الفصل الخامس والعشرون

                    «بطاقات اللِعب ومكعب النرد»

_نور انتِ فى وعيك ب إتهامك ليّا دا !!

كانت تلهث نورهان ب شدة وانفاسها متقطعه بعدما طلبت مقابلة عيسي على الفور بعد عِلمهم بما حدث ل روان من وقع المشكلة عليهم وحجم المفاجأة وقالت وعيناها يتطاير منها الغضب

_ايوة ف وعيي ياعيسي ، الفيديو الل اتسرب ل روان اختى دا بسببك 

كان ينظر لها عيسي يشعر ب أن الجنون كاد يفتك به ولكنه يتمالك أعصابه للنهاية

_فيديو ايه الل سربته ؟! وايه مصلحتى ف كدا 

_مصلحتك نسب المشاهدة طبعا ع فيديو عامل كدا ،دولارات فحسابك وفلوووس على حساب فضيحه أختى

وحساب البنت اللي آمنت لك وحطت لأول مرة من سنين ثقتها فيك 

اغرورقت عينا عيسي بالدموع واردف لها غير مصدق

_هو انا سامع بجد؟ يعنى انتِ يانورهان شيفانى بالرُخص دا ..يعنى مش بس مش واثقه فيا لا وشيفانى واحد حيوان ووسخ ورخيص ويبيع عهده معاكِ بخصوص اختك ويبيع حُبك !

_ليه عملت كدا ياعيسي ؟ كدا مش روان بس اتفضحت وانا وماما والعيلة كلها ،ليه ياعيسي

انا كنت حبيتك خلاص ..كنت امنتلك دوناً عن كل الناس ،ليه!

هنا مسح عيسي عيناه بقوة ونظر لها نظرة تحولت ل نظرة وحش فجأة واردف لها

_لاء متنأمنيش يا نور لأن نظرتك ف محلها ، وكملى جلدك وعذابك فيا ومش هدافع وايه كمان يانور

_اقول ايه ي عيسي ؟ فاكر اما كنا سوا وقولتلى لو عندك سر خطير انا عندى سر اخطر 

وتعالى نلعب كل حد فينا يقول سره للتانى ويشوف هيتقبله ولا لاء ..وقتها كنت عارفه انها حيلة منك عشان تخلينى اتكلم بس مصدقتش انك فعلا عندك سر ..سر فبير غويط مضلم 

انك بتخون الامانه ياعيسي 

اسفرت شفتى عيسي عن ابتسامه ساخره واردف لها وهو يمسح ذقنه باصبعيه 

_انا خونت الامانة فعلا ي نور ،مدام مسلسلنا الدرامى هيوقف لحد اليوم الل احنا فيه دا 

والساعه الل احنا فيها قصاد بعض هِنا ..زى مابين ضلوعى فيه قلب اطهر وأرق من قلب طفل

هو نفس القلب دا بيتحول ل غول لو حد عدا حدوده معاه أو أذى حد بيحبه ...زمان كنا احنا والدى ووالدتى واخواتى البنات عايشين مع عمى ومراته وولادهم الاربعه الصبيان ..

كانت دايما مرات عمى تعاير امى بخلفه البنات ودا الل عرفته وفهمت عليه بعدين لما جيت الدنيا وبدأت اشب وافهم وأوعى ..بلد ارياف والكلام بيتعرف وبيسرى فلمح البصر..وبعدين جيت انا

عيل زى القمر ..بس مع الوقت بدأت تظهر له نقطه غريبة ف وشه بتكبر يوم عن يوم ولونها بيختلف وبيغمق 

لحد م اجتاحت نص وشه !

والدى كان على اد حاله ...معرفش يعمل ايه فيا لحد م خلاص لبست فيها، مرات عمى ام الولاد قالت لامى يوم م ربنا كرمك ياختى ادالك عيل نص وشه محروق..

امى باتت تعيط طول الليل ، وانا بيتهم تانى يوم فقبورهم !

