الفصل الثاني

           .    «كُرات الخيّط»

علبة من علب مساحيق التجميل كانت تتناولها نورهان وتضع منها القليل على وجهها ، ومن ثم تناولت قلم احمر الشفاه ووضعت منه لمسه بسيطه وقامت بتعديل انسياب شعرها على ملابسها واعتدلت تنظر لنفسها نظرة أخيرة أمام المرآة وتنظر نظرة كُليه لمظهرها كاملا ..شعرها المتهادى على اكتافها ثوبها الانيق المرتب ،سحبت حقيبتها وهمت بالنزول.

اثناء خروجها من غرفتها قابلت روان وفى عيناها النُعاس تقاومه ممسكه بكوب ماء تشرب منه ف اوقفت شقيقتها بسؤالها

_نازلة ولا ايه؟

_اه م انتِ فالبلالا ، هحضر مناقشة زميلنا استاذ عمر العدوى

حكت روان ب رأسها تتذكره وتركت الكوب مكانه وقالت

_اااه ،يعنى فيها مرواح للقاهرة ...طب بقولك ايه هاتيلى معاكِ مارشميلو كتير اوى بصّى كتير جدا 

نفسى ريحاله بغبااااء معرفش ليه 

وقفت نورهان وعقدت ذراعيها أمامها وقالت بسخرية

_نفسك ريحاله اوى ،ايه حامل ولا إيه؟

_هيهيهي دمك تقيل ،هترجعى امتى 

نظرت نورهان الى ساعة اليد خاصتها واردفت

_معرفش ،بس اتغدوا انتِ وماما انا شكلى هتأخر ...سلام

رحلت نورهان ،ودلفت روان إلى غرفتها مرة اخرى تنعم بقسط من النوم مرة ثانية.

استقلت نورهان سيارة الاجرة متجهه إلى القاهرة ، وفى الطريق كان قلبها يرقص فرحاً أخيراً س تراه !

سترى من ينطرب القلب فرحاً حينما تنظر إليه او تستمع إلى كلمة من كلماته،ذلك الفارس !

فارساً لقلب دقاته مجهوله بالنسبة له ،فهو لايعلم ب حب نورهان المدفون داخلها ولم تقصه على أحد.

فارس هو يعد زميلاً لنورهان وروان فى فترة الجامعة ،كان يكبرهم بعامين وكان شاباً متميز ومجتهد 

كان من ضمن قائمة الاوائل لدفعته كل عام حتى وصل الى ان يكون مُعيدا وحاليا فى طريقه ان يكون استاذا بعدما يسجل درجة الدكتوراة.

تأكدت نورهان من شكلها قبل ان تدلف الى الجامعه وخاصه الى القاعه التى بها المناقشه ، ولجت إليها وعيناها تترقب المكان كله تبحث عنه ولكنه لم يكن هناك!

جلست وحضرت المناقشه كاملة ، ولكنها كانت تنتظر قدومه بفارغ الصبر ف هى تعلم انه صديق مُقرب لصاحب الرسالة التى يتم مناقشتها الآن وعلى هذا النحو هى اتت بالفعل من بلدها الى هنا.

إنتهت المناقشه ،وهمت نورهان بالرحيل بعدما فقدت الأمل ..قامت بمصافحه زملائها وتبادل الابتسامات ومن ثم بعدها قررت ان ترحل وتستقل اقرب سيارة اجرة وتعود الى حيثما أتت.

_دكتورة نورهان !

التفتت نورهان إلى صوته الذى تحفظه عن ظهر قلب مبتسمه

_دكتور فارس ،ازيك

_كويس انى لحقتك ،انتِ كنتِ ماشية ؟

_اه حضرت المناقشه وبسم الله ماشاء الله كانت ممتازة 

_للاسف ملحقتهاش وعارف ان عمر هيزعل منى دلوقت 

ابتسمت نورهان له وقامت بالرد عليه

_لاء دكتور عمر اكيد هيقدر الظرف بتاعك 

ابتسم فارس ونظر إلى الخلف ونظر إليها مرة اخرى 

_طيب انا هروح اهنيه واحاول اظبط الموقف ،انتِ هتمشى؟

_آه 

_لو مش هأخرك ، ينفع نشرب فنجان قهوة سوا فالمكتب

قالها بتلعثم وراجيا ان تقبل طلبه ،فرحت نورهان كثيراً وردت بهدوء وقور

_خلاص مفيش مشكلة ،هستناك فالمكتب يا دكتور 

ذهب فارس الى صديقه ،بينما كانت نورهان تنتظر فارس وهذه اللحظة بفارغ الصبر.

