السلطان و حريمه - الجزء الثاني

نوفيلا

❣السلطان وحريمه ❣

(تابعه لرواية شيزوفرينيا باحداثها وابطالها)

❣❣❣❣❣❣❣❣❣❣❣❣❣❣

فصل (6

"انتى بتعملى ده معايا عشان عارفه ان روحى فيكى ياتقى ؟!"

تقى قامت من مكانها ولفت وادتله ضهرها بحركتها البطيئه بسبب الحمل، مش عاوزة

عيونها تيجى فعنيه

بتبعد مسافات تبين حبها ليه من عنيها ع اد م تقدر ..

تقى:انا بعمل كده عشان انا الى روحى فيك ياحسن مش انت

حسن:ياتقى ده عقاب انا مستحملوش وع شئ مش جديد عليكى

ليه دلوقت نهد كل حاجه

تقى(حابسه دموعها) عشان من الاول كنت غلط لما وافقت ان حد يشاركنى فيك

واسكت وافضل طول المده دى جايه ع روحى

وانت فاكر انى كويسه

لا انا مش كويسه ولا زفت

حسن:اول مرة احس انك انانيه !

تقى:لو بتتهمنى بالانانيه فيك فانا اعترف بالانانيه اه

انا اكتر انانيه خلقها ربنا

ومش مثاليه ياحسن

مش عاوزة حميله ولاضحى

انا حياتى انا وانت باظت ،،مبقيناش احنا

لو وجودك معاهم شفقه واحسان ،،ممكن تفضل وياهم عشان بنتك

من جميله لسه ع تواصل وتتكفل بمصاريفهم ع راسي

وضحى كمان

لكن مش زوجاتك معايا

ميشاركونيش حضنك

ميبقوش ملاذك فوقت ضعفك ،،،ياتكون كلك ع بعضك ليا

حسن وتقى وبس

يامفيش حاجه خالص

معنديش وسط ياحسن (بصت بعيد لان دموعها نزلت )

حسن:يعنى مش هترجعى معايا ،وكمان عاوزة الطلاق !

تقى(بتمسح دموعها بكبرياء) القرار فايدك

وع فكره

بقبل بمجانينك وعيانيك وحالاتك ...طول ماهما مجرد عيانين للدكتور حسن

لكن غير كده مبقلبش

ولو ابنى الى جاى منك ده هياخدك من حضنى...فمش عاوزاه !

حسن ساكت وبص للارض وبعدين قام وحضنها اوى ،، يمكن تقى كانت مستنيه الحضن ده

وبان فرد فعلها لما تبتت بصوابعها فهدومه 

كانه كان واحشها من سنين ...

وسابها من حضنه ،ونزل من شقتها جرى حتى محطش عيونها فعينه

واتقفل الباب وراه ..

#لنوراسماعيل

¤¤¤¤¤¤¤¤¤¤¤¤

»

وسلاماً على من رأوا جُرحاً فى روحك

راحوآ ضاربين شنيور فيه ،، فلقوآ روحك نصين بسم الله ماشاء الله يعنى  «

كان بيغير الاستيت عالواتس حسن وهو فالمستشفى ،وبعدين ندهوه

للحاله بتاعته

ممرضه:دكتور حسن ...

حسن:ايوة جاى وراكى 

قام حسن وفتح الباب ع الحاله بتاعته بعد م رسم ابتسامه ع وشه

كان مفيش حاجه خالص

حسن:مساء الفل

الشاب(حاله عنده) مساء الجمال

حسن:ايه الاخبار

الشاب:اخبار ايه

حسن:اخبارك انت 

الشاب:انت بتسال عنى ولاعنه

حسن:عن مين ؟

الشاب:متكدبش ...هو قالى انك جاى وهتحاول تسالنى عنه

حسن: وهوقعك طيب فالاسئله عنه ولا هتفضل صامد؟!

الشاب: لما تسالنى عن مين

حسن:هو انا عارف ...انت الى عارف 

المهم بقا

هتحكيلى ولالا

الشاب:هحكى اقول ايه ...ماهو حكى كل حاجه 

حسن:مانا مكنتش قاعد ساعتها

الشاب:امتى

حسن:لما هو جه

الشاب:مين ده

حسن:انت الى عارف مش انا 

الشاب: انا معرفش بتتكلم عن ايه

حسن قام وقف وبص للجنينه بتاعت المستشفى وهو بيكلم الحاله

بتاعته

حسن:عارف انك ذكى بجد

الشاب:مين انا

حسن:لا انا بكلمه هو 

الشاب:هو مين ،مفيش غيرنا

حسن:بجد!! (جه قعد وبص لعيون الحاله بتركيز! )اومال بترسم ليه بقا

الشاب:ارسم !انا مبعرفش ارسم

ممكن تجيب لوحه والوان وارسم

حسن بيضحك اوى بسخريه والحاله باصص له بارتباك

حسن: عارف ايه دول (فايده حبتين برشام)

الحاله:دول...

حسن:اوعا تقولى دول ملبس ،مترسمش العبط للاخر الله يسترك

ده برشام...اشطا!

الشاب هز دماغه

حسن:انا قولت للممرضات يطحنوهم ويحطوهم فالعصير ففطارك

طبعا بتسال ليه

هقولك ليه

عشان دول فثوانى هيخلوك راجل طبيعى ،،وبتخر كده الحقيقه لوحدك

وجو هبل الجبل ده ينتهى (غمزله) شوفت بقا!

الشاب ارتبك:مش فاهمك بتتكلم عن ايه

حسن:ممم ،طيب هكلمك بلهجه يمكن مش اى حد بيسمعها منى

بص يا حلو 

انت لامريض ولابطيخ

انت اصح منى ومن اى حد فالمستشفى

قتلت ابوك وجابوك تعانى من حاجه فعقلك ...انا عندى اثبات انك زى الفل

وتتشحن ع سجن طره وش

فنخلص وننجز لان خلقى ضيق

والايام حاطه عليا حطه سوده ، ومش ناقصك

قول قتلت ابوك ليه وانا هحاول اكتب اى حاجه فالتقرير الى مستنياه الشرطه

تخفف عنك

هاه !

ايه رائيك فالصيغه دى ؟

الشاب شكله استسلم من نبره تهديد حسن ، وتقريبا كده

هيعترف بانه مش مريض ولابيعانى من شئ نفسي

يمكن الحقيقه تخفف عقابه

هو ليه قتل باباه وبعدها عمل نفسه مجنون!

#لنوراسماعيل

¤¤¤¤¤¤¤¤¤¤¤

ضحى ...

قاعده عالنت لو مكانتش نايمه او بترسم ..

وهى بتقلب يوتيوب ،مابين فيديو لمسلسل لفيلم

شافت فيديو فيه وش زى م يكون وش حسن 

جابته وفتحته ،لاقت واحده متعلقه بين السما والارض ،اتخضت

اول م شافت المنظر

وشهقت ..

ركزت تشوف شايفه زى م يكون فيه حد بيكلمها من المرجيحه

فلعبه الساقيه بالملاهى

بس الصوت مش واضح،لكن عنوان الفيديو فتاه تنوى الانتحار

اذا م اعترف عشيقها طبيبها النفسي المعالج بحبها،!

وبتركز فالصوت وفالصورة الى صاحب الكاميرا بيحاول يجيبها ...

تقريبا حسن جوزها

اتاكدت لما صوته على فاخر الفيديو وقال هكلمك دى الكلمه الى فسرتها

ودى نبره صوت حسن!

قامت مخضوضه ودخلت زى جمر النار ع اوضه جميله ،،

ضحى:جميله ...قومى اصحى

قومى شوفى

جميله:فيه ايه(مخضوضه)

ضحى:قومى اعرفى فيه ايه بدل نومنا فالعسل ده كله

جميله:وطى صوتك طيب انا لسه منيمه البنت

ضحى:اوطى صوتى!ده هصوت بالصوت الحيانى دلوقت

عرفتى الدكتور حسن الباشا البيه مقلوب ليه علينا ورجع يبات بره

جميله انتبهت بان ع تعبير وشها رغم عيونها المتحجره

ضحى: الاستاذ رجع للعط ، ومتصور فيديو سبحان الله عشان 

يتفضح قصادنا واحنا قاعدين هنا مش داريانين

جميله:فيه ايه الفيديو ده

ضحى: واحده هتموت نفسها عشانه ومكتوب عشيقها ومش عشيقها

وبيقولها هكلمك وبينقذها قال

جميله:بجد ده!

ضحى:اومال بكذب عليكى مثلا،لولا انك مش هتقدرى تشوفى كنت ورتهولك عشان تصدقى

جميله سكتت بحزن

ضحى:اتاريه منفضنا من حساباته خالص، والست تقى طفشت مره واحده

تلاقيها عرفت هى كمان 

جميله:(بانكسار) يعنى احنا هنعلق له المشنقه!

ضحى:بقولك ايه مبحبش خضوعك ده ، احنا لازم لنا واقفه وياه

حسن بقا يستهبل وزودها عالاخر

جميله:وهو انتى لما اتجوزتيه ...ولا كمان لما حبتيه ياضحى

مكنتيش عارفه عنه كل ده ومع كل ده وافقتى

ضحى ارتبكت ومركزه فوش جميله الى اصلا مش شايفاها، مستغربه

كلام جميله

جميله:سكتتى ليه ؟ مش دى الحقيقه

مش ياما بعدك عنه ويقولك حقيقته وانتى قولتيله موافقه وعاوزاك

وموافقه عليك 

حصل ولا محصلش

ضحى(مضيقه عيونها) هو الى قالك؟

جميله:اوعى تفتكرى ان هو قالى ده بعد جوازه منك او من تقى

قالى ده من زمااان

من ساعة ظهورك فحياته

كان خايف عليكى منه ، كان بيقعد جمبي مكان م كنت بشحت وامد ايدى

عشان اغيش

كان بيقعد ببدلته الى اكيد غاليه وريحته الى بتملى المكان اول م يطل

يحكيلى كل الى تاعبه

ضحى:قصدك انه محبنيش وانى بصعب عليه ؟!

جميله:ربنا عالم انا بقصد ايه ...انا عاوزاكى تفوقى ياضحى

انتى اه ضرتى

لكن مبتمناش ليكى او لتقى الشر

خايفه تخسرى حسن

حسن هيفضل كده ومش هيتغير،ارضى بالى انقسملك واخترتيه

من البدايه وانتى عارفه

هو مضحكش ع ولا واحده فينا

مظهرش فتوب ملاك وهو شيطان

حسن هو حسن 

المشكله فينا مش فيه

ضحى:واحنا ليه نقبل كل الضغط ده،انا ليه اشوف جوزى

بيخوننى

واسكت

ايه الى يخلينى اتحمل

جميله:الى انتى بتحكيه مش خيانه ،شكلها واحده من مرضاه 

زى الواد الى كان هيرمى روحه ده 

وهو انقذه وساعتها التليفزيون صوره

ضحى :لاياجميله ،قلبي بيقولى غير كده

جميله:ياضحى متتعبيش روحك عالفاضى ،،حسن هيزهق

ويتعب 

وممكن ...

ضحى:يطلقنى يعنى! وتفضلى انتى ياجميله 

عشان خلفتى له يعنى؟

جميله: ماهى تقى هتخلف له، لكن بالرغم من انك انتى وتقى

شوفتوه وعرفتوه وحبيتوه من قبلى

وعيشتو معاه لحظات انا معيشتهاش

يعنى دخلتوا جوه منه اكتر منى

بس والله حسن محدش يعرفه قدى

ضحى:اشبعى بيه يا جميله ،لما ييجى ليا حساب وياه

خارجه ضحى من اوضه جميله

جميله: افتكرى كنتى ااتمسكتى بيه من الاول ع ايه ودلوقت

هتسبيه عشانه

هتلاقى الغلط فين ياضحى!

ضحى:ياستى انتى ربنا خلقك ملاك، وجت لعندك وكملنا بشر ياجميله

وانا مش هتحمل عن كده..

#لنوراسماعيل

¤¤¤¤¤¤¤¤¤¤¤¤

"أيوة الخلاصة ي حسن،البنت دى بتحبك؟!"

حسن:حبيبه حبيبه حبيبااااااه متكرهنيش فامى

معرفش واحده مجنونه زيك كده وعاوزانى وانا رافض

فبتحاول فكك منها متوجعيش دماغى

حبيبة:يعنى انت مش مصاحبها ياحسن!

حسن:حبيبة قومى اغسلى وشك وخدى شاورك الجميل وفوقى من النوم يا قلبي

انتى مش مراتى

حبيبه:قال يعنى واحده من مرتاتك بتاخد وياك حق ولا باطل

حسن:عليكى نور يعنى انتى خدتى مدتك وطولتى،اقفلى عالسيره دى

عاوزانا نحكى فاى هرى انا موافق

هتدوشى دماغى هقفل السكه

معنديش طاقه اشرح ولا اراضى حد.

حبيبه:مضيعش طاقتك!! وطاقتك ضاعت فين ياحسن

عليها ياحسن

اه ياخوفى

حسن:حبيبة السكه بتتقفل فوشك اهو اهو اهو (قفل السكه)

"نجم شباب اليويتوب"

بيبص ع مصدر الصوت جمبه لقاه دكتور وائل زميله فالمستشفى ..

حسن:ادخل ماهى ناقصاك يا جلنف

وائل:هههههه ملعلع السوشيال ميديا ياعم ،نفسي اعرف

البنات دى بتعمل عليك كده ليه

ماشى رزقك فرجليك زى الفراخ يابن المحظوظه

حسن(بيقلب ففونه وبيرد عليه بعدم اهتمام) تاخد شويه 

وائل:يارييييت ...بس قولى

دى الرابعه(غمزله)

حسن:اه قولى مبروك

وائل(عنيه خرجت لبره) بجد!

حسن:وحياتك عندى ولا ان شالله اعدمك

وائل:هتقفل العدد خلاص 

حسن:اه قفلنا العدد وطالع اهو ،حمل انت ورايا بقا

وائل:هو احنا فميكروباص،انا بسالك بجد

حسن:وائل نط من ع دماغى، انا مش ناقصك

وائل:لا ياعم انا طالع ...حريم خارجه وحريم داخله

الله يكون فعونك

ربنا يديك الصحه ...بس اخر سؤال

حسن(باصص لفونه) مممم

وائل: بتجيب صحه لكل دول منين ومحافظ ع نفسك كمان

انا متجوز واحده وطلعت روحى

حسن:استفسار بسيط ...ده قر؟

وائل:لا ده حسد

حسن قام من عالمكتب وزق وائل بره المكتب من غير م يتكلم

وقفل الباب بالمفتاح ورجع مكانه ولا كانه عمل حاجه ..

#نوراسماعيل

¤¤¤¤¤¤¤¤¤¤¤

"ده رقم فونى ...وده عنوانى

ومستنياك  بس صبرى مش هيطول"

بيبص عالمسج عالواتس وهو سايق ومروح البيت ، قفل فونه

ودخل 

اتخنق فعدم وجود تقى بس مش مبين ...