شهقت نورهان بخوف وهى تخبأ فمها ف اكمل عيسي بنبرة قوته الغيرمعتاده منه وعيناه المفتوحتان بشراسه 

_غرقت بيتهم سولار عشان عمى كان سواق والجاز والسولار دا كان موجود عندنا دايما، وبعود كبريت كان كل شئ مُنتهى وكل الل حصل اقاويل كتيرة ومحدش عرف حقيقتها الا انتِ واقرب صاحب ليا..

عرفتينى يانور !! 

كادت تنظر له لاتعرف من هذا الشخص المُتحدث بهذه الصيغه من الجنون ،اقترب منها عيسي خطوات فابتعدت هى وامسك معصم يدها بقوة مردفا

_بتتهمينى بعدم امانتى على فيديوهات اختك وصورها!! وانا بتهمك ب أنك اكتر شخصية انانية شوفتها فحياتى ..كاتمه سرك وسيبانى أحبِّك واطلب منك الجواز وكل دا حضرتك ب إرادتك وبمزاجك وقت م تفتحى الستارة عن سِرك انا تحت امرك فالوقت الل تختاريه..

بس انا مستنتش يانور ...ماهو دا آخر فصل فمسرحيتنا بقا 

انا عِرفت كُل حاجه...كُل حاجه يا نور ..

عقدت نورهان حاجبيها ناظرة الى عيناه مباشرة وقلبها يخفق وكأنها ضربات ملاكم بجسد غريم أمامه بقوة وابتلعت ريقها بصعوبة

_عارف!

_ايوة عارف ...من علاء 

حاولت التنصل من قبضه يده بصعوبة وقالت بنبرة خوف منه بالغه

_وصلت ل علاء ازاى ؟

_من تليفونك ...

_تليفونى

_ايوة ،كُنت هموت واقرب هموت واقولك متخافيش ..هموت واضّمك واقولك مهما كان سرك انا قابل

انا مهكر فونك وبسمع كل مكالماتك ...وكل محادثاتك بقراها 

وعرفت رقم علاء ..وقابلته وحكالى كل حاجه 

_بتتجسس على فونى ياعيسي ..! انا حاسه انى بحلم لاء بحلم ايه انا فكابوس حرام عليك 

حرام مش كله ورا بعض كدا 

_عشان متتهمنيش بالباطل بحاجه معملتهاش ، لاء بقا فوقى واعرفى الل عملته بجد عشان نبقا سوا خالصين

انا عرفت سِرك ..وانتِ عرفتِ حقيقتى ،لما بتأذى مبستناش

او حد يأذى اقرب م ليا .. أو صبرى ينفذ مع حد 

لكن يشهد عليا الله ...انى مخونتش امانتك ولا امانة أختك 

ابتسم ثغر نورهان بخوف وعيناها تسيل دموع على وجنه واحدة واردفت

_طب كويس انك عرفت ياعيسي ،وعرفت من علاء كمان 

وعلى رأيك دا كان آخر مشهد فالمسرحية ...مسرحية بدأت بأحلى فصول للعشق ممكن اتنين يعيشوها

وانتهت نهاية قاسية مدبوحين بسكينه مسنونة مخدناش وقت فالموت وروحنا بتفرفر 

بس لو كُنت فوقت من صدمتى ب علاء بصعوبة،وانت كنت السبب انى افوق من صدمتى ب فارس

ف وجعى منك عمره ما هتشفى منه ياعيسي ...عشان وجع فقلبي الل أنت كُنت عوضه

او كنت فاكره كدا ..تركته ورحلت تبكى وصوت شهقاتها يتعالى 

تركته ب مكانه يعود إلى طبيعته الاولى ك طفل صغير تائه،قد تكون إنساناً لطيفاً لوقت طويل , ولا أحد ينتبه لك , لكن بمجرد أن تخطئ سيلتفت لك الجميع.

#نور_إسماعيل

__

الطيبون لا يلتقون صدفة..بل تجمعهم نواياه.

الهاتف يهتز..يبدو أنه اتصالاً...يضئ ويظلم مرة اخرى ، بجانب الصغيرة النائمه 

حتى ولجت نشوان بعدما انتهت من اغتسالها بالمرحاض وتوضأت كى تصلى ركعتان قبل نومها كما اعتادت

فوجدت هاتفها مُضاء..امسكته واذ بها عدة مكالمات فائته من زين !

