

صاحبه:اشطاااااا وهتلعب من تانى الايام

قفل وهو بيضحك ، ضرب الجرس لسمر وبلغها انه بيعتذر

لكل الحالات المستنيه وان جاله ظرف مفاجئ

ولازم يمشى ..

راح لشقة عزوبيتهم ، وحضر تحضيراته الشيطانيه

وطلع ع شقه باسم

وهما بيجهزوه للفرح 

حسن:وبعد الاربعين ...هيتجوز المنيل 

سمعونى زغروطه

*صحابه بيزغرطوا*

باسم جه عليه جرى ، وحضنه

باسم: شيزوفرينيااااا

حسن :ورينى الوجاهه يا واد...لالا مينفعش اقول اللهم صل طبعا

انت من ملة تانيه

صاحبه بيضحكوا ، وقف يظبطه قدام المرايه

وغمزلهم يلبسوه طقيه كده سوده زى بتاعت الاعدام

وشالوه بالعافيه وهو بيضحك

وعالعربيه بتاعت حسن وطول الطريق مكتفينه وبيضحكوا زى المجانين

وصلوا ودخلوه وشالو الطقيه ،فتح عيونه تربيزة عليها انواع خمور كتير ومزات

وشيش كتير (جمع شيشه!

باسم بيضحك ، حسن شغل سى دى اول م اشتغلت ع موسيقى موسيقار الاجيال

زينه يا زينه 

وابتدوا يرقصوا زى العبط كلهم سوا 

حسن:ودع العزوبيه ياض واستقبل ضرب الجزم

وهما بيرقصوا زى الهبل وبيغنوا ،خرجت بنت لابسه بدله رقص 

وماسكه عصايه وجابت رقبة باسم بيها

وهو اتخض

وبقت ترقص وياه وهما كمان كل واحد معاها رقصه 

ويشيلوا فيها ويشربوا...وولعت الليله!

¤¤¤¤¤¤¤¤¤¤¤¤¤¤

بتمشى جميله ايدها ع ضهرها ، ووشها باين عليه الالم

اخوها(محمود) مالك ياابله جميله

جميله(بتتالم بصوت) ااااه

محمود:فيه ايه طيب ،(جرى ع برة ينادى حد منهم)

جميله:ااااااااه

*بره عند ضحى بترسم وهيمانه*

محمود:(مخضوض)ابله ضحى الحقى ابله جميله ..

ضحى(انتبهت) مالها 

محمود:بتتالم وبتقول اه

ضحى:تعالى ورينى

.

¤¤¤¤¤¤¤¤¤¤¤¤¤¤¤

الرقص مهدهمش ،لسه بكل طاقاتهم ومشعللين 

قلعوا جاكتات البدل ، وانطلقوا

دخلت البنت الرقاصه ...بقوا يشربوا بجنان 

سوا وبهستيريا ، طلعت من اوضه تانيه لابسه ممرضه

بس بخلاعه تقريبا كل حته فيها مكشوفه

ولابسه سماعه الاطباء وفايدها الادويه

وبتدلع عالعريس...ولما شافها باسم اتهبل

وبقى يتنطط مابين ايديها زى المجنون وهى ماشيه توزع

دلعها ع كل واحد فيهم شويه ..

¤¤¤¤¤¤¤¤¤¤¤¤¤¤

بتنزل تقى الفون من ع ودنها ...

تقى(بتوتر) جرس ومبيردش للمرة العشرين، رد يا حسسسن

جميله:اااااااااه (بتعيط)

اخواتها جمبها ماسكين ايدها وبيعيطوا

ضحى:بقولك ايه كلمى محمد وسلمى ،احنا مش هنعرف

نتصرف وحدنا 

تقى:طب بس حسن يرد

ضحى:احنا هنستنى حسن ،خلصى كلمى محمد وعنان

يلا

تقى(بتبص ع جميله خايفه)حاضر اهو 

¤¤¤¤¤¤¤¤¤¤¤¤¤¤¤

«الصحاب ياالا....مش جدعان يالا

الاندال يلا...كله شمال يالا»

واضح ان الخمره عملت مفعولها وسكرتهم ،،بس حسن يعنى 

فيهم الى قلع قميصه كمان وبقا بالبنطلون بس

والى ربط الكرافته ع دماغه

وبيرقص بجنان ..وصوت الاغانى عالى وهما بيغنوا معاها

بعلو صوتهم كانهم فكباريه 

دخلت البنت الممرضه ،،،وطلعت بنت تالته لابسه خدامه

ونفس نهج الى فاتت

الظاهر اكتر من المتغطى ، ودى بقا طلعت تهيص مع الكل

وهما حواليها يغنوا ويرقصوا كانهم بجد فدنيا وحدهم معزولين

البروجرام ده كله الى رتبه حسن ...وهما عارفين افكاره السم

كانوا بيعملوها لكل حد منهم بس لما بطل ...بطلت كل حاجه معاه

لكن بقدره قادر بيتجر تانى لماضيه

#لنوراسماعيل

¤¤¤¤¤¤¤¤¤¤¤¤¤¤

عالنقال جميله ماسكاها سلمى وعنان وتقى وضحى واخواتها وراها ومحمد بيجرى قدامهم ...

دخلت عالفور ولاده ...ووقفوا بره 

عنان:يعنى ايه مبيردش ...حاول تانى ده مراته بتولد

محمد :مبيتنيلش ...مبيتزفتش

سلمى(شايله ابن اخوها الصغير) حاول مليون مرة اومال فيه ايه هيقلقنا عليه ليه 

احنا مش عارفين نلمها من انهى ناحيه

محمد مرة واحده سكتت ونزل الفون من ع ودنه

تقى:ايه يا ابيه محمد ؟

محمد :تليفونه اتفقل !

بصوا لبعض بقلق وزعل فيه ايه ؟

¤¤¤¤¤¤¤¤¤¤¤¤¤¤¤

وعند العريس ...

فقاعة الاحتفالات فالكنيسه ، جيلان واقفه بره 

منزلتش التليفون من ع ودنها

جيلان:الله يخربيتك ياباسم انت فين بس!

¤¤¤¤¤¤¤¤¤¤¤¤

استنوا الفصل الجاى

نوفيلا

نوفيلا

❣السلطان وحريمه ❣

(تابعه لرواية شيزوفرينيا باحداثها وابطالها)

❣❣❣❣❣❣❣❣❣❣❣❣❣❣

فصل (3

"العريس فين وازاى مجاش لحد دلوقت ؟"

واحد من اهل العريس:زمانه جاى

واحد تانى:يمكن الطريق زاحم او فيه مشكله فالمرور

جيلان:متقلقش يا اونكل هو جاى اكيد ...اتفضلوا حضراتكم جوه 

الناس بدات تتكلم والعروسه قلقانه واهلها فالكنيسه ،وكله حاضر وموجود

وفين العريس ؟!