قعد فالليفنج شويه ،،فتح التلاجه جاب مشروب ووقف عالبار فالمطبخ

وساكت

جت ضحى له 

ضحى:حمدلله عالسلامه

حسن:الله يسلمك

ضحى: ايه الاخبار يا دكتور 

حسن(بيبص لها بطرف عين وهو بيشرب) ايه اللهجه دى

ضحى:عادى 

حسن مردش

ضحى:معدتش ع جميله تشوف بنتك ،ولا هتبات وياها برضو

حسن:ضحى...الكون فيه كام شخص؟

ضحى:ايه السؤال ده ،اكيد معرفش 

حسن:تمام ...اهو العدد اللانهائى الى متعرفيهوش ده

كلهم شغالين يصوصوا مع بعض فدماغى عاملين حفله وعازمينى عليها

ومخنوق جدا 

فمش طالبه

ضحى:يعنى هى امتى كانت طالبه معاك ، انت دايما مروق وكويس

ومبسوط

ومفيش حاجه فبالك

هعكنن انا يعنى...

بس معلش مش هاخد من وقتك كتير

حسن(بيشرب) بقيتى متعبه اوى ياضحى ،اوى

ضحى: والله! متعبه عشان عاوزة كيان جوزى

طيب طالما تعب بتعب

مين بقا الامورة المتصوره دى ومتشعلقالك وحضرتك بتنقذها

حسن فضل باصص ل وش ضحى بلا مبالاه 

ضحى:عاوزة رد 

حسن:فجاه بقينا حديث المدينه ،يارب كانت ولعت الملاهى

قبل كل ده عشان اخلص

ضحى:متهربش من الرد ياحسن

حسن:بصى يا ضحى ...تخيلى اى رد عاوزة تسمعيه 

واعتبرينى قولته

*سابها وداخل ع جوه*

ضحى:انت رايح فين 

ماشيه وراه لاقيته طالع ع اوضه تقى

ضحى:ياسلام!هو ي جميله يا ست الحسن تقى

استنى هنا وجاوبنى

حسن(بزعيق اول مرة يخرجه عن شعوره) ضحى!

انا زهقت واتخنقت وفاض بيا ومليت 

وانتى اكتر واحده تعبانى

وتقى كمان حطانى فموقف زى النيله 

وكل حد ماسك من حته وبيشد

انتو فوقتونى ع حياتى ، انا كنت عايش وخلاص

لابفكر فانهارده

ولابكره فيه ايه 

انتو قرفتونى بجد ...انا بقيت شخص ممل بسببكم

ومش عارف ارضيكم ازاى

اسمعى...

انتى وتقى وجميله ، انا هفضل كده ودى حياتى 

وانتو عارفين

مش هتشكل زى م انتو عاوزين

حاولت ع اد م اقدر واتغيرت التغيير الى كان فاستطاعتى

اكتر من كده

مش قادر ولاعارف 

*قال كلامه ونزل جرى عالسلم وهى بتحاول تلحقه*

ضحى:يعنى نخبط دماغنا فالحيط ،انت رايح فين ياحسن!

حسن:رايح فداهيه

اوعى

نزل وفسرعه البرق ركب عربيته ومش. بيها ..

#نور اسماعيل

¤¤¤¤¤¤¤¤¤¤¤¤

كاس واتنين وتلاته واربعه ،بقت ازازة

واتنين

وتلاته

ورقص يطلع كل الى جواه ،بقاله كتيييير معملش كده

حتى فسهرة باسم صاحبه شرب خفيف

مش زى كده

اتسطل مبقاش شايف ، بيرقص مع دى ودى ودى

دوشه الديسكو تاك كانت مش اعلى من الدوشه الى جواه

برضو لسه مش كل حاجه تاغباه طلعت

ووسط الدوشه دى اتقابل مع ناس صحابه قديمه وصحبات ،الى ناول برشامه

للانبساط

والى سيجاره عشان تكمل الليله

وحسن فوقت بسيط ...رجع حسن بتاع زماااان اوى

قبل كل ده

عاوز ينسى ايه او يتناسي ايه ،ولا وحشته سرمحه زمان ؟!

محدش فاهم ولاهو فاهم نفسه ...

ضايع وتايه وسط الى زيه وشبهه ، مش حاسس ومش عاوز يحس

كذا بنت ميلت كلمته تديله رقمها

او تحظى بصحبته فالليله دى ...لكن فيه مصير لل الليله دى

كان مستنى حسن 

هو نفسه لامخطط له ولاعامل حسابه عليه ..

لقى نفسه طالع من الديسكو بحالته دى ،سايق ع اقصى سرعه

وماشى فاتجاه عنوان جديد اول مرة يمشى فيه

بمعجزه الهيه طلع لشقه معينه رقمها فدماغه او قصاد عينه

خبطه ...اتنين وتلاته

اتفتح الباب 

ورد (عيونها خرجت بره وشها من هول المفجاه) حسن!!!!

من غير مقدمات حسن دخل ماسكها من دماغها وبوس ع طول فشايفها

وقفل برجله الباب

وهى مش لاحقه تفهم او تاخد نفسها منه هو فيه ايه ؟!

ده بجد ومش بتحلم طيب ؟

حسن عندها وفشقتها دلوقت وده لقائه بيها من غير ولا كلمه 

بيبوسها بجنون ،طريقه حسن فانه يعرف الى قدامه

هو عاوزه اد ايه والى بقاله كتير غاب عنه الاحساس ده ، كانه مشتهى

فاكهه وماصدق حصل عليها وبياكلها

وبايد ماسك راسها مصوبها عليه بعنف،وبالتانيه بيفك هدومها

من عليها

وبيقع بيها عالارض بالراحه، زحلقه من عالحيط الى ساندها

عليه ،بتحاول تتخلص من شفايفه وتقبيله

عاوزة تقول حاجه مهمة

ورد(بتشاور ع اوضه طالع ليها سلم فشقتها) من هنا 

حسن شالها مرة واحده وهى بنص لبسها عليها والباقى مرمى عالارض

جرى عالمكان الى شاورت

عليه 

ويكاد يكون وشهم الاتنين لزق فبعض معميين ومش شايفين حاجه للاسف..،،

¤¤¤¤¤¤¤¤¤¤

استنوا الفصل الجاى

نوفيلا

❣السلطان وحريمه ❣

(تابعه لرواية شيزوفرينيا باحداثها وابطالها)

❣❣❣❣❣❣❣❣❣❣❣❣❣❣

فصل (7

ريحه غريبه ...!

ريحه غريبه بتستغربها انفاسه وهو بيصحى ،حسن بقاله فتره

اتعود ع ريحة لما بيصحى

بتكون لاحدى زوجاته

او مفيش خالص...

المرة دى فيه شئ غريب بينتبه له عقله ،اينعم هى مش وحشه

بس جديده واول مره يستقبلها..

حسن بيفوق بيلاقى نفسه فاوضه نوم غريبه عليه ، فسرير

مريح وفحضنه واحده باين من شعرها المفرود ع صدره

وزى م خلقه ربنا !

بيتعدل بانتباه وبيبص فوش الى فحضنه دى بيلاقيها البنت بتاعت الاشاره

والى لحد دلوقت حتى ميعرفش اسمها..

حسن (الى حد ما مخضوض) ايه ده ...الى جابنى هنا عندك

ورد (بتفوق وبتتعدل وهى كمان حالها من حاله بتسحب الغطا عليها) انت الى جيت لحد هنا

ياحسن برجليك

حسن:انا ! لا طبعا

ورد: اومال انا سحبتك بحبل مثلا ،ولا كنت شارب حاجه اصفره

حسن بيقعد ع طرف السرير ومدارى روحه بطرف الغطا وبيفرك فشعره

بيحاول يسترجع

هو الى بيحصل ده بجد ؟!

ورد قامت واتناولت تى شيرت ليها مرمى عالارض وجت ناحية وشه

ونزلت عالارض عشان تبقى فمستوى نظره

ورد: حسن ...انت جيتلى ،وكان شكلك منهار اوى

ومن غير مقدمات ومن غير ولا كلمه اخدتنى ووو

حسن شاور متكملش وحط ايده ع وشه

حسن:انا هقوم امشى 

ورد :دقيقه واحده بس ! انا مش فاهمه جيت ليه

ودلوقت عاوز تمشى

حسن:عشان انا واحد مجنون وبعمل الى يريحنى فالوقت الى يعجبنى

ورد : بس انت هنا فالقلعه بتاعتى...فالحصن بتاعى

ومبقتش جزء من هيبرتك ..

حسن:طب ممكن بعد اذنك امشى من حصنك (بتريقه)

ورد:ممكن ...بس هترجع للى هربت منه امبارح وجيتلى برجليك !

حسن بص لعيونها بثقه فظيعه وهى بصاله بابتسامه ...

حسن:انتى عاوزة ايه

ورد:عاوزة نعمل بيج ديل سوا ، عجبك اوك

معجبكش امشى

حسن:وايه الثقه الى فيكى دى انى هوافق اسمع عرضك اصلا

ورد(مسكت ايده وقرصت عليها) هتسمعنى وانت عاوز كده كمان

بصلها مستغرب،كانت هى مدت ايدها له بالسلام

ورد: ورد ...اظن انك لسه معرفتش اسمى

سلم عليها وهو مبتسم ..

#نوراسماعيل

¤¤¤¤¤¤¤¤¤¤

لبس قميصه وبنطلونه ،وهى بالهوت شورت بتاعها

كانت جايه عليه وهو بياخد الشاى الى طلبه منها...بعد م حطت اكل روكى الكلب

بتاعها

وقعدت قصاد حسن..

ورد:الديل ياسيدى هو انك جتلى هنا بحركه مجنونه منك بس فيه حاجه دفعتك

انك تيجى طبعا وانى اجى ع بالك فالوقت المتاخر

ده بالذات

حسن:ومحلله نفسيه كمان...تعالى نافسينى

ورد:ياسلام احنا نيجى ايه فيك يابرنس (ضحكت) المهم

ان دى حركه مجنونه جدا،ف بجملت الجنان

تسلم روحك ليا مجرد يومين

يومين بس ...مش طمعانه فاكتر منهم 

تنعزل عن كل الى خلاك فصلان وفحاله الى شوفتها امبارح

شغل...مستشفى..عياده (غمزتله) حالاتك..ستاتك الى فالبيت!

حسن باصص لها وبيسمع

ورد:تكون مجرد حسن ،حسن وبس

انا عارفه انك محتاج ده ...وانا كمان محتاجه لليومين دول معاك

تسلم نفسك ليا ومتقولش رايحين فين ولا هنعمل ايه

تنفض مسؤليه اى حاجه عن كتافك اليومين دول

حسن:وبمجرد م تخلصى كلامك ..انا هرد بان كل الى قولتيه مجرد

هرى ومالوش لازمه

ورد: ع فكره انت بتحاول انك مش محتاجنى..لكن انت بجد محتاج لكل

الى قولته ده جدا والايام دى...ودلوقتى والساعة دى 

حسن:وافرض وافقت ...بعد اليومين دول هنعمل ايه

ورد:كاننا اصلا مشوفناش بعض فحته ،وهختفى نهائى من حياتك

حسن: طيب انتى بتقولى ان انا محتاج اليومين دول...طب وانتى هتعملى ده ليه؟

ورد: عشان عاوزة اليومين دول معاك ياحسن !

حسن: ورد

ورد:نعم(مبتسمه)

حسن: انا لاول مرة...هوافق انى اسلم نفسى لكلام حد وجنان حد

وانا بكامل قوايا 

ورد(غمزت بثقه) ومش هتندم .

احنا ناخد دش دلوقت ...ونقفل فونك(مسكت فونه ) وبعدها

تكون معايا بعماك

وتخلينى انا عيونك

*ضحكت وقامت وهو باصص لها ،وقفت تقوله حاجه*

ورد:ع فكره يا حسن ...كل واحده اتجوزت رشدى اباظه من الفنانات

كانت بتحلف ان مفيش بعده راجل 

بصراحه ...حاسه بعد لقائى بيك امبارح

انى اخيرا قابلت رشدى اباظه. ،،!

دخلت وغابت عن عيونه ، بمجرد كلمتين عرفت تلعب

ازاى ع اوتار فعقل حسن ..

هو بيفهم فنفسيه الى قدامه جدا، لاول مرة ميعرفش يدخل جوه حاله

ويفهمها

كانها فعلا عامله لروحها حصن شفاف محدش يشوف حاجه معينه

فيها

لكن حصل العكس ان هى الى دخلت جواه ..وبقوة،،

قام وراها متابع جنونه وقبل م تقفل باب الحمام عليها كان دخل وقفله هو !

#لنوراسماعيل

¤¤¤¤¤¤¤¤¤¤

بصوابعه فشعرها بحركه جنونيه ، ومفيش اى كلام بينهم

شفاههم مشغوله بالتقبيل 

ع احدى ركنات شقة ورد ،كانو بالمناشف 

حسن وورد 

فى احضان بعض ، وهى بترسم الدلال ع اكمل وجوهه

انها تعتلى حضنه وتكون الاقوى فالمرة دى ...

قطعت حبل وصالهم ببعض ،بفكره من جنانها طقت فدماغها دلوقت

حالا

ورد :حسن!

حسن:ممم

ورد:قوم يلا ...مفيش وقت 

حسن:مفيش وقت ع ايه ؟

ورد:مش اتفقنا من غير اسئله 

قومته ودخلته يلبس هدومه وهى كمان بتلبس بسرعه البرق

نشفت شعرها بالسيشوار

ولبست اكتر شئ عندها مثير ك لبس خروج

ورد:مالك يابييي

حسن:هلبس نفس الهدوم ودقنى ...

ورد (قربت عليه وهى محاوطه رقبته وبعيونها فعينه) دقنك انا حباها وهى منبته

كده ...بعد اليومين بتوعى م يخلصوا

ابقى شيلها

اما بالنسبه للبس..(غمزتله) مفيش قلق

نزلوا بسرعه فعربيته ،،

ورد:هنركب سوا؟

حسن: اومال ايه

ورد:انا رائيي كل واحد بعربيته 

حسن:(بيضحك) اول مرة اعرف ان فيه حد هربانه منه اكتر منى

وهو انا عارف احنا رايحين فين؟

ورد:مش مهم هتعرف؛ودلوقتى ع عربيتك وانا ع عربيتى

وهنطلع عالمكان الى بتشترى منه لبسك

وبعد م نشترى لك كام حاجه مناسبه

هقولك تطلع ع فين

يلااا

ركبت ورد عربيتها؛وحسن فعربيته بيضحك ع عفويتها 

راحوا محل اللبس المتعود حسن يجيب منه ،اختار حجات 

كانت بترجعها هى وتختار حجات تانيه

ولما كان يعترض كانت ترد بالكلمه المعتاده 

«دول اليومين بتوعى وانا المتحكمه فكل تفاصيلهم »

جاب اللبس وغير ، طلعوا ع مطعم اول مرة تخلى حسن يروحه

بيقدم الكيك والشاى وبس!

الفكره ممتازه ؛والموقع فالشارع والعربيات حواليهم والزيطه

علامه عالفوقان عشان الى ييجى يصحصح ع يوم جديد

حسن كانت عاجباه الفكره،اول مرة يراقب ما يحدث م حوله

مش هو المسيطر عالى بيحصل

مجرد بيتفرج هيحصل ايه ومسلم نفسه..