بعد وقت ..دلف فارس إلى مكتبه بقاعة هيئة التدريس بالجامعه وكان خلفه العامل يضع فنجانين من القهوة وانصرف ..

_ازيك يا دكتورة 

ابتسمت نورهان وقالت برقة

_لسه مش دكتورة يا دكتور فارس 

_بس على مشارفها ،وبعدين انا كمان لسه مش دكتور 

ضحكا الاثنين ضحكه بسيطه وقورة ومن ثم أردفت نورهان

_بس الل سجل الماجستير وفطريقه للدكتوراه ،غير الل محتاس ف الرسالة اصلا

_متقلقيش ،ولو عايزة اى حاجة انا موجود

ابتسمت نورهان وتناولت فنجان القهوة ترتشف منه ،اما عنه كان يصوب النظر ناحيتها وهو يضع فنجانه وبادر بسؤالها 

_روان عاملة ايه ؟

_كويسة الحمدلله 

_وعاملة ايه فالتيك توك بتاعها 

_ايه دا انت متابع الهبل الل هى بتعمله دا 

امسك فارس هاتفه مبتسماً ووجهه ناحية نورهان يريها شيئا وهو يقول

_انا متابعها ع فكرة 

تعجبت نورهان وهى على ابتسامتها ف اوضح لها هو

_بتعحبنى عفويتها ،وروحها وطريقتها ...الل يتعامل معاكم انتو الاتنين مستحيل يقول توأم

انزلت نورهان واحدة من ساقيها التى وضعتها فوق الاخرى وقالت وهى تهم بالنهوض

_بعد التقاليع وشعرها والحاجات الل عاملاها ف وشها ،مبقيناش شبه بعض لاشكل ولا شخصية 

نهض فارس أمامها واردف

_ليه مستعجلة كدا؟

_يدوب عشان هيستنونى عالغدا 

_طيب ابقى سلميلى عليهم 

_يوصل

___

وإن خمدت النيران فدخانها يُصيب!

_يابنتى كان لازم يعنى تفضحيه ،م كان كفاية الل عملتيه فيه ومشيتى اهو داير فالبلد كلها يقول إنك سرقتى المحل وعاوزة تغطى على عملتك

رفعت نشوان نظرها الى تلك العجوز_عمتها_اثر احتضانها لطفلتها"ماريا" وقالت بصوت متهدج

_عمتى ،انا معملتش حاجه غلط ...انا دافعت عن شرفى ومكنتش هخرج هربانه لازم افضحه عشان الناس كلها تعرف وساخته

_وهو يانشوان مكفكيش سلختيه بالنار وضربتيه كمان روحتى تعملى له محضر ،اهو عملك محضر بالسرقه وخلى سمعتك زى الطين 

احتضنت نشوان ابنتها ماريا بقوة وكأنها تستمد منها الأمان وقالت وهى تدفن رأسها فى جسد صغيرتها

_ربنا معايا ياعمتى ،وهيوقف جنبي مش هيخذلنى ابداً..والبلد كُلها عارفه انى ست حرة وفحالى وبجرى على اكل عيشى وعيش بنتى وبالحلال ..مش هسرقهم دلوقت وانا بقالى معاهم شهور اد كدا وعارفينى كويس 

_ودى مش اول شوغلانه تروحيها وتمشى منها بمشكلة يانشوان !

كان هذا صوت مهدى ،قادم من الخارج وجلس بجانب والدته متحفز ومنتظر رد نشوان عليه

_ايوة يا مهدى مش اول شوغلانه ، وكل مرة كان بيبقى فيه مشكلة وكلكم عارفين ليه 

مرة ياكلوا حقى وميدونيش مرتب ،ومرة يضحكوا علينا ويقولوا مشغل خياطه وهما عاوزين يشغلونا فالحرام من تحت لتحت والل كان عاوزنا نشتغل فالشغل وخدامين فالبيت للست بتاعته ومننطقش 