¤¤¤¤¤¤¤¤¤¤¤¤

حسن:(سكران شويه)بااااااس انت كده اتظبطت عشان تستقبل

اول لياليك السوده ياعريس (بيضحك بسطلان(

باسم(بيحاول يفوق) اصطف الحشيش ده معدى ياض ياشيزو (افتكر وهو بيشرب الحشيش)

الفرح!

نهار اسود ..

صاحبه:اوبااااا ده زمانه ولع يابا ..متروحش (بيضحك مع الى جانبه وهو بيناوله سيجاره الحشيش)

باسم (بيحاول يقوم ) لالا ...ياجماعه حد يوصلنى للحمام طيب افوق روحى

صاحبه 2:انا مش لاقى رجلى اصلا ...

حسن:هو لازم يعنى (بيشرب شيشه وبيضحك ع باسم)

باسم: قوم يا شيزوفرينا ودينى انا كده هضيع ،يخرب عقلك عليك وع توديع العزوبيه

حسن بيحاول يقوم وهو بيضحك اووى من غير سبب ،وشد باسم

وبيتطوحوا مع بعض محدش منهم ماسك نفسه

دخل باسم الحمام 

ونزل دماغه تحت الميه ...وابتدا يفوق 

*صحابهم من بره*

صاحبه: اسمع كلامى مش لازم تفوق ،خليك معمى عشان تعرف تكمل الليله

التانى:هههههههه(بيسلموا ع بعض كف ع كف)

#نوراسماعيل

¤¤¤¤¤¤¤¤¤¤¤¤

محمد:خير طمنونا 

الدكتور:هى المدام تعبانه اوى هى والمولوده ...احنا معاهم متقلقوش

سلمى:(بتوتر) يعنى فيه خطر ولا ايه 

الدكتور: الى حد ما الولاده متعسره 

*مشى وسابهم وطلعت وراه ممرضه*

تقى:لو سمحتى هى جميله بخير(بخوف)

الممرضه:المدام الى جوه دى متدينه اوى رغم الوجع بتذكر ربنا طول الوقت

بس حالتها صعبه ربنا ينجيها يارب 

ادعولها بقا

تقى قعدت عالكرسي وعيونها بدات تتكلم بالدموع ،جت ضحى وقعدت جمبها

ضحى:انتى بتعيطى عشان جميله ؟

تقى(بتحاول تتماسك وتمسح دموعها) ليه هى مش بنى ادمه 

ضحى:وناسيه انها ضرتك (بالم)

تقى بصت لضحى ومش عارفه ترد

ضحى:وبتنسي انها بتشاركك فجوزك وحضنه وكل حاجه فيه

بتعرفى تتقبليها بعيد عن كل ده (قالت كلامها بحزن وبصت للارض)

تقى: لا مش بنسي ...بس هى تعبانه 

وممكن متطلعش من جوه تانى 

ولوحدها

انا عارفه هتنكسر اد ايه لو فاقت وملاقتش حسن 

ضحى:لو كنت مكانها كنتى هتزعلى عشانى ؟

تقى (بصتلها بابتسامه) طبعا ...حتى لو بتشاركونى اغلى ماعندى

فبالوقت بحس ان كلنا نفس العيله

جميله واخواتها وانتى وابنى الى جاى وبنت جميله ...وحسن!

كلنا باسم حسن عايشين

معرفش اتخيل انى افتقد حد منكم فيوم ..(سرحت وبصت بعيد)

وجع البعد طعمه وحش ،واسالى مجربه ..

¤¤¤¤¤¤¤¤¤¤¤¤

بصوابع حنينه ع وش حسن بتمشى بخفه ودلع،وحسن بينتبه من نومه

لقى ال 3بنات الى قضوا الليله توديع عزوبيه باسم

قدامه !

واحده منهم:نمشى يا دكتور سونه (غمزتله) ولا نفضل

حسن بينتبه وبيتعدل من عالكنبه

التانيه(بتمشى ايدها ع رقبته) لو عاوزنا نفضل احنا تحت الامر والطلب

انت تؤمرنا

حسن: لا امشو ...انا هنام 

بصوا لبعض بضيق وقايمين ماشيين

حسن:انا حاسبتكم صح؟

بنت منهم:ميجيش من بعد خيرك يا كبير ياباشا البشوات

حسن:(طلع مبلغ من جيبه) مع بعض بقا هاه...يلا واقفلوا الباب وراكم..

مشيوا البنات وهما بيتهمسوا كان نفسهم يكملوا بقيه الليله مع 

الدنجوان ويرجعوا زمن الشقاوة ...لكن واضح ان حسن 

جاب اخره تعب ورقص وشرب ومبصش ع فونه الى فصل من كتر الرنات!

#نوراسماعيل

¤¤¤¤¤¤¤¤¤¤¤¤

عنان:الله اكبر بسم الله ماشاء الله ، شيل يامحمد

البنت زى القمر

محمد بيتناولها من مراته وبييص فملامحها الحلوة ومبتسم

سلمى:جميله اوى ربنا يحفظها (بتبص للممرضه) هى مامتها هتفوق امتى

الممرضه:الم المخاض كان صعب عليها الله يكون فعونها احنا حسينا ان قلبها هيطلع من مكانه

فالصريخ

لما تهدى كده هتلاقوها فاقت وحدها

محمد حط مبلغ صغنن فايد الممرضه ك حلاوة المولوده

عنان:جربتوا تكلموا اخوكم تانى ؟

محمد :لما يتفتح الموبايل هيجيب مسج لوحده ..

تقى (اخدت البنت وحضنتها) عارفين مبطلش تخبيط من ساعه م شيلت

اخته 

ههههههه شكله غيران

عنان:شدى حيلك انتى كمان ،كلها شويه وتشرف عملتك انتى كمان 

كلهم بيضحكوا الا ضحى !

ضحى الى مش حاسه ان فيه يوم هيعدى عليها زيهم كده ، تخلف وتولد بنت او ولد.لحسن

يتلموا حواليها ويفرحوا بيها 

هى معندهاش اى موانع للخلفه وكشفت كتير ،لكن قلقها الى معطل الدنيا

زائد عصبيتها وغيرتها منهم ...لكن جواها حب اد الدنيا

حب لحسن ووجودها معاه

حب لنقارها المستمر ف تقى ، حب خناقهم ع مين تكون فحضنه الليله!

حب للامبراطوريه الى اتعملت من غير حساب او تفكير دى..

بتسرح بخيالها من بينهم ومش بتضحك،بتلاحظها سلمى

والى مسميها حسن رغم انها اصغر اخواته ب ماما من حنيتها

بتيجى ناحيتها وتطبطب عليها بحنيه..

سلمى:عقبالك ياضحى ...بس اوعى تجيبها او تجيبه فيه

البيرسينج ده (بتشاور عليه فدقن ضحى )

ضحى بتضحك: لا متقلقيش ...بس هو ييجى ..

سلمى:ان شاء الله ...مين عارف مش يمكن نعملها مع بعض

يبقى اتنين ولاد حسن اد بعض مابينهم شهور

وواحد من ولاده اد ابن عمته !