سُرق قلبها ، بل تم خلعه بقوة من داخل جسدها لا استطيع نُكران ذلك ! ابتسمت ب تحفظ وهى تدرك النيّه وراء إتصاله الآن ..همت ب رد الاتصال حتى قطعه عليها واتصل هو ف أجابت

_السلام عليكم 

_وعليكم السلام ورحمة الله ، انا صحيتك؟!

تنحنحت نشوان وجلست بجانب صغيرتها النائمة بخفوت كى لا توقظها وأردفت بصوت هادئ على استحياء

_لاء كُنت صاحية ،بس كُنت بعيدة عن التليفون

_نشوان

_نعم

_ينعم عليكِ ربنا يارب ، بقولك ايه انا عارف ان القرار صعب بالذات بعد الل قولتهولك آخر مرة

بس الانتظار أصعب ف الرفض انا قابله لكن متسبنيش كدا حرام بصراحه 

كادت كلماته تفتك بوتين قلبها ، طريقته وعذوبة صوته وجمال حياؤه فى طلبه 

أردفت له نشوان قائله بنبراتها الواثقه كالعادة

_انا خلاص وصلت لقرارى يا مستر زين 

_طب ايه قرارك من غير مستر

ضحكت بخفوت ف سمع هو نبرتها المخفيه وابتسم فقالت

_انا موافقه حضرتك 

_ايه؟

_موافقه يافندم

_لاء موافقه حضرتك ويافندم دى هناك فالشركه ، لكن هنا انا واحد بتقدم بطلبي ليكِ تكونى حلالى مينفعش فيه يافندم وحضرتك خالص 

قضمت نشوان شفتها السفلى خجلة وتلوح بيدها من هول جرأتها عليها ف أردف هو

_ياريت تانى نفس الجملة بس بعد م نعمل مونتاج للكلمتين الل مالهمش لازمه 

_انا موافقه

_يا مين

_يالاهوى !

_ايه دا انا موافقه يالاهوى 

ضحكت نشوان بشدة ومن ثم تذكرت ماريا فنظرت ناحيتها وكممت فمها سريعاً وأردفت

_كُنت هصحى ماريا 

_يالا قولى الجملة صح ،انا عارف انك هتطلعى روحى بس مفيش مشكلة

_انا موافقه يا زين 

_اللهم بارك اللهم صلِّ عالنبي بقا ،هقابل اهلك امتى وفين العنوان فالمنصورة بالظبط ؟!

وضعت يدها على قلبها وقالت وانفاسها متلاحقه ونبرات صوتها فَرحه

_على طول كدا

_على طول ايه ،انا فاتح معاكِ الموضوع دا من قبل امتحانات الثانويه العامه ...يالا قولى 

_حاضر ،سيبنى ارتب معاهم الاول وبعدها هقولك 

ابتسم زين وعاد بظهره للخلف وأردف

_ماشى وانا مستنى تصبحِ على خير 

اغلق الهاتف ووقف يدندن اغنية عالقه بذهنه ف وحد عيسي قادم من خلفه ووجهه عابس، من فرحة زين لم يستطع تفسير ذلك هرول ناحية عيسي مُبتسماً وأردف

_عيسوووووى انا انهاردة أسعد واحد فالدنيا 

ناظر إليه عيسي بنظرة مكسورة غير متحدث ف أكمل زين 

_قريب اوى هتيجى معايا ،بما انك كُل اهلى دلوقت ونتقدم للبنت الل بحبها ومقدرش استغنى عنها 

لأنها اخيرا وافقت ي عيسوووى واااافقت ياعسعس

انفرجت شفتى عيسي اخيرا وقال بنبرة باهته خالية من المشاعر

_مبروك يا زين 

_يبارك فيك يا عيسوى ، بس مالك ؟

_لا مفيش حاجه ..مش هتقولى بقا مين العروسة

ابتسم زين ولكم عيسي على صدرة ب محبة وقال

_هتتفاجئ ...انا بصراحه كُنت مستنى الموضوع يمشى واول م يحصل هقولك

على نظرته عيسي إليه واومأ ب رأسه تساؤلا ف أجاب زين 

_نشوان 

فغر فاه عيسي شيئا ف شيئا وبدأ يتضاحك على مقاطع بشكل هيسترى حتى أصبحت ضحكاته متتاليه بصوت جهورى وهو يضرب كفاً ب كف ،اما عن زين فتعجب من رد فعله هذا واستطاع أن يفسر ذلك بأن اى فعل يقوم به عيسي له تفسير ف وقف أمامه ينتظره حتى انتهت دوامه ضحكاته الساخره وعقد زين ذراعيه وأردف

_خلصت؟ ممكن افهم ايه بقا رد الفعل دا ؟!

