هل الحيوانات لها مشاعر ؟

يا صباح الورد و الياسمين علي احلي مستمعين مستمعي راديو سكوب /معاكم نور رضا من برنامجكم اليفك سر سعادتك /البيتذاع كل يوم خميس الساعه ٩ الصبح/

تخيل معايا عزيزي المستمع تكون راجع من الشغل تعبان و مش قادر/ و يصادف انك تشوف قطه او كلب / تحس بالعطف نحيتهم/ و تبدأ تلعب معاهم و تجيبلهم اكل و تأكلهم / بتحس بالسعاده ها اكيد بتحس بكده انا حسه بسعادتك من هنا /المهم /السؤال هنا /هل بتحس الحيوانات بالمشاعر زي دي /يعني مثلا الزعل او الفرح او الكره او الحب / هستنا اجابتكم علي رقم ٠١١١٤٥١٠٠٠١ رقم الراديو/او علي صفحه الاستوديو/في انتظار اجابتكم و نطلع فاصل و نرجعلكم تاني 

و رجعنالكم تاني معاكم نور رضا من برنامجكم اليفك سر سعادتك /البيتذاع كل يوم خميس الساعه ٩ الصبح / و حلقه النهارده للمكنش متابع الحلقه عن مشاعر الحيوانات / بس الاول / ايه هي المشاعر ؟/ والله علي حسب خبرتي المشاعر هي عباره تجربه بتميز بالنشاط الشديد/بس يعني مفيش علماء أجمعوا علي كون فيه تعريف للمشاعر/ و غالبا ما بتتشابك العاطفه مع المزاج و الحاله النفسيه و الشخصية/ بس هل الحيوانات بقه بتحس بنفس الاحاسيس الاحنا بنحسها إلهي الزعل و الفرح و الكره و الحب و كده ولا ايه ايه ؟ / والله يعني هي حاجه اكيده منقدرش ننكرها ان الحيوانات كائنات حيه /يعني اكيد عندهم أحاسيس ولو بسيطه/ يعني انا اعرف حكايه واحد كان صاحب بابا /الله يرحمه بقه / كنت انا ة بابا قاعدين نتكلم عن القطط نظرا ان انا شخصيا عندي تلت قطط في البيت /كنا بنتكلم عن انهي احلا /القطط ولا الكلب/ فا بابا حكالي قصه كانت في منتهى الجمال / كان صاحب بابا /هنقول عليه محمد / مكنش عنده صحاب / و مكنش متجوز / فا اشتره كلب عشان يونسه / بس الكلب مكنش بس مجرد حيوان عند احمد /ده كان صديقه الصدوق /ده كان انتيمه /كان حياته كلها / بس للاسف جه وقت علي محمد و حس بتعب فظيع و مقدرش يقوم منه / فدخل الكلب في حاله من الاكتئاب/ طبعا هتقولي دلوقتي كلب و اكتئاب بيتجمعو في جمله واحده / هقولك نعم / الكلب مكنش مستوعب فكره ان صحبه مش هيرجعله تاني / طبعا انت هتقولي ايه ده يا نور ايه القصه الكئيبه دي يعني...اكتئاب و و كلب صحبه مات ... و بتاع باين عليها مش قصه واقعيه خالص هقولك عزيزي المستمع القصه دي حصلت بالفعل هذه القصه عزيزي المستمع تدلل علي وجود مشاعر لده الحيوانات / بس تيجي ناس تقولك لا بردو احنا مش مقتنعين ان الحيوانات ليها مشاعر / ممكن تكون دي حاله واحده بس حصلت مش معناه ان هي بتنطبق علي كل الحيوانات يعني / فيبقى هنا السوال /هل كل الحيوانات بتحس بمشاعر حزن او فرح او حب او كره و لو عندك تجربه ياريت تحكيهلنا / هستنا اجابتكم علي رقم الراديو ٠١١١٤٥١٠٠٠١ او علي صفحه الاستوديو في انتظار اجابتكم و نطلع فاصل و نرجعلكم تاني