عنان:اااااه ويعملوا فريق ...وحسن ابنى يبقى الحكم 

كلهم :هههههههه

#لنوراسماعيل

¤¤¤¤¤¤¤¤¤¤¤¤

"يابنى اصحى ...ايه قتيل !"

حسن بيتعدل من عالكنبه ، ببدلته وقميصه زى ماهو من امبارح

وبيحاول يفوق

صاحبه(صاحب الشقه) واضح انكم معدتوش الليله ع خير يا كلاب(بيبص لازايز

الخمره والحشيش)

حسن:يعنى ليله توديع العزوبيه ،عاوزها تكون ايه بسلامه اهلك

صاحبهم:وودعتوا ياخويا ؟

حسن:ودعنا وانا ودعت معاهم ،رجلى مكانتش شيلانى نمت مكانى

صاحبهم:ليه ياشيزوفرينيا ، ده انت حتى ابو الكيف

ولا العضمه كبرت(بيضحك)

حسن:اخرس ! انا بس بقالى كتير بعيد عن كل ده 

بيتناول فونه من جيب الجاكيت بتاعه لقاه مفصول

حسن:اوووه ...عندك شاحن!

صاحبه:فيه ...بس ده اخر طلب عشان هبعت ينضفوا الشقه

وماشى هقفلها تانى

وانت تتطرق

حسن:ماشى ياحيوان ...هات الشاحن اخلص

الله يخربيوتكم عيال بنت كلب ..

#لنوراسماعيل

¤¤¤¤¤¤¤¤¤¤¤¤

جميله قاعده ع سريرها ، حاضنه بنتها وباين

عليها التعب بس بتحاول تشد حيلها..

وجمبها اختها ايمان ...

اما عن تقى وضحى فبيحاولوا يقوموا بدور اهل جميله الى مش موجودين

فالعنايه بيها

وبيحضرولها اكل يقويها ، لكن اخوات حسن وعدوهم انهم يخلصوا شغلهم

ويرجعولهم تانى لحد مايبان اثر لحسن !

ايمان: جميله المسى وشها بشويش ، عشان تعرفى شكلها

دى بنوته حلوة اوى 

ايمان مسكت ايد جميله اختها وبتمشيها ع وش المولوده ، قلب جميله

انفطر وخبط ودق دقات جديده عليه

دقات ام

اينعم هى الى ربت واتحملت مسؤوليه اخواتها

لكن اول مرة تحس بحته منها هى ام ليها فعلا ...مبسوطه بالشعور لاول مرة

لكن الضيق والوجع ان حسن مش شاركها كل اللحظات دى..

خصوصا لانها عاجزة ومش بتشوف ...وكانت محتاجاه اوى جمبها

يطمنها ويفرح معاها ويعرفها هو فرحان اد ايه

ان بسببها اول مرة يكون اب!

¤¤¤¤¤¤¤¤¤¤¤¤

"يعنى يامحمد كان قصدى يا اخى،بطل نبرتك الحادة دى فالكلام"

محمد:انا موطى صوتى عشان انا فالشغل ياحسن ، لكن والله انا جايب

اخرى منك

يعنى عشان لاقيت رنات مننا حضرتك اهتميت ، لو غير كده

كنت هتطلع عالعياده عادى وتكمل يومك عادى مش كده

حسن: وهو انا كنت عارف الى حصل ده هيحصل،او ان جميله

هتولد فالليله دى

محمد: ماهو انت لو راجل مسؤل كان زمانك وياها، انا مش عارف ي اخى

واحد بلا مسؤليه رايح يعمللى فيها الحج متولى

وهو مش عارف يشيل مسؤليه غسيل هدومه 

ياشيخ روح 

حسن:محمد اقفل عشان بجد مرارتى اتفقعت بسبب طريقة

كلامك الزباله

سبحان من صبرنى عليك عشان انت اخويا

محمد: نعمل ايه بقا قدر ،روح ياحسن لمراتك

روح ...سلام

حسن كان بيسوق ، وماشى بسرعه عشان يوصل لهم ..

وصل

واول م دخل فرحوا بيه اخوات جميله ،اولاد صغيرين مش فاهمين

سوء الفهم الى حاصل

دخل عند جميله

الى كانت حاضنه بنتها وساكته فى سلام كعادتها ، قبل م يخطى

الاوضة كانت ارتبكت

شمت ريحته،عرفت انه جه وداخل عليها!

حسن(بلهفه)جميله!...جميله حبيبتى حمدلله ع سلامتك

(بيبوس كفوف ايدها) حمدلله ع سلامتك يا روحى

جميله غصب عنها،قلبها موجوع منه

لكن مبتعرفش تقسى

عيونها فاضت بدموع غصب عنها نزلوا ع خدها

حسن:بتبكى ليه بس (بيمسح دموعها)انا اسف

كان غصب عنى والله 

جميله(رافعه بنتها له) بنتك ياحسن 

حسن اتناولها وبص ليها وهى نايمه زى الملاك ، فضل يتاملها بابتسامه

حلوة منه 

ومسك كفوف ايد بنته وباسهم بالراحه عشان ميقلقهاش

وهو بيتاملها قطع سكوتهم صوت ضحى 

ضحى:حمدلله عالسلامه ياحسن 

حسن بيتدور لهم هى وتقى واقفين وراه

حسن:الله يسلمك

ضحى(بتكشيره)كنت فين ياحسن

حسن:خير ياضحى بتتكلمى كده ليه

تقى:عشان بجد عاوزين نعرف انت كنت فين ، احنا بنكلمك من امبارح

مردتش

وكلمنا سمر فالعياده قالت انك مشيت وسيبت نص الحالات عشان

جالك ظرف طارئ

حسن:دى تحريات بقا

ضحى:ايه مش من حقنا 

حسن:مش من حق اى حد يقولى رايح فين وجاى منين

لاول مرة تتكلم جميله ، لاول مرة تواجه حسن فشئ واجعها منه

جميله: بس من حقنا لما نحتاجك نلاقيك ،كلنا هنا من غير 

اهل وانت اهلنا وسندنا لينا احنا التلاته

حسن(بيبص لجميله باستغراب) انا مقصرتش،امبارح كان فعلا فيه ظرف

كده

تقى(بعيون فيها دموع) والظرف ده الى جايبك ريحتك خمره ياحسن!

جميله اتخضت وبان ع ملامح وشها ،هى متعرفهاش ومتعرفش تفرق ريحتها

لكن ضحى عرفتها هى وتقى

حسن:انتو بتحاسبونى !...انا حر

تقى جت عليه بشكل يصعب عليه اى حد

تقى:انت وعدتينى ...وعدتينى هتبطل خمره وستات وسكر 

وقله قيمه

وعدتتنى مش هترجع للايام دى تانى

حسن:وانا مرجعتش ..كنا بنحتفل بواحد صاحبنا 

عشان هيتجوز

شربنا وهيصنا حصل ايه يعنى ...