والله انت عارف كل دا يامهدى من غير ماتتريق وتحسسنى انى بتاعت مشاكل وفضايح

اومأ برأسه ب سخرية منها وطرق كفاً بكف متعجب منها ،بينما كانت نشوان تهدهد على صغيرتها ماريا حتى نامت فنهضت تضعها بفراشها بالداخل ..فسمعت همهمه ل مهدى مع والدته

_متخليهاش تطلع تانى ولاتدور على شغل يا امى ،سمعانى 

_يابنى وهو انا هتحكم فيها ولا ابوك ،انت عارف نشوان ودماغها حجر صوان

_لا دماغها حجر ولا بتاع ،مفيش خروج يعنى مفيش 

_وانت بقا الل هتتحكم فيا يا مهدى ؟

خرجت تلك الكلمات من نشوان بعدما اراحت صغيرتها ففراشها وخرجت

_م ترد عليا ؟

_اه انا يا نشوان ،مش عاجبك

_لاء مش عاجبنى ،لان مش هييجى اليوم الل اقعد فيه فالبيت استناكم تشحتونى انا وبنتى تمن العيشه

اردفت العمة بحزن من حديث نشوان وقالت

_ليه يابنتى كدا ،هو احنا قصرنا معاكِ فحاجه ؟

هرولت نشوان ناحية عمتها وقبلت يدها أسفا عما بدر منها،ولكنها تهم بتوضيح سوء الفهم الذى حدث

_ياعمتى والله م اقصدك ،لا انتِ ولا عم جابر..انتو ربتونى وعلمتونى وجوزتونى وخلاص حملكم زاد اوى 

انا ليا بنت ولازم اتحمل مسؤليتها واصرف عليها 

اقترب مهدى واصبح مقابل لجسد نشوان وعيناه تتأجج نارا

_وانا ابقا عم البنت دى ،وهتكفل بيها 

_بجد!!! طيب ياريت ...بس قولى يامهدى هتصرف عالبت دى منين 

من الشم ليل نهار ومشيك مسطول بين الناس ،ولا من الحشيش الل مش بيفارق جيبك 

ولا ماريا تكبر شوية واشغلهالك رقاصه للمساطيل الل بتقعد بينهم ترقص وتحاسبلك عالمشاريب 

من دون سابق إنذار ،قام مهدى بصفع نشوان صفعه مدوية على وجهها جعلتها تصرخ بقوه ف هرولت ناحيتها العمه قائله تنهر ابنها 

_ايه يامهدى ! ليه بتضربها يابنى 

كانت تضع نشوان يدها على وجهها تنظر إليه نظرة صارمه ،بينما هو كان صدره يصعد ويهبط كأنه يلهث واردف 

_لازم تتعلم الأدب،هى افتكرت ان مجدى مات وعيارها فلت ومحدش هيوقف ف وشها ،بس لو مجدى مات انا موجود

كورت نشوان يدها ودبت بها على صدر مهدى عدة مرات وهى تتحدث بصوت مرتفع 

_ملكش دعوة ب مجدى الله يرحمه ،ولا ببنت مجدى ولا بيّا من اساسه والقلم دا هدفعك تمنه يا مهدى 

وخليك فاكر!

#نور_إسماعيل

___

"أنا مكتئب مش كئيب " .

_انت كتلة برود مش كئيب

"لُطف الرد يجعل من الحزن ورد"

_يالطيف اللُطف يارب ،والنبي انت الل ورد وكلامك ورد فيسكوز دا!

"خليك على طبيعتك واللي هيشوفك بقلبه هيحبك وهينبهر بيك،،

كونك تلقائي في زمن مليان تصنع ده يثبتلك قد إيه إنت صح!"

_وانت هامّك قلب ولا كلاوى ! قاعدة شغاله اقرا واكراش على حلوف ..دا حلوف مش ممكن يكون زينا كدا 

كانت هدير تتصفح حساب صالح على الفيس بوك خِلسة وتقرأ كلماته وتعلق عليها وتسخر منها تارة ،وتارة اخرى تحملق بصورة حسابه الشخصي تهيم بين عينيه وتتعمق فى محاولة قراءتهم..

ظلت على حالها هذا ،حتى شعرت بالنعاس ف اردفت متحدثه إلى نفسها 

_اقوم اخد شاور وانام بقا عشان رحلة بكرة 

كانت تترنح ناحية خزانتها وهى تغنى بصوت منخفض  إثر إحضارها ثياباً والمنشفه.