خلصوا فطار ،، مسكت هدومه الى غيرها وادتها لحد بيتسول فالشارع

وهو ضحك عالى عملته ومعقبش باى كلمه

عدت ع محل موبايلات ، وطلعت دخلت له عربيته

ورد:فون وخط جديد ليا وبس طول اليومين وبعدها كسرهم

لان القديم والاساسى مقفول طبعا

حسن:طب وايه لزمته م احنا مع بعض

ورد:(حطت صوباعها ع شفايفه) ششش قولنا منسالش

انا رايحه عربيتى...يلا بينا

وهما ماشين بعتتله واتس

"طريق الساحل يابو على "

وع هناك باقصى سرعه ،بعتتله واتس تانى

ورد:تسابقنى !

حسن رد:طبعااااا...امسكى نفسك لو تقدررى

ورد:حصل !

الطريق كانت بتتهد وهما بيجروا عليه ، مننكرش انها كانت ممتعه للاتنين

حسن كانه كان بيفرغ طاقه كانت جواه مكبوته بقالها كتير

بيعمل ده من غير وعى 

وهى كمان بمنتهى العشوائيه الى جواها بقت براها ،، ع اقصى سرعه

كانها بتسابق الريح

قطعوا مسافه كويسه فالطريق وع قرب الوصول ،بعتت واتس

جديده ورد

"اقف يابو على"

حسن(اتصل بيها) فيه حاجه فعربيتك ولا ايه

ورد: وقف عربيتك ياحسن

حسن:هو انتى عشان سبقتك عاوزانى اقف

ورد:مممم مجادل ومشاكس اوى ،اقف يلا

وقف حسن وورد حصلته بعربيتها، طلعت من عربيتها وركبت

جمب حسن

حسن :ايه وقفتينا ليه

ورد(مبتسمه)اصل افتكرت حاجه مهمه 

حسن:ومقولتيش فالفون ليه 

ورد:ماهى متنفعش فون ،،هات غطا عربيتك

حسن:ليه

ورد:يوووه افتح شنطه  العربيه بئا

حسن فتح شنطه العربيه واخدت الغطا وغطت العربيه وهو مش فاهم فيه ايه 

خلصت وغطتها وطلعت عربيته 

ورد: وحشتنى الحبه دول ياحسن(مدت ايدها فكت زراير قميصه وهى بصاله)

حسن(مسك ايدها) بتعملى ايه

ورد(مكمله) ششش

حسن:احنا فالصحراوى يا خُلل

ورد:متقوليش انك عقلت فجأة ،بجد هتخض

كملت وهى بتضحك ،وهو ضحكته عليت اوى 

كمل هو كمان وبقا يعمل زيها

هى بتخلصه من عبئ هدومه وهو بشده واحده كان كل شئ منتهى

عندها!

ريحوا كراسي العربيه ...واتعاملوا فوضح النهار فالصحراوى بمنتهى الجنون

والعفويه من غير تفكير

من غير ترتيبات

من غير خطط ولا طواعيه للصح والغلط..لو حد عدى طبعا هيقول مفيش حد فالعربيتين

لكن ممكن لو ركز فالاصوات المتخابثه الى بتحاول انها تدارى

ومتعلاش فالمستوى ،هيتفهم ان العربيات مش لوحدها

عالطريق

ويمكن صيحات ورد تفضحهم فاى وقت ،لكن دى الحاجه الوحيده 

الى كانت بتعمل فيها كنترول شويه ع اد م تقدر ..

#لنوراسماعيل

¤¤¤¤¤¤¤¤¤¤

"اتفضل يافندم ..مع الاستاذ يابنى "

حسن طالع غرفته فالاوتيل وهو بيغمز ل ورد ومبتسم؛وهى بتخلص

إجراءاتها وطالعه غرفتها هى كمان

طلعوا

بعتت ورد له واتس ،

ورد:تعالالى غرفتى رقم ...

حسن اخد دش من الطريق ،وراح لها خبطه واحده وهو بيبص شمال

ويمين

كان اتخطف من رقبته بسرعه لجوه ولا مين شاف ولا مين درى !

دخل وبيبص ل ورد 

لقاها لابسه بالطو الابيض بتاع الدكاترة مخليها ست كيوت ،عكس البنوته

المجنونه المهيبره بلبسها 

ده طول الوقت هوت شورت وتى شيرتات ،ودريسات قصيره جدا

حسن(كاتم الضحكه) ايه ده بئا

ورد:انا الدكتورة بتاعتك دلوقت ،انت متسالش 

انا الى اسال

نام هنا (اخدته ونيمته عالسرير) قولى بقا ايه تاعبك

احكيلى كل حاجه 

كانك بتحكى قدام مرايا ...

حسن:طول الوقت انا الدكتور

ورد: وانهارده وبكره انت مش الدكتور ،ومش انت الى بتدى نصايح

ومش انت الى بتمد ايدك تطلع اى حد من الى هو فيه

انهارده وبكره

انت تكون مكان حالاتك...وانا هسمعك 

حسن نايم وباصص ع ورد

حسن: انتى حد بجد مجنون جدا جدا،اكتر بنت مجنونه شوفتها فحياتى

وتقريبا كده جيتى فوقتك

ورد:وانا عارفه ع فكره ، حاول تتعرى من كل الى بيتعبك

وتكون كده زى م اتولدت

فاضى من جوه وبره

اليومين دول بس

حسن:هو انا ممكن اقولك كلمه بكل الكلام

ورد:قول

حسن: انتى بالظبط دلوقت معايا بمثابه الغساله ،بتغسلينى

واحده واحده

ورد: ومتقلقش مسحوقى مش بيخلى الالوان تبهت(بتضحك)

حسن:(شدها عليه) انتى لمضه كده ليه

ورد:(فوقيه ووشها لوشه)عشان الحياه بتتعاش مرة ياحسن،يبقى ع ايه النكد

حسن: عندك حق،حاسس ان دماغى عندك بس ع شكل انثوى

ورد(ميلت باسته بوسه طويله وبعدين رفعت وشها له) مش بقولك سلم نفسك ليا

ومش هتندم 

حسن: دلوقت انا عاوزك انتى الى تسلمى نفسك (عكس الوضع بخفه وبقت هى تحت وهى بتضحك)

ورد :هنتفضح بسبب ضحكتى

حسن: دعينا نعمل فى صمت 

بجراءة وعنف ،من غير اى احساسيس 

اتنين ميعرفوش عن بعض اى حاجه غير القليل،ده والادهى ان ورد

الى تعرف القليل

انما حسن مسلم نفسه فحضن واحده ميعرفش عنها شئ الا اسمها

ومش عاوز يعرف اكتر

وماشى فطريقها رامى وراه كل حاجه ...واى حاجه

مسؤوليات خنقته زى الكرافت المربوطه ع رقبته وهو مخدش ع لبسها

لكن لازم تكون من ضمن اولويات ملابسه

مع ورد..

هو من غير اعباء،من غير تفكير،،من غير تحميل وضغط ع نفسه وع الى حواليه

زى الى فغيبوبه بالظبط..

#نوراسماعيل

¤¤¤¤¤¤¤¤¤¤

»وعرفت كمان انك بتغنى وعندك باند وصوتك وهم »

حسن: بيقولوا (مبتسم)

ورد(قعدت ع سور قابلها) طب م تغنى

حسن:فين ...هنا؟

ورد:وهو فيه احلى من هنا مكان تغنى فيه ،البحر قدامك (بتشاور عالبحر)

والجو فظيع ومنعش

وقدامك الوجه الحسن (بتشاور ع نفسها)

حسن ابتسم وهو باصصلها

ورد:يلابقا

حسن:مش مستعد بجد

ورد:متبقاش سخيف ياحسن وتقول كلام ناس عاقلين

يلا غنى وانجز انا خلقى ضيق

حسن بيفكر وباصصلها 

ورد:واستنى...انا جاتلى فكره جاحده جدى

(لابسه شابوه قلعتها) عارف الاجانب

بيشحتوا كده

يغنوا ...وماسكين حاجه زى كده

وبيرمولهم فيها الفكه (بتضحك ع اخرها)

حسن:وهتخلينى اشحت كمان

ورد:اراهن لو كنت عملتها قبل كده 

حسن: مممم

ورد:من غير ممم وتفكير،دوس من غير م تشغل عقلك ياحسن

الاغنيه الى تيجى ع بالك وانطلق

وانا هتعامل بالباقى 

حسن عجبه جنانها والطققان الى مالوش حساب، والخطوات الى ماشيها

من غير مخطط مسبق ولا روتين

بقاله كتير مغناش باريحيه فاى مكان ،ولا بمزاجه

واضح فعلا من بعد عشرة المسؤليات كان ع وشك ان يكون راجل

مسؤل وعاقل

لكن يموت الزمار....!

استحضر اغنيه ،واستعد وورد بصاله

حسن :انا بعشقك ليه لأ وعندي ألف حق

ملقتش أحن منك في الدنيا مفيش أرق

وسنيني معاك تمر مفيهاش ولا ثانية مر

سلمتلك حياتي ملك ايديك وانت حر

ورد بصاله بابتسامه وشيفاه وهو بيغنى حد تانى

حد يتحب بكل مافيه

شخص ساحر،جذاب،نادر وجوده ...يتحط فمتحف

ويتقال هنا حسن شيزوفرينيا وممنوع الاقتراب والتصوير

حسن: وانا قولتلك وحلفتلك

هكملك لو حاجة فيك ناقصاك

قبلك انا ضيعت وقت

دانا اتخلقت عشان اكون وياك

فيه بنت وشاب وقفوا يشوفوهم ، وبنتين كمان 

وحسن اتحمس بزياده وصوته بقا اقوى واحلى وورد مبسوطه 

ومسكت الشابوه 

وبداات فعلا تلم منهم ، والناس بتكتر وبتجمع مستمتعين بصوت حسن

مستمتعين بجنانهم الى بيعملوه

مستمتعين بالحاله ككل ..

حسن:على ايديك اتولدت واتعلمت الحياه

انا حد تاني بجد غير اللي الناس شايفاه

انا قدامك كأني بكلم حتة مني

حبك غير حياتي وكنت هضيع لولاك

وكعاده للمصريين،او اصبحت عادة جديده ومستحدثه

كل شئ جديد

تتفتح الكاميرات وتصور وتترفع نت ..

حريه متاخده للكل ومحدش وصى ،ليها سلبيات وايحابيات

الكاميرا بقت اتنين وتلاته بيصوروا فحسن وورد بتلم فكه وهى بترقص ع غناه

والى بيحط شيكولا او لبان او اى حاجه معاه

واللمه زادت كان فيه حفله لايف فالشارع مدفوعه التيكت!

حسن(بيغنى باريحيه وكان صوته ممتاز لف ايديه حوالين ورد وهو

بيقول الكوبليه الاخير)انا قولتلك وحلفتلك

هكملك لو حاجة فيك ناقصاك

قبلك انا ضيعت وقت

دانا اتخلقت عشان اكون ويااااااك

سقفات عليت ليهم وهما حيوهم جدا ،وفيه الى اتصور معاهم

وهما ميعرفهمش اصلا

بس يمكن عشان تتكتب بوستس 

بالحدث الغريب ويتوثق فالذاكره ..،

#نوراسماعيل

¤¤¤¤¤¤¤¤¤¤

عالرمله ...

القمر وبس هو الى كان منور البحر والشاطئ

وع ضهرهم الاتنين نايمين 

وطبعا الحركه اللاراديه ،،،نعمل بدراعتنا ورجلينا

شكل ملاك ...حركه طفوليه بس بتطلع شحنه

حلوة.

محدش منهم وشه للتانى،حسن وورد

باصين للسما

وورد بتتكلم فى ظل صمت وهدوء رائع..

ورد:قررت اقولك انا مين مع انه ميفرقش، كلها ساعات

ونتفرق خالص وكاننا كنا فحلم

بس هقول حتى لو مطلبتش...وحتى ان كان لايعنيك

هعتبره مجرد كلام 

بقوله فالهوا وانا باخد دش مثلا

حسن ابتسم ابتسامه جانبيه وهو مش باصص لها..

ورد:انا ورد ...نصى روسى

ماما روسية

وبابا مصرى ،،حبها واتجوزها وخلفنى

عيشت فتره وانا صغيره فروسيا وبعدين جينا هنا ع مصر

حسن(بتريقه) نيللى كريم فنفسك يعنى 

ورد(بتضحك) اه نيللى كريم فنفسي يعنى ...المهم 

بعد فتره

ماما مارتاحتش هنا ورجعت ع بلدها من غير انفصال

وبابا فضل هنا معايا لحد م وصلت 18سنه مثلا

وقالى اعتمدى ع نفسك فيه حجات مطلوب منى اخد بالى منها

اكتر منك

حسن:وااااو !

ورد: طبعااتكحرت كحرته السنين ،من صحوبيه ده ل ده

ل دى ل ده وهكذا

انا متحرره يا حسن للدرجه الى ابعد من خيالك

بعمل كل الى نفسي فيه وفالوقت الى عاوزاه

ومبيهمنيش لكلام الناس ولا نظراتهم

حسن:حسيت...مش بقولك شكلى بس ع دماغ انثويه

ورد(مبتسمه) بس ياسيدى، لحد م وقعت فحب احدهم (بتضحك)

حسن(مبتسم) عجبتنى الصيغه

ورد: وطلبنى للجواز وانا وافقت

حسن:وبعدين

ورد: لما اتجوزنا مر ع جوازنا اسبوع وانفصلنا

حسن:ممم تغيير فمجرى الاحداث رهيب ،بس ليه

ورد: معرفش يتاقلم ازاى نتجوز ويلاقينى مش بنت !

حسن:كان فاكر ايه

ورد:عادى عارف انى متحرره وكده بس مش للدرجه اياها

واضح ان دماغه كانت عذريتها لسه بشوكتها وانا مخدتش بالى هههههه

حسن: وبعدين ؟

ورد:وبعدها استكملت حياتى عادى،كانه كان مطب فالطريق

هيخلينى اعمل حادثه وربنا ستر

حسن:اوى بقا

ورد:محدش بتوقف عليه حياتى مهما كان ،كل حاجه بتاخد وقتها

وهتروح

يبقى ع ايه

حسن قام من نومته ع ضهره وجه ناحيتها وميل ع وشها وعيونها

وفعنيه

حسن:وايشمعنا انا !

ورد:ممم هقولك فنهايه اليوم التانى ،ودلوقت قوم

قامت ونفضت الرمل من عليها

حسن:هنروح فين 

ورد:هننزل البحر

حسن:معملتش حسابي فمايوه ،هننزل ازاى يخربيتك

ورد(بتقلع هدومها) ولا انا اصلا 

تخلت عن كل ماترتديه حرفيا ،كانها بيبي مولود

حسن باصص ليها ولجنانها المتوحش والى مالوش مواعيد

وبمجراه جنانها هو كمان عمل زيها وجرى وراها فالبحر نزلوا سوا

خدوها عوم وحركات سوا 

وضحك وهبل ، وكل م يحلو تم فعله،،!