ضحى:كلمناك 100مرة

حسن: مسمعتوش ،صوت المزيكا كان عالى

وفصل مخدتش بالى منه.

تقى:عشان احنا مش فبالك ياحسن ...

لو فبالك هتعمل حساب ان جميله ع وش ولاده وتطمن عليها

وتكلمنا كل شويه

لو احنا فبالك هتبقى عارف انك لازم تقوم وتفوق وتجيلنا 

حتى لو شرب وسكرت

عشان احنا لوحدنا من غيرك ،حتى لو كنا كتير سوا 

حسن:خلاص مكانتش غلطه ،انتو تعبتونى بما فيه الكفايه

ضحى:تعبناك ف ايه واحنا كل واحده بتحاول ترضيك

ع اد م تقدر 

كل واحده بتدوس ع جرحها بانك مش ليها لوحدها ومع ذلك

مكمله فرضاك 

كل واحده بتنام سكينه غارزه فقلبها موقفاه عن نبضه

وهى عارفه ومتاكده انك فحضن غيرها ومبسوط

وهى وحدها فسريرها الى جوه بارد عليها...

تعبناك امتى يا حسن

حسن:ياااه ...انا مغصبتش حد منكم يكمل معايا

مغصبتش واحده منكم ع اى شئ

والى تكدبنى تتفضل تتكلم

لا انتى ياضحى ...ولا انتى ياتقى

ولاحتى جميله

جميله الى اول مرة تتعصب عليا فحياتها يكون انهارده

تقى:جميله موجوعه ياحسن ...المفروض اول لحظات تكونوا ام واب

تكونوا سوا

انا خوفت يحصل ده معايا خوفت بجد وبفكر فيه من دلوقت

حسن: وانتى محاميه ليها ياتقى ؟

جميله: تقى مش محاميه ياحسن ، تقى ست وحاسه بالى فيا من

غير م اتكلم

حاسه اد ايه كان نفسي احس بنص التعب عشان انت جمبي

مسكه ايدك لايدى كانت هتخفف عنى

لو قولتلى ربنا يوقف جمبك وانا هنا مستنيكى انتى وبنتك

كانت هتفرق

انا كنت هموت ياحسن ،يعنى كان احتمال ترجع وتلاقى بنتك بس

كان نفسي لو اخر لحظاتى فالدنيا

تفضل سندى زى م اتعودت ..

حسن:وعشان ليله بقيت مش سندك ياجميله، وتاعبكم ومخليكم

عايشين بنار عشان ترضونى ياضحى

ورجعت انسان سئ ووحش ومش اد كلمتى ياتقى صح!

قولتها مرة زمان ...وهقولها تانى 

الى فيكم تعبانه من وجودى فحياتها ، تقولى وانا عمرى م هفرض نفسي عليها تانى

وحقوقها هتوصلها كامله

عمرى م هقصر...واظن انتو عارفين حسن ..

اخد بعضه ومشى ع بره من تانى مش طايق حاجه قدامه

ركب عربيته ودور مش عارف رايح ع فين ..!

#نوراسماعيل

¤¤¤¤¤¤¤¤¤¤¤¤

كافيه حد من صحابه الى متعود يقعد فيه ،موقعه جميل 

لقى نفسه رايح ع هناك

يشرب اى حاجه تهديه ،، دخل وقعد ع تربيزته 

المتعود يقعد عليها

واول م شافه الويتر رحب بيه جدا ،طلب قهوة

وقعد ينتظرها

جاله فون ... المتصل چيلان..

حسن:چيلان ازيك

چيلان:ازيك ياحسن ...عامل ايه

حسن:اهو عايش ،اخبارك انتى ايه

چيلان: نشكر ربنا ، انا مكلماك عاوزة اقولك

لولا طبعا م قررت الاستاذ باسم 

عالى اخره امبارح وعرفت ان حضرتك السبب 

(بتضحك)

حسن(بعصبيه مش معهوده منه ) يووووه خلاص مجرد ليله قضيناها

هتقلبوا الدنيا بسببها

چيلان(اتاخدت واتكسفت) مش قصدى ياحسن ، انا بس كنت متصله اهزر معاك فالعادة

واقولك ان الفرح كان هيبوظ لولا انه جه فاخر لحظه وعملوا اكليل

هو وعروسته وطلعوا عالقاعه

حسن حس انه زودها مع چيلان وهى مالهاش ذنب

حسن:انا اسف بس مضغوط شويه ، معلش

چيلان:ولايهمك ...انا هقفل دلوقت

عشان بس متعبكش بزياده

حسن:خلاص بقا متزعليش متبقيش دمك تقيل

چيلان:بجد مش زعلانه ...يلا خد بالك من نفسك

باى

قفلت چيلان وجت قهوة حسن وبيشربها وهو سرحان

ومرة واحدة

ظهرت قصاده ...فتاة الاشارة !

واقفه عند تربيزته وبصاله بقرف

البنت: ع فكره انا كنت قاعده هنا ،وقومت روحت التويلت

ارجع الاقيك قاعد مكانى ده ازاى

حسن (بيشرب ع مهله وهو باصصلها بقرف وحط الفنجان واتعدل

فقاعدته) ايه المطلوب يعنى

البنت:كل خير ،اتفضل اقعد فمكان تانى

حسن(بيضحك بهيستريا)هههههههههههه انتى مدركه انتى واقفه بتطلبي ايه

ومتعصبه ومشدوده وعروق رقبتك ظهروا

ع ايه ؟

البنت:اه عشان انا مختاره التربيزه دى ، بتصور فيها احلى

والفيو من هنا اجمل 

خلاص

وبيتهيالى منتهى قله الذوق ان اجى الاقى حد قاعد مكانى

حسن:سؤال بس معلش

البنت:سؤال ايه هو احنا هنضربها صحوبيه ...اتفضل قوم

حسن:ياستى معلش استحملى ، التربيزه دى بتاخديها معاكى البيت 

او اى حته رايحاها تانى ههههههههه اكيد لا

يبقى اتفضلى انتى فاى مكان اقعدى

لان انا دماغى وجعانى ومش طالبه مناكفه مع حد

البنت:دقيقه عشان افتكرتك ،انت الى كنت فالاشاره

ياساتر عالحظ (نفخت متضايقه) مش معقول 

بجد بجد انت جايب السماجه دى منين

حسن:من عند بتاع السمج (ابتسم لها بطريقه مضحكه)

اهو انا عرفتك من الفستان ...انتى لسه لابساه من ساعتها

ولا ده واحد غيره وهما الاتنين نفس الشكل

البنت:مش معقول كميه السخافه دى(بصوت عالى) فين مدير الكافيه ده

عاوزة اكلم حد هنا

حسن(بمنتهى اللامبالاه) ايه هتجيبلى ولى امرى ولا ايه

جه صاحب الكافيه عالصوت ،اتفاجئ بحسن سلم عليه ورحب بيه اوى

المدير:خير يافندم فيه ايه

البنت:الافندى الى انت مرحب بيه السئيل ده،انا كنت قاعده هنا

قومت روحت التويلت لاقيته 

قاعد مكانى ومبسوط ومروق وبيشرب قهوة 

المدير:كان فيه حاجه من متعلقاتك ع التربيزه؟

البنت:لاطبعا خدت شنطتى معايا

المدير:طيب هو اكيد ملاقاش حاجه فقعد،دكتور حسن صاحب مكان

ومتعود دايما يقعد عالتربيزة دى 

البنت(بتريقه)دكتور ..ده دكتور!