 و رجعنالكم تاني معاكم نور رضا من برنامجكم اليفك سر سعادتك / البيتذاع كل يوم خميس الساعه ٩ الصبح /و حلقه النهارده للمكنش متابع الحلقه عن مشاعر الحيوانات / في الدراسه اتعملت في سنه ٢٠٠١ /في احدي معامل أوروبا /كان الدكتور Jack pankseep عالم النفس و الأعصاب مع زميله الباحث في علم النفس و السلوك Jeffery burgdorf راحو معمل و حضروه و جهزوا فران للتجارب و قالو ان احنا في التجربه دي / بدل ما نعذبها و نطلع عينها/ احنا نغير المسار شويه و نعملهم مساج و هنزغزهم / و نشوف رد فعلها هيكون عامل ازاي / و نتيجه عزيزي المستمع ان هما لقو استرخاء ملحوظ / و احيانا مع الزغزغه كانت الفران بتدي رد فعل صوتي / بأصوات خارج نطاق سمعنا /حاجه كده بسيطه كده صغننه حوالي ٥٠ kHz / بس برغم بساطه أفعال زي التفليه و المزاج / الي ان ده سلوك مهم جدا في مملكه الحيوان/ ده بياخد وقت كبير جدا من يومه/ في حيوانات تخصص في التفليه/حيوان مثلا زي البابونج بيعد حوالي ١٧ في الميه من يومه يسرح شعر رفيقه و ينظفه من الحشرات و احب اقولك ان الفعل ده مش بس للنظافة /حوالي ١ في الميه بس من الوقت ده كافي ان يوفرلهم النظافه الهما محتاجينها / حتي الاناث /يعني الذكر لما يرجع من خناقه او حاجه/ تمسكه و تعد تفليه كده /منظر في منتهى الرومانسيه/عشان تخفف من التوتر عنه / الشيبانذي مثلا بيميل انه يشارك اكله مع الفرد الكان بيفليه/ و لو عزيزي المستمع لو انت من محبين تربيه الكلاب او القطط فا انت هتلاحظ حرصهم ان هما ميفوتوش الوقت ال انت تلعب في شعرهم فيه /الاه!؟/ طب ايه/ في دراسه اتعملت في 2014 في جامعه ليفر بول / بتقول ان الجلد و خصوصا المناطق المشعره /بتحتوي علي خلايا عصبيه حسيه/ اسمها setaactil /بتبقه مسئوله عن اسثاره مشاعر الحب / زي التلامس ال gentle علي الحيوان / ال self awarness دي او الشعور بالذات موجوده عند الإنسان والحيوان / برغم من ان وعي الإنسان بنفسه ليه تتابعات اكتر تعقيدا زي الanxiety و الاحاسيس النفسيه و الكلام ده كلو / بس بردوا / هل الحيوانات بقه بتحس بنفس الاحاسيس الاحنا بنحسها إلهي الزعل و الفرح و الكره و الحب و كده ولا ايه ولو عندك تجربه ياريت تحكيهلنا هستنا اجابتكم علي رقم الراديو ٠١١١٤٥١٠٠٠١ او علي صفحه الاستوديو راديو سكوب في انتظار اجابتكم و نطلع فاصل و نرجعلكم تاني 

ورجعنالكم تاني معاكم نور رضا من برنامجكم اليفك سر سعادتك/البيتذاع كل يوم خميس الساعه ٩ الصبح/ وحلقه النهارده للمكنش متابع الحلقه عن مشاعر الحيوانات/عرضنا سؤالنا البقول هل الحيوانات بتحس بمشاعر حزن او فرح او حب او كره و لو عندك تجربه ياريت تحكيهلنا؟

تعالو معايا نشوف ردود الناس اول واحده معانا شيري بتقول ( طبعاً بيشعروا وبيحسوا صغار القطط مثلاً زى البيبى المولود تمام لما تجوع تبدأ تنونو جنب صاحبها عشان يأكلها ولازم اللبن يكون خفيف زى لبن الأطفال والأكل يكون بعد كده بالتدريج..وكمان يحزنوا لو الأم فقدت أطفالها أو العكس.)