كان فيه لقاء رسمى بينهم بحضور ملح وميه البحر وهما وسطهم

مش خايفين مفيش حاجه فدماغهم

ولا فى حساب لشئ

صرخات ورد من الاستمتاع واللذه فعرض البحر ومفيش كائن حى

حاسس بالى بيعملوه ،هو السبب انه يثير حسن انه يثبت لنفسه

انه مالك امر اللحظه دى

كل مايلمح فعيونها استمتاعها بيه وبالى بيحصل

كل م يقرا انها عاوزه منه كمان ع اد م تقدر تحاول تستنفذه ك حسن

بثبت جواه ان الجنان فحياته هو فرحته الفعليه..

حتى لو مش شايف ولاعارف الشخص ولا بيتعامل مع مين وليه..

بسرعه زى الحراميه،خارجين من الميه يضحكوا

ويلبسوا وهما بيتسابقوا 

وهى جرى 

جابت غطا عربيته وغطتها ودخلوا ونيمت الكراسي

ورد:هنام هنا ياحسن مش فالاوتيل

حسن(بيبص) احنا بهدلنا العربيه ميه ورمل وبلاوى زرقه

ورد:باااااس اسكت ...هننام هنا 

حسن:انتى سمعانى يام عقل ملغى

ورد:(بلبسها الداخلى فقط فى احضانه) بكره تتنضف متعملش قضيه

حسن:احنا هنام فعلا هنا

ورد:اصلا احنا نمنا بتحكى ف ايه(بتنام بجد)

حسن ابتسم ،واستسلم وهى ع صدره رايحه خالص

وبايده محاوطها

فليل غريب ومكان ميجيش عالبال ...ورد وحسن

خلص وياهم اول يوم !

¤¤¤¤¤¤¤¤¤¤

استنوا الفصل الجاى

نوفيلا

❣السلطان وحريمه ❣

(تابعه لرواية شيزوفرينيا باحداثها وابطالها)

❣❣❣❣❣❣❣❣❣❣❣❣❣❣

فصل (8

»+15«

باطراف صوابعها بتمشى ع صدر حسن تصحيه ، اشعه الشمس سخنت

عالعربيه 

وابتدت تحس بالحر

ورد:ابو على ...ياسونه 

حسن(بيفوق) ممم صباح الخير

ورد:سوق يلا وفوق باقصى سرعه عالاوتيل الملح بياكل فيا

وعاوزة اخد شاور واغير وافطر هموت من الجوع

حسن: مممم يابنتى بتكلمى الشوفير بتاعك

ورد:يوووه يلا انت فاليومين بتوعى

جو جو يلا

حسن اتعدل وبيحاول يفوق نفسه ،،ربط الحزام

وانطلق عالاوتيل

وصلوا..ع اوضهم 

خدوا شاور ،بعتلها عالواتس

حسن:تعالى اوضتى حالا

ورد:تؤ تؤ يابو على انهارده يومى برضو وانا الى بامر واقول يحصل ايه

حسن:بقا كده!

ورد:شووور يابييى ويلا بطل لكاعه عشان فعشر دقايق تكون مستنينى فاللوبي

تحت

حسن بيضحك ع اسلوبها ،وبصراحه حابب يدى روحه راحه عن التفكير والتخطيط

وانه يكون اعمى والى قدامه هو عنيه

نزلوا بمنتهى المرح، ورد كانت لابسه دريس فلورى كله 

مخليها اصغر بكتير من سنها

وعامله شعرها قطتين(ضفرتين ديل حصان)

وميكاب كيوت اوى ينفع لبنوته فالكليه ..

حسن:يلا نروح نفطر

ورد:لا مش هنفطر فالاوتيل

حسن:اومال فالمدرسه بشكلك ده

ورد(اخدت ايده ومشيت وهى بتجره بعفويه) شششش اسكت

ركبوا عربياتهم ،،اتصلت بيه

ورد: امشى ع طول والشارع الجاى جانبي ادخل فيه لاخره واكسر شمال

حسن:ايه هتخطفينى ولا ايه

ورد:(بتضحك) هو انا لسه هخطفك هههه 

حسن:هنروح فين بجد

ورد:عارف ياحسن ،ساعات بلعن ام الحظ الى وقعنى فيك

وقت م ابتديت تعقل

كنت همووووت واشوف وقت جنانك الى بيحكو عليه 

حسن:وهو انا كده عاقل !

ورد:عاقل وخنيق وبتسال كتير ...المجنون بيعمل من عير منطق

من غير ليه وايشمعنا

وهو انا الى هعرفك يابو على ولا ايه

حسن ضحك ع كلامها وتابع سواقته لحد المكان الى قالت عليه

وكان محل فول وطعميه شيك

نزلت ورد من عربيتها وجت له عند الشباك

حسن:ايه هنضرب فول!

ورد:شايف ايه 

حسن:مش شايف غيرك اصلا

ورد:اشطا يبقى تاكل برضو وانت ساكت 

هجبلك تشكيله ع مزاجى تفتكرنى بيها طول عمرك

حسن:يابنتى م ندخل ناكل جوه 

ورد:جوه فين ...لا واسكت بقا

مشيت ورد وطلبت الاوردر ورجعت لعربيتها ،ربع ساعه تحضير

وجت لها السندوتشات 

عالعربيه

بعتت واتس لحسن

ورد:انطلق يا حسن

حسن: يجمل يومك بالسلامه يامعتوهه

ورد:احسن من الى بعلقهم ع فكره

انطلقوا فعلا ، وماشى حسن ومش عارف الى اين وجهته 

لغايه م ورد تقرر يقف فين

وفعلا فمنطقه كده ....زرع وشجر زى م تكون حديقه عامه

بعتتله

ورد:هنوقف واركن هنا 

حسن مبطلش ضحك اصلا ع قرارتها وهبلها المفاجئ

نزلوا ...

شافت مكان كويس ورد وقعدت وفتحت اكياس سندوتشات الفول

والطعميه

للعلم المكان فنص الشارع فى عربيات رايحه وجايه وناس ومواصلات

يعنى ماشاء الله مقلف

لكن هى ولا ع بالها ،قعد جمبها حسن 

ورد: يلا اضرب بقلب جامد ، فول بالطحينه وطعميه اسكندرانى بالتحبيشه بيعملوها

هنا روعه

وبابا غنوج وسلاطات وشكشوكه ...وده معرفش قالولى سندوتش

اسمه متفجرات فاضرب وانت مغمض عينك ونبقى نستكشفه بعدين

حسن:ههههههههههه الخوف للمتفجرات تعمل مفعول ديناميكى صاروخى

فاضطر اشوف مفاعل نووى اصب فيه

ورد:ههههههههههه يابنى كل من غير خوف والى يحصل يحصل

كن مستعد...كن متاهب

عيش لحظتك 

بياكلوا باستمتاع وشراهه وجوع رهيب ، بيبص عليها ومستغرب

فيومين اتشقلب حاله 180درجه

من النقيض للنقيض

ومكانش ع باله وماشى مستسلم من غير ولا سؤال

حسن: شخص زيك يا ورد ...لو ارتبطت بيه مكنش هيفضل ع حاله ده

كنتى هتتحولى لست متجوزه

ورد(ضحكت وهى بتاكل) بص ست متجوزة ده اوبشن رائع

وحاجه كده عامله زى مرتبه الشرف ...

بس انا صعب عليا اوصلها

ومقدرش

عشان كده...لا برتبط

ولابتجوز

حسن:ايه خايفه؟

ورد: متحاولش تعمل عليا دكتور ، احنا بنعيش يومين بلا منطق

بلاعقل

من غير تفكير وبلا بلا بلا

جنان ومتعه وبس

اشطا

حسن:ممم بدون جدال انا مش عاوزه وبزهق منه اصلا،اشطا!

خلص الاكل ،،الباقى حطوه فباسكت

بمنتهى العشوائية

كان فيه خرطوم ميه بيسقى ،راحت وغسلت ايدها وهو مسكه وبعدين مسكته له

غسل هو كمان 

وبعدين بداو يرشو ع بعض من غير اتفاق او ميعاد

غرقوا بعض جدا وهما بيضحكوا اوى ...زى الاطفال الصغيره

سابته وجريت ع عربيتها ..

حسن:هنعمل ايه دلوقت

ورد(سكتت تفكر )هقولك (غمزتله)

اركب معايا وسيب عربيتك هنا 

حسن:ومسالش طبعا

ورد:شطووور حبييى حافظ الرولز 

ركب جمبها وع سرعه فوق الارض بتطير...انطلقت!

#نوراسماعيل

¤¤¤¤¤¤¤¤¤¤

وقفت عند محل ورد ...نزلت ونزل وياها اشترت

ورد كتيير مفرد مش بوكيه

شالت ف سبت من الخوص شكله شيك

روعه

وشيلته وياها

وركبت عربيتها ...

ورد:هنبيع الورد بالواحده ..

حسن بيضحك مش ماسك نفسه

ورد:بذمتك جربتها قبل كده

حسن:يابنتى مش معقول ، انا ضايع اه بس انتى عديتى بمراحل

ورد:استسلم لاحساس المغامرة والتجربه

والمرح والخروج عن نفسك...اخرج عن حسن 

الدكتور

المتجوز ...الى لازم يعمل ومش لازم 

حسن:عارف كل ده وانا اصلا كنت كده

ورد:وايه الى خلاك كنت ...ليه مش ع طول

حسن:مينفعش ع طول

ورد: اهو مينفعش دى الى بتفسد كل حاجه وبتبهدل كل حاجه ،قاموس مينفعش

وميصحش لايصلح للمجانين

المجنون هو الى يطق فدماغه يعمله

وابو ام الناس والدنيا والمجتمع يشوفنا ايه

حسن:طب مثلا انتى مراتى ...هتخلينا نعمل كده برضو يا ورد

ورد:قولتلك انى مبتجوزش ولا برتبط...فكك من عمقق ده

حسن(بيضحك )انا عميق !

ورد:وصلنا(بطلت عربيتها)

اشاره زحمه وناس كتير رايحه وجايه ، ومحلات 

شوارع تجاريه

ادتله سبت ونزلت بالتانى

حسن:عاوز اعترفلك باعتراف

ورد:ايه

حسن: انتى مولوده من غير مخ

ورد(ضحكت وهى ماشيه رايحه تبيع) شور يا قلبي

ورد ،بعفويه كانها بتطير وسط الناس زى الفراشه

بالورده تمسكها

وتقول كلمتين وتبتسم وتبيع ...حسن باصص عليها

غمزتله ورد يعنى يلا اعمل زيي ايه الى موقفك

حسن ابتدا يقلدها ...

ورد:ورده حمرا شبهك ...اشتريها منى 

واعتبريها تميمه حظك للنهارده

بنوتين صحاب: انتى كيوت اوى بتبعيى ورد ليه؟

ورد:عشان انا حابه اعمل كده

ضحكوا واشتروا منها 2 ومشيت وعالى بعدهم ،عند حسن

شاب:من لبسك واضح انك ابن ناس ،جزمتك تمنها ببيتى اساسا(بيضحك)

حسن(بص ع شوزته) مانا عارف 

الشاب:بتبيع ورد ليه طيب

حسن:عشان مجنونتى قالت اعمل كده

الشاب:خطيبتك يعنى !

حسن بص ناحيه ورد الى باعت كميه حلوة بالنسبه له ومكمله

حسن:حاجه زى كده

الشاب:هى عيانه وانت بتساعدها تتعالج!

حسن:كل الاسئله دى عشان تشترى ورده؟

الشاب:اصل مستغرب يعنى

حسن:ياعزيزى ده ورد،وانا مش بتسول 

ومش لازم هدومى تبقى مبهدله وصباعى طالع من شوزتى

عشان اصعب عليك وتشتررى

دى ورده...ممكن شكلها يعجبك

ممكن تتفائل بيها

وممكن تهادى بيها حد بتحبه...وخلصت !

الشاب(مبتسم) اقنعتنى ..هات 5

حسن ابتسم واداله5،عالجانب الاخر

ورد: طبعا الورد للورد

الشاب: انتى اجمل بنت شوفتها فحياتى بتبيع ورد

ورد:ميرسى ...والورد حس بيك ع فكره وعاوز يلزمك

انهارده فيومك..هينفع!

الشاب:طبعا ...

عند حسن

بنوته:ايه ده بجد يعنى انتى مُز كده وبتبيع ورد واشكال تقرف

بتقعد فالمكاتب وتحت التكييف 

حسن بيضحك: مش بالشكل

البنت:اومال ب ايه

حسن:بالروح. ...انتى بتحكى عن ناس خنيقه وانا مش شبههم

البنت:انت اسمك ايه

حسن:حسن ..

البنت(مبتسمه) طب ياحسن ...انا عاوزة ورد كتير بقا يخربيتك(بتضحك)

حسن: الورد محظوظ انه هيكون معاكى

البنت:كفايه الله يخليك هيغمى عليا (اخدت وهى بتضحك وهو كمان)

عدى الوقت، باعوا للى ماشيين وواقفين وفعربيااتهم

الى بيستغربهم والى بيجادلهم

والى يعاكسهم

والى بياخد من سكات ويمشى...

مانكرش حسن انها كانت تجربه لذيذه...وممتعه

ودمها خفيف ،،اوى!

#نوراسماعيل

¤¤¤¤¤¤¤¤¤¤

"اى بنت هتقولك يع ايه القرف ده بتاكلوه ازاى

ياكى!"

حسن:ماهو انا مستغربك فعلا ، عاوزة نتغدى كوارع وفشه ومومبار

ورد:ولحمه راس ولسان ايه المشكله

حسن:مقابلتش بنت بتحب الاكلات دى 

ورد:ماهو انا مش بنت (بتاكل)

حسن(بيضحك) وبتعرفى الاماكن البيئه دى منين ،انتى عشوائيه يابت انتى

ورد:وهو مفيش غير الريستورانت الشيك الفخم الى يتاكل فيه

وهنا كمان فيه اكل ...واكل حلو

وانجز وكل

حسن:يعنى ماكلانى الصبح متفجرات ودلوقت كوارع 

ورد:اصلك تعبت معانا امبارح يابا فبنعوضك

حسن(بيضحك اوى) سافله ههههه

اكلوا فعلا،لو المكان مش اد كده فالاكل نضيف ومطبوخ كويس

وهى قايمه تغسل ايدها

ورد:(بتميل توشوش حسن) هغسل ايدى فحمام الرجاله وتدخل ورايا

بعد 10ثوان

حسن:طيب م تغسلى ايدك فحمام السيدات

ورد:ششش...ورايا

قامت وراحت فعلا بتغسل ايدها ، جه وراها حسن

وبيغسل ايده

مسكته من ياقه تى شيرته ...ودخلت حمام وراها 

وقفلت الباب

حسن(بصوت واطى) يخرب عقلك

ورد(بتقلعه التى شيرت بسرعه،وب تكه بسيطه من سوسته فستانها

وقع عللارض

حسن بص ليها كده ...بلبس داخلى اه بس شكله غريب

ورد:مستغرب ! لو مستغرب حاجه اكتشفها

حسن:ازاى

ورد: بنفسك ...شوف كده

بيمسك جزء وشده اتقطع فايده،حاجه زى الجيلاتين هلامى وشفاف وبيتاكل وله طعم!