حسن:ايه ده دكتور شيفانى بعين واحده قصادك !

البنت:ماليش دعوة عاوزة رد اعتبار للى حصل ده والا مش هاجى الكافيه ده تانى

وهقول لكل اصحابي ان المعاملة عندكم وحشه جدا وقليله الذوق..

المدير:واحنا ميرضيناش زعلك يافندم ..احنا..

حسن(قطع كلامه) وع ايه خليها تقعد وانا قايم خالص 

المدير: رايح فين يا دكتور

حسن:ياسيدى خليها تقعد وتنبسط يمكن تعمل فرحها عالتربيزه دى

ناس غريبه

(بيبص لها وبيقولها بتريقه) عاوزك بقا تقعدى وتنبسطى وتتصورى

سيلفى وبوز البطه وعين الوزه 

عيشى 

سابهم ومشى بعد م دفع الشيك ...وهى بصاله اوى بغيظ

المدير::اتفضلى يافندم وانا هخليهم يبعتوا لمون بالنعناع يهدى اعصابك

ع حساب الكافيه رد اعتبار للى حصل ده

البنت مش سامعه اصلا الى بيتقال ومركزه مع حسن ، مين الكائن

الى مش بيهمه اى حاجه ده

وشافها وموقعش فغرام جمالها من اول نظره زى ماهى متعوده من اى راجل

يشوفها !

#نوراسماعيل

¤¤¤¤¤¤¤¤¤¤¤¤

بعد م راح العياده ، وكمل يومه عادى بحالاته 

وكشوفاته 

خلص وطلع ع محل عصاير معروف وقف بالعربيه

وهو بيشرب كوكتيل الفواكه 

فعربيته وبيدندن كعادته بصوته الجميل ..

حسن:خدنى حبيبي معاك بعيد...فحياه وجديد

انت الى عيشت الاقيه ومنايا ارضيه وهفضل انا بهواه مشغول

(بيشرب الكوكتيل) حبيبي من زمان انا قلبي اتمنى زيك

والى زيك مالوش وجود

سكت شويه سمع زى صوت كده ، حد بيحاول يصرخ

بس مكتوم الصوت

ركز شويه والصوت اختفى ، هيدور العربيه

جت بنت كده فعمر ال 17

بتجررى عليه

البنت:لو سمحت ...

لو سمحت متطلعش

حسن انتبه

حسن:فيه ايه ! انتى مين

البنت:تعالى دقيقه ننقذ بنت هناك واقعه نوديها اى مستشفى

لو سمحت

ده عمل خير لربنا 

حسن :طيب انا جاى معاكى 

نزل حسن وقفل عربيته ، وجه معاها البنت كانت ماشيه

وهو حمبها 

وقفت عند مدخل عماره

حسن:هى فين ؟

مكملش سؤاله ،اتضرب ع دماغه بحاجه قويه من ورا وهو مش واخد باله

فوقتها وقع فاقد وعيه !

¤¤¤¤¤¤¤¤¤¤¤¤

استنوا الفصل التالي

نوفيلا

❣السلطان وحريمه ❣

(تابعه لرواية شيزوفرينيا باحداثها وابطالها)

❣❣❣❣❣❣❣❣❣❣❣❣❣❣

فصل (4

اصوات متداخله ...مش واضح منهم حاجه

بيبتدى حسن يستوعب ...يفوق

عيونه بتفتح

هو فين ؟

عيونه بتدور فالمكان ، بيشوف نفسه عادى

ومش متكتف ولاجو الافلام ده

والاغرب 

فمكان شيك وراقِ ...

حسن: ايه ده ! ايه المكان ده ؟

ولا انا بحلم ولا ايه حكايتى

سمع صوت جاى عليه من بعيد ودخل المكان الى هو فيه

الظهور لاول وهله يخض !

شاب عضلاته مفتوله ، صوته جهور

عنده ثقه بنفسه عاليه باينه فنظره عيونه 

الشاب: فوقت يا دكتور ...اهلا وسهلا بيك

حسن: انت مين 

الشاب: مهم عندك انا مين ،ولا الاهم بتعمل هنا ايه

حسن: فعلا ! بعمل ايه هنا وليه 

وايه الطريقه الرخيصه دى ، جو عصابات محمود المليجى 

وتخبطونى وافقد الوعى

وتيجى بنت تقولى ممكن مساعده 

انتو مين وعاوزين ايه

الشاب:اكيد واضح ان مش غرضى السرقه ،لانك لو تممت ع حاجتك الخاصه

هتلاقيها زى ماهى

ولا قصدى اعمل فيلم عليك والسلام

حسن: اخلص ! ايه كميه الهرى دى 

مين انت وعاوز ايه 

الشاب: (بيضحك وقعد) دماغك متكلفه لدرجه انك مبتحبش

ترهق نفسك فتفكير ولو ب سنتى واحد

انا مين ...مش مهم

عاوز ايه

عاوز حضرتك يا دكتور حسن 

حسن ضيق عيونه وبصله باستغراب، مش فاهم حاجه

#نوراسماعيل

¤¤¤¤¤¤¤¤¤¤¤¤

" مش المفروض نتطمن ع حسن ؟!"

ضحى :حسن مين الى نتطمن عليه ياجميله ! حسن

الى مبصش فوشك ولا فوش بنته ربع ساعه

مشى وسابنا نهرى مع نفسنا

جميله:بلاش لحظات الشيطان دى تهد البيت ، انا قصدى خلاص بقا

هو قال انه كان غلطان 

سلمى :بصراحه معرفش كميه البرود الى ف حسن اخويا دى

دماغه ساقعه سقوعيه

دى مهويه

تقى: انا كمان شايفه اننا نكلمه ييجى ،بلاش يتعود ع بيات بره البيت

ضحى:حتى انتى !

عنان(شايله بنت حسن وبتضحك ع ضحى) الى يسمعك ياضحى ميعرفش

انك اكتر واحده دايبه فيه وبتموتى ع حسن

ضحى:ماهو الوجع ع اد المحبه ياعنان ، موجوعين كلنا منه

وهو ولا ع باله ويانقبل يا نتقلب فاى داهيه

سلمى: بصوا ،،،انا متاكده انه بيموت فكل واحده منكم بشكل يخصها

وانها حاجه كبيره عنده

اسالونى انا ، حسن اخويا اتخلى عن حياه السنكحه

والاستهتار

والطناش وضرب الكون بطبنجه

واتجوز واستقر وعمل بيت واسره كبيره

الى يرغم حسن عالخطوة الصعبه دى وهو الى كان ماجل حوار الجواز ده 

يبقى بيعشقكم  

جميله ابتسمت وهى بتسمع كلام سلمى ،وافتكرت كل اللحظات الحلوة الى بينهم

واجمل حياه قدمها ليها حسن

بعد وجودها هى واخواتها فالشارع للاهانات والذل ومدة الايد

بقت ست وليها بيت وعيله وطفله من لحمها ودمها

مقفول عليها باب وحاسه بامان راجل بتتسند ع ضهره ..