..............

و تاني حد معانا هبه بتقول(اكيد طبعا والا مكنش ست هتدخل النار بسبب انها حبست قطة

وراجل هيدخل الجنة بسبب انه شرب كلب)

...............

و تالت حد معانا رزان بتقول(دي الأم بتبقى قلقانه جدا على أولادها و تهاجم اي حد يقرب منهم و مستعده تأذي نفسها بس تحميهم????)

............

تعالو نطلع فاصل بس افكركم بسوال الحلقه البقول هل الحيوانات بتحس بمشاعر حزن او فرح او حب او كره و لو عندك تجربه ياريت تحكيهلنا هستنا اجابتكم علي رقم الراديو ٠١١١٤٥١٠٠٠١ او علي صفحه الاستوديو راديو سكوب في انتظار اجابتكم و نطلع فاصل و نرجعلكم تاني

ورجعنالكم تاني/ و الوقت الحلو بيعدي بسرعه معاكم / معاكم نور رضا من برنامجكم اليفك سر سعادتك/البيتذاع كل يوم خميس الساعه ٩ الصبح/ و حلقه النهارده للمكنش متابع الحلقه عن مشاعر الحيوانات/ كنا عرضنا سؤالنا البقول هل الحيوانات بتحس بمشاعر حزن او فرح او حب او كره و لو عندك تجربه ياريت تحكيهلنا/ تعالو معايا نكمل بقيه الردود علي السوال ده/ معانا غاده بتقول (طبعا و جدا و اوي .. 

انا عندي الكلب بتاعي مره كسر نضارة بنتي .. قومت زعقت له و ضربته ضربة واحده .. و خرجت بس قلبي كان واجعني طول القعدة عشان عمري ما عملتها .. رجعت البيت مخصوص .. اول ما دخلت بناديه مش راضي يجي زي ما كان بيجي اول ما يسمعني رجعت و كان زعلان اوي .. عشر دقايق بصالح فيه عشان يرضي يمد أيده يسلم عليا زي عادته .. ماهديش غير لما طبطبت عليه و اتكلمت معاه .. و ماعملتهاش تاني حتي لو ايه ازعق له اه بس ما اضربش . 

الحيوانات بتفهم اوي و تحس اوي .. و الكلب بتاعي انا بحبه اووووووي .. ده ف حته تانية ❤️❤️❤️❤️❤️❤️❤️❤️❤️)

.........

و معانا ريما بتقول(بتحس جدااا ايوه . شوفت فيديوهات كتير لحيوانات بتعيط سواء زعلانة علي حد منها او عشان اي أذي اتعرضت له ... بيحسوا اكتر من ناس كتير والله يانور ????????????)

.........

و معانا اخر حد الاستاذ اسلام بيقول(طبعا بتحس.. و بتفهم جدا. ????

القطة عندي مثلا.. كنت تعبان و مش عايز اشيلها علي رحلي او صدري..

حاولت كذا مرة و بعدين كشرت و زعلت و قعدت جنبي تبصلي و عنيها دمعت من الزعل ????)

........

و في نهاية الحلقه احب اقول ان كل الكائنات الحيه بتحس / فده يخلينا نعيد النظر في طريقه تعاملنا مع الحيوانات في الشارع او في حديقه الحيوانات /نظرا ان دي كائنات بتحس فا احنا محتاجين يبقه عندنا القليل من الرحمه في التعامل معاها / و في النهايه احب اشكركم على حسن اسماعكم و في انتظاركم في الحلقه الجايه