انتهى عيسي وهو يحاول التقاط انفاسه ومن ثم نظر إلى زين وارتمى ب أحضانه يبكى بشدة 

وكأن هناك شخص عزيز عليه قد فارقه للتو ،أو أنه أراد فقط أن يرى أحدهم يُحاول مِن أجله ولو لمرة واحدة فقط .,

__

_هتطلبِ ايه يافندم ؟! 

انتبهت هدير ف أردفت إلى النادل 

_قطعتين نجرسكو وبانية

_تحت امرك يافندم 

تركها النادل ورَحل ف نظرت حولها الى المطعم وطرازه وطريقته وفخامته ،عادت بذكرياتها إلى الوراء سنوات عِدة ...سمعت ب أذنها الآن ذلك الصوت الذى تبغضه وتلعنه فى كل وقت 

صوت ملتصق بذاكرتها بِ كُل ماهو أليم ..ملتصق بِ كُل ندبة تُركت داخل روحها المُتعبه ..

*عودة إلى ماضى هدير *

طفلة صغيرة ذات التسع سنوات ولجت الى منزل فخم الهيئة والاثاث والبناء وكانت تتحرك بين ارجاءه كالفراشة ،ف امسكتها سيدة بدينه من كتفها بعنف وقالت بصوتها الرخيم 

_الله ياعمتى ، ايه البيت الحلو دا ..دا هيبقى بيتنا ولابيت مين

_بت ياهدير اسمعى وبطلى حركه ، ابوكِ يا حبيبتي سابك وطفش ومعرفلوش طريق

وانا يا حبيبتي مش قد مصاريفك الل كل يوم عمّاله تزيد ..البيت دا هتشتغلى فيه 

تكنسي وتغسلى وتمسحى البيت والسلالم وتجيبي طلبات وتنشرى الغسيل وتكوى 

عاوزاكِ لهلوبة يابت 

اتسعت حدقه عين الصغيرة فزعاً واردفت خائفه

_هعمل كل دا لوحدى ياعمتى 

_يابت م انتِ هتاكلى وهتنامى ف الاُبهه دى ...اومال وهتاخدى فلوس كمان 

عاوزة تحويشيها عاوزة تصريفيها انتِ حرة انا كدا عملت الل عليّا 

_لاء انا هحوشها اتعلم ياعمتى ،عاوزة اكبر وابقا مُدرسة زى الابلة زينب عندنا

لكمتها السيدة على ظهرها بقبضه يدها وقالت

_تطلعى زى زينب زى حُسنات ميخصنيش ، اقعدى هنا وبلاش مشاكل وطولة لسان 

معرفش هشغلك فين تانى ...كُل حته عاملالى مشاكل فيها 

أتى رجل مُسن وبصحبته شاب يقارب السبع عشر سنوات ينظران الى الصغيرة هدير

ذات العيون الفاتنة والوجه الجميل والشعر الطويل منذ الصِغر وأردف الرجل لها 

_هى دى البنت ؟

_هتبقا خدامتكم يابيه ، ومتنساش حلاوتى

_حلاوتك على بنت اخوكِ يا زينات ؟!

ضحكت السيدة بدلال بذئ وقالت

_طب شوف ان م غلبت الميّه والنار عندكم مبقاش انا زينات 

نظر الرجل الى هدير واردف لها

_تعالى هنا ياهدير سَلمى عليّا وعلى ابنى ، خيرى 

اقبلت هدير وصافحتهم خائفه من هذا العالم الجديد ، وقبضت العمة ثمن بيع إبنه اخيها ك خادمه فالمنزل 

ورحلت ف كانت تنظر هدير ناحيتها حتى غابت عن نظرها وسمعت صوت عال حاد من امرأة يبدو انها فى آخر عِقدها الرابع 

_بنت هدير! 