_مالى شِغل بالسوق ، مريت لِ اشوفك،حتى السمك بالمىّ مروى على شوفك 

احضرت اشياءها وفى طريقها إلى المرحاض، فتحت صنبور الماء ولم تجد ماء !

زفرت بضيق وتوجهت بخطوات سريعه نحو الباب والغضب يكاد يمزقها..هبطت على الدرج حتى وصلت الى موظف الاستقبال بالفندق الصغير المقيمه فيه واردفت بصوت عالٍ

_الميّه مقطوعه ليه؟ كُل يوم فالوقت دا تقطعوها بالساعات 

رفع موظف الاستقبال نظره إليها وتحدث فى لامبالاه

_نعملك ايه يامزمزيل ،غصب عننا مش بمزاجنا 

تشدقت هدير بشفتيها تكرر ماقاله موظف الاستقبال وتحدثت بنبرة تحذيرية

_اسمع ! تتصلوا بحد يجيب الميه تجيبولى الميه لحد فوق ،تعملوا نداء عاجل لشركه المية

مش شُغلى ،انا واحدة بطلب ب اقل حقوقى فالمخروبة دى وعاوزة مية حالا 

_يا مزمزيل لووعاوزة مية للشرب نتصرف ونشتريلك ازازتين ونظبطلك كل الحوار 

طرقت هدير بيدها المكتب الخشبي الهالك وقالت بحزم

_ازازتين ايه ،انا عاوزة المية تيجى حالا وحوار قطع المية دا عشان تغلى تمن الاوضه ف مش هياكل معايا

ماشى!

فغر فاه موظف الاستقبال ومن ثم اردف

_لاء اذا كان كدا يا آنسة هدير فالمية مقطوعه ومعندناش حل ،لو عندك انتِ حل اتفضلى!

_هتفضل ماشى !

امسكت بزهرية قديمه موضوعه على المكتب المتهالك وقذفتها على الارض

_ماشى!

___

صخب حفل الخطوبة مُقام بمنزل العروس ،ويشاركانها الحفل زملاءها واصدقاؤها ومن بينهم صالح!

يقف بعيد نسبياً ممسكا بكأس يحوى العصير ويتراقص مع صوت المزيكا بشكل هادئ..

_بتشرب ايه يا معلم؟!

رفع صالح الكأس وقال فى اذن زميله 

_عصير اكيد مش ويسكى 

ضحك زميله ف دنى منه واردف

_فكك بلا عصير بلا بتاع ، خد 

اعطاه علبه معدنيه_كانز_ تحوى مشروب كحولى مخفف

_ايه دا ،بيرة !

_دى خطوبة ياهندسة ،هنقضيها عصير عاوزين نفرفش كدا 

_وهى الفرفشه لازم ب كدا يا مؤذى ...

تدخل ثالثهم وهو يردف الى صالح

_ياعم م تشرب ،لاعندك مدام خايف تقفشك من ريحتها ولا اولاد يقولولك بابا السكير جه 

ضحك صالح وحك ب انفه ب يده ،حركه معتاده معروفه منه واردف

_انا حتى لو متجوز هعمل الل انا عاوزه،دا لو لاسمح الله يعنى 

_ولا ياصالح خليك كدا بلا جواز بلا قلبه دماغ 

صمتوا الثلاثه ، ومن بعدها كان احدهم عيناه تمشط ارجاء الحفل والمدعوين ومن ثم اردف

_الموناليزا مجاتش 

دنى منه الآخر وقال

_قصدك مين ،هدير!

_هو فيه غيرها 

_لا دى متجيش ،بتشوف الكل حثالة المجتمع يستحيل تيجى هذا الحفل المتواضع

قهقه الآخر وقال مشاركا صالح بحديثه

_ هى بت مناخيرها من ازاز بس جاحدة بنت جاحد فورتيكه يا معلم،ولا ايه رأيك ياصالح

انتبه صالح للحديث واردف

_على مين؟

_على مين ايه ،على هدير الل فطقم المضيفات فالشركة

ابتسم صالح ساخراً من حديثهم واردف

_انا مش عارف ذوقكم زفت كدا ليه ، انا مش بشوف هدير حلوة ياجماعه 

امسك أحدهم صالح من كتفه وقال 

_لا ياصُلح اسمحلى ، البت قنبلة موقوته وتتمنى انها تنفجر فحضنك

_يابنى بطل وساخه ، انتو تفكيركم دايما شمال كدا 

_يمين ولا شمال ،البت هدير مش عاجباك ف ايه 

اومأ صالح ب رأسه بعدما ارتشف من المشروب الكحولى واردف بعدم اكتراث

_عادى يعنى بشوفها عادية ،وماليش احتكاك بيها بس البنات الل مناخيرها عاليه دى بتخنق منها 