راجل فكل لحظة بتكون وياه لوحدهم ،بتحس انها هى وبس مالكه قلبه

وكيانه

هى وبس ..!

#نوراسماعيل

¤¤¤¤¤¤¤¤¤¤¤¤

حسن: ايه ام الكلمه دى ،ايه عاوزك دى

الشاب(بيضحك جامد ) انت فهمت ايه ، طيب بص

عشان نوفر عليا وعليك الوقت 

انا جبتك هنا

بسبب خطيبتى 

حسن:مالها

الشاب: (بغيره) خطيبتى ، مهما عملت عشانها 

مهما حاولت 

تقولى شوف صفحه دكتور حسن اقرا كلامه عن البنات ومعاملتهم

روح اتعالج عنده

روح شوفه بيتعامل ازاى راجل عنده ذوق وانت مفيش

فقررت بقا يا دكتور انى مبروحش لحد ، وانك انت الى تيجى وتفهمنى

سيادتك فيك ايه زياده عنى عشان تهبل مخ الهانم الى بحبها

كده

يمكن نتعلم ؟

حسن باصصله بسخريه

حسن: بقا انت جايبنى وجبت واحده تطلعنى من عربيتى

وقاطرنى من العياده

وشغل سيما

عشان تعرف خطيبتك بتغيظك بيا ليه ؟

الشاب باصصله وساكت بس بصه كبرباء

حسن:ياشيخ ملعون اهاليكم انتو هتخنقونى ليه

الشاب:متغلطش انت عندى ووممكن اخليك هنا كام سنه

ولاحد يسمع بيك

حسن:يعنى زمان واحد يبعتلى واحد يضربنى بمطوه وبعدها

ييجى يهددنى بالقتل فالعياده

عشان مراته خلعته بسببي

وواحد يخطفنى ويجيبنى فمكان معرفوش عشان خطيبته بتغيظه بيا

بقولكم ايه 

انا جبت اخرى ، انا قررت انى اقفل العياده

واقفل الصفحه ...وافتح مطعم كشرى 

اه والله كشرى 

ولو جت صنف حرمه من عالباب هاخدها بالقفا واقولها ممنوع 

الشاب بيضحك ع كلامه

حسن: شوف معنديش حاجه للعرض ع سيادتك ، عاوز تسيبنى هنا

سيبنى لحد م اخلل مش هقولك بتعمل ايه

عاوزنى امشى يبقى ياسلام ياكرم اخلاقك

الشاب: لا طبعا،لو سيبتك اومشيتك انا كده هكون استفدت 

ايه

انا فعلا عاوز اعرف فيا ايه غلط عشان خطيبتى تكون عاوزة ننفصل

وانا جوايا حب ليها بجد واحنا الاتنين كنا بنحب بعض جدا

فين غلط الموضوع يخلي ف فتور فعلاقتنا كده

انا ....(بيتنحنح تقيله ع كبريائه الجمله) انا عاوز اعرف فيه ايه

منك لان واضح انك بتفهم وبتعرف 

وانا مكنتش هجيلك العياده 

حسن(عاوج شفايفه)فتجيبنى مخطوف

الشاب:يعنى انا واخدك اسير ، كده انت وقتك ملكى حفهم كل حاجه

وبرواق ...قولت ايه ؟

حسن : وانا مالى بكل ده

الشاب:مانا هسيبك تمشى

حسن: ياعم مش عاوز امشى ،انا ياسيدى خدت عالمكان هنا(بسخريه)

الشاب:خلاص ...انا متاسف للطريقه الى جبتك بيها

وومستعد للترضيه بالى تقول عليه

بس لازم بجد تنتشل العلاقه دى وتقولى فيه ايه فجنابك مش فيا

حسن ضحك ع ان من الخمس دقايق دول فهم ان قدامه طقل بجسم

وحش

وعرف يكسب جولته الاولى قصاده...ولسه.

#نوراسماعيل

¤¤¤¤¤¤¤¤¤¤¤¤

"بحبك ياحسن "

"قوليها تانى "

"بحبك ياحسن"

"اجمل بحبك ياحسن بسمعها فحياتى منك

ياتكتك"

"تانى تكتك يارخم"

"مانا بحب غلاستى عليكى ورخامتى يا توت،وبحب كل حاجه فيكى كمان

بقا البنوته الصغننه الى كانت تقولى هات غزل نبات ياحثن

كبرت وبقت قمر وفلحظه ملكتنى بقت حبيبتى وروحى وعيونى

مبقتش شايف غيرها وتعبان من غيرها 

بقت مراتى خلاص وجزء منى"

" انت المجنون الى علقنى بحبه ،وانت العاقل الى جننى بقربه"

"هههههه بقينا نقول شعر"

"بقينا نقول حب ياحسن .."

"بحبك يا تك..روحى مطلعتش الا عليكى"

سلمى:احم احم ...نحن هنا ،القهوة فارت يابنتى

تقى:معلش كنت سرحانه،هعمل غيرها

سلمى:لا ولاتعملى غيرها ولاحاجه ...قوليلى كنتى سرحانه ف ايه

تقى(بابتسامه) يعنى هيكون ف ايه ولا فمين

سلمى: متقوليش (بصت لها فعيونها) فحسن 

تقى:هو انا ليا غيره ياسلمى

سلمى:انا عارفه انه زعلكم اوى،بس حسن قلبه ابيض

وهييجى يراضيكم وو

تقى:انا مش زعلانه منه يا سلمى ،انا بس عاوزة حسن بتاعى

بتاعى لوحدى

فحضنى وبس

وبيتنا وخلاص

مش انانيه منى بس الوضع بقا تاعبنى كل يوم عن يوم

انا متاكده انه محبش منهم غيرى

ومتاكده ان قلبه معايا

بس...

سلمى:بس ايه ...قولى ياتقى

تقى:حسن مبقاش زى الاول ،زى م كنت وياه وبس

برجع بالزمن وبتمنى لو فضل متجوز كل واحده فينا 

فالسر والتانيه متعرفش

كنت مبسوطه وانا حاسه ان انا وبس بتاعت حسن

وان اى وقت بيغيب عنى فيه بقول فشغل او اى شئ

وميجيش فبالى ضره!

سلمى حضنتها وتفهمت موقفها وصعبت عليها 

تقى(بتعيط) وحشنى حضنه بتاع تقى وبس

اوى..