انتبهت هدير والنادل يضع لها الطعام ويتحدث إليها

_اى خدمه تانيه يافندم

ابتسمت هديرب سخرية وقالت

_مُتشكرة 

امسكت الشوكه والسكين وشَرعت فى تناول طعامها بعد تذكرها لهذه الذكرى البائسة الراسخه فى ذهنها أبدا ما كانت هى وليست هذه الذكرى فقط ..بل هى كانت البداية!

__

بيديه المتناثرة عليها الشُعيرات الصغيرة السوداء ..كان يتناول مشروبة ويُخرج سيجارته المُشتعله من فمه ، ف ربتت يد ناعمه على كتفه وقالت بصوت يمتزج به الميوعه والدلال والتغنج

_إنت هتقعد الليلة كلها ؟ ماتيجى نرقص شوية 

نظر صالح ناحية هذه الفتاة الجميلة التى اتت ب صحبته الليلة ك عادته من الفتيات صديقاته ، واردف ب لامبالاه

_ماليش نفس بصراحه انهاردة

_انت كل يوم ملكش نفس يا صالح ..اومال كلمتنى ننزل نسهر ليه

_يووه هتخنقينى امشى 

_اوووف انت بقيت كئيب موت انا هروح اشوف حد اسهر معاه بدل كأبتك دى 

تركته الفتاه وتذكر صالح كلمات ل هدير تعقب كلمات صديقته هذه او تشبه ذات الموقف حينما كانا بنادى ليلى ك هذا يستمتعان بوقتهما وارادت هدير ب أن تقوم ب استفزازة كالعادة 

_ايه رأيك فالليلة يا شوزة ،احلى من الليلة الل قبلها مش كدا 

ارتشفت هدير بعض من المشروب ب كأسها وقالت وهى تتراقص على نغمات الاغانى ب مكانها

_اى يوم معاك حلو ياض ، انا اصلا لا كنت بدخل الاماكن دى ولاعمرى شوفتها 

ف تخيل بقا دخلتها مع حبيب قلبي الحُمار الل هو حضرتك 

أراد صالح ان يجذب أطراف مشاكستها كعهده فقال

_عشان بخيلة ومعفنه لازم متدخليش الاماكن دى كبيرك تبصى من برة يا ست كُحيت

قامت هدير بتكوير قبضه بدها والكمته فى صدره بقوة تأوه هو منها وقالت

_اولاً انا كنت حريصه على فلوسى ودا شئ ملكش دخل بيه يا مهندس نص كُم، ثانيا ادخل ليه الحتت دى

انا لا مصاحبه ولا بصاحب ولا ليّا بحركات الفرافير والقرف دى ، انا ملكه زمانى يا اسطا صالح

مش بتاعت كل يوم واحد ...هو واحد بس ولما شاور عليه قلبي جبته وحبيته واتجوزته!

عاد صالح من ذكراه وأمسك الهاتف واضاءه ل يرى خلفيته صورتهما معاً ..يحملها فوق ظهره ويلتقطا صورة _السيلفى_مخرجان السنتهما للكاميرا يضحكان ضحكه نابعه من القلب.

#نور_إسماعيل

__

_قوليلى ألمها من وراكِ ازاى المرة دى ؟ حرام عليكِ يا شيخه الفضيحه مطالتكيش لوحدك

دى طالتنا كُلنا 

قالتها نورهان مندفعه بصوتها العالِ فى وجه روان شقيقتها ، ف أردفت والدتهما لطيفه 

_وانا فكرى سابنى وعاوزنا نسيب بعض ، ليه يا رونى تعملى كدا يابنتى ليه 

نظرت نورهان الى والدتها ب امتعاض وقالت ب استهجان 

_ماما!! احنا مش فمشكلتك مع اونكل فكرى خالص الل تطلقوا او لاء مش مشكلة اصلا لأن من البداية كل تصرفاتك انتِ وروان غلط وبترجعوا تتهمونى انا ب أنى مثاليه زيادة عن اللزوم وانى بشبه بابا ف حزمه وشدته ...بابا كان عارف الصح والغلط ياناس حرام عليكم 

احنا ففضيحه ، فيديو الهانم لف مصر كلها وبقا يتبعتلى على فونى من ارقام غريبة ويتقالى الل انتِ مدراياه اختك كشفته وكلام ف منتهى البذاء وقلة الادب

على صفحتى وعلى اى كونت ليا او ليها ...ارحمونى ارحمونى 

حتى آخر أمل ليا فحياتى خسرته بسببها ..