مسكت ايده ووجهته ع بوقه واكلته ليه

لقى زى الجيلى  ملون بطعم فواكه وله ريحة جذابه

حسن بيضحك وهو بياكل

حسن:ايه ده يامجنونه

ورد: اومال فدقايق روحت الاوتيل ونزلت ليه ...يلا كمل اكتشاف

حسن:انا اول مرة اشوف كده

ورد: مش بقولك ،هيعشك الى عمرك م تنساه

كمل اكتشاف بشفايفه هذا المصنوع العجيب المثير وهى بتحاول تكتم

ردود افعالها...هما فحمام

لمكان يعتبر بلدى مش فايف استارز

بيعملوا شئ مرفوض بكل الطرق وكمان بره معتاده وستره !

عشان طلبت مع اتنين مجانين  ،بيعملوا كل الى ييجى عالدماغ ويحبوه

فالوقت الى يعجبهم ...

لاغين المنطق والعقل ،، عشان لو حطوا العقل كانوا شافوا بيه ربنا

ولو فعلا بيراعو ده

مكانش ولا حاجه من دى حصلت من اساسها...!

#نوراسماعيل

¤¤¤¤¤¤¤¤¤¤

"لاجل العشق فبختك مَيّل...تسكر تبكى زى العيل"

حفله صاخبه وكبيرة ومزحومه ل مريم صالح ،،كانوا من حضورها ورد وحسن

رقص وشرب ويغنوا مع الاغانى 

وهبد بكل طاقتهم وكل مافيهم 

عالم ومولد ومحدش يعرف حد ،، وكان ده اخر يوم عالدنيا

وبكره نهاية العالم..

ورد برقص جنونى وعشوائى وحسن قصادها ، لو بيصغر معاها 10سنين

من عمره

فهى بتشوف فابتسامته شئ من انتصارها وكان م خططت له بينجح اهو 

وشئ من غرورها بيرجعله الثقه من تانى..

وبعد الحفله ،،،بعد فجر اليوم التالت

ع طريق اسفلت ،كانت نايمه ورد عليه وباصه لاشاره المرور

الى بتنور اصفر...احمر...اخضر

لعربيات قلما تعدى من المنطقه دى ..ولذلك تم اختيارها..

ورد: منتهى الاستمتاع لما تخرج عنك وعن الناس والحدود

حسن: انا بعد الى شوفته وياكى استحاله اتسمى تانى شيزوفرينيا

انا كامل بعقلى بالنسبه لك

ورد(بابتسامه جانبيه) لازم مهما وصلت لاقصاك هتلاقى الى يعديك برضو

حسن: انتى معموله من ايه

ورد:من شئ مستحيل تكراره او حد يبقى شبههى فيه

حسن:وحياه دلقتنا ع قفانا كده فشارع عام وممنوع فيه مشاه اصلا

انتى حاله فريده انا مقابلتهاش فحياتى

ورد:ولاهتقابلها !

حسن:قوليلى يا ورد ،،اذا فجاتنا عربيه دلوقت!

ورد:بمنتهى السلاسه...هنموت

حسن:وااااو ..

ورد : ههههههههههه ايه مفجاة

حسن:لا كنت عارف

ضحكوا الاتنين 

ورد:بس صحيح ياحسن ، انت عنيف اوى 

حسن:انا عنيف!

ورد:اه فالمواضيع اياها ...بشك انك سادى

حسن(ابتسم) لا بس بحب اكون مسيطر

ورد: مممم وده الى خلانى انبسط وياك ع فكره

بتتشكل ع هيئه وحش فجاه وبياكل كل الى يقع عليه عنيه

وتلمسه ايده

حتى كلامك ...وانينك وصوتك المخفى

حسن:ممم تخيلى انك اول واحده تقولى كده ،،انا كان ليا علاقات

متعدده قبل جوازاتى

ومحدش منهم قالى كده

ورد:يمكن محاولوش يفتحوا عيونهم وهما فحضنك !

بيبص ناحيتها فخور بنفسه ، جت صوت عربيه جايه بسرعه عليهم

قاموا جرى زى الفيران وعدت العربيه بسرعه البرق

وقفوا بعيد خايفين وهيستريا ضحك نزلت عليهم

فلحظات كانوا هيموتوا...بس يمكن مش انهارده يومهم !

ورد:الى فات ده كان ممتع (بتضحك اوى)

حسن(بيضحك) فيومين عيشتينى الى معشتهوش 

ورد: طب يلا ...نعمل تشيك اوت من الاوتيل ونمشى

اليومين خلصوا يابو على(بتشاور عالسما النور بدا يشقشق)

حسن(مسكها من دراعها) انتى وعدتينى هتقوليلى بتعملى كده ليه

فنهايه اليومين

ورد:اول م نوصل وقبل م اختفى نهائى من حياتك ..هقولك

ركبوا عربياتهم ،عملوا تشيك اوت اخدواعلى حجاتهم

وع طريق الرجوع ...

حسن مكانش بحماس المجى ،،مكشر شويه بس مش مبين

ع طريق الصحرا

بعتتله يوقف ، ابتسم وعرف انها جايه عربيته تعمل الى عملته وهما

رايحين

لكن عكست توقعه ، وجت اخدته من ايده ..

وخلته يبطل عربيته ويقفلها ،، وخدتها جرى فالصحرا وهى بتشده

لجوه ...لجوة اوى

لاخر م اتقطع نفسها

ورا حته عامله زى الجبل الرملى الصغير كده ، واصبحت فلمح

الثوان

من غير ولا اى حاجه وبتشاورله عاوزاه فحضنها

بجنان وبسرعه جه عليها ،الرمله وبدء سخونه الشمس

منهم للسما والفضا والصحرا

مكان جديد وغريب ميجيش ع بال الجن

ان يكون فيه لحظة حميمه بين اتنين دلوقت!

كانت لحظة وداعيه مجنونه ، فيها تفريغ طاقه ع اد م يقدروا

اخر لقاء

وكمان بعد كلام المدح الى قالته ورد لحسن ،حسسه انه اخر هرقل عللارض

فصورة راجل كيوت ومز ودكتور

اداله احساس ان هى مدياله كارت السماح بهدها وتكسيرها

وتدمير اعصابها وقواها بايده

انه يمارس رجولته لابعد حد ...

ان لسه مشبعتش بعد كل ده وتحتاج للمزيد..

بتعب بالغ ، حاولوا يلملموا نفسهم ويرجعوا القواعد سالمه

وراحو لعربياتهم باخر قواهم يكملوا طريقهم عالقاهره

وصلوا...

نزلت ورد وراحت لحسن،قعدت جمبه وهو باصص لها

ورد:(بعيون واثقه) انا اخدت منك يومين ياحسن،،،عشان اثبتلك

انك مش الشخص الجامد الى رسمته عليا

يوم م طردتنى من عيادتك

كان هدفى تعرف انك مش مالك امر الكون،وان مجرد بنت تقدر تشقلب

حياتك وتعدلها زى ماهى عاوزه وفبضع ساعات بس..

ان بعد م تاخد يومينك دول معايا

واختفى

هترجع لحياتك الكئيبه الممله الخنيقه، هتحاول ترجعلى وتدور عليا

مش هتلاقينى

حسن عيونه بتوسع ليها اوى،،مش مصدق

ورد: ارقامى الى وياك وعنوان شقتى،مش هتلاقينى فيهم

اماكنى كتير

وتليفوناتى اكتر

سو وات !

كنت عاوزة العب يومين واجدد يومى واجربك ...ونفعت!

اوعى تفتكر انى حبيتك بقا وعاوزة نكمل العمر سوا وابقى الرابعه

انا مش بدمن حد

كل الناس بالنسبه لى مجرد مراحل

ومبقفش ع حد ...ودلوقت هكون فمنتهى استمتاعى

لما اعرف انك تايه وضايع بين العالمين

ومش عارف لفين تنتمى..

بمجرد م اركب عربيتى وامشى...عمركم هتقابلنى تانى

لدرجه انك هتحس انك كنت فحلم...او كابوس ع حسب منظوره

من ناحيتك

(جايه تنزل من عربيته افتكرت حاجه ورجعت) اه صحيح

نصيحتين

اولهم

مفيش ست بتقرب من راجل متجوز مرة واتنين وهو رافض، الا لو عاوزة تلعب بيه شويه

وتضيعه وتسيبه

لكن لاحب ولا عنب

فاكر اما قولتلك ست البيت المتجوزة ده شرف موصلوش

الست الى فبيتك ...احسن منى ومن اى واحده عاوزاك وبتقربلك

رغم بيتك.

الست دى بتعرف تكونلك بيت وولاد وانا مش بعرف وبتسلى وانت وغيرك ضحيتى

وغيرى وغيرى كمان..

بس انت والى زيك عميان

عاوزين تملكوا الدنيا ومتروحش عليكم ابدا

متجوز ست محترمه وبتحبك وعمرها م تخونك وشيفاك فارسها الوحيد

وتعط مع عشيقه تحسسك انك هارون الرشيدى

وان الجواز مخلاش شكلك بايخ وسئيل

صدقنى كل دى كدبه ووهم ياريت تفوق منه...انا راهنت روحى انى همسك مسح

وقدرت

طردى من عندك تمنها غالى اوى،كان لازم المرة دى تتعلم درس قاسي

وتبقى انت التلميذ

هتكرهنى اه ...بس هتشكرنى فنفسك بعدين

حسن:انتى حقيره 

ورد(بابتسامه) ميرسي ...النصيحه التانيه

بطل شغلتك وروح اتعالج

اصل باب النجار مخلع

لان هتحتاج تتعالج ...اصلك هتخسر كتير وهتلاقى روحك لوحدك

ياحسن...جايز دماغك تخبط شمال ويمين انا انهى شخصيه فكل ده

معرفتش تقرا غير الى عاوزه وهو انى مسحوره بيك وبس

وهو ده الى كنت انا عاوزاه مش انت ...اشدك للاخر لحد م تاخد القلم منى

متخسرش غالى عشان انت شهوانى وايوة انا الى بقول كده..(غمزتله)

بااااااى

شاورت باى وبعتت بوسه فالهوا ،وانطلقت بعربيتها غابت عنه ورد

وحكايتها للابد

راجع لبيته كلامها فدماغه مع كل حاجه حصلت مابينهم فيومين

تناقض وصراع فظيع هو كان بجد ولا كابوس..وصل لقى البيت فاضى

مفيش حد

بيدور عليهم

طلعت ضحى من اوضتها بتجر شنطتين

ضحى:حسن !

حسن:انتى رايحه فين ؟ وفين جميله واخواتها

ضحى:جميله مع بنتك فالمستشفى ومغاها اخواتها

حسن:مستشفى ايه ،في ايه(بخضه)

ضحى:هو انت بتتخض بجد ياحسن ! عالعموم

روحلهم فمستشفى د ياسر حمدى للاطفال

يمكن تقدر تلحق اى حاجه

بس قبل م تخرج

طلقنى 

حسن:يوووه ياضحى انا مش مستحمل ابوس ايدك

ضحى:ولا حد فينا عنده طاقه يتحمل تانى يا حسن ،طلقنى

احنا عرفنا وشوفنا كل حاجه وتقريبا عرفنا كنت فين اليومين الى فاتوا

ومع مين

حسن:ضحى انا ...

ضحى:طلقنى ودلوقت ارمى اليمين،مش عاوزة اشوفك قصادى ساعه كمان

حسن باصص لها الدنيا بدات تتهد

ضحى:طلقنى ياحسن (غمضت عيونها) وحياة اغلى م عندك م تصعبها

اكتر من كده

حسن :(بضعف كبير) انتى طالق ياضحى !!

خرجت ضحى زهى بتجر شنطها وبتمسح دموعها بكبرياء

،اخد بعضه وعالمستشفى

سال لحد م وصل،لقى اخوات جميله بيعيطوا

وجميله مكانها عيونها بتنزل دموع ،شمت ريحته وشها اتغير اكتر

قابلوه اخواته محمد وسلمى ..

سلمى(معيطه) بنتك ماتت ياحسن ! بنتك ماتت وانت مش هنا

حسن(بهلع) ايييه!بتقولى ايه

محمد: انت انسان حيوان وماتستاهلش نعمه زى دى ولا واحده من ستاتك ياعطاط يا وسخ

حسن:حد يفهمنى طيب 

سلمى:بنتك جالها التهاب رئوى ومعرفتش جميله تتصرف ولحد م جينا وجبناها وبيتنا وياها ربنا اختارها

(بتعيط اوى) الى ضاعت دى نعمه انا بتمناها ياحسن حرام عليك

كنت فين 

محمد: معرفناش نكتب اسمها ايه البيانات،مالهاش شهاده ميلاد

عايش بحنانك ومش فبالك حد

راح حسن لجميله وقعد حمبها بعدت عنه بجسمها ونفرت

حسن:جميله!

جميله:بنتك لاكنت فميلادها ولا فمماتها ، متشكره ياحسن

انا اتحملت كتير شايله الى عملته ويايا فوق راسي

لكن بعد كل ده مش قادره ومش عاوزاك تانى فحياتى

روح للى كنت بتغنيلها وتحضنها وسايبنا فهمنا ووحلتنا

خليك فحياتك وخلينا فحالنا

حسن:حتى انتى يا جميله

جميله:مبيكلفش ربنا نفس ع اد وسعها،وانا وسعى ضاق

خلاص

ابوس ايدك ...قلبي بيتقطع

فيه حته منى راحت خلاص ..مفيش الى يربطنا ببعض

وياريتنى فيوم م مديت ايدى فمكان كنت انت فيه

ولا شوفتك وشوفتنى

محمد:هتكتبها ايه ياباشا عشان يطلع تصريح الدفن

وشه كله دموع حسن،،بيتمنى يكون كابوس ويفوق منه

يصحى منه ع صوت واحده منهم

جميله ولا ضحى ولاتقى

يطلع ع شغله ويرجع للى كان من غير كل ده..

حسن(باكى) اكتبها ورد...ورد حسن ماتت!

جميله:ارمى يمينك يابن الناس وروح لحالك وسيبنا فحالك

حسن:مستحيل اسيبك ي جميله

جميله:فين المستحيل وانت دايما سايبنى ..المستحيل انت عملته ياحسن

حسن:مستعد اكفر عن غلطى

جميله:وترجعلى بنتى!

حسن:سامحى ي جميله

جميله:والله م قادره ...ابوس ايدك انهينى مع موت بنتك

خلينا نندفن من حياتك سوا

حسن:قولو ليها حاجه ي سلمى!

سلمى يتعيط ومفيش كلام

جميله قامت من مكانها بتتسند بيمسك ايدها بعدتها،ومسكت حد

من اخواتها

جميله:حررنى من تعبى ...ارجوك

ودلوقت

خلينى اندفن وياها...خلينا نرحل بعيد عنك

حسن:(دموعه مغرقه وشه) جميله...انتى،،انتى

طالق!

¤¤¤

استنوا الفصل الجاى

نوفيلا

نوفيلا

❣السلطان وحريمه ❣

(تابعه لرواية شيزوفرينيا باحداثها وابطالها)

❣❣❣❣❣❣❣❣❣❣❣❣❣❣

فصل (9

"انا مش هطلب طلاق زيهم يا حسن ،مش هستناك اصلا"

حسن:اومال 

تقى: انا رفعت دعوة طلاق  وزمان الاعلام جالك ع عيادتك ياحسن 

حسن:(مستغرب) دعوة طلاق!