ف ي اتعامل واكسرهالها ي اتجاهلها تماماً

_اشطا يا صاصا يا جاااامد 

اقتربت احداهن من جمع الثلاثة وقالت وهى تنظر ناحية صالح

_ايه ياشباب مش هتشاركوا فالحفلة 

_انا لو شاركت صاحبة مراتى هنا وهبات عالسلم ،خلينى واقف ع جنب احسن

ضحك الجميع ف قال الثانى

_صالح الوحيد الل فهم الدنيا صح ومن حقه يشارك يابخته ابن المحظوظه

امسك صالح يد الفتاه وهم ب ان ينسحب من الجمع قائلا ونبرته يمتزج بها السمو

_اتغاظوا زيادة بقا عشان هشاركها الرقصة الجاية وانتو اتفرجوا علينا ياشوية متجوزين 

ذهب صالح مع الفتاة ورقصا سويا وسط الجمع الراقص من الثنائيات وف الوسط العروسان.

#نور_إسماعيل

____

"الحياة مجموعه من السقطات والأنكسارات والهزائم والمتاعب ومعهم انتصارات ومكاسب تحتاج صبرا وعنادا مع أنفسنا ومعها ستدرك تماما أن كل شيء يحدث في وقته تماما" (من كتاب حكايات البُعد واللقاء)

_ميرو...اميرة ،انتِ هتفضلِ ماسكه الكتاب كتير وقاعدة منفضالنا 

لم تنتبه اميرة لصوت رفيقتها ،فقالت الاخرى

_اه قولى كدا بقا،احنا جايين النادى ننزل نعوم شوية ونتمشى وسيادتك قاعدة بتاخدى تان ومسحولة قراية يابرونزية هانم 

اغلقت اميرة الكتاب بهدوء ونظرت إليهم ووجهها مبتسم 

_عاوزين ايه يا شلة الرغى 

_عاوزين نعرف ،هتعملِ ايه ف الل جاى فحياتك ؟

اعتدلت اميرة ف جلستها بعدما كانت ممدة على المقعد_الشيزلونج_امام حوض السباحة واردفت 

_الل جاى فحياتى بفكر اخليه ميشبهش الل فات بحرف واحد 

هرولت احداهن مسرعه ناحية اميرة وجلست بجانبها

_لاء بقا فسرى كلامك المجعلص بتاع الروايات دا وقولى كلام نفهمه 

_يعنى عاوزة اغير كل حاجه فاتت واتعودت عليها عشان كانت لازم تحصل مش عشان انا عاوزة 

نظرت إليهم فاغرات افواههم لها ف علمت ان لم تصل الرساله بعد ،ضحكت واردفت مستعينه بكلتا يداها 

_بصوا ، هغير اميرة القديمه بعيشتها والناس والصحاب ...عاوزة الحق اعيش بطريقه حباها 

قالت احداهن

_يعنى ايه ؟!

ردت الاخرى عليها قبل ان ترد اميرة 

_الل فهمته ان أميرة عاوزة تسيب البيت ل اونكل !

نظرت الى اميرة واومأت تتابع حديثها

_صح ولا ايه ؟

رجعت اميرة بظهرها إلى الخلف ،وقالت فى ارتياح

_هسيب البيت ، والناس ...هعمل الل تحبه اميرة وبس

_وهتسيبينا يا اميرة !

نظرت اميرة ناحيتهم وقالت

_ممكن مكونش دايما معاكم ، بس هكون معاكم متواصله دايما 

انا بس عاوزاكم تساعدونى ان القى نفسي الل ضاعت بايدين كانت بتحركنى ومكنتش انا 

ممكن !

نظرن كل واحدة منهم للاخرى وعادو بالنظر إليها ثانية يتأملون ردات فعلها عساهم يفهمون شيئا مما يدور ب رأسها..

___

صوت طرقات على الباب ...مرة ،الثانية ،فُتح الباب فى المرة الثالثه

_عيسي بيه يانجومية 

ابتسم عيسي وقام ب ادخال مساعده وهو يفرك فى عيناه ..اردف مساعده

_انت كنت نايم وللا ايه 

_ااه 

_طب فوق كدا عشان فيه كلام جميل جاى عشان اقوله لك ،برنلك من امبارح مش بترد

أردف عيسي إليه وهو فطريقه الى المطبخ 

_هعمل براد شاى كبير وجايلك ،عشان نفهم بعض انا اصلا نايم من امبارح

كوبان من الشاى الممزوج بورق النعناع الأخضر ، وجلس عيسي الى مساعده 

_عامل ايه يا ريس 

امسك عيسي كوبا منهما واردف

_عامل ايه ...شحات وبائس ومفيش شغل ولا فلوس ومعفن هكون عامل ايه 

_لا ياعيسوى ..لا يانجومية ،برضو الفنان يقول كدا 

_اقول ايه ماهو ع يدك 

كان ينظر المساعد الى ارجاء منزل عيسي وقال

_ايجارها عالى الشقه الالاجا دى صح

اومأ عيسي رأسه بالايجاب ، فتابع مساعده 

_طب م تسيبك منها وتأجر واحده فمنطقه محندقه ع ادك 

_مينفعش ياحمار ، الشقة والمكان بيدوا للواحد قيمه عشان انا ييجى شغل 

اومال عاوزنى اسكن فعشة من عشش المناطق الل تحت السلم وابقا كدا المخرج الل محصلش

اسكت ..اسكت خلينا نشرب كوباية الشاى 

احتمال تبقا اخر كوباية شاى فالقبيله 

ابتسم المساعد واردف بجدية 

_طيب م نعمل الل عاوزة المطرب الل اسمه الجن دا ونطلع بالسبوبة وخلاص

_بقولك ايه ياض يا شيطان انت ، انا سمعت كلامك واتنازلت وبقيت بخرج كليبات لناس بتنعر مش بتغنى وقولنا معلش اول السلم وبقينا مخرجين وادى النتيجة جه واحد ميسواش ٣جنيه وربع بهدلنا وعاوز نعيد الشغل الل طلع عنينا فيه عشان يعجب حضرته

_ياريس طاطى للريح بس ،كليب ل دا مطرب شعبي ،وكليب لمطرب مع رقاصه مشهورة والعجلة تمشى والفلوس هتبقا للركب

امسك عيسي مساعده من قميصه بطريقه مضحكه واردف

_وهبيع بانجو امتى ياض هاه، نعمل كليبات لرقاصات ومساطيل وابقا ادخل فالكادر انقط صح

نقطنى بسكاتك واشرب وغور خلينى اكمل نوم

_ياريس اسمعنى ،دى وبس...حتى يبقا معانا فلوس ندفع الل علينا ونمشى لآخر الشهر وبعدين يحلها الحلال

امتعض وجه عيسي واردف

_بص انا عارفك ،هو نفس البُق المعفن بتاع المرة الل فاتت واتنيلت سمعت كلامك وخليت واحد يشتغل فالمجارى العامة يقولى يابو وحمه وهو شبه البطاطس المسلوقه 

_طب خلاص اهدى ،بس انا هحاول معاه ومع الواد المساعد بتاعه ،وهخلى يطاطى ونمشى الكليب

صمت المساعد وعيسي ينظر إليه فتابع

_ومش هخلى حد يقولك يابو وحمه ،او يقولها بس فسره مرضى يابا؟

امسك عيسي الصنينة الموضوع عليها الاكواب وطرق بها جسد المساعد عدة مرات وهو يقوم بطرده 

_قوم ياض ،قوم يامعفن ...ودينى لانفخك يلا ياض من هنا 

#نورإسماعيل

____

_زين خليل السلطان! رشيد بك السلطان ...

قاطع زين مسؤل ال HR ب شركة معروفه للتسويق واردف ب ثبات

_يبقى عمى 

_وحضرتك جاى تقدم على شغل عندنا وعندك مجموعه بضخامه مجموعه السلطان !

نظر زين الى الاسفل وابتلع ريقه فتحركت تفاحه آدم البارزة ب رقبته ورفع عينه إلى المسؤل واردف

_ انا كنت المدير المسؤل للمجموعه ، وحاليا سيبتها وحابب ابدء بعيد 

تعجب المسؤل منه ،كيف له ان يترك ماله بالفعل ويأتي ليبحث عن عمل لا يساوى م كان عليه قديما ابداً..بادر زين بقطع الصوت المتحدث داخل هذا المسؤل

_لو فيه امكانيه بعد اطلاعك على اوراقى انى اتعين هنا دا شئ يسعدنى ولو مفيش ف...

_طبعا فيه يا استاذ زين ، بس الخوف ان استاذ رشيد يتضايق لو الموضوع دا وصله 

ابتسم زين بوقار واردف

_لاء متقلقش مش هيتضايق ،هو على علم باللى بعمله ...انتظر رد حضراتكم امتى

نهض المسؤل ومد يده لمصافحه زين بحفاوة قائلا

_تنتظر ايه حضرتك ،مبروك انت معانا يا استاذ زين من بكرة ..

تبسم زين ب احراز اول هدف له من اهدافه بيسر ومن دون تعقيد .

وفى المساء...كان يتتاول قهوتة الثقيلة بشرفه الفندق المقيم به مؤقتاً حتى يعثر على شقة للإيجار ،شارداً يتذكر ما مضى وماحدث وماترك ...ويرى امامه رسم لما ينوى فعله وماهو قادم إليه حتى قطع افكاره صوت هاتفه يرن ...احدهم اخبره ب انه وجد شقة مناسبة بمكان مناسب .

_ايه رأيك ي استاذ ؟!

كان يتجول زين بها ، جيدة الى حد ما ..الاجهزة التى بها ،الفراش 

كان يتكلم بداخله انه سيغير كل شئ شيئا فشيئا فيما بعد ، هبط لاسفل للتعاقد مع صاحب المنزل

_نورتنا ياسعادة البية 

_اشكرك، نتكلم فتفاصيلها عشان الحق اعمل تشيك اوت من الفندق واجى

نظر مالك المنزل اليه لم يفهم شيئاً ،ف اعاد زين حديثه مرة اخرى

_يعنى التفاصيل ايه يافندم 

_انت هتاخد شقه بمنافعها ،وبيتهيألى انها لقطه يابيه 

_مختلفناش ...اتفضل قولى المطلوب ايه 

_من عنيا بس اشرب واجبك الأول

بعد حديث لم يدوم طويلاً ، اتفقا الاثنين ودفع زين بما يسمى ب_العربون_له وهم بالرحيل حتى يجلب أشياءه من الفندق ،ف اوقفه الرجل قائلاً

_انت مش متجوز يابيه مش كدا؟

اختلجت عضلة فك زين واردف بصوته الهادئ 

_لاء مش متجوز 

_ اه يعنى عازب وهتسكن لوحدك ...طيب تحب تؤمر ب اى حاجه 

_لاء متشكر 

قالها زين ومن بعدها تذكر شيئا ف اردف

_ممكن بس لو واحدة ست تنضف الشقه ووو

ضحك المالك بخبث وربت على كف يد زين قائلا

_متقلقش يابيه كله هيبقا تمام انت بس تؤمر وكله هيجيلك لحد عندك 

تعجب زين من طريقة هذا الرجل،ومن ثم رحل فى طريقه يجلب اشياءه من الفندق 

وفطريق العودة اشترى بعض الاغراض اللازمه له ..

صعد الى شقته ورتب اشياؤه ، ولاحظ ان الشقة مازالت كما رآها لم يقوم احد بتنظيفها كما طلب وكما تعهد مالك البيت له.

رتب هو ما استطاع ودلف الى المرحاض تحمم ومن بعدها تناول وجبه عشاءه الخفيفه ..وتوضأ وصلى 

وهو على سجادة الصلاة سمع صوت طرقات على الباب ...طرقة ومن ثم الصمت ثم طرقه اخرى

ماهذا الارتياب!

نهض ورفع سجادة الصلاة بعيداً وهم بفتح الباب ف وجد سيدة ترتدى ملابس سوداء وووشاحا اسود تخرج خصلات شعرها المصبوغه صبغه رخيصه الثمن منه وضحكت ضحكة رقيعه واردفت

_سالورد ياباشا ...ياباشا البشوات كلها ،هيهيهي

دلفت وخلعت ثيابها والذى تبين من تحتهم ملابس عاريه مثيرة تضوى ألواناً كثيرة ،ف وقف زين مشدوهاً لايعلم ماهذا !

***