كانت روان تبكى فقط ،ف استطردت الام محاولة تهدئه الموقف

_انتِ مش قولتِ يانور انك لميتى الموقف وفيه حد ساعدك وجبتوا حجات فارس ،الفيديو دا جه ازاى

جلست نورهان تمسك مقدمه رأسها كاد التفكير ان يفتك بها ويجّن جنونها ، وقالت بصوت مهزوم

_معرفش اتهامى كان صح ولا غلط ،ولا فيه حاجه تانيه السبب ..

نظرت ناحية النافذة وقالت بخيبة امل تشوب صوتها

_كنت فاكره انه احسن حاجه فالدنيا تحصل لأى حد ،أتارى مشكلة روان عرفتنى مين هو ..ووشه التانى 

_طب وانا هعمل ايه دلوقتِ؟

قالتها روان ودمعاتها على وجهها لاتكف ،نظرت نورهان إليها وقالت

_هو انتِ لما هببتى المصيبة دى كُنتِ سألتِ حد مننا تعملِ ايه؟ لما قلعتِ هدومك ورقصتِ عريانه قدام الكاميرا ل فارس وتعرفيه اد ايه انتِ بلونداية وقمر ومحصلتيش كُنت سألتِ حد مننا اعمل كدا ولا لاء؟

يعنى انا نفسى بجد اعرف ،لمّا كان بيطلب منك صور عريانه واوضاع زبالة انا اما شوفتها حسيت انك مش اختى وانك زيك زى اى بريستيود متأجرة حقيرة كُنت بتعملى دا بهدف ايه ي روان؟

طب المكالمات الجنسية؟؟! يعنى ايه غرض الاستمتاع منها ...مخوفتيش منه؟ من نفسك؟ طب ربنا مجاش على بالك؟! 

نهضت روان ب اندفاع وقالت بعصبيه بالغه الى شقيقتها 

_والنبي ماتعملى فيها الطاهرة الشريفه ، م انتِ وعلاء كنتوا هاريين بعض تفعيص وارف واسمكم بتحبوا بعض من واحنا صغيرين وبوس واحضان ومحدش اتكلم ...محدش احسن من حد يانور ،ومحدش كبير عالغلط 

ترقرقت دمعة خذلان ب عين نورهان ونظرت لشقيقتها وقالت

_عندك حق ...محدش نبي ومحدش كبير عالغلط،وانا كُنت عارفه ان ب حُبي ل علاء بغلط وعشان كدا مع اول موقف شكّ فيّا وسابنى ! ونولت جزائى يا روان الل لحد دلوقتِ بدفع تمنه 

صمت ثلاثتهم ووالدتهم تشاهد محكامتهم لبعضهم البعض وكأنها لأول مرة تتعرف على فتياتها الاثنين وكأنها من عالم وهن بعالم آخر! 

تنهدت نورهان وقالت وقلبها ينزف دماً من جُراحه الغائرة المتتالية

_بس مش من العدل ،إنى اشيل مُصيبتى زمان لوحدى ولحد الآن ،واتحمل مُصيبتك دى برضو

لأن اكتر من كدا حرام !

___

ترتب نفسك لتعيش في هذه الدنيا ،لا تنسى أن تضع قلبك في مكان آمن!