تقى:لوقع الضرر..والخيانه..والاهانه

وحق العرب كده بالبلدى الى بينا 

حسن:وانا اهانتك ياتقى؟

تقى:وهو انك تختفى مع واحده حيوانه شكلها واضحالجديد انها موميس ارستقراطى

وتقضيها وتسيبنى هنا من غير م تسال

حتى لو زعلت منك وسيبتلك البيت

مش يمكن اتعب وانا وحدى...مش يمكن اولد بدرى عن ميعادى

اى حاجه تحصل او متحصلش

مش طالما لسه ع ذمتك من حقى ..!

كل ده تسميه ايه ياحسن

حسن:وخلاص اتفقتوا كلكم انى لا اصلح ، بنتى ماتت يا تقى

وضحى وجميله صمموا ع انفصالهم منى

وكل حته فيا بتتخبط وبترقع وانتى كمان عاوزة تسيبينى

تقى: وافضل وياك ليه ي حسن؟ 

حسن: والحب الى بينا

تقى(بدموع) الى كان ياحسن ...كان فقلب تكتوكه حبيبتك

الصغيره ...الى كبرت وفقلبها حبك

وادتلك كل حاجه ومعزتش عنك

تقى الى لما كنت ميتتحملش تشوف دموعها،تاخدها فحضنك 

وتغنيلها بصوت هادى

بس دلوقت بيهون عليك تكسرها...وتدوس عليها و ع ابنك عادى

حسن باصص لها باسى فظيع

تقى: فين الوعد ؟ فين رجولتك فكلمتك

خونتنى بدل المرة كذا مره

حسن:كذا مرة!!

تقى:جرح قلبى بخيانتك يتفسر ب ايه ي حسن ، لما حبتنى ووهبتلى قلبك

وعرضت عليا الجواز واتجوزنا وانت قبلى متجوز مرة واتنين

لما رجعت تشرب وتسكر وتسيب الى اتفقنا عليه وترجع لربنا

ولما جريت ورا واحده حيوانه وانبسطت فحضنها سعاده مزيفه

متحرمه عليك عشان مش من حقك وبتسرقها وسيبتنى هنا فعز الوجع ..!

يبقى كام مرة خيانه ياحسن ؟

وانا اكتر حاجه توجعنى هو انك توعدنى ومتوفيش...وحصلت ياحسن

(قامت من مكانها وادتله ضهرها)

تقى:انا مسافره وسايبالك البلد كلها،والقضيه هتتحكم لى

وابنك اعتبره مات من قبل ميلاده زى بنتك

حسن كرامته وجعته اوى من تقى ...حس ان كفايه كده عليه

حتى لو كان غلطان فحقهم

حسن:متستنيش قرار المحكمه يا تقى...انتى طالق!

خرج بسرعه من عندها ،وقلب تقى انشرخ اخر م فيه لماسمعت

جمله قرار انفصالهم عن بعض...للابد!

#نوراسماعيل

¤¤¤¤¤¤¤¤¤¤

فمدافن العائله الشرعيه ، كانت جميله واخواتها

وسلمى ومحمد وعنان وابنهم حسن وبعض من افراد عائلتهم

موجودين

بيودعوا حتة من حسن وجميله تحت الارض لاخر مره ...ورد حسن!

الاسم الى اختاره حسن عشان يفوق روحه ع انها ماتت وكانت السبب فموت وضياع

بنته..

واقف بعيد بنضارته ع عيونه،مش متحمل يشوف حد ولا حد يشوفه ويتطلع لنظرات

عيونه التايهه الحزينه الضعيفه..

بكاء جميله كان اشبه بالسكاكين بتغرز فيه فكل ناحيه وهى مسنوده

للحيط وكانها بتنعى اخر ماليها..

واقف بعيد وبيراقب كأن مالوش دعوة..اضعف من انه يواجه

غلطاته

اضعف من انه يواجه نتيجه افعاله

الهروب لغته ومنهجه...الى للاسف دمر من حواليه كل حاجه..

#نور اسماعيل

¤¤¤¤¤¤¤¤¤¤

"انت ايه الى جايبك ياعم الحج"

حسن: وائل...تعرف تخفى من وشى 

هتعرف ولالا

وائل: اولا البقاء لله فبنتك 

حسن:سبحان من له الدوام 

وائل:بس فعلا انت ايه الى جابك بجد ؟ 

حسن: فيه ايه يا وائل،هو انا جاى لعزبه ابوك

وائل:عزبه ابويا...هعديهالك عشان متعرفش

رغم انك انسان غلاط

بس انت اتفصلت نهائى من المصحه

حسن قام مفزوع من ع كرسيه ..

حسن:ايه ؟!

وائل:دكتورة فايزة اسالها،القرار طلع امبارح اصلا

حسن قام من مكتبه وبيجرى ع مكتب دكتورة فايزة

حسن:انا ازاى تفصلونى عاوز افهم !

دكتورة زميلته: تيجى دكتورة فايزة واسالها يا دكتور حسن

حسن: حد يتصل بيها دلوقت

وائل(كاتم ضحكه شماته) اهدى مش كده يا سونه بالراحه ع نفسك

ياشيزوفرينيا

حسن:وائل ابعد عنى عشان بجد كل الغليان الى فيا هيطلع عليك

وائل:ويطلع عليا ليه ...اقف كده واحترم نفسك فالمكان الى كان فيه شغلك

حسن: (مسك وائل بعصييه من هدومه) انت تخرس خالص

وائل: انت ياجدع انت...تسكت وتتلم وتشيل المتكسر وتمشى باحترامك للاخر

حسن (بعصبيه) انت شكلك عاوز تضرب (هيبدا يضربه)

صوت دكتورة فايزة قطع مشادتهم سوا ودخولها المكتب بتاعها..

فايزة:صوتك عالى ليه يا دكتور حسن ؟

حسن: (بانهيار) دكتورة فايزة انتو فصلتونى فعلا من هنا

فايزة:بثبات ) اه يا دكتور حسن ..قرار فصلك نهائيا عن العمل 

طلع امبارح

وائل مبتسم بسخريه

حسن:وليه ؟

فايزة :معقوله مش عارف...معقوله فيه انسان بيتصرف بلا وعى كده

ومش بيعمل نتايج لتصرفاته؟

دكتور حسن...مستحيل يفضل فالمصحه هنا الى اوقات كتير

حالاتها من البنات والستات بتقع مابين سن المراهقه لفوق

دكتور مستهتر وبتاع ستات وحجات مقرفه يضر بسمعه علاجه

وطريقته مع حالاته ومرضاه

حسن:انتى مصدقه الى بتقوليه ده يا دكتورة

فايزة :مش معنى انك دكتور كفء ...يبقى تتحطى حدود العيب

والواجب

وانا اقبل...ده بيضر بسمعه مكان بقاله سنين واقف ع رجله

وبسمعه ناس بتشتغل فيه

يا دكتور

حسن: وحياتى الشخصيه مالها بيا مهنياٍ

فايزة:حياتك الشخصيه جزء منك...وانت جزء من المؤسسه دى

ازاى هيفضل واحد من اضلعها المهمين فيها

وهو بالاستهتار ومنتهى الوقاحه دى...متاسفه انى بوجهلك

كلمات صعبه كده

بس لازم تفوق ع حقيقه انك مبقتش دكتور حسن الى نقدر نحترمه من تانى ...

حسن : ياااه 

فايزة :معنديش كلام تانى ليك ياحسن...للاسف بعد ملف مشرف لدكتور

عدى كل مراحل الامتياز

قشايه،،تقسم كل الى عدى وتهد جبل ..

حسن مشى من قصادها ، دخل مكتبه بيلم كل شهاداته

كل متعلقاته

وائل واقف بص له بشماته ومشى، نزيف دمه مكانش خارجى

كان طالع من قلبه فعلا..

مشى وهو بيدون فقائمه خسرانه ، حاجه جديده مهمه

نعمه من النعم الكتير الى ربنا ادهاله مكانش حاسس بيها لدوامها

ووجودها

لكن لما زالت منه زى الى زال قبلها،،عرفمش يعنى ايه

تشترى الرخيص بالغالى

ومجرد نزوة ليومين غلافها السعاده 

ومضمونها نار جهنم، تعمل فيه كل ده

وتدمره حرفيا كاأنه مبنى عالى اتكسر حتت..

#نوراسماعيل

¤¤¤¤¤¤¤¤¤¤

»وماتفرحشي بإنك قادر تزيف حقيقتك قدام الناس.. هييجي وقت عليك هتبقى مش عارف تبص في عين حد حتى مرايتك،،  مش هتطيق تشوف فيها خلقتك !»

حسن بيرفع عينه عن دراعه وبص لحبيبه بعد م قالت الكلمتين دول له وهو مش بينطق ب ولا كلمه..

حبيبة:عارف عيبك ي حسن ...انك فهمت انك مجنون فقولت ان متاح لك اى حاجه

حتى قلوب الناس

بس انا قولتهالك زمان ،،مش أطباق نيش امك هى!

يعنى ايه كل الى حصل ده...يعنى ايه ؟

رد عليا

حسن باصص لها ومش بيرد برضو

حبيبة:تعرف جزء من اعجابي وانبهارى بيك ي حسن،وانك بجد

تفضل اقرب صديق ليا

انك مجنون وطاقق والى فدماغك بتعمله من غير م تأذى حد

من غير م تدى وعد متكونش اده

من غير حرام !

انا اه مش ملتزمه ...بس الى انت عملته ده قرف

فرقت ايه عن مجدى طليقى؟

فرقت ايه لما اختارته دونا عن الناس وخاننى فسريرى مع صاحبتى؟

انت عملت كده مع ستاتك

نفس الحاجه بس باسلوب تانى

وفاكر انك بتعرف تزيف حقيقتك وتغيرعلى فوشك وجلدك

ع حسب الى قصادك!

لكن لا ي حسن...بتخسر

بتخسر وبغباوة كمان

بنتك ماتت بسببك،جميله العاجزة العاميه الى انت اجبرتها بوعدك ليها تاخدك سند

معرفتش تتصرف وعشان كده راحت منكم!

كسرت قلب ضحى الى ضحت بكل شئ عشانك،استحملت يتقال اتجوزت النسونجى

البودرجى صاحب الكوبايه!

استحملت كل القرف وحبتك بصدق من قلبها

ضحت بحياتها زمان وقت م انت اتخليت

حسن باصص لها باستغراب

حبيبة:مستغرب ان انا الى بقول كده صح؟ لما بقعد اقول انى بحبك

وكان نفسي تحبنى بجد ونتجوز

بييقى قصدى انك شخص مينفعش اخسره باى شكل من حياتى

لكن فالحقيقه انا فرحانه بعيلتك الكبيره الى انت عملتها وانا معرفتش اعملها

باصرارك ان كل حد حبيت وجوده يفضل وياك!

حسن:واهى كل حاجه راحت...حتى تقى!

حبيبة: تقى ...تقى انت دمرتها

بنت سابت كل شئ واترمت فحضنك واستخبت

بنت خدتك اب وام وصديق واخ وزوج وحبيب..

وقت م حياتك كانت بتضيع وكنت بتموت ي حسن

وقررت تخرجها بره حياتك

هى مش استسلمت لقراراتك وعاندت وحاولت

وانقذتك من الموت بحته منها

اتجوزتك وخلفت واستحملت وجود غيرها يشاركها فيك

مع انها حبيبتك الوحيده

وبعد ده كله تسيبهم وتنساهم وتاخدلك يومين حلوين

مع موزة زباله

ووقت م ترجع يكون كل شئ ع مايرام،،وجايز كمان

ان ورد لو مكانتش ادتلك قلم ع قفاك

كان زمانكم سوا وبتشرع تكون الرابعه!

حسن حط وشه بين كفوفه وسامعها

حبيبه: عشان للاسف انت انانى ياحسن،قلم ورد فوقك

وعرفك حجمك

حجم سعاده عبيطه وهبله ضحكت بيها ع روحك

لو الى فالبيت مقصرين وياك قولهم 

لكن متدورش ع حضن بره

حسن(بانهيار) كل واحده منهم بقت لوحدها ضغط عليا

جميله اكتر واحده فيهم هاديه ومبتتكلمش

جفاءها من غير كلام كان بيدبحنى

ضحى استجواب وليه وعشان ايه ومكشره 24ساعه ومبقتش ارضيها

مع ان هى عارفه حسن وقبلته ع عيبه

وتقى...تقى الى بتحبنى اكتر من ابنها الى هييجى منى 

اتخلت لمجرد مش عارفه تتاقلم ع وضعها وياهم بعد كل الوقت ده

وشغاله تشد فيا

طلقهم...ياتطلقنى!

انا حسن الى عيشت من غير مسؤليه

طول عمرى

حطيت نفسي فقالب مسؤوليتهم وحاولت اتشكل عليه

عشانهم

لان اجزاء روحى عند كل واحده منهم

مقدرش استغنى عن جميله

ولااعرف اعيش من غير ضحى

ولا ليا حياه من اساسه من غير تقى

بس هما عرفوا يستغنوا

حبيبه:ورحمه ابوك وانك متعشش فالدور،انت الى استغنيت الاول

وانت الى بيعت

ع اساس طيرهم هيولف ع غيرهم ويطير ع مزاجه

ولما يرجع يلاقى عشه زى ماهو

لا ياحسن...عشك اتهد

وانت الى هديته...وهديت شغلك وسمعتك الى بنتهم فسنين

وورد

ورد تلاقيها عايشه حياتها مع غيرك زى الفل وانت ولا ع بالها

لعبت بيك يومين وروحت لحالك

الشئ الى لايمكن واحده من ستاتك تعمله ...لانهم مخلصين وبيحبوك

وبتوعك لوحدك

ما ملكت ايمانك ي حسن

حسن: عارف...

حبيبة:لا مش عارف يااستاذ غبي...لو عارف مكنتش ضيعتهم

بس نعمل ايه

عرق فيكم

اننا نحرق فروحنا عشان ننور لكم،ويفضل عرق الطفاسه

والانانيه فيكم

حسن:هما مبقوش زى الاول

حبيبة:صحى فيهم جنانهم وجنانك، قولهم يعملوا زى الجيزبونه

دى بس بحلالك

وفيها فيه

ده انت شيزوفرينيا

الى فيهم تعقل رجعها للجنان بجره منك

حسن(بألم) م خلاص راحو ي حبيبه ...راحو مفيش فايده للكلام

حبيبه:لا فيه 

اهدى وانت هتعرف ترجع الى راح

مسكت ايده وضغطت عليها وبصتله وغمزتله بابتسامة

حبيبه:هتعرف ياحسن...

#نوراسماعيل

¤¤¤¤¤¤¤¤¤¤

الصورة المنحوته بالفضه..

هدية ضحى الى بسببها لسان حسن اتفك وقالها «تتجوزينى»

عيونها مش بتتشال عنها وهى بتدمع ورا بعض

وفاوضتها فبيت باباها ساكته ومبتتكلمش ومبتقولش حاجه..