#لنوراسماعيل

¤¤¤¤¤¤¤¤¤¤¤¤

حسن :لو كل واحد ارتبط بواحده وطول باله عليها شوية فى بداية علاقته بيها، وخصص لها جزء من وقته، حاجه كده زى ميعاد الدواء او ميعاد امتحان او زى شغل مع الفارق فى التشبيه طبعا، ان دى انسانه بس القصد انه يكون جزء مقدس حاجه كده لو معملهاش يحس ان فى حاجه غلط فى اليوم ولو كررها يدي نفسه لفت نظر وشعور يتولد جواه انه ارتكب كارثه.

الشاب:هيحصل ايه بعد ما يعمل كده؟؟

حسن:بص ...انت لما بتشترى اى حاجه جديده

ولنفترض

موبايل،،

سريع فى النت؟ المساحة قد ايه يسطى؟ انا عايز مساحة كبيرة،بيروح يسال فكل تفاصيله..

صوته عالى؟ كاميرا الامامية كام ميجا؟ تصويرها حلو باليل؟ طب سعره كام؟ واول ما تشتريه لازم تتعلم تعرف يتعامل معاه؟ هاااا تتعلم تعرف تتعامل معاه؟ يعني تفهم خباياه

وتحافظ عليها تقوم تشترى كفر واسكرين لشاشة، لو في حاجه بتحصل منه انت مش فاهمها بتروح يسأل متخصص او بيرجع للوكيل وخلي بالك ان الضمان عمره ما كان على سوء الاستخدام ابدااا؟ 

الشاب: غصب عنى مبهتمش ، انا بحبها وفبالى طول الوقت حتى لو متكلمناش

او متقابلناش

بس كلامها تافه ومفيش جديد

موقفش شغلى وحياتى عشان اقعد اسمع منها حكاوى تافهه

واعبرلها خمسين مرة انى بحبها وبعشقها وهى عارفه

هو تكرار كلام وخلاص

حسن: يابنى افهم ،انا ليه ضربت مثال بالفون

في الاخر انت  عندك قناعه تامه انه طول ما انت بتتعامل مع التليفون بشكل محترم ادائه معاك هيكون محترم وعمره ما هيقل معاك ده بنسبه لتليفون لكن لما نيجي بقى لشريكة الحياة 

الشاب باصصله مستنى يتابع كلامه 

حسن:الموضوع مختلف يابنى عشان دى انسانه لحم ودم قلب ومشاعر احاسيس وعواطف كائن الشكولاته والسنيبون و الورد ابو ريحه حلوه و ورق رقيق وناعم، والروايات الرومانسيه والافلام والمسلسلات والاغنية ال بتلمس المشاعر دى، الكائن ال كلمة بطلعه السما وكلمة تانية تخسف بنفسيته الارض، بتاع لغة العيون والحاسة السادسة، وشرح المعنى بالمعنى وان الدفا عنده ملهوش اى علاقة بالغطاء لحاف بقى ولا بطانية، الدفا عنده له معنى تاني خالص، يفرح بوردة و وخدوده تنور بجملة غزل، وعينه تلمع بكلمة تشجيع، وعايز يتحضن 24 ساعة بس كبريائه يمنعه انه يقول كده.

فاهمنى ولا باصصلى ومتنح زى السمكه الميته!

الشاب: انا عارف والله ...عارف انها رقيقه وجميله وكيوت وكل الحجات دى

وانى لازم اهتم عشان تفضل العلاقه كويسه مش مجرد بدايات

حسن: اومال انا ضربت مثلا بالحاجه الى بنشتريها وبنخاف عليها

وبنعرف خباياها عشان ميحصلش ليها شئ يعطلها ونفقدها بسبب سوء استخدامنا له

الشاب قاعد باصصله من غير ولا كلمه

حسن:كائن بالموصفات دى ال لسه ناقص كتير مقولتش، ينفع يتلقب كده؟ ما يخدش اهتمامه؟ ده هيكمل معاك حياتك وهيكون ملكة البيت واميرة قلبك، واجمل حاجه بتشوفها اول ما تقوم من النوم واخر حاجه حلوه بتغمض عينك عليها قبل ما تنام عشان تنسى القرف بتاع اليوم كله.

ينفع ما دلعوش ما احضنوش ما ابوسوش عمال على بطال، والله هي مش هتقول لا، بتقدر ده جدا وبتضغر جدا وبتحلو جدا جدا جدا.

ازاى ما اصبرش عليها واديها من وقتي لحد ما كل الشخصيات الشريرة اللى جواها اللي اتزرعت بفعل مجتمع متخلف ما تطلع براها وتبقى مرتاحه ومطمنه ومش خايفه تكلم ولا تعبر عن رايها او مشاعرها بالشكل اللى بتحلم بيه؟

انا لو عايزها تكون كل لحظة ست مختلفه؟

اصبر عليها فى اقبلها زى ما هيه، اقبلها وانت عارف انها محتاج صبر مش فضل انما حق، الست انعكاس لرد فعلك، لذلك شوف انت بتقدم قدملها ايه الاول قبل كل مره بتقرر انك تحاسبها وتتهمها باى اتهام.

الشاب: انا مش بتهمها ، هى بس مبقتش معايا زى م حبتنى

وطول الوقت دكتور حسن دكتور حسن 

طب فيك ايه زياده 

حسن:فكك منى انا شخص زباله ياسيدى، المهم انت تفهم الى كنت عاوز اوصله ليك

تفهم كينونه الشخص الى ادالك كل حاجه ده وقالك حافظ عليهم 

الشاب:طب وهو انت بتعمل كده مع مراتك؟

حسن سكت وافتكرهم وافتكر الى بينهم من اخر مرة ، ومردش ..

#نور اسماعيل

¤¤¤¤¤¤¤¤¤¤¤¤

ضحى فاتحه فونها ،،ع صورة لحسن وياها

وبتكلمه بعنيها وهى باصه بعتاب

ضحى: فاكر ياحسن ...فاكر اما اكتشفت انى عايشه

وقررت انك تكمل الى جاى من عمرك معايا

فاكر 

فرحتك بوجودى تانى فحياتك ،حسن انت حبتنى بجد زى م قالت اختك

عشان كده عرضت عليا الجواز

محطتش فدماغك عاهتى الى بدات اتاقلم عليها

ولا كلام الناس

طيب ليه بتعمل كده ...اه لو تعرف بحبك ازاى

مكنتش تعمل كده ، اتحملت وجع حد يشاركنى  من حبي فيك

وربنا العالم

اتحملت نكون فنفس المكان كلنا عشانك

وانا الى كان اكرملى افضل متابعاك من بعيد لبعيد طول عمرى

ولا اتحمل نار قربك بالشكل ده ...

وهى بتكلمه بعيونها فالصوره ، سمعت صوت عربيته بره

قلبها دق وفرح

وبعدين رجعت عملت نفسها زعلانه منه من تانى ،،خرجت من اوضتها تبص عليه

لاقيته جايب حجات كتييير اوى ،شنط كتير

غزل بنات 

وبلالين

ايه ده !