_يا الف نهار أبيض يا ألف نهار مبروك يا نشوان ،بجد بجد مدير وابن ناس وعربية يا منت كريم يارب 

ابتسمت نشوان من طريقة عمتها العفوية ف أردف زوج عمتها العم جابر ب وهن وضعف ل كِبر عمره

_انتِ تعبتِ يابنتى وشقيتِ ودا جزاء المولى لك عز وجل ،كفاية وقفتك مع مجدى ومرضه وشيلتك لينا طول السنين الل فاتت 

ربتت نشوان على كف يد زوج عمتها وقالت بهدوءها وصفاء روحها المعروف عنها

_انتو اهلى ،ومجدى ابو بنتى وابن عمتى واول حما وسند فحياتى ياعمى ...ولو عالعريس ف انا وافقت عشان حسيت فعلا انه شارينى انا وبنتى وان أخيرا هعيش مرتاحه من غير شقا ومن غير مانا بجرى فالدنيا لغاية م يتقطع نفسى واحارب وحدى ضد طواحين الهوا 

لكن يعلم ربنا مش عشان عربية ولا مدير ولامستواه كويس ...انا بدور عالامان ياعمتى وعلى كتف اتسند عليه لما اتعب واقوله شيل انت بقا عنى ...وعن اب يحب ماريا من قلبه لأن هو كمان ربنا مكرمهوش ب أولاد من جوازه الاولانى ..

ابتسمت العمه لطيب حديث إبنه اخيها وقامت بعناقها واردفت

_وماله يابنتى حقك ،انتِ لسه صغيرة ولازم تعيشي يابنتى ومتدفنيش نفسك بالحيا،قوليله يشرف ف اى وقت

_بس البيت على أده يا ذكية ، هييجى فين بس 

قالها زوج العمه بضعف الفقر ،فقالت نشوان مدافعه

_البيت مفيهوش عيب يا عمى، وهو عارف كُل حاجه ومفيش حاجه تعيبكم ولا تعيبنى 

وهتقابلوه زى م انتو كدا لأن انتو اهلى وعزوتى وانا ف اى مكان برفع راسى بيكم 

صمتت ل برهه وأردفت مترددة

_هو بس قلقانه يومها ل ...مهدى يكون هنا ويعمل مُشكلة ولا حاجه 

لم تنته نشوان من جُملتها ف دلف مهدى وقد سمع كلماتها الأخيرة ف أردف إليها 

_خايفه من مهدى ف ايه ي بنت خالى ؟! ولا اقول حمدلله عالسلامه الأول ولا مش مطولة ولا إيه

لكزته والدته ب_كوعها_ فى بطنه وقالت

_مالك يا واد داخل حامى عليها كدا مش بالراحه 

عقدت نشوان ذراعيها امام صدرها وأردفت تنظر له بثبات وتحدِ كعادتها 

_سيبيه ياعمتى ، لاء يامهدى راجعه تانى لأن معنديش إجازات .. أنا جيت ابلغ عمتى وعم جابر ان فيه عريس متقدملى وجاى البيت عشان يعملوا حسابهم 

تمالك نفسه مهدى وهو ينظر لها وقلبه يتآكل وكأن سُكب عليه مادة كاوية تكويه ب نارعِشق لايسمح لها الزمان ان يُعلن عن هويتها ، أردف لها ب ثقه أيضاً محاولا تجاهل انه يعلم الموضوع

_عريس!! ماشاءالله ياست نشوان والله الف مبروك ،ودا بقا الل نزلتِ مصر عشان تِشقطيه 

بعد شعاراتك زى بتوع الانتخابات انا مش هتجوز انا مش هتجوز وهفضل على ذكرى مجدى الله يرحمه 

ب عصا خشبيه ، حركها العم جابر ناحية مهدى وأردف

_واد يامهدى ،ايه كلامك دا وانت مالك تتجوز ولا لاء دى سُنة الحياه هتترهبن يعنى 

ابتسم مهدى ب سخرية وأردف

_لايابا تتجوز وتعيش حقها 

من ثم اقترب من جلستها وأردف لها وهو ينظر لكلتا عيناها

_حقك يابنت خالى ، والل يدافع عن حقه دا ميزعلش حد 

قالها وترك ساحة النقاش وولج الى غرفته كالعادة بعدما رمى قنبله تتلاعب بصدها خائفه من إنفجارها فى اى وقت غير مسبوق له حساب او إنتباه.