اما عن الشنطه الى بتتحضر، والدموع بتنزل ع الحجات الى فيها

من عيون تقى

وكل شئ بيتحط ، الا سلسله رقبه حسن بتاعت الجج الى كانت

جابتها مامته له فمره قبل مرة وفاتها

ومقلعهاش الا لحبيبه قلبه تقى !

ماسكاها وباصلها وصوت بكاها نحيب ...ركنتها وقعدت بهمدان

عالارض وهى زى طفله باباها مات دلوقت ومش مستوعبه!

لكن طقم الفستان البينكى بالشوز بتاع«ورد حسن الصغيره» كان فحضن

جميله مامتها وساكته والدموع خلاص حفرت مكان ع خدودها

حتى عيونها المتحجره كان فيهم كلام كتير

وسكوتها الدائم يحسس ان زائد عماها اصيبت بالخرس !

المتسوله الى احتالت روح حسن ، لاول مرة برغم كل الفقد

تحس نفسها وحيده ..

ثلاثتهم يجمعهم الدمع ،ووجع القلب والوحده

وكسره مفيش بعدها جبران ،،والسبب واحد..

#نوراسماعيل

¤¤¤¤¤¤¤¤¤¤

صوت عربيه بتحاول عالفرامل ومش عارفه ،بتتقلب 

وبتتخبط

والدنيا بتوقف

اصوات متعاليه ومتداخله ومش متفسره ...الصوره والصوت يضيعوا

لوقت مش معروف ومش محدد

ويرجع صوت من غير صوره 

الواضح منهم ناس بتنادى ع ناس

وصوت انثوى ظاهر ل الحاله بتضيع مننا يا دكتور...

القلب اتوقف ...بيترد صوت خشن وبعيد بيقول جهاز الصدمات فين 

مفيش وقت ،،

مش ظاهر ومش واضح وتضيع الرؤيه والشعور من تانى!

¤¤¤¤¤¤¤¤¤¤

استنوا الفصل الجاى

نوفيلا

❣السلطان وحريمه ❣

(تابعه لرواية شيزوفرينيا باحداثها وابطالها)

❣❣❣❣❣❣❣❣❣❣❣❣❣❣

فصل (10

«««الاخيييييرة »»»

فطرقه المستشفى ،،كانوا واقفين مذعورين

محمد اخو حسن ومراته عنان ولحسن حظهم ودوا ابنهم عند اهل عنان

لشدة الموقف مينفعش يكون فيه،وسلمى اخته وجوزها

وتقى ...وضحى...وجميله !

منتظرين وخايفين بين كل لحظه والتانيه ...بيقروا قرآن فسرهم

وبيدعوا ربنا يقوم حسن منها بالسلامه ..

محمد:بعد م قالوا حالته استقرت وهينقلوه غرفه عاديه، ايه الانتكاسه دى بس (متضايق)

عنان:ربنا يقومك بالسلامه ياحسن يارب

سلمى(عيونها معيطين) انا كنت جايه اتطمن عليه زى كل يوم ،وفجاه قالولى انه تعب

فجاه وكان ..(مكملتش بتعيط وجوزها بيطبطب عليها)

احمد(جوز سلمى) انا لما عرفت كده كلمتكم كلكم عشان تبقوا موجودين

ضحى بتبص ع تقى الى فاتحه مصحف وواقفه تعبانه،راحت ناحيتها

ضحى:تعالى اقعدى طيب

تقى:خليكى عشان رجلك انا مش عارفه اقعد واهدى كده عادى(بتوتر) مش عارفه

ضحى(بتحاول تطبطب ع تقى) هيقوم منها بالسلامه ان شاء الله 

قولى يارب

نروح لجميله بتتلو قران فسرها ...

جميله:يارب ...يااااارب

الدكتور:وجودكم بعد اذنكم مالوش لازمه ،اول م يفوق وحالته تستقر

هنبلغكم وقت م ننقله لاوضه عاديه

سلمى:طب هو ايه الى تعبه فجاه كده

الدكتور: هو فيه رفض من جواه انه يقوم من تانى ، تقريبا ضعف

ارادته انه يقوم من تانى ادى اشارات لقلبه بعدم الاستجابه

واحنا بنقول ده احتمال

محمد:فيه امل طيب حالته تبقى احسن

الدكتور:ان شاء الله ،بس وجودكم هنا مالوش لازمه غير تعبكم

محمد قرر ان الكل يمشى عشان ميتعبوش اكتر من كده فجو الانتظار والتوتر

وبعد ساعات..

ممله،طويله من الانتظار

عدت عالكل ،جه تليفون من المستشفى ان حسن فاق

وحالته استقرت نسبيا

فالطريق كأنهم بيتسابقوا! وبسرعه ارواحهم كانت عنده قبل اجسادهم

من اشتياقهم للاطمئنان عليه ..

تقى(بلهفه)حسن! حبيبى قوم ياعمرى 

حمدلله ع سلامتك(حضنته)

حسن باصص لها بذهول

حسن:ت..تقى انتى هنا 

ضحى(بدموع) ياحبببى ياحسن الحمدلله رب العالمين(بتبوسه

فكل حته فوشه) يالاهوى دلوقت اتنفست

جميله جايه عليه بالراحه هى وسلمى 

جميله:(بتحسس ع ايده) الحمدلله ياحسن ربنا مورناش فيك

اكتر من كده وحش

سلمى:إنت عاوز تموتنا وراك طيب(معيطه)

حسن:(بتعب) مش فاهم ومش فاكر حاجه 

محمد: معلش قدر الله وماشاء فعل ، انت عملت حادثه وبقالك

اسبوع فالعنايه

حسن(باستغراب) عنايه!

عنان(بحزن) كنت فغيبوبه ...وبعد م استقرت حالتك رجعت اتدهورت

اخواتك كانوا هيموتوا عشانك ياحسن

ومرتاتك كل واحده مبطلتش عيونها دموع

حسن(بارهاق) اسبوع !

يعنى انتو سامحتونى ..(باصص لستاته)

ضحى وتقى بيبصوا لبعض وبيبصوا لجميله

تقى:نسامحك ع ايه ياحسن ،لو علشان انا سيبت البيت 

فانا كنت بريح اعصابي شويه

بس مستحيل كنت هسيبك

حسن(بتعب ومسك قلبه وبيحاول يتعدل) لا...انتى عاوزة تسافرى ومتورنيش

ابنى تانى

وضحى وجميله طلبوا الطلاق ...و(بيكح جامد)

سلمى:اهدى ياحسن اهدى والنبي م صدقنا فوقت

ضحى(بخضه) انا اطلب الطلاق منك ياحسن ! بعد الشر

يارب اموت قبل م انفصل عنك

حسن(بتعب) ف ايه...انا مش فاهم حاجه 

ولاده حلم 

محمد:طيب بص اهدى دلوقت الدكتور قال ترتاح، والايام جايه

نتكلم لحد م نخلص كل الكلام بس دلوقت استريح

*تليفون جميله رن*

تقى :يمكن اخواتك ي جميله 

جميله طلعته وضحى ردت وادتهولها

جميله:السلام عليكم ، اه

لا اديها الببرونه الصغيره وغيري لها واحنا جايين اهو 

اه عمو حسن كويس 

سلمى:جميله روحى لبنتك انتى وضحى وتقى واحنا هنفضل مع حسن لحد

مايقوم ويبقى زى الحصان 

حسن (بلهفه) بنتى! هى بنتى لسه عايشه بجد(عيونه دمعت)

بصوا كلهم لبعض بصات غريبه ومستغربين الكلام الى بيقوله

حسن ده ،بس سكتوا لانه لسه فايق من غيبوبه وحادثه شديده

جميله بخطوات هاديه ،جت ناحيته 

وحضنت دماغه لصدرها بحنان بالغ زى عادتها معاه ، كان بيشم ريحتها ومشتاق اوى

جميله:اهدى ياحبيبي ، باذن الله تبقى كويس كده وترجع احسن

من الاول

احنا هنمشى ونرجعلك تانى ي حسن ..

متتعبش نفسك بالله عليك

مشيوا الستات التلاته ، وفضلوا محمد وسلمى ومشيت وياهم مرات محمد

تروح لابنها

وحسن بص عليهم وهما خارجين،حط ماسك الاكسجين ع تنفسه

وراح فالنوم من التعب..

#نوراسماعيل

¤¤¤¤¤¤¤¤¤¤

*قبل الحادثه بساعات*

بعد م ورد عملت حركتها المجنونه واتشعلقت فلعبه الساقيه

بين السما والارض

عشان حسن يكلمها ويحن عليها ،، حسن روح عادى بيته

بعد م تقى فعلا مشيت وشد مع ضحى 

وحاول يخلى جميله تصارحه اذا كانت شايله منه ولالا

ومقالتش وخبت زى العاده ،،!

كان جايب اخره ،نام وصحى لوحده فالليفنج مش فاوضه ولا واحده

منهم ولاحتى اوضه تقى الفاضيه

قام وخد دش ونزل عالمصحه من سكات من غير حتى صباح الخير لانه اتعمد يصحى قبلهم..

وصل وفاستقبال حالة من حالاته 

ست فاواخر الاربعينات بس متجوزة صغيره وعندها ولاد كبار فسن كليات

اهملت فنفسها كتير وكانت بتيجى ع نفسها عشان ولادها وبيتها

طول الوقت

عمرها م قصرت وياهم بس قصرت فحق نفسها ..

والنتيجه كانت انهم كبروا ونسيوها وبقت ليلها ونهارها وحيده

حياتهم نت وخروج واصحاب وهى منسيه..

الموضوع بدا معاها بانتقاص من يشارك يومها،النقص بقى حزن

والحزن جاب اكتئاب

قررت تسيب البيت فجاه وتدخل المصحه برجليها يمكن يدوروا عليها

ويعرفوا قيمتها اخيرا

وكانت الست دى احدى حالات حسن الى بيحاول معاها زى كل مرضاه

تخرج من ضلمه تعبها النفسي للنور..

حسن:يومك احلى انهارده بقا ، فين ابتسامتك الى بتستقبلينى بيها كل مرة

السيده(الحاله) : ربنا يخليك يا دكتور

حسن(بياس) انتى مش عجبانى ...انا مش عاوزك تكونى كده

السييده: هعمل ايه ي دكتور حسن يعنى

حسن:متقعديش وتنتظرى حد ، انتى هنا رجعتى تشتغلى الكانفا الى بتحبيه

بتقعدى مع ناس بتحكوا سوا وبتشوفوا تليفزيون وبيشاركوكى يومك

بتخرجى رحلات اسبوعيه

انا عاوزك تفكرى فنفسك شويه ممكن

السيده:اكون انانيه يعنى؟

حسن:مرة تكونى انانيه...انا الى بطلب منك كده 

انا عاوزك تكونى انانيه

ومتستنيش حد ...ومتفكريش فحد كفايه تكونى لنفسك وبس

السيده:مينفعش يادكتور،كل يوم بستنى اعرف انهم بيدوروا عليا

كل يوم قلبي بيوجعنى لو حسيت انهم قلقانين عليا ومش بيناموا

حسن:ولما كنتى وياهم فكروا فيكى؟ لما كنتى بتاكلى بواقيهم

وتفضلى صاحيه لحد اخر واحد منهم يدخل البيت لولا م تنامى

ولما كنتى بتجرى فالشوارع بالواحد منهم 

عشان تعرفى ماله لو جاتله شويه كحه ...كنتى احسن

السيده:انا لازم اعمل كده 

حسن:لا مش لازم طبعا

السيده:لا لازم ،عشان انا ماما يا دكتور حسن..!

حسن:مش عشان انتى ماما تبقي قاعدة منكوشة..!!! تسريح الشعر مش بياخد اكتر من تلاث دقائق

ومش عشان انتي ماما ..

لازم تاكلي من الارض وتلمي البواقي عشان مستخسرة ترميها !!

ومش عشان انتي ماما..

لازم تشربي الشاي والنسكافية متلجين ..

م تعملي غيرهم فيها اية ؟

ومش عشان انتي ماما ..

لازم تبقي ايدك ناشفة من كتر المياه 

الكريم بيتحط في دقيقة .

ومش عشان انتي ماما ..

يبقي لازم تذكري لاربعة في نفس واحد 

م تعملي جدول لمواعيد الواجب كل واحد لوحده !!

ومش عشان انتي ماما..

لازم تبقي ام .... ماله اسمك ...؟؟

ومش عشان انتي ماما ..

لازم تبقي بكرش ،،،خلاص ولدتي خلصنا ..

الولادة سبب مش حجة !!!!

ومش عشان انتي ماما ..

تجري علي الدكتور لوحدك بالعيال كل مرة ...فين بابا؟؟؟

ومش عشان انتي ماما ..

ميبقاش ليكي مصروف خاص بيكي حسب مقدرة جوزك،، مش شرط يبقي مبلغ كبير ممكن يبقي رمزي لو ظروفه متسمحش

ومش عشان انتي ماما ..

تكسلي تلبسي وتنزلي 

عشان هتلبسي كذا بني ادام معاكي ..

لا البسي وانزلي ؛؛ يجيلك اكتئاب نص ساعة بدل ما يجيلك بقيت عمرك

مش عشان انتي ماما تنسي نفسك..

انا مش بلومك ولا بقلب عليكي المواجع ..احنا عايزينك تستمتعي بأمومتك وتحبي نفسك وانتي ام 

ومش يبقي عندك طاقة مهدرة ووقت ضايع طول عمرك تندمي عليه لما ولادك يروحوا بيوتهم ...

اسعدي نفسك ومتجيش عليها عشان تعرفي تسعديهم ..

اهتمي بنفسك وبكيانك وبجسمك عشان لما توصلي للاربعين الناس يبقوا محتارين انتي مامتهم ولا اختهم الكبيرة ..

اسعدي نفسك عشان نفسك هي كمان ليها حق عليكي

الست بصت للارض وسكتت ..

حسن:ع فكره ..انا عرفتهم انك هنا وطلبت منهم محدش 

ييجى ولا تشوفيه لغايه م يعرفوا قيمتك

وانتى تعرفى قيمه نفسك اكتر من كونك ماما

ساعتها هكتب فتقريرك خروج..

خرج حسن من عندها ..مر ع كام حاله 

وبعدين كتب تقاريره

ومشى...فالطريق اتصل ب ضحى 

ضحى:ايوة ياحسن

حسن:ايوة ياحسن !! تعالى ابطحينى طيب

ضحى:بتهزر يعنى 

حسن:دودو بلاش ياروحى قلبه البوز والنكد ، انا مبحبش كده

وانتى عارفه

ومبحبكيش انتى بالذات تزعلى منى

ضحى:ياسلام كنت عملت ل ده ي حسن ، مش سايبنا عادى

نخبط روسنا فاجدعها حيط

حسن:واتعوروتوا؟

ضحى:يالاهوى ...ظريف هتنقطنى

حسن(بيضحك) خلاص بقا فكى، يلا احهزى هعدى اتغدى معاكى بره وحركات

من بتاعت زمان

ضحى:مش مستعده ي حسن ..روح لحبيية قلبك الست تقى

يمكن تروح وياك

حسن:وليه الفصلان ده طيب

ضحى: اسال نفسك ياحسن،باى

حسن اتضايق بزياده من مكالمه ضحى ،راح مطعم وطلب اكل

وهو مستنى جاتله واتس من رقم غريب

»كل اليوتيوب بيتكلم عننا، اعقل بقا وتعالى لا الا المرة الجايه

هجبلك بتوع داعش»

حسن تجاهل المسج وبعت مسج ل تقى 

حسن:كل الحجات ناقصه وانتى مش جنبي ي تكتك ، مش هقدر اعيش من غيرك

هتقدرى انتى ؟

مستناش رد وجاب رقم جميله وطلبها

اخوها ناولها الفون بهدوء لانها كانت نايمه جمب بنتها ،،صحيت وردت

لما قالها اخوها انه حسن

جميله:السلام عليكم ياحسن

حسن(اتنهد) انا بحبك...