تقى (خارجه من اوضتها )هو حسن جه ولا ايه

جميله فاوضتها بترضع بنتها ، وسمعت كركبه بره

قلبها استشعر انه حسن

فرحت وابتدت تترسم الابتسامه ع وشها 

دخلت ضحى ليها بسرعه هى وتقى 

تقى:شكله جاى يصالحنا

ضحى:طب بسرعه قبل م يطلع،محدش فينا يغير معاملته معاه

خليه يتغير ويعرف حقوقنا عليه

جميله:خلاص لو جاى فصلح ، بلاش المشاكل بالله عليكم

ضحى:ع فكره انا محروقه عشانك ،هو سابنى انا فعز محنتى 

ولا انتى

انا بعمل ده عشاننا 

لازم يحس بينا

مش يعمل مهما يعمل واحنا نرجع زى الفل معاه كان محصلش حاجه

(بصت لتقى) بتفكرى ف ايه يا تقى؟

قطع كلامها دخول حسن مبتسم ، وماسك الحجات دى 

حسن:ازيكم يا جميلاتى التلاته (عدى وباس تقى فخدها مرورا ببوسه ع شعرها ضحى

وقعد جمب جميله باسها فدماغها وخدها )

انا جبت حجات كتير للبنوته الغاليه بنت الغاليه بتاعتى (مسك كف جميله وجميله حست برعشه

حبه مش عارفه تكون صامده للاخر قصاده

بتحبه!)

المسيهم وقولى رايك يا جميله

وجميله بتحسس عالهدوم ،حسن اخد البنوتة فحضنه وكان بيبوسها بالراحه

وبيحضن فيها اوى لدرجه انها اختفت جوه حضنه

جميله:تعيش وتجيبلها وتتربي فعزك

حسن(بيبص لهم وبيبص لها) جبت غزل بنات للتكتك وايمان اختك

بيحبوه

والورد ده عشان فنانتى حبيبتى (غمز لضحى وهما لسه وافقين وساكتين ع حالهم)

ايه ف ايه ؟

ايمان اخت جميله جت جرى من اوضتها وسلمت عليه

ايمان:انت لسه مسمتش النونو ياعمو 

ضحى:هو كان فاضى!

حسن بص لضحى وكتم جواه، اما تقى قعدت ع كرسي جمب سرير جميله

تبص عليه وع ردود افعاله وساكته

حسن : انا مركزتش ياايمان والله، بس هختارلها اسم حلو

مع مامتها ونسميه

ايه رائيك يا جميله

جميله: ماشى الى انت عاوزه

تقى:بس علشان تتكتب ويطلع لها شهاده ميلاد وكده

حسن: ومالك مكشره ليه ياتكتك ؟

تقى معرفتش ترد وبصت للارض،حسن حس بفتور مقابلتهم

مع انه اتاخر فرجوعه غصب عنه المرة دى

بعد م عمل الى عليه فالنصيحه وسابه ضخم الجثه ده يروح .

حسن محطش المقابله دى فدماغه ، دخل اخد دش

كان كل واحده راحت اوضتها 

ورجع مقرر هينام فاحضانه الليله جميله ، جه واخد راسها ع صدره

وراحو فنوم عميييق ع صوت انفاس بنتهم

فالسرير الى جمبهم وبدايه خيوط نور الفجر طالعه فالسما ..

#نوراسماعيل

¤¤¤¤¤¤¤¤¤¤¤¤

وفعيادته...

زى كل يوم ،مع حالاته 

من حاله لحاله ،ومن  حكايه لحكايه

ناس جديده اول مره تيجى ..

وناس عنده من كام شهر،وناس داخله ع سنين

ودول الى تعبهم معدى حدوده ووصل اقصى مراحله

وبيحاول حسن بكل جهده يطلعهم من الى هما فيه ..

اليوم كان مرهق، حسن ابتدا يفصل 

عرف من سمر ان مفاضلش الا حاله 

فقرر ياخد ريست خمس دقايق يسترخى وبعدين تدخل

عدى وقت الاسترخاء..ورن الجرس ل سمر بدخول الحاله

طق..طق..طق

طقطقه شوز بكعب ، كان حسن مسترخى بضهره ع كرسيه ومدى

قفاه للى داخل،واذ ياتيه صوت انثوى باين عليه الدلع

"هو انت متعود تدى ضهرك لمرضاك كده..كده بتستقبلهم يعنى؟»

بيلف حسن لاقاها...فتاة الاشاره!

حسن:انتى!

البنت:اقعد هنا ولا اروح عالشيزلونج ده 

حسن:ده بجد بقا

البنت:اومال قطعت كشف ليه ؟اهزر مثلا

بس عندى تعقيب صغير

حسن(حط ايده ع خده) اتفضلى

البنت:سعر الكشف عالى اوى، يعنى الناس المتدمرين نفسيا

وغلابه ميجوش يكشفوا ي دكتور!

حسن:لامانا هبقى افرش فسوق الجمعه للغلابه،متقلقيش

مش ناسيهم

وعليت منها ضحكه مرة واحده، خلت حسن باصص عليها بصمت

لحد م خلصت ضحكتها وبصتله

حسن:اتفضلى قوليلى مشكلتك ايه

البنت:انا معنديش الا مشكله واحده.

حسن :ايه هى 

البنت: انى كدابه

حسن:ازاى

البنت:يعنى انا مش جايه اكشف ولا حاجه 

حسن:اومال خير

البنت قامت من عالكرسي،ولفت لمكتب حسن

ومسكت ايديه وقومته من مكانه

وبقت تتكلم وهى بترجع بضهرها لورا ووبتمشيه ناحيتها

البنت: (بصوت واطى ودلع)انا جيت انهارده بعد م سالت عنك

وعرفتك كويس

عشان اخد علاج غير خالص الى بتكتبه لكل الناس دى

حسن (فك ايده من ايديها) الى هو ايه

البنت(بتتكلم بجنان مثير) ان تخبط ضهرى كده لاقرب حيط(خبط نفسها ورجعت مسكت ايده وقربته عليه)

وتمسكنى من شعرى بقوة كانك هتفتفته

وتقرب منى نفسك يحس بيه جلدى ...(قربت وشه عليها اووى)

وايدك التانيه ع وسطى كانك بتثبتنى مكانى لا اطير

وباصص لعيوونى اوى للدرجه الى تدوب فسوادها ،وادوب انا من قرب انفاسك عليا

وتصرف علاجك ع شفايفى (بتقرب من شفايفه خلاص وهى لافه ايدها ع رقبته

ولازقاه فيها)

حسن(بمنتهى الثقه وزى ماهو وباصص لها ) اتفضلى..اطلعى ..بره !

وكان الطير ع راسها،،برئت محطتش منطق،،!

¤¤¤¤¤¤¤¤¤¤¤¤

استنوا الفصل الجاى

نوفيلا

#السلطان_وحريمه 2018

(تابعه لروايه شيزوفرينيا)

#نور_إسماعيل