#نور_إسماعيل

__

_نشوان ... هى البنت الل كُنت مُعجب بيها يا زين ، هى الل كُنت بكلمك عليها قبل نورهان 

وفاتحتها ب أنى عاوز اتقدم لها بس هى رفضت الموضوع كُله جُملة وتفصيلا...قفلت الباب خالص من غير ماتسمع ، معرفش بقا عشان شكلى مش عاجبها 

ولاهى كانت بتدور على صيدة أكبر واحلى واحسن ..ف أختارتك انت ،او ممكن نقول بشياكة 

كُنت حصانها الربحان يابن السُلطان فالنهاية وقشيت كُل الل عالتربيزة 

والليلة كمان خسرت نورهان ، يعنى مش بس انا فاشل فالحُب ..انا مستاهلش ان يفضل حد معايا للنهاية

انا شخص مؤذى يا زين ..ومبقتش احب حد.

كانت كلمات عيسي تتردد ب أذن زين وهو يقوم بجمع اشياءه فى حقائبه ومن بعدها ترك المنزل وخرج واغلق الباب خلفه!

__

_انا روحت يوم وجيت ، انتِ هترجعى امتى بقا وحشتينى وفيه اخبار عاوزة اقولهالك 

كانت تتحدث نشوان إلى أميرة عبر مكالمات الفيديو ،ابتسمت أميرة لما تراه من مشاعر نشوان ظاهره على وجهها فقالت

_والله يا نوشا كلكم وحشتونى ، بس انا فعلا كُنت محتاجه البريك دا أوى الايام دى 

_تقريبا محدش فالبيت غيرى انا وهدير ،حتى روان ونورهان مش هنا 

_مممم ..فيه مشكلة مع روان معرفش انتِ متابعه ميديا ولا لاء 

تعجبت نشوان وقالت

_معرفش،انا مش من عادتى اتدخل ف الل لايعنينى او فمشاكل حد غيرى طالما هو معرفهليش 

صمتا الاثنين فقالت اميرة

_ابقى ابعتيلى صور كتير لماريا عشان بتوحشنى موت البنوتة دى ،وحاولى تقوليلى اى تصبيرة عن اخبارك الحلوة 

ضحكت نشوان ب خجل وأحمرت وجنتيها 

_مش عارفه يا اميرة ، بُصى شكل كدا قريب هسيبكم وامشى ...هييجى يتقدملى عندنا فالمنصورة

هديله ميعاد وهيروح يطلبنى منهم 

_كونجارتوليشن حبيبتى ، بجد الف مبروووك مش قولتلك ربنا مش بيسيب حد خالص يا نشوان وانتِ تستاهلى حبيبتى 

_تعالى بقا وحشتنى قعدتنا وكلامنا سوا 

_انا آخر محطاتى دُبي ،هرجع ومع اول طيارة وهنحكى وهنرقص ونفرح كُلنا عندنا كام ليدى اسمها نوشا ام ماريا حبيبتى 

_ربنا يخليكِ يا اميرة ويعزك ،ورحلة سعيدة يارب ...هستناكِ ع نار 

اغلقا المكالمه ، وفتحت أميرة الرواية التى كانت تقرأها وغارقه ب أحداثها قبل مكالمه نشوان لها 

" أصبحت كلما أقترب مني أحد اطرده .. أبرع في العلاقات عن بعد وأخشي من أول اجتياز لخطوط مساحة الراحه الخاصه بي .. " من رواية ساعتين وداع ل أحمد مهنى .

كانت ترتشف قهوتها إثر جلوسها بمقهى "ذا براس" يتحدثون ان هناك تحتسى افضل والذ قهوة ممكن ان تتذوقها ب حياتك ..

_أنا شوفتك من بعيد وقولت اتحقق انتِ ولا مش انتِ ، بس طلعتِ انتِ ،اميرة!

نفس الخطفه الل اتخطفتها وقت م شوفتك أول مرة ..

رفعت اميرة عيناها عن الكتاب لل تتسع حدقتيها وتصمت تماما عن الرد ..

....

',العشق..وقليل منه يَكفى  ?',

{مَلحمة الحُب والحرب}

#نور_إسماعيل