جميله(ابتسمت) وانت اغلى ماليا

حسن:لو عملت حاجه زعلتك ...فسامحينى

هعوضك واعوض بنتنا كل حاجه معرفتش اعملها ليكم وخلت قلبك يشيل منى

جميله(بوداعه) قلبى عمره م شال منك الا الحب ياحسن

حسن(ابتسم)بليل لما ارجع فكرينى اقولك عالاسم الى اختارته

للجميل الصغنن بتاعى ..

جميله:تجيلها بالسلامه وتفرح بيها يارب ويخليك لينا..

قفل حسن ،،

وجه اكله ، اكل وارتاح 

كان عنده ميعاد مع دكتور السنان بيشتكى من تعب فضرسه

وسايق ورايح عليه

جاتله واتس كمان من نفس الرقم الغريب

»ستاتك لما يطفشوك وتحب تعيشلك يومين زى م كنت حسن

هتجيلى برجليك ومستنياك وعارفه انك هتيجى»

لما كان فاتحها وبيبص عليها وقراها، مخدش باله من الطريق

بيبص لقى اطفال معديين بيحاول يفرمل اويفادى

الفرمله عملت صوت عالى عربيته اتخبطت فحجر كبير عالطريق

طار بيها فالهوا 

وقعت عالارض متدشدشه..وهو بينزف ودخل فغيبوبته ..

"هو ده الى حصل وقتها ...حمدلله ع سلامتك وانك قومت

منها بالسلامه"

حسن بيركز، كل الى شافه كان غيبوبه!

عقله صورله وقت م شد مع زوجاته وضغط ورد عليه فانها تتقربله

انه استسلم وحصل كل ده

لكن قدر ربنا كان اكبر ومنع كوارث تحصل...فظاهرها شر

وفباطنها خير

خير ان يفوق حسن ويعرف نعم الله عليه وان لو اهملها هيخسرهم

ويخسر نفسه غير عذاب الله دنيا واخره

دوقه فحلم فغيبوبته وجع ومراره الفقد ،عشان يعرف ياخد باله

منهم اكتر لما يفوق ويرجع للدنيا ويفهم رساله ربنا له لانه بيحبه

بيرجعه لطريقه بكل الوسايل..

حسن داق الوجع وخاف وقلبه وجعه ،لكن لما فاق وعرف الحقيقه

ان كان ممكن يعمل ده بجد كان هيحصل ايه

ويجرى ايه

لمجرد شهوة ونزوه تخرب وتكنس كل شئ قصادها اتعمل واتبنى فسنين،

قيمه جميله زوجته عفيفه النفس الى خلفت له اجمل بنوته وهو مكانش

فحسبانه يكون اسره ويبقى اب فيوم من الايام..

وضحى الزوجه الى حبته ومستعده تديله روحها بطيب خاطر بس يفضل

قربها ومستغنيه عن كل ماليها قصاد حسن ..

وتقى الزوجه الشقيه الدلوعه الى بتفهمه من ضحكه وتقدره من التكشيره

الى هتجيبله خليفه يخلف اسمه من بعده للابد

يفرح بيه ويمد فاسمه كمان وكمان ..

لو غلطهم غيرة...او مشاكل...او زن..

فهم فالاخر مخلصين له وحده ، بيعملوا كده لانهم بيحبوه هو وعاوزينه هو

حتى لو الطريقه غبيه

هو يعرف يفهم مغزاهم لو مش عارفين يوصلوه

يقدر يفهمهم يرجعوا ازاى بالشكل الى علقه بكل واحده منهم،لو نسيوا هو دليلهم

يعرفهم اول الطريق

وهما هيكملوا ، الورد بيحتاج ميه تسقيه عشان ينور ويبقى اجمل

ويعيش..

مش نزوة هى الى هتبسطك ،دى هتزيدك تعب لقلبك ولحياتك

حتى لو كانت فطياتها اللذه والمتعه والجنان

الى مش شايفه فحلالك أطلبه ،لكن متلجأش للحرام ولسرقه

حجات مش بتاعتك

صدقنى...حلاوتها مش بتدوم،،

#نوراسماعيل

¤¤¤¤¤¤¤¤¤¤

حسن خرج وشد حيله ، محكاش شاف ايه

خلى الدرس سرى بينه وبين ربنا.

درس اتعلم منه كويس ، وهيطبقه بحذافيره..

اول حاجه عملها ،، جمع ستاته التلاته وسمع منهم ايه الى خانقهم

فعلاقتهم بيه وببعض..

كانت الاجابات مش موحده بس مضمونها واحد ، عاوزينه لوحده

وترتيب للاوقات 

وميكونوش سوا عشان ده بيولد غيره ومشاكل بينهم وبتنعكس ع علاقته بيهم..

ونرجع للدوامه من الاول ،حسن بيعرض الفيلا للبيع

وبتتباع بسعر حلو

هو مش هيقدر ع تمليك لكل واحده ، جاب شقه ايجار لكل منهم

فالمكان الى تحبه

وقسم الاسبوع مابينهم

والجمعة كل اسبوع لواحده منهم ،، كل الجنان الى شافه فحلمه

وحس بيه مع ورد

طبقه مع كل واحده منهم ، سافر ع فجاه فيومين ضحى 

وغنوا فالشارع ورقصوا سوا والناس صورتهم

وهى كانت فاقصى مراحل سعادتها...رجعت تحس انها عشيقه

مش زوجه 

بتحب تسرق لحظات بتاعتها وهو عارف ده ووظف صح..

اما تقى او تكتك ..فالشئ المثير الى استغربه ع ورد فاللبس

دور عليه ولقاه وافتكر خلفيه عرفوا منين شاف

اعلان له بيع اون لاين عالنت

جابه واستكشفه سوا هو وتقى بعد م رقصوا سلو فشارع عام 

ومروقين دماغهم وهى بحملها مبطلتش ضحك

وهو ولا ع باله ..

اما فيومين جميله ...

بيقضيه فحضنها يحكيلها وتحكيله ، بتعرفه تعاليم فالقران

وقصص ميعرفهاش عن الصحابه عرفتها ودرستها فالدار الى بتشتغل فيها

بيبقى مستمتع بوجوده معاها وفحضنه بننوته «سلمى»

الاسم الى اول م قاله واتكتب ضحكوا كلهم ، ومحمد اخوه علق انه سمى ع اسمه

وهو سمى ع اسم اخته

وفاضل سلمى تسمى ع اسم محمد !!

دنيا حسن بقت اكتر مسؤوليه وعقل مش خانقينه ، اقتنع اخيرا

ان الكرافت بتخنق اه بس بتخلى شكلك محترم

لسه الجنان فيه اه ،وكل م يطق فدماغه حاجه ..

بيعملها والبنات بقوا شبهوه وبيقلدوه ،كل واحد منهم 

فيومينها بتحس انها وبس بتاعته

بيحسس كل منهم ان روحه عندها وقلبه وكيانه..

عرف يكسبهم من تانى وعرف يحب ويعشق ويغوص فتفاصيل

كل واحده منهم ..

حياته بقت هما وحالاته ومرضاه وجنانهم سوا مع كل واحده منهم ،،،

مبقاش يلتفت للنزوات زى م اتعود وكمان بالاحرى بقت عنده قناعه

انه طريق اه بيعرفه انه لسه شباب وبتقع لسه فيه الحلوات فغرامه

لكن مش اكتر من كده ،هو معاه نعم مش عند حد يحمد عليها الله لحد مماته..

حسن: انا حضرت عشان اقولك ان فعلا انتى كنتى ممتازه

فاطمه:دكتور حسن وجودك وحضورك انت وزوجتك المسابقه بتاعتى

كانت من اسعد لحظاتى

حسن:بقيتى احسن اهو يافاطمه،وعرفتى تعيشى لنفسك وتستمتعى بكل لحظه ليكى

من غير حب وارتباط ووجع دماغ

فاطمه ابتسمت وبصت للارض

حسن:انتى اكيد فاهمه قصدى ، ان الارتباط الصح هييجى

وقت م تكونى مؤهله له وهو يستاهلك

ولحد م ييجى ومندورش عليه احنا هنعلىاصحاب وتبقى عندنا دنيتنا

لان محدش بيضيع من غير حد ..

فاطمه: دكتور حسن ربنا يجعلك فطريق كل ضايع فطريقه

عشان ترشده زيي

حسن: يارب يافاطمه ...ويجعلنى عند حسن ظن كل من وثق فيا

يلا(مبتسم)دى اخر جلسه ليكى مش عاوز اشوفك تانى

فاطمه ضحكت وسلمت عليه ،كان فونه بيرن

رد

سلمى:تقى بتولد ي حسن

حسن قام منفوض 

حسن:تقى بتولد ي حسن ...اه تقى بتولد

انا جاى اهو وقفوها متخلوهاش تولد الا لما اجى

بعشوائيه خرج جرى يكون جمب تقى فاللحظه دى ،هى الى خدته

كل حاجه لازم يكون معاها حتى لو عنده مليون مايمنعه ومهم

وجوده جمب لحظة زى دى جمب مراته حبيبته ولحظة ميلاد ابنه

اهم..

اتولد "تقى"حد عارف ينطق الاسم

تَ

ق

ىّ

بفتح وسكون القاف وشد عال ياء

من التقوى ومن اسم مامته ...اتسمى تقى حسن !

فحفل سبوعه وكل الموجودين من كل حدب وصوب ، وحبيبه وجيلان وباسم

معارف حسن وقرايب واصدقاء ودكاتره

وضحى وجميله وسلمى بنته وسلمى اخته وجوزها واخوات جميله وزوجه محمد وابنهم ..

كان بيبي شاور رائع وكله استغرب الاسم بس اعترفوا بجماله

والليله كانت جميله وممتعه ومنتهتش الا لاخرها بخبر حلو

وقت م ميلت ضحى ع حسن بفرحه وقالت له

ضحى:انا حامل ي سونه

حسن ابتسم وفرح اوى وبلهفه حضنها وضمها له عرفها بضمته شده فرحته

حسن: اخر العنقود سكر معقود وجاى من سكر وعسل حياتى(باس شفايفها خطف)

مبروك ي احلى ضحى 

خدى بالك من نفسك بقا

ضحى:مبسوط ي حسن بجد

حسن:انا كده فرحتى اكتملت ومش عاوز حاجه تانى ،ربنا ادانى كل حاجه

(باس كفوف ايديها)

خدها من ايدها ووقف وقال بصوت عالى

حسن:ياجماعه فيه خبر حلو، سلمى وتَقىّ جايلهم اخ او اخت لسه مش عارفين

من مامى ضحى

جريو حضنوها وفرحوا كلهم ، المشهد كان مفرح وحسن بيراقبه بيطء،

هى دى مملكته

هى دى امبراطوريته الى بتكبر ومكانش فحسابه

عطايا ربنا كتير ،وحسن ربنا بيحبه عشان يجازيه بكل ده..

وكان لازم يبروز اللحظه دى ويوثقها بصوته الجميل ،سبوع ابنه وفرحته ب بييي

جديد ووجود سلمى اول عنقود ولاده الحلوين

وكلهم متجمعين 

مرة واحده حضن التلت ستات بدراعاته

حسن:لو من تقل الهم عليك فاض بيك

لو ليك أي شكوة متشتكيش واسمع نصايحي

ولو الدنيا مغلباك ومشقياك

ووخداك غسيل ومكواة

إلبسلها الوش الفرايحي

وان كنت مفلس خالص خالص ومحيلتكش جنيه

قول ع الجزمة الباتة اللي انت لابسها انها سينيه

مثل ع الدنيا في عز الفقر أن أنت سعدت البيه

متخليش حد يقولك شايل طاجن ستك ليه

وإِن كنت مفلس خالص خالَص ومحيلتكش جنِيه

قول ع الجزمة الباتة اللَي آنَت لابسها إِنها سينِيه

مثل ع الدنيا في عز الفقر أن أنت سعدت البيه

متخليش حد يقولك شايل طاجن ستك ليه

وبشوقك عيش بشوقك

ودماغك إملاها على ذوقك

وَوبشوقك عيش بشوقك

ودماغك إملاها على ذوقك

وبشوقك عيش بشوقك

ودماغك إملاها على ذوقك

لما تطبل فوق راسك اديها كمان تسقيف

وانشف كده وإصلب طولك متبينش أن أنت ضعيف

متاكلش الجبنة البيضا لو كان نفسك في البلوبيف

واصرف كل اللي في جيبك دلع نفسك عيش صريف

احساسك قالك حاجة امشي وراه احساسك صادق

ده السكر لون الملح واحد حلو وواحد حادق

راحة البال اللي بجد ليها اصول ليها مبادئ

لو ساكن فوق السطح اعتبره سويت في أحلى فنادق

وبشوقك عيش بشوقك

ودماغك إملاها على ذوقك

خد يا ابني مني الكلمة دي

اصرف مافي الجيب ا

واشحت بكرة عادي

وبشوقك عيش بشوقك

ودماغك إملاها على ذوقك

كانوا بيهيصوا وبيتصوروا وفرحانين وبيرددوا وراه وكل واحد ماسكه ايده ترقص وياه شويه ..

كلنا فيه حجات حلوة فحياتنا بس مبنحسش بيها الا لما نتخيل انها ممكن تضيع

متشتكيش من شغلك الى رجلك وجعتك لف وانت بتدور عليه

متشتكيش من اهلك الى لو راحو مش هتملك دقيقه يرجعوا تانى ليك وساعتها يعملوا الى عاوزينه

متشتكيش من زوجتك الى كنت عاوزها بشتى الطرق ولو مليت حرك ميتك الراكده مابينكم لكن متشوفهاش عقاب فوقت سابق كانت احلى هديه فحياتك

متشتكيش من زوجك الى اتمنتى من ربنا كتير يرزقك بيه،لو فيه عيب حاولى تصلحى وتعرفى ان كلنا عيوب

وان حياتك وياه ربنا مختارها احسن من غيره كنتى هتتعبى اكتر من كده وياه

متشتكيش من ابنك ولا بنتك ،متعرفوش شعور الى بيتمنى ضفرهم حتى لو جم وخربوا بيته

وطلعوا عينه...احمدوا ربنا

احمدوا ربنا ومتطلعوش لمسك العصايه من النص لاتتكسر ولا تطولوا

شمال او يمين.

الدنيا معروفه مهروسه مدروسه...يوم ليك ويوم عليك

حوش للايام الصعبه حب الى حواليك 

واتحامى فقلوب ليك واياك فيوم تبقى عليك ..!

تمت بحمد الله????????