مساء الخير معاكم نور رضا من برنامجكم حكايات مذيع البيتذاع كل يوم جمعه الساعه ٣ العصر زمان لما كان حد بيتعرض ان حد يتريق عليه او ان حد يتضايقو او انا حد يسخر من شكلو او لبسو او مظهره كانت الناس بتقول علي التصرف ده مضايقه اهههههه سخريه تصرفات سخيفه من طرف معين بس وقتها مكنش فيه حد يعرف مصطلح التنمر ده تخيل معايا تكون لا بيك و لا عليك و معملتش لحد حاجه و تلاقي ناس بتضايقك و تتجاهلك و بتتريق علي طريقه كلامك او من لبسك او من شكلك ده اسمه تنمر التنمر من اسوء الحجات الممكن يتعرضلها الإنسان سواء كبير او صغير لأنها بتأثر علي حالتو النفسيه بعني انا اعرف واحد كده اتعرض لموقف اثر عليه جدا جدا بس قبل ما نقول ايه هو الموقف تعالو معايا نعرض سوأل الحلقه البقول(ازاي اعرف ان الموقف او الكلام القدامي ده تنمر)

هستنا اجابتكم علي ٠١١١٤٥١٠٠٠١ رقم الراديو او علي صفحه الاستوديو في انتظار اجابتكم و نطلع فاصل و نرجعلكم تاني 

فاصل                               

و رجعنالكم تاني معاكم نور رضا من برنامجكم حكايات مذيع البيتذاع كل يوم جمعه الساعه ٣ العصر و حلقه النهارده للمكنش متابع الحلقه عن التنمر هنتكلم النهارده عن التنمر و أنواعه بس الاول ايه هو التنمر؟ التنمر هو سلوك عدواني بيقع علي الإنسان سواء اذا كان طفل او كبير ممكن يكون التنمر لفظي او جسدي لفظي بمعني كلام مؤذي او حتي حركات مؤذيه حتي التجاهل انا بعتبره من رأي الشخصي تنمر الجسدي شئ معروف و هو عباره عن عنف و الأطفال و المراهقين هما اكتر فئتين بيتعىضو للتنمر من زملائهم الكبار بنسبه اقل شويه ...

بس ايه سبب تسميه التنمر بالاسم ده ؟

لما دورت عن الموضوع عرفت ان لفظ التنمر مستوحي من النمر او الحيوان و بالظبط حسب قاموس المعاني معناه غضب و ساء خلق و تشبه في بالنمر  

و زي ما قولنا التنمر ممكن يكون ليه اثار زي النفسيه المتضربه و ممكن تبوظ حياه شخص. يعني انا اعرف واحد كده جارنا أتعرض لموقف من المواقف دي 

ايه هي الحكايه بالظبط الحكايه ان الولد ده هنقول عليه سامي كان بيعاني من مشاكل في ماده الماث إلهي الرياضيات مكنش بيعرف يحل فيها خالص و كانت المدرسه بتاعتو كمان مش مساعداه لحد ما جتلو مدرسه جديده و قال بقه ايه ان هي هتساعدوه و تقف جمبو بس الحصل عكس كده تماما إذ ان المدرسه بدأت تتنمر عليه لمجرد انو مكنش فاهم الماده و كانت دايما تقفله علي الواحده لحد ما قرر انو يشتكي للمدينه بس المديره مسدئتوش دخل سامي فحاله نفسيه بشعه بسبب تنمر او مضايقه المدرسه دي ففكر يلاقي حل لحد ما قرر انو يسجل كل حاجه المدرسه بتقولها و تعمد انو يسأل اسئله غبيه عشان هي توجهلو كلام مش لطيف و جمع كل التسجيلات دي و وداها للمديره فلما المديره سمعت التسجيلات دي مكنتش مصدقه نفسها و قررت أن هي ترفد المدرسه دي الهدف من القصه ان انت تعرف ان انت مش الوحيد الممكن تتعرض للتنمر في ناس كتير بتتعرض للتنمر و اعرف ان انت مش لوحدك و ان كلنا معاك و لو انت تعرف حد بيتعرض للتنمر كون مستمع كويس قوله ان انته مصدقه اتكلم مع مدرسه او مدرس الفصل او المدرسه عن الموضوع كن أنت داعم ليه و لو هتكون الوحيد و بمناسبه ان انت مش الوحيد البيتعرض للتنمر تعالو نطلع فاصل بس افكركم بسوال الحلقه البقول ازاي اعرف ان الموقف او الكلام القدامي ده تنمر هستنا اجابتكم علي رقم ٠١١١٤٥١٠٠٠١ رقم الاستوديو او علي صفحه الاستوديو في انتظار اجابتكم و نطلع فاصل و نرجعلكم تاني 

فاصل                             

و رجعنالكم تاني معاكم نور رضا من برنامجكم حكايات مذيع البيتذاع كل يوم جمعه الساعه ٣ العصر و حلقه النهارده للمكنش متابع الحلقه عن التنمر اثبتت abc news ما يقرب حوالي 30 في الميه من الطلاب هم ضحايا التنمر من زملايهم و حوالي 160000 طفل بيفضلو قاعدين في بيوتهم و مبيبقوش عايزين يروحو المدرسه عشان هما خايفين من التعرض للتنمر 

اثبتت الدراسات و الأبحاث ان التنمر بيحصل في كتير من دول العالم و في مصر بلغت نسبه التنمر ببن الأطفال حوالي ٧٠ في الميه  

و في دراسات بردو بتقول ان معدلات التنمر بتتراوح ما بين الارتفاع و الهبوط مقارنه بالمرحلة العمريه للأطفال و غالبا ما بتحصل حالات التنمر في في المراهقه المبكرة و الصفوف المتوسطه و في دراسه في الولايات المتحدة الأمريكية شملت 20426 طالب من المرحله الثانويه ان 60في الميه من الاتعرضو للتنمر الإلكتروني هما بردو ضحايا تنمر الواقعي 

ده غير ان اليابان سجلت ٤١٤.٣٧٨ حاله تنمر خلال سنه 

٢٠١٧

و في دراسه لقت ان ١ من ٨شباب حول العالم عندهم سلوكيات انتحارية حيث أن التنمر مرتبط بقوه بمحاولات الانتحار و ده مرتبط بالاتذكر بصحيفة الاندبندنت البريطاني   

تعالو نطلع فاصل بس قبل ما نطلع افكركم بسوال الحلقه البقول ازاي اعرف ان الموقف او الكلام القدامي ده تنمر هستنا اجابتكم علي ٠١١١٤٥١٠٠٠١ رقم الراديو او علي صفحه الاستوديو في انتظار اجابتكم و نطلع فاصل و نرجعلكم تاني 

فاصل                                

و رجعنالكم تاني معاكم نور رضا من برنامجكم حكايات مذيع البيتذاع كل يوم جمعه الساعه ٣ العصر و حلقه النهارده للمكنش متابع الحلقه عن التنمر

كنا عرضنا سؤالنا البقول ازاي اعرف ان الموقف او الكلام القدامي ده تنمر ناخد معانا اول كومنت من من الاستاذه غاده اشرف بتقول انه علي حسب مين القالوه احنا ساعات بيتقال كلام من حد نقبله و حد تاني لا الصحاب ياما بيهزرو مع بعد بكلام كتير لكن لو حد مش مسموحلو انو يتجاوز ده لا ده كلام مظبوط جدا بس احنا بردو لازم نكون عارفين ان التنمر تنمر مهما كان جاي من مين 

تاني حد معانا الاستاذ اسلام ابو العله بيقول لما تلاقي كلام اوفر عن المألوف او مجامله مبالغ فيها  

بالظبط كده كلام حضرتك واقعي جدا 

تعالو نطلع فاصل صغير و نرجعلكم تاني بس متنسوش سوأل الحلقه البقول ازاي اعرف ان الموقف او الكلام القدامي ده تنمر هستنا اجابتكم علي رقم ٠١١١٤٥١٠٠٠١ رقم الراديو او علي صفحه الاستوديو في انتظار اجابتكم و نطلع فاصل و نرجعلكم تاني 

فاصل                                 

ورجعنالكم تاني معاكم نور رضا من برنامجكم حكايات مذيع البيتذاع كل يوم جمعه الساعه ٣ العصر و حلقه النهارده للمكنش متابع الحلقه عن التنمر 

كنا عرضنا سؤالنا البقول ازاي اعرف ان الموقف او الكلام القدامي ده تنمر 

معانا كومنت بيقول من الاستاذ محمد سيام بيقول ان احنا بنشوف الدنيا زي ما احنا عايزين نشوفها 

بصراحه انا مش فاهمه كومنت حضرتك اوي و ايه علاقتو بالموضوع التنمر 

و في نهاية الحلقه احب اقول ان التنمر مش حاجه سهله خالص التنمر ممكن يدمر حياه انسان انا بنصح كل مستمع ان يكون صديق كويس و ان انت تعرف ان هما مش بيتنمرو عليك عشان عيب فيك دول بيتنمرو عليك عشان هما عندهم مشكله في طبعهم ولو انت عندك مشكله انك بتتنمر علي الناس فا دايما افتكر الايه القرانيه البقول (ياايها الذين آمنوا لا يسهر قوم من قوم عسى ان يكونو خيرا منهم ولا نساء من نساء عسى ان يكن خيرا منهن )

 بشكركم لحسن استماعكم و في انتظاركم في الحلقه